SHAPE YOUR LIFE: تأملات صورة

تأملات صورة

, الخميس، 24 يونيو 2010

لما شوفت للصورة

افتكرت الحُضن

وقلت الله الله

يا سلام على الود

يا سلام على الحب

يا سلام على القرب

يا سلام على القلب

************

فى لحظة

ابتسمت العين

قالت
فى ضمة وغين

كفاية سلامات وحروف اهات

خلينى افتكر واتملى

ده حضن الام ولا حضن المحبة

ده حضن الدفء ولا حضن الضمة

ده حضن الحنين ولا حضن الالفة

**********************

فى فمتو ثانية

بص الحاجب واستعجب

ايه يا عين مالك كده ذكراتك ضعفت

اسم الله عليكى الله حارسك

*************************

فى ثانية

الانف
علامة وشامة

من بعيد تشوفه
واحد نافخ زوماره

مستقيم الشكل دائرى الانتهاء ذو امارة

الحضن ده همسة جوايا

شعيراتى حست بطلاوة وحلاوة

الله عليه كانت ايام شقاوة

***************

تؤتؤ تؤتؤتؤ تؤتؤتؤتؤ

فى هجوم ضارى

تشكيل منظم حضارى

مُكون من اثنين وثلاثين كالسيوم مَحارى

حامل لوا التشكيل

ثمانية قواطع اربعة انياب فى ثبات

اثنا عشرا ضرسا" ومثلهم نواجذ

فى دقيقة

قالوا احنا الاسنان

الحضن عندنا ظاهر بيان

ابيض اللون ممزوج القوام

ناعم الملمس سهل الهضم كيان

لبن مصفى نعمة من الرحمن

******************

فى ساعة

اللسان كان للخارج

المذاق ده لعبتى والحضن مذهبى

ده فيه لذتى فيه انس احبابى

***********************

فى يوم

الشفاه كانت لمة

بقايا الحروف والكلمة

وفى صوت عالى روحانى

بلاش نقول كلام ومعانى

شوفوا الصورة فى هدوء كيانى

لقطة صفا لقطة سعادة وهنا

بنحس بيها فى ربوع الاحضان

ومن بعيد ظل الاطمئنان

يلا كلنا ننادى على الايد

ترفع الكف مع الكف

ونشكل كلنا قسمات وجه

ونقول فى فرحة وانس

يارب فرحان انى ليك عبد

**********************

****************

لما شوفت الصورة

احترت فى المعنى

وهب عليا كلام

وثار معاه وجدان

والروح ارتقت فوق

سجادة سندسية الشكل نبتها ثمار

اشجار قصور انهار

انبياء رسل اطهار

اصحاب علية القوم اخيار

حور متحورات الجمال سبحان

وفى لحظة كان صمت الحديث

وكانت لقطة كيان

عرشك يا ربى مظلل الجنان

انفرجت اساريرى كأنى

ورقة شجر تتمايلها النسمات ذرات

ياااااااااااااااااااااااااااااربى

عبدك راكع ليك ساجد

هنا الوطن هنا الاحضان

لما شوفت الصورة ........؟

18 Response to "تأملات صورة"

أنا - الريس Says:: لما شفت الصورة
عرفت ان مصر لو كانت من الاوباش نظيفة
كانت حضنتني نفس الحضن أو احلي
لكن
ايه العمل
الكواسر فيها
أفعلهم غوادر
والشر ظاهر
مسيره اليوم
في ساعة عصر
يدمر
وتحضني مصر; 24 يونيو 2010 في 11:31 ص
غير معرف Says:: لما شفت الصوره اتمنيت اكون ام :)

تحياتي; 24 يونيو 2010 في 11:36 ص
SHAPE YOUR LIFE (ABOALI) Says:: الى الريس
تقائل يكن التفاؤل بريق ضياء
ينير دربك ان شاء

كفاية انك تبقى انت حضن لغيرك وغيرك يحس بيك

والحضن الحقيقى ليس حضن مصر

تقديرى المستمر; 24 يونيو 2010 في 11:58 ص
SHAPE YOUR LIFE (ABOALI) Says:: الى فتاه من الصعيد

