تنظيم شكمان

, الخميس، 17 يونيو، 2010


لقراءة  هذا البوست الادوات المطلوبة 
شفشق كريدية لتنزيل الضغط
كيلو لب سوبر 
كيلو لب ابيض 
كيلو سودانى 
وده لزوم انى البوست طوووووووووووووووووووووووويل ورزل وسقيل
سجادة صلا
ودى لزوم الدعوات الصالحة اللى هاتتدعوها بعد  القراءة 
يلا بقى روحوا منكوا لله واقرائوا البوست بضمير بلاش كلمة من هنا وكلمة من هنا 
كفاية بقى ميلتوا البلد

البوست اهووووووووووووووووووووووووو هيييييييييييييييييييييييييييييييه

يلا يا دم الغزال اركب العربية  ورانا مشاوير كتيرة وكمان انت عاوز تتفسح
حاضر يا بابا *** بابا هو ايه الصوت العالى اللى فى العربية ده ؟
ده صوت الشكمان يا دم الغزال محتاج تصليح
وايه دور الشكمان فى العربية ؟
انت عارف يا دم الغزال انى علشان الموتور يشتغل بيكون فيه مصدر للطاقة اللى هو البنزين
لما يدخل البنزين الموتور ويعمل مهمته فى دوران الموتور بيكون فيه نواتج غير مفيدة  بتخرج  من الشكمان
الله يا بابا الله
على كده احنا عندنا كبنى ادمين شكمان
فعلا يا دم الغزال الانسان عنده 2 شكمان
يا بابا واحد  بس مش 2  وبلاش تستغل طفولة ابنك وتقوله 2
طيب ايه الشكمان اللى انت تعرفه ؟
شكمان الجسم يا بابا  اخراج الفضلات بعد الاكل  والذى منه
اممممممممممم قصدك لما بتقعد معذبنا ساعة وانت فى الحمام
ههههههههههههههههه اه فعلا
الشكمان التانى بقى يا سيد دم الغزال هو شكمان الروح والنفس
حاجات كتيرة بتحصل على مدار اليوم والشهر والسنة
محتاجين اننا نفلتر الحاجات دى وتخرج من اروحنا علشان ضررها كتير
زاى ايه يا بابا ؟
مثلا يا سيدى   اللامبالاه والاهمال اذا فضلت جوانا هاتكون النتيجة اننا هانفقد احساسنا اننا علينا مسئولية فى الحياه وتعميرها
على كده يا بابا ده انا الشكمان بتاعى كان مسدود لفترة كبيرة
الواد زجزج اخويا لسه مكعبله وقعدت اغيظ فيه وماما وكتير
ربنا يهديك يا دم الغزال وشكمانك يتصلح
***************************
وصلنا حديقة الحيوان (جنينة الحيوان )
نتفرج بقى على الحيوانات اللى بتحبها لمدة ساعة ونروح مكان تانى
ماشى يا بابا
من على بعد صوت صريخ وعويل وشباشب بتطير
 الحقووووووووووونا الحقووووونا  وناس بتجرى
فيه ايه فيه ايه .............................؟
الحق يا بابا بيقولوا الفيل هرب ومنطلق فى الحديقة
طب يلا يا ابنى نجرى
تعرف يا بابا كان نفسى اقابل فيل فعلا من غير حدود كده كأننا فى الغابة
قووووووووووووولت ونولت يا روحى اهو قصادنا  يا فقرى
وهنا اااااااااااااااا
الفيل يقف يمنع عملية هروبنا الفاشلة من اساسها
سبنى عليه يا بابا ؟ انا هاقوله اننا بنى ادمين وكنا جايبين معانا خس ياكله  
ده حتى ده فيل مش نضيف ريحته وحشه بشكل
وهنا ينهار الفيل ارجع يا دم الغزال لازم تلسن على الفيل
وفى صمت كأن عيون الفيل تدمع قائلة
معقولة يا ابنى ادم يا محترم  شهر يمر عليا من غير اى حد يحمينى وينضفنى
اروح لمين اشكى لمين؟
الريحة كل يوم بتزيد وانتوا يا بشر بتستحملوا رؤية  منظر الزبالة وده شيىء عندكوا عادى
لكن انا لألألألألألألألألألألألألألألألألألألألألألألألأ
ربنا خلقنى فى الغابة اروح كل يوم للبحيرة انظف نفسى واستحم اكتر من 5مرات
وجيت هنا مستوايا نزل وكرهت نفسى من الريحة
حرام عليكوا بقى
خرجونى معاكوا مش بره الغابة بتاعتى
الحق يا بابا الحق
الفيل الشكمان بتاعه كان مش مسدود  ده كان مكتوم  

