خراب(2)

, الثلاثاء، 8 يونيو، 2010



قالوا فى المثل ما خاب من استشار

لذا عزمت ان استشير المخلوقات التى حولنا فى موضوع الخراب

فذهبت الى بساتين الزهور وترددت ان ادخل

فالزهور دائما معطأة بالجميل من الروائح ومصدر الالهام لكثير من البشر

فعند رؤية الزهور ترتفع شحنات الاحاسيس وتنخفض العصبية ويعلو الصفاء

لكن امام نداء الحملة الخرابية قررت ان استجمع القوى ودخلت البستان

لا تملك الا ان تقول سبحان الله عندما تلقى بالنظر فى اول التقاء

ماهذة الالوان ؟ الله الله

والغريب انك تجد الالوان يوجد فيها تناسق غريب مريح للعين

وجدت نفسى كأنى اطير بجناحين وترتحق انفى بالعطر من الرائحة

وعين ترتاح لما تراه وانعكس ذلك على هدوء نفسى

كأنها ارتوت داخليا" بما تراه فجلست اشاهد واتأمل وتنبسط اساريرى

واذ بأثنين يلتحف كلاهما بالاخر اليد فى اليد والعين فى العين
كأنهما عاشقان يرسمان خطوات الحب الاولى فيقطف كل منهما زهرة ويعطيها للاخر

كأنها رسول يبعث برسالة يريد كل منهما فى صمت بدون كلمة ان تنطق الزهرة بدل منه

تابعت هذا المشهد وارتسم فى عينى سؤال

ما مصيير تلك الزهرة التى اقتطفتت ؟

وما مدى تأثير القطف على بستان الزهر ؟

وعندها جاء طيف يقول سيحتفظ كلاهما بالزهرة انها هدية من المحبوب لمحبوبه يضعها كما يحب اما فى كوب وينضح عليها الماء كل يوم ويشم الجميل من العطر منها ثم بعد ان يحين الاوان وتذبل يضع اوراقها فى كتاب او اجندة الذكريات

وتمر السنون وان كتب البقاء للحب واجتمعا سيذكر كل منهما زهرة الالتقاء

فى ذلك اليوم فتنفرج من بين ضفتى الفم الابتسامات

وان لم يحدث الالتقاء تتهافت الرياح على حمل ما بقى من الزهرة فى مشهد كأن الرياح تتعطر ايضا بفيحاء الزهرة

ثم ما تلبث الى ان تتهاوى ذرات الزهرة الى الارض

فتجد ثغور الارض تتلاقفها هلمى عطرينا وتهتز الارض للعبير وتنتشى

كأنها قد وجدت من يعيد اليها خصوبتها

ويمر القليل من الزمن فتجد ما يشبه النبتة تتصاعد فى استقام كأنها اتت من الحياه البرزخية

يقول لك انا الغصن نتاج تلك الزهرة

اُكمل الطريق من جديد هكذا كانت رسالة ربى لى

ونحن عالم النباتات مسخرين لكم ايها الانس لنكون لكم عونا وانسا وترطيب للنفس الحائر منها والمهتدى

فأتعجب من القول باحثا" عن الغصن حيث قطف المحبين الزهرة منه

وكانت المفأجاة وجدته يبكى وتتساقط منه حبات الدمع !!!!!

فقولت فى نفسى لك الحق ان تحزن فالزهرة كانت لك مثل الابن
وقد قام المحبين بعملية تخريب ولك كل الحق ان تسيل منك عصارة الكيان

فأقتربت منه اتلمس مكان القطف كأنى اضمد الجراح

فقال لى يا انسان هذا ليس بالبكاء ولكنه ابتهاجا وفرحا ان وقع على الاختيار

فكنت نبت لغصن اخر ظهر وبان

وكان المحبين وسيلة نقلاٍ فكانت لى بعد الحياه حياه

فالتخريب ان كان تراه انت خرابا فهو عند غيرك حياه

فلملمت شتات نفسى

وارتحلت فوجدت ارضا بالطين تكتسى فتذكرت قصة خلقى فسجدت لوهاب الحياه
*******************************************