ياااااااااا فندم وان شاء الله تكونى اروع ام

تقديرى لنظرات الحنان التى شعرت بها; 24 يونيو 2010 في 11:59 ص
القدر و انا Says:: الله عليك
لما شفت الصورة عرفت فين هو الأمان
اصلى المعنى ده تايه من زمان
تفتكر يومنا اللى كان
ممكن يرجع بينا تانى للأمان
يارييييييييييييييييييييت
لما شفت الصورة حسيت اد ايه حضن امك ..هو الوحيد اللى يزيل همك
ودعيت من كل قلبى
ان بلدى تبقى بلدى اللى تضم
تبقى بلدى اللى تزيل الهم
ياريييييييييييييييييييت; 24 يونيو 2010 في 12:31 م
غير معرف Says:: اما شوفت الصوره افتكرت حلم
افتكرت فستان ولمه وزغاريد
اما شوفت الصوره قولت امتى ابقى ام
اما شوفت الصوره قولت ليه يازمن انا لوحدى وليه يا بابا روحت; 24 يونيو 2010 في 2:32 م
الزهرة البرية (Joudy) Says:: أولا بحييك جدا على كلماتك دى انت بتوصلها ازاى ده مش حسد ده نق بس ههههههههه ما شاء الله عليك

انا بقى لما شوفت الصورة شوفت امل فى الساعة اللى جاية حسيت بأمان مفتقد فى أحيان كتيرة حسيت بنقاء وصفاء يفوق حدود الزمان والمكان حسيت بأمل وحياة بتنبض بين قلبين امتزجوا بقوا قلب واحد

هو ده اللى شوفته

دمت بكل الخير والسعادة; 24 يونيو 2010 في 3:14 م
لــــ زهــــــراء ــــولا Says:: سيدى الفاضل ابوعلى

الصوره اكتر من رائعه ياله من حضن يشعرنى بالامان حينما نظرت له
عيون العصفور الصغير وهى مغلقه توحى بالاطمئنان والراحه
يالها من صوره لا اجد اى تعليق عليها
نبدا على بركة الله فى قراءة البوست
الله على الاحضان الجميله الرقيقه كل واحد فينا يشتاق الى حضن امه مهما كانت قريبه منه او بعيده عنه لايوجد فى هذا العالم حضن اوسع من حضنها لانها باختصار طاقة الحنان والامان ...

يا خبر على الكلام الرائع بل الاكتر من رائع والرقيق والعميق
كل ده فى الصوره بسم الله ما شاء الله على نظرتك للصوره

على فكره ليس بشرط ان يكون الحضن مادى ولكنه من مجرد نظره او بسمه او ضحكه يمكن ان يكون حضن عمييييييييييييق اوى اوى كله موده

تسلم ويسلم كلامك والصوره بتقوووول كتير اوى اوى
دعواتك فى المذاكره الله يكرمك علشان اخلص لانى اتخنقت بجد ....

زهــــــــراء; 24 يونيو 2010 في 3:50 م
لــــ زهــــــراء ــــولا Says:: اهاتخلينى افتكر واتملىده حضن الام

ولا حضن المحبة

ده حضن الدفء ولا حضن الضمةده حضن الحنين ولا حضن الالفة

" دا حضن الدفء والحنين والالفة"

انا بحب الشتا والتلج والسقعة

عشان بحب الحضن والدفا واللمة الحلوة

الصورة فكرتني ببيتنا زمان

لما كنت فيه بين ماما وبابا بشعر بالحنان

وكان اكبر هم ليا لعبتي

والضحكة الحلوة دنيتي

والغنوة واللعبة سامري وانستي

بحب الشتا وبحب التلج والسقعا

عشان لما خرجت للعالم افتقدة الناس الحلوة

ارتبيت ملاك وطلعت لقيت غابا

وناس ديابا ومش بعادة

رجعت تاني ادور جوا مني

على ذكرياتي وانا بغني

ونفسي تاني ارجع للمة الحلوة والضحكة ولعبتي

عايزة ارجع احب الشتا والتلج والسقعة

عشان احس بالحضن والدفا وسط اللمة الحلوة

لولا; 24 يونيو 2010 في 3:54 م
كلمات من نور Says:: {تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيماً غَفُوراً }الإسراء44

سبحان الحنان المنان من له الدوام والعزة والملكوت ....منتهى الامن والأمان ...حضن جميل فكرني بمصر الحبيبة; 25 يونيو 2010 في 11:45 ص
brightlyanny Says:: ازيك ابو على ؟؟

لما شفت الصوره افتكرت حضن اختى واد ايه انا محتاجاه الامان -المشاركه-الطفوله-البهجه..