وفى اثناء اعتراف الفيل
تأتى قوات الامن المركزى وتحاصر الفيل
ويتم القبض على دم الغزال وابوه بتهمة تكدير الامن العام وبث افكار خبيثة اعترض عليها الفيل
وفى اثناء الركوب فى البوكس
بابا هو شكمان البوكس ريحته وحشه كده ليه ؟
دلقوتى تعرف  ياااااااااااااااكبدى 

******************************


سين ؟ ما سبب وجودك مع الفيل ؟
يا فندم كنت بافسح الولد وسمعنا انى الفيل هرب
سين ؟ يقول الشهود انكوا عملتوا استثارة لمشاعر الفيل ؟
يا فندم احنا لسه كنا داخلين لحق يكون فيه شهود
طخ طخ طخ طخ اى اى اى
رد على الباشا عدل
سين ؟ المنشورات اللى كانت معاكوا دى منين مصدرها ؟
يا فندم دى كلها من السوق بتاع الخضار
طخ طخ طخ
يا فندم عيب كده احنا فى بلد ديمقراطى  ده خس مش منشورات
سين؟ ايه المواد الكيماوية اللى  استخدمتموها على جسم الفيل وادت الى رائحة كريهة  بالمنظر ده ؟
ايه ايه ايه مواد كمياوية الفيل كان وسخ يا فندم من شهر ماشفش ميا  
سين ؟ ايه الوكالة والمنظمة  اللى بتدربك ؟
وكالة شكمانى مسدود
طخ طخ طخ
هاتوا الواد التانى من الحضانة
ابنى دخلتوه الحضانة
لأ يا نوير دى حضانة  بسكون الضاد  يعنى الحجز
يااااااااااااااااااااااااااااااااانهار افيال   حجز !!!!!!!
باااااااااااااااااااابا بابا 
سين ؟ ايه علاقتك بالمتهم ؟
ابويا ضنايا
سين ؟  ماهو سر الورقة المكتوبة بعنوان زجزج سامحنى التى وجدت فى ملابسك؟
بابا قال ليا انى فيه شكمان للروح ننفس بيه عن اعماق انفسنا علشان نعيش فى سلام مع نفسنا  اتأثرت بكلامه  وكتبت الورقة دى
طخ طخ طخ   كفاية ضرب ضرب ضرب  طيب واحد بس والنبى اه اه اه

وكيل النيابة**هاتوا حد يترجم الكلام اللى الواد بيقوله ده يظهر اننا على مشارف اكتشاف تنظيم عالمى جديد 
تنظيم شكمان
طخ طخ طخ طخ طخ طخ طخ طخ طخ طخ شكمان شكمان شكمان شكمان 
الواد وابوه فقدوا الوعى يا فندم  خلاص منك ليه ليه 
خليه يكمل البوست المرة الجاية  عيلة عاملة نفسها ابو العريف

22 Response to "تنظيم شكمان"

أم الخــلـود Says:

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

زهــــراء Says:

سيدى الفاضل ابوعلى

انا حضرت عصير مانجو بدل الكركديه وشوية حلويات بدل اللب لانى ماعنديش لب ينفع اكمل قراءه على كده صح ههههه

سجادة الصلاه على الكرسى كمان ونبدا على بركة الله

ياريت كل واحد فينا يقدر يركب فلتر لنفسه ولحياته ويعمل فلتره لكل العادات السيئه ولكل الناس اللى تدمر ومش تبنى لكل كلمه نسمعها وتتعبنا نفسيا نحاول نعمل لها فلتره

عجبتنى حكاية الفيل اوى اوى والمغزى والكلام اللى بين السطووووووووووور باين وريحته باينه اوى اوى كمان

ولما تروح القسم لازم تتصل بيا حضرتك ناسى انى محاميه وبعدين تيجى معايا عربيه نص نقل مليانه محامين ....

الحوار ممتع جدا جدا جدا تسلم الايادى
كل مره اتعلم من حضرتك
ربنا يحفظك

MR.PRESIDENT Says:

بع السلام والتحية ..
ارفع سلام لقواتنا الدولية
اللي رافعه راسنا في كل زمان
ووطنا بين جميع الأوطان .
وانا بنشد وبطنطن وبحبك يا وطنطن ..
اريد ان أنضم للتنظيم الشكماني
من أجل ارجاع الأرواح لاصحابها ,, واحياء الضمير في عدمات الضمير والأخلاق .

يارب انتا القادر علي اصحاب الفيل .. خدهم وريحنا .. حتي لو حموه .

اسلوبك محترم وطريف .. سلمت الأنامل .

الشـوكة الــنـاعـمـة Says:

بقلك يتفع باميه خضرا
هههههههههههههه
انا بقا اكتر واحده شمكمان النفسيه عندى مضروب
تكاد تجزم انوا مش موجود
ربنا يفك اسرهموالله الخص جريمه
حكزمه شلت
تحياتى

فتاه من الصعيد Says:

ههههههههههههه

لا بعد الشر على دم الغزال... لكن حضرتك كبير تستحمل :)) ..

