غصن اغصان

, الجمعة، 30 أبريل 2010


قالتلى دور على غصنك

انت اكيد ليك اغصان

دلتنى من بعيد على بستان دليل

وانا ماشى لقيت شجر اشجار

من بعيد شافنى غصن الموز

قال تعالى يا حبيب الروح

خذ منى غصن سميه غصن اللين

امشى بيه بين الناس تملأ حياتك احساس

قرب منى غصن الزيتون

قال خد منى غصن

بالسلام كن تكون عايش

فى الوسط غصن الرمان

اه عليه سبحان سبحان

قال خذ منى غصن الايمان

شوف منى تنظيم الكيان

لمحت اغصان النخل شموخ واقف

قال خد غصنى يكون ليك حارس

عطاء عطاء من غير همز تنابز

وفرحت وللفرح اغصان تفاح

قال خذ غصنى تكون منير زاهر

تسرى فى دمائك حياه روح ارواح

تعيش بالاصرار حماس مكنون نابض

تزرع وبالغرس تكون حاصد

الله عليك راكع ساجد

من بين العيون ظهر اغصان تين

خد غصنى وعيش بالصبر صبرى

فى تأمل اغصان عنب عناب

هندسة معمارية سبحان خلاق

خد غصنى واتعلم

من عنقودى الدنيا مراحل

حبه حبه اكون عنقود ساكن

وقفت محتار لقيت غصن عليا بينادى

انا البرتقال غصن اغصان عصير شفا شفاء

خد غصنى وكون مفيد هادى

اعصر نفسك الجنة بتنادى

مانجو مانجو ليه تبعد عن اغصان المانجو

غصنى نوع انواع

خد غصنى و اعرف العنوان ظاهر عيان

انى الخلق شعوب قبائل

مع الكل احسن التعامل


خرجت من البستان

عازف معزوف فى السما ناظر

نجمة قمر شمس

احنا ليك ضياء خدم جاهز

انكسرت عينى شوفت الارض

قالت اوعى فى يوم تكون عاجز

خد منى الثبات واليقين باسم

ده انت منى وليا تكون راجع

قالتلى روحت فين ؟

قُلت الدرس مفهوم فهمان

عرفت انى غصن اغصان

ولما ابعد هانسى انى انسان

وان نسيت هارجع

ادخل البستان

اكون ريحان كائن

بعد عامان تدوين

, الثلاثاء، 27 أبريل 2010







فى ساعته و تاريخه شكلت لجنة التقيم العلنية

بقيادة ام العيال زجرج بيه

بجبج بيه ودم الغزال بيه

وقد كانت شروط اقامة اللجنة كالتالى

كل عضو له ثلاثة اسئلة

وله حق التعقيب

جااااااااااااهزين ؟

جاااااااااااااهزين

ام العيال

بص يا اخويا نبدء كده ونقول الاول بسم الله الرحمن الرحيم

نكتة واعرف بقى انت تصنيفها؟

واحد طلع ليه مصباح علاء الدين قام العفريت لما طلع من المصباح قاله

معاك فلوس قال قليل قاله هاتهم

معاك اكل قاله قليل قاله هاته

معاك حزام قاله اه قاله هاته

قام اللى فتح المصباح استغرب واستعجب وقاله هو مش البعيد علاء الدين

اللى لما اقوله حاجة يقول شبيك لبيك

قاله ده كان زمان يا روح ماما

دلوقتى اللى بيكلمك مصباح علاء مباااااااااااارك

هههههههههههههه

قول بقى تصنيف النكتة ايه ؟

انا باقول يا ام العيال انك تاخدى الكارت الاحمر احسن

بلاش بلاش خد عندك الاسئلة

سين ؟ تفتكر سعر اللحمه هايستمر فى الطالع ولا فى النازل

باعتبارك كده ليك شنة ورنة وصاحب مدونة ؟

جيم ؟ اذا ارتفعت قيمة لحم الانسان ستقل قيمة لحم الحيوان

سين ؟ ليه المدونة اسمها شكل حياتك ؟

جيم ؟ بدون تشكيل الحياه سنصبح فى عشوائية مثل الصور التى فى أعلى

سين ؟ ليه كل المدونة ريحتها حلوة ؟ (وش بيغمز)