ملحوظة اعتذر لمن سيعلق حيث انه سيلاحظ انى متسارع فى كتابة المواضيع والبوستات

فتلك المواضيع رسالة الى نفسى اضعها فى عنقى لتكون لى طريقا" الى عمقى و كيانى

حيت تولد حياتى واعرف اين مكانى بعد ان كنت فى بطن امى
اطرق باليد مرة والقدم مرة لأعبر الى ارضٍ
قال لى ربى انت الخليفة فكن كما اشاء اكن لك كما تشاء


لذا الاعتذار واجب


ومن كان الوقت ليس له مسعف فليقرء ما تحته خط ففيه ما قل وكان

ومن لم يدرك ما وراء المعنى يقينا سيدرك خلال ايام

22 Response to "خراب(2)"

MR.PRESIDENT Says:

شد حيلك .. المواضيع بعضها بيبقي مشوق ليا والبعض التاني لا .. بس علي الأقل بتستفاد مننا تسبيحة وتحميد وتهليل وتكبير وينوبك ثواب ..
بالنسبة بقي للزهور فهي للمتعة العينية .. واحيانا للمتعه الروحية
يعني ممكن وردة تصالح زوجة علي زوجها وهكذا يعني فيكون هدف قطفها نبيل

تحياتي لك
ومنتظرين خراب 3

كلام من قلبي Says:

كلامك جميل جدا
دي اول زيارة وان شاء الله مش هتكون الاخيرة

تحياتي

الشـوكة الــنـاعـمـة Says:

تصدق فى اول الحمله فهمتك غلط
واعدت اكتب لك فى افكار تخريبه بس للاسف النت فصل
البوست يحمل معنى جميل وعميق جدا
تحياتى

الشـوكة الــنـاعـمـة Says:

بقولك ايه بصراحه مش قادره امسك نفسى
انت صحيت فيا الخراب
لازم بقا اقولك افكارى اللى عمالع تنقح فيا دى
عيالى بس مش مهم
يعنى ياسلام لوكان التيليفون فى بيتكم ليه سلك طويل واختك او اى حد سحبه فى الاوضه التانيه وبيتكلم مكالمه مهمه
قوم انتا بقا تعمل عبيط ومش واخد بالك وتتكعبل بالعانى فى السك عشان يتقطع
وياسلام لو تقطع سلوك النت اللى متعلقه على حيكان عمرتكم
وياه بقا اما تطلع فوقالعماره وتخرب طبق الريسيفر بتاع الناس اللى تحت
والمصيبه الكبيره بقا انك تحط شويع سكر فى تنك البنزين بتاع العربيه
هاتولع مع اول لفه دريكسيون والعربيه وصاحبها هايكونوا فى خبر كان
وياه بقا لو تحط العيش يسخن وتنفضله بالعانى يقوم يتحرق وياسلام لوكانوا اخر خمس ترغفا
استنى استنى مش تستعجل انا مكبوته
وياه بقا لو تعمل نفسك ملخوم وتكسر الكوبايات وياسلام لما يكون عيل صغير ارفان وامه مسكتاه بالعافيه وتقوم قرصه براحه وبخباسه ويصرخ بعلو صوته وامه تدعى على روحها
وياسلام لو ابن الجيران ساقط ومخبى على امه وتيجى تفضحه ادامهم ال يعنى انت بتواسيهم
اماافتكر اى حاجه تانيه هاكتبها ماتزهقش

لـــولا وزهـــراء Says:

ٍيدى الفاضل ابوعلى

اخيرا التعليقات فتحت معايا بصراحه انا خايفه اقول اى حاجه فى موضوع التخريب ده تانى علشان التعليقات كانت قافله معايا بسبب كلامى ....