بوست جميل جازاك الله خيرا ... بس اصلا شكمانات الداخليه بايظه ومسدوده وتقريبا موش موجوده

تحياتي

yara Says:

ههههههههههههههههههههه
ياااااااااه
بقى انا اغيب كام يوم الاقى ده كله حصل ضرب وشتيمه وبهدله وامن ......تؤتؤ معلش علشان بس تعرف قيمتى لانك لو كنت اخدتنى معاكم كنت هدافع عنكم انما هعمل ايه بقى انت بتصمم تروح زياراتك دى مع نفسك والمره دى اخدت دم الغزال ضحيه معاك ...بس على العموم يا ابو على ده جزاء الكيميائيين لما يفتروا على الجولوجيين ويتفسحوا من غيرهم .

كل واحد فينا فى ايده تصليح الشكمان الروحى بتاعه ويمكن الشكمان الروحى ده ذكرنى ببوست كنت كاتبه عن الشاطىء القمرى لكل انسان اللى بيرجع ليه علشان يعمل اعاده شحن لصفاء الروح وسمو الوجدان واكيد فى الشاطىء القمرى سنجد شريحه السعاده لانها بفطره الانسان حتما ستكون فى قربه من الله وتذكره لرسالته وهدف خلقه ..

لان فعلا يا ابو على تراكم مخلفات النفس دى فى داخل الانسان بتؤدى فى النهايه لرائحه كريهه لهذا الانسان اسوا من رائحه الفيل اللى انتوا جريتوا منه وعمل لكم مشكله ..هذه الرائحه بتكون محسوسه وبتطغى على مظهره واسلوبه ونظراته وكل جزء فى كيانه وهيبقى فعلا محتاج ينضم اتنظيم شكمان ..
بس فى النهايه كلنا محتاجين ننضم معاك يلا بقى واللى يحصل يحصل احنا مبنخفش من حد ..وراك وراك يا ريسنا .

richardCatheart Says:

هههههههههههههههههههههه

والله مش ممكنموتنى من الضحك
الواد دم الغزال دا شربات والله

احنا فى زمن اغلب الشكمنات خربانه

والعوادم جبتلنا سرطانات اجتماعيه

شنيعه

بعدنا عن فطره الخالق والنتيجه قرف وتشوه وامراض الى مالا نهايه

صعب عليا الفيل اوى

بس صعب عليا قفاهم من الضرب
ههههههههههههههه


المره اللى فاتت كنت برجو السماح
على عدم التعليق لانى عملت دماغ جميله من البوست
وماكنتش عايزه اضيعها فى تعليق سخيف اى كان كلامى اللى هاقوله
بعد كلامك ماكنش فيه اضافه منى

تحياتى يا مبدع بدرجه انسان

لـــولا وزهـــراء Says:

السلام عليكم ورحمة الله وبركاته

ازي حضرتك يا فيلسوف ؟ مش بقول لحضرتك عندك رؤية للأشياء من زاوية اخرى
جميييلة ..حلوة فكرة شكمان الروح


تعرف ازاي تغســـل همــك وغمـــك

تعرف ازاي تمسح بعطر نادي جوارحك

تعرف ازاي تنقى من الشرور نفسك

بأتجاهــــــــك دايمــــاَ لربــك

باليقين انك مهما بعدت هـو جمبــك

يسمـــع نـــداك ويحـــس قلبـــك


تحياتي الدائمة لقلبك وقلمك وفكرك وفلسفتك

* ملحوظة انا بموت في الفيل بحبه قووي حد طيب وحنين ومسالم ..تعرف فيه فيلة في جنينة الحيوانات اسمها نعيمة اللي ساكنة في بيت يشبه الكوخ قمة الطيبة
ممكن اشتغل البوست ده وابعتلها ماسدج واقولها فيه بحبك يا نعيمة يا اطيب واحب قلب فيل في الدنيا

لـــولا

brightlyanny Says:

ازيك ابو على.

حلوه جدا فكره الفلتره دى وكمان كلنا محتاجنها خصوصا واحنا داخلين ع شهر كريم وايااااام مفترجه .
بس الناس اللى نفوسها ملياااانه بالكبر يفلتروها ازاى ؟؟
ع فكره (الكبر )اللى اصدى عليه هو اننا بنرفض نتعرف باننا غلطانين كله شايف نفسه صح مش بنشووف غير عيوب الاخرين.
حمدالله ع سلامه باقى افراد العيله ايوه كده وحشونا الجماعه دووووول.

بس الحقيقه ابو على احنا عندنا ف الصعيد بتوع الداخليه مش بيضربو العياااال الصغيره وده يمكن اللى بيطمنى هههههههه.
جزاك الله اخى كل الخير.