جيم ؟ ههههههههه قصدك يعنى انى معظم اللى بيعلق ليا من بنى حواء

حواء فى هذا الزمن تعانى من الصمت والقدرة على التعبير عن

نفسها غير متاحة ومشاغل الام والاب وصراع الحياه

والتكالب على ملذات الرزق ولدت فراغ

استغلاله فى التدوين يتعتبر لها نافذة

تطلق منها ما فى داخلها وده فعلا رائع وتميزت فكرا وسلوكا

زج زج

سين : ايه رايك فى الحراك السياسى باعتبارك فيلسوف يعنى ؟

جيم : ههههههههههههههه انتوا ناوين تودونا الامل العام ولا ايه!!!

الحراك السياسى هو حراك ظاهرى نتج عن زجاجة امتئلت وفاضت

ولكن الوعى والادراك ان كان هو المحرك مع التنظيم سترى ثمار

يانعة وهذا لا يحدث حاليا ده اسمه عجينة سياسية او لبخة

سين : ايه هو هدف المدونة ؟

جيم : طبقا لاحكام الدستور الذى بنيت عليه المدونة هدفها التعبير عن كيان

وارسال انبعثات له لكى تذكره وهذا الكيان هو انا وكل من يهتم بهذا

المعنى

سين: ايه تقيمك لتجربة التدوين بعد عامان ؟

جيم : تجربة ناضجة المستفيد الاول منها هو انا الذى استحث فى نفسه

القدرة على التعبير والمشاركة مع الغير

اه منك يا بابا برضوا اجابات فلسفية بس تعدى من اللجنة

بجبج معه الميكروفون

سين : من تقوله شكرا فى عالم التدوين ومين تقوله مع السلامة ؟

جيم : جميع من علق عندى له كل التقدير سواء ايجابى او سلبى

لقد استفدت بكل الاراء ولكنى احمل كل ثنايا التقدير لكل من

ماما امولة كلمات من النور دكتورة ستيته يارا سموكة شمس النهار

كيارا ازهرى امة الله جنى عايزة اطلق لولا وزهراء محمد الغالية

الشوكة الناعمة فراشة القدر وانا طوبة من ذهب واخرى من فضة

شهد الكلمات غربتى انا ودماغى فتاه من الصعيد شيما سونى 2000

عم فشكول مخنوقة عمود نورمصطفى مش عارف جودى شموسة

ايمى غلطة مطبعية استاذ عمرو حبشتكنات فلسفية حروف متناثرة

داليا عاشقة الرومانسية طفلة مش عاوزة تكبرومضات ياسر عبد الفتاح

سكرة قصاقيص حبيبة رومانسى كيكى عوو صيدلانية طالعة نازلة

عاشقة الرومانسية الواقعية نور ملاك دكتور رامى الرئيس ضحكات الحياه


جميل يا بابا الكوكبة دى بس مش كلهم بيعقلوا يدوب بالعافية عشر تعليقات

هههههههههههههههههههه ومالوا بالعند فيك عاجبنى

سين : ليه موضوعاتك كده فيها لمحات دينية ؟

جيم : تخيل يا بجبج لو شخص ماشى فى الصحراء وكان معاه شمسية

ولم يستخدمها نقول عليه ايه ؟ نقول عليه معلش يابابا يعنى غبى

بلاش نستخدم الفاظ كبيرة نقول عليه تايه فكريا شوية

الدين مثل الشمسية التى تعطينا الظل والامان ومنها نقى انفسنا

من امطار و اختبارات الحياه لنا

يبقى من الضروى اننا نفتكر دايما بالدين ونربطه بالحدث لانه اساسا بدونه

وجودنا غير معروف المعالم

سين: بتطبق يا بابا اللى بتقوله فى المدونة ؟

جيم : قالوا للطبيب يوما اتمرض وانت تشفى العليلو

فقال كم كان الشفاء كثيروُ والمطبب عليلو

ويقول المصطفى صلى الله عليه وسلم رب مُبلغ اوعى من سامع

يعنى هناك من يلتقط كلمة او كلمتين يستفيد بهم اكثر من قائلهم

والهداية من الله للجميع ان شاء الله

وكلنا بنى البشر نحتاج من يوجه الشراع فاءن كنت انا مقصر

هناك من سمع ووعى ولم يقصر

وجاء الدور على دم الغزال

سين : ايه نظرتك للمدونة بعد كده ؟

جيم : المدونة نقطة التقاء مع فكر اخر للاستفادة من خبرات بنى البشر

تخيل انك تاخذ خبرات من بلغ الستين واخر خمسين واخر اربعين

واخر عشرين

ويحدث هذا وانت تجلس تقرء فى ساعة او اثنين بنية اصلاح نفسك

وتحسين فكرك وليس بفكر البوست ده جاااااااااامد او شديد او حلو

لاءنه اكيد فيه استفادة من الموضوع طرءت فى فكر من يقرء

لذا المدونة ستظل نافذة لفكر احلم ان يطبق

سين : البعض يرى انك تعيش فى عالم وردى حالم منفصل عن الواقع ؟

جيم : كل من فكر وهو بداخل المشكلة اتخذ قرار انفعالى ممكن ان يؤثر

على مجرى حياته فيما بعد

الدين يعلمنا مثلا" ان نخرج من حالة الغضب الى حالة اخرى قبل

اتخاذ قرار سواء بتغير المكان او بتغير حتى طريقة الجلوس

فمبالك بالحياه اذا لم نخرج من خارج حيز الصندوق ذو التفكير

التقليدى

ستجد ما يعانية الكثيرون اليوم

التذبذب حالة القرف من الوطن ومن الشارع و من الناس ومن

المستقبل ومن الحياه اساسا"