الله على الكلام الاكتر من رائع وانا اقرا شعرت انى اسمع فيروز صوتها رن فى اذنى " باكتب اسمك يا حبيبى "

البوست يدعو الى التامل فى خلق الله وشئون مخلوقات الله

لا اجد اى كلمات قد تليق بفرحتى بهذا البوست ولا اجد اى دعوات تليق بحضرتك سوى ربنا يهب لك السعاده ويرضيك بل ما هو مقسوم ليك
ولتسمح لى ان اضيق كلمه صغيره قبل توقيعى وهى كلمه اعشر بها عن جد ...

تلميذتك
زهــــــــراء

كلمات من نور Says:

مرة من المرات يا أبو علي رحت جنينه كده في عز الشتا وكانت الشمس طالعه قلت اشمس عمودي الفقري واخد شوية فيتامين دي

وبعيد عنك رأيت العجب ...كل الأحبه اتنين اتنين والفتيات محجبات وبعضهن يرتدي الإسدال وكل بت منهن الأخ اللي معاها ماسك إيدها وايده على كتفها وايدها على وسطه كسر وسطه وايدها حسيت اني مش عايزة الشمس ومش عايزة فيتامين دي عايزة اقوم اقولهن شيلوا الطرحه والإسدال مالهوش لازمه يا هانم منك لها .خراب الإنس أصبح شديد يا أبو علي يا أنسي يا طيب

ماما أمولة Says:

قرأت البوست مرتين يا ابو علي

مرة كاملا ومرة كما أشرت لما تحته خط

لاحظت انه تلخيص متقن والفائدة مما تذكر

انها متوالية

كل يسلم للآخر ليكمل مابدأ الأول

ومنها تستمر الحياة

وما نراه تخريب ماهو الا اعمار وحياة

والله أعلم هههههههه

كل التقدير لك يا ابو علي

brightlyanny Says:

ازيك ابو على
صحيح احنا لازم نستمتع بك شئ قدامنا حتى ولو كان بسيط ونتعمق كده جواه ونشوفه بعين صافيه ونفس طاهره.
بس انا برده لسه شايفه ان ف تخريب مينفعش يتصلح او اصلاحه بيأخذ وقت ع المدى البعيد وده يمكن اللى كنت اشرت ليه ف تعليقى اللى فات (( التخريب النفسى )) صعب جدا.
بوست رائع ابو على .
ع فكره انا قدامى ع بعد خمسه متر بس جنينه جميله جدا بس مش بشوفها جميله كده غير لما السما تمطر لان برده صحابها سايبنها مهمله ومش نضيفه وانت عارف الصعيد يعنى المطره مش كتير اوى فيه يعنى ف السنه كلها مره.
حوارك رائع ابو على مع الزهور.
ربنا يسعدك وتلاقى طريقك .

فاتيما Says:

اولا

تسلم ايدك


ثانيااااا

اختصار او لا أختصار

فيه حالة روقااااان رهيبة بين سطورك


اغبطك عليها


و احييك بشدة


شكل المدونة كمان رائع

اختيارك كله ذوق


و صحيح مبعلقشى كتير

لكنى هنا دايما


تحياتى و خالص ودى ليك

فاتيما Says:

و نصيحة لزوار المدونة

لما تعلقوا يا جماعة

خلوا فيه فراغ بين كل سطر والتانى

عشان التعليق مبيقاش زحمة

و مزعج للعين

تحياتى ليكم كلكم

yara Says:

تعرف يا ابو على انى لما قرات البوست فعلا بتامل مره ومره حسيت انى بجد عاجزه عن التعليق كلماتك كفايه ان الواحد يتامل جمالها واحساسها الرائع الذى يصل الى القلب فيمده بعبير يعيد له الراحه والصفاء ...لا املك سوى ان ادعو لك بان يديم الله عليك هذا الاحساس وهذا الصفاء الروحى .