الزهرة البرية Says:

أسلوبك جمييل وده مش بعيد عنك يعنى

من ناحية الكركدية انا عوضته بميه تنفعل

والله الفلتر مش بس للا مبالاة والاهمال لا وكمان الحزن التراكمى والكبت والمشاعر اللى بتأثر على الانسان بالسلب فكرة حلوة إن الانسان يتخلص منها بجد بس بشرط ميكونش أخرتها القسم

دمت بكل الخير والسعادة

كلمات من نور Says:

nooooooooooooo

الله يرضى عليك بلاش كركديه الا حيكون اصعب من الضرب في الأقسام على ذات الضغط الواطي اللي هي ذاتي ..

===========================

نيجي بقى للمهم .....كويس انها جت عالضرب وسابوك تكمل البوست ....فعلا الريحه فاحت والواحد ماشي سادد مناخيره وجاتله حساسية صدرية من كتر الشكمانات المسدودة في كل مكان ....ابقى بلاش تتكلم مع الفيل يا أبو علي حتى لو بكى دما بدلا من الدموع الا احنا بنخاف عليك ...تحياتي

SHAPE YOUR LIFE (ABOALI) Says:

الى ام خلود

ربنا يهب لنا الصلاح ويكتب لنا جميعا الخير

تقديرى

SHAPE YOUR LIFE (ABOALI) Says:

الى زهراء

ويا ترى يا حضرة المحامى ايه رايك
عاوزينك صوتك عالى مجلل ذو صولجان رقيق جميل ذو معنى يسرق الافنان باحث عن الحق عظيم الحجة عاشق للرب سبحان

ان كان هذا هو انت

انتظر دورك علشان دم الغزال فاقد الوعى الان


تقديرى يا انسانة لما تنثرى بحروفك هاهنا

SHAPE YOUR LIFE (ABOALI) Says:

الى الريس
مرحبا بك فى تنظيم شكمان

املاء بياناتك وحافظ على الكيان
لانك قدير بدرجة انسان


تقديرى

SHAPE YOUR LIFE (ABOALI) Says:

الى الشوكة الناعمة

ربنا يقويكى ويكون عندك 2 شكمان
لانك تستحقين ان تكونى من السعداء عن جد

تحية لصفائك ونقائك

تقديرى

SHAPE YOUR LIFE (ABOALI) Says:

الى فتاه من الصعيد

يا فندم الصعيد مليان شكمان

ابحث انت بس وبطل كسل

انت تستحق كل الارتقاء

تقديرى

SHAPE YOUR LIFE (ABOALI) Says:

الى يارا

ياااااااااااسلام يا سلام
كده كده

جيولوجى فعلا عاوز يروح القسم ويشوف بنفسه الحجز الجيرى ونشوف بقى القدرات

على العموم
مخلقات النفس كما قولتى ان لم نعالجها ستكون الحياه قاسية فعلا

تعليقك يا يارا دايما اسعاد وانتعاش لمن هم مثلى


لك كل التقدير

SHAPE YOUR LIFE (ABOALI) Says:

الى قلب قطة

بجد بجد
انتى انسانة صافية ربنا يهبك السعادة
والصبر فى كل بلاء والمقدرة عند كل صالح ويجعل البسمة عنوانك والامل طريقك


لك كل التقدير

SHAPE YOUR LIFE (ABOALI) Says:

الى لولا

ههههههههههههههههههه
ايه الكلام اللى زاى السكر المعطر بالجمال ملفوف مكسوف من الحروف عليه حياء كلمات ولا انضر

شاكر لما نثرتى وواثق انى امام انسان اروع

تقديرى لكل من يحب نعيمة

SHAPE YOUR LIFE (ABOALI) Says:

الى برتلى

ههههههههههه
يعنى ننقل الواد دم الغزال الى حجز الصعيد
ولالالالالالالالالالالالالالاايه

شووووووووورى عليا ربنا يسترك


تقديرى يا انسانة

SHAPE YOUR LIFE (ABOALI) Says:

الى الزهرة البرية

صح
كبت المشاعر وقتلها يحتاج الى شكمان اخر

بس واثق انك الانسان الذى يستطيع هذا

من انامل حروفك توجد رائحة دليل على انسانة ناضرة تقول هذا وتردد استطيع ان افعل هذا


وهبك الله كل السعادة

تقديرى

SHAPE YOUR LIFE (ABOALI) Says:

الى كلمات من نور

هههههههههههههههههههههههههه

الوطن هو وطنى والكيان كيانى والله هو ربى
والاسلام دينى ومحمد صلى الله عليه وسلم قدوتى ورسولى

اجعليها عنوان يكن فى قلبك الاطمئنان

تقديرى البالغ