ويصبح موظف يطلق عليه موظف مسلم

يعنى الدين هو الوظيفة يؤدى فيه مجرد طقوس وبعض الكلمات

وبعض المظاهر دون الارتقاء بيكينونة تلك النفس والحرص على

ارتقائها

وقديما قالوا ان المصرى ابن الحكومة

واستمر الناس على هذا الحال واعتبروا الحكومة هى الام التى

ترضعهم بصفة يومية

فأذا عمل انسان خطأ ما تجد من يقلده ويقول انا اعمل زية

ونسى ان يسئل نفسه انه بهذا الطريقة اصبح عندنا اثنين مخطئين

بدل ان يكون شخص واحد

لذا على من يفكر جيدا ان يصنع انسان يفكر ايضا معه جيدا وهكذا

الخروج الى العالم الحالم ليس خروج الى عالم اخر ولكن خروج

الى عالم التفكير الجيد المناسب لاتخاذ فكر منظم وليس عشوائى

سين : حلم تتمنى ان يتحقق من خلال شكل حياتك وهو اسم المدونة ؟

جيم : افكر بشكل جدى فى تأسيس جمعية خيرية للخدمات

تسمى جمعية شاب للخدمات

سيكون اهدافها تقديم يد المعونة فى كل شيىء

من اعادة تأهيل للتكيف مع الحياه من خلال انشاء مدرسة شكل حياتك

عمل فرع من الخدمات تحت مسمى شاب نظيف

يكون وظيفتها جمع القمامة بشتى انواعها بطريقة الفصل

بين المركبات العضوية والغير عضوية من المنبع

باءن يقوم احد الشباب بتوعية افراد المنزل ومتابعتها بصفة مستمرة

حتى تتعلم الفصل ويتولى جمع القمامة

ويتم تدوير تلك القمامة بما يفيد بعد ذلك

عمل فرع للخدمات تحت مسمى شاب ميكروسكوبى او كشاف

يتم متابعة الاطفال منذ الصغر لمعرفة اتجاهم وطرق معاملتهم

وطموحهم ويتم توجية الطفل الى الدراسة المناسبة ومن ثما المستقبل الناجح

اختصارا" احلم بوجود جمعية شاب للخدمات

سين : ايه المانع امام تلك الخطوة ؟

جيم : ان شاء الله لن يكون هناك مانع فلكل منا لدينا افكار المهم ان يبدء فى

تطبيقها

دى دعوة لكل المدونين للمشاركة لعمل تلك الجمعية ودى سهلة

مقر مناسب وعدد اعضاء واتفاق على اهداف للجمعية

وكل واحد من محافظته يعتبر مشارك وينتشر المشروع فى شهور

قليلة

ولكن العائق الحقيقى هو التمويل لفعل هذا

بس ان شاء الله كل واحد هايشعر انه ليه دور فى الحياه لخدمة دينه

ووطنه ومجتمعه لو احسن قراءة خريطة عمره