SHAPE YOUR LIFE (ABOALI) Says:

الى الريس
صح يا انسان حبة كده وحبة كده
بس انت بطلت ليه
هيلا هوب هيلا هوب

تقديرى

SHAPE YOUR LIFE (ABOALI) Says:

الى كلام من قلبى

تقديرى لاول ظهور لك هاهنا
مع دعواتى بدوام السعادة

SHAPE YOUR LIFE (ABOALI) Says:

الشوكة الناعمة

اممممممممممم
الحملة ليها كيان اكيد
بس ليها رؤية بالتاءكيد
والمعنى فى كيانك
ان كان ليكى هدف واضح منير

شدى حيلك كده

تقديرى

SHAPE YOUR LIFE (ABOALI) Says:

الى الشوكة وافكارها

مهو ده كله هايكون ليه رد فعل انعكاسى عليكى برضوا

ولا انتى هاتبقى مسافرة
هههههههههههههههههههههه

اه يا شعب شاطر فى الخراب

تقديرى لفكرى المخرب

SHAPE YOUR LIFE (ABOALI) Says:

الى زهراء
كيفك يا انسانة

شكلك كده كنتى متسرعة فى القراءة ومستعجلة
البوست وان كان فيه جزء تاءمل لكن هناك قصة حياه ظهرت فيه
حياه زهرء ينعت فكانت رسول فكانت ذرات فكانت غصن من جديد

ومن راى مايفعله خراب فهو عند غيره حياه

تقديرى لحماسك وفكرك الراقى

SHAPE YOUR LIFE (ABOALI) Says:

الى كلمات من نور

كل ما يحدث وتشاهديه لابد ان يحدث ودورك ان لا تنجرفى وراءه ويبقى عندك كيان خاص بك

لان تلك المشاهد اختبار لنا وقدرتنا على الحياه وقدرتنا على النصح بطريقة تدعو الى النمو ويحفها الحكمة مع وجود البسمة


تقديرى الخالص

SHAPE YOUR LIFE (ABOALI) Says:

الى الفاضلة ماما امولة

جميييييييييييييييييييييييل جدا
تقريبا اول من علق فهم هدف البوست
سبحان الوهاب

لك كل التقدير
ودعوات كل الزهور

SHAPE YOUR LIFE (ABOALI) Says:

الى برتلى

اكيد التخريب النفسى مؤلم ومتزايد
ولكن لان يلقى قبول الا عندما يكون الشخص مستسلم غير متسلح بتعاليم دينه

التخريب النفسى صعب ولكن الدين وحلاوة مذاقه هى التى تعطى الثبات النفسى وتعالج الروح

البعض يهرب من تلك الحقيقة ولا يصدقها

ولكن هذا هو الحل


ومتعكى الله بكل مهو خير ونضر وجهك بالبسمات

تقديرى

SHAPE YOUR LIFE (ABOALI) Says:

الى فاتيما

هههههههههههههههه
ياقهلا يا قهلا بست الحبايب
كل الخير والسعادة والبسمات اتمنى ان تملاء ربوع حياتك

وتتزينى بماهو يرضيكى ويسعدك ان شاء الله

مبسوط لوجودك هاهنا
وربنا ينعم عليكى بالصفاء

تقديرى

SHAPE YOUR LIFE (ABOALI) Says:

الى فاتيما

فعلا فعلا

اتقووووووووووووووووا الله بقى

بلاشششششششششششششششش خراب خطى

SHAPE YOUR LIFE (ABOALI) Says:

الى يارا

بعد غيب يا هلا يا هلا

الصفاء والروح انشودة موجودة فينا نشعر بها عندما تنمو احاسسيسنا وننعم بسلامة تلك الفطرة التى تنبض فينا

نعم السلام والصفاء ليس فى كل وقت
ولكنه قاطرة كل الاوقات

هو الملاذ الامن الذى به نسير ويظلل حياتنا


تقديرى دوما وادم الله عليكى ذلك الاحساس المميز