الصوره تحفه يارتنا زى العصافير احرار..
مفيش اسوار تقف قدامناااا..

تحياتى ليك ابو على..; 25 يونيو 2010 في 4:03 م
SHAPE YOUR LIFE (ABOALI) Says:: الى القدر وانا

الله على كلامك الجميل
صديقنى استمتعت به اكثر من البوست
استمتعت بالاحساس الراقى الجميل
واد ايه صورة ممكن تخلينا نسرح بخيالنا بعيد ونحس ببسمة وذكرى

ربنا يهبك كل ماهو جميل ويهب كل الجميل لك

تقديرى; 26 يونيو 2010 في 12:12 ص
SHAPE YOUR LIFE (ABOALI) Says:: الى الشوكة الناعمة

الله على جمال ما تذكرتى حين شوفتى الصورة

ربنا يجعلك العروسة والام والناصحه والعاملة بكل مهو خير

وهمسة فى اذنك
ذهب الرسول صلى الله عليه وسلم عنا وتوفى
لانه ذهب فى المكان الافضل
خلى عندك ثقة ان اباكى فى المكان الافضل
وانه ان الاوان لتكون ابنته قوية قادة على الوقوف والتعبير عن نفسها وصنع سعادتها بنفسها

تقديرى لوجودك الدائم; 26 يونيو 2010 في 12:15 ص
SHAPE YOUR LIFE (ABOALI) Says:: الى الزهرة البرية

ماشاء الله على التألق
الناس متألقة فى التعليق
جميييييييييييييييل ما نثرتيه عندما شوفتى الصورة
اد ايه فعلا احساسك صادق فطرى
وان شاء الله البسمة والامل يكونا جناحا حياتك

وان كان النق هايكون بعده كلام زاى كده
نقى يا ستى براحتك
اخوكى راضى مادام اخته مبتسمة وسعيدة وراقية

تقديرى; 26 يونيو 2010 في 12:18 ص
SHAPE YOUR LIFE (ABOALI) Says:: الى زهراء
اولا
ان شاء الله توفيق فى المذاكرة والفهم الصادق الدال على النجاح ان شاء الله

وبلاش تقولى مخنوقة
انتى زهراء فواحة يتعطر بيكى الياسمين

اما عن الصورة
الله عليكى حين دققتى فى الصورة
فعلا عين تغمض الاجفان لانها شعرت بما تبحث عنه وقالت انه متوفر فلما لا انام باءطمئنان

ربنا يهب لك الاطمئنان ومواكب الاحضان التى تسعدك كل الايام

تقديرى; 26 يونيو 2010 في 12:25 ص
SHAPE YOUR LIFE (ABOALI) Says:: الى لولا

ههههههههههههههههههه
سعيد سعيد جدا
ان الصورة اثارت هذا الكم من الاحساس

والصورة يا ستى هدية منى ليكى
خليها قصادك
تكون ليكى بسمة فؤاد
ولما تحسى بالخوف تكون ليكى ضمة كيان
ولما تشعرى بالفرحة تفتكرى رضا الرحمن
ولما تحبى الدفا تفتكرى احضان الحنان

خلى عندك الصورة فى الالبوم
اكيد فى يوم من الايام هايكون ليها لزوم

تقديرى لما نثرتى; 26 يونيو 2010 في 12:32 ص
SHAPE YOUR LIFE (ABOALI) Says:: الى كلمات من نور

مصرية وعيونك بتقول انك مصرية
وان شاء الله
نتمتع باءحضان اوضاننا

متعكى الله بدفء المشاعر والجميل من الافراح ان شاء

تقديرى المتواصل; 26 يونيو 2010 في 12:35 ص
SHAPE YOUR LIFE (ABOALI) Says:: الى برتلى

الله عليكى

ربنا يخلى ليكى حضن اختك وتقدرى تزريها وتشحن رصيدك كل فترة

العصفور مهما طار كان له عش ياءوى فيه

طيرى بمشاعرك و خيالك ويقينا

ستجدى كل الاحضان التى تستحقين

تقديرى العميق; 26 يونيو 2010 في 12:37 ص