فمدة وجودنا فى الحياه قليلة واستثمارها هو المشروع الاساسى

لذا كنواة عملت على الفيس بوك جروب شاب

الى ان يحين معياد الانطلاق

وادعو الجميع للمشاركة فيه بالفكر لان الفكر هو الذى سيصنع المال مستقبلا


فى النهاية

استحملونى فقد اجتهدت بقدر ما لأُعبر عن فكرى

وهذا فرصتكم الان لابداء ارئكم فى المدونة

واعطائها درجة تبدء من الصفر وتنتهى الى العشرة مع التعقيب

و رقم هاتفى 0184080070 لمن اراد توجية شتيمة وشبع من الضرب


همهمة فى الظل

, الأحد، 25 أبريل 2010




وقف الشريـــــــــان
يضخ ويخطب مرددا
ايها الاعضاء
التى تعيش فى الظلَ
اما اان لكم
تغير الحالَ
اما اان لكم
التعبير عن الكيانا
اما اان لكم
القيام بثورة ضد الطغيانا
يااا
عمود
يا فقرى

قل لهم ما وظيفتك الانَ
انا العمود بلا اغصان اكونا
اقيم القامة واعدل الميزانا
وكم حملت من احمالٍ وشجونا
اما اان لك
ان تكون غنيا ثريا" عفيفا
بالركوع و السجود طائعا"منيبا
بدل الانحناء لهذا وهذه تقبيلا
انا المعدة
اهضم ثم اهضم ثم اهضما
لا اجازة ولا ويك اند ليا
اما ان لك
ان تكونى للوجبات السريعة محطما
وتعلنى براءتك منها وتهربى

انا الكبد
ان تكلمت عليا ستكون منشدا
انا رمز المرؤة والفدا
بقدرة الخالق الرازقا
بوابة المرور لكل ماهو كميائيا
انظف السموم واكرر لكل ماهو اتيا
جعلنى الله محطة الايقاع بكل ما لا يفيد انسانيا
انا الكلى
حبة الفاصوليا
التى نسى بنى الانسان حلو مذاقها
واتجه الى طعام العالم الثانيا
نعم نعم انا الكلية
الترشيح للمناصب من عنديا
ارشح الدماء فتكون عسلا صفيا
والى تلك المجارى يكون بولا ذاهبا
وايقاع الضغط احافظ عليه ثابتا
ومن غيرى انت لست عائشا
ستكون ابتدائى واعدادى وثانويا
تحت اجهزة عملاقة غسيل يوميا
صدقتى يا كُلى
الكل يعانى نقص المجموع وغسيلك مكلفا

انا الرئه
فى الصدر ساكنة
هذا هو عنوانيا
جواز مرور الهواء رابيا
اترعرع فى الحدائق الخضراء ملهما
ويسكن حويصلاتى لؤلؤ منير ماسيا
يقال عليه الاوكسجين ملك الاحساس مصدقا
البشر الان للرياضة مشاهدينا
لرايات الاحمر والابيض رافعينا
وبى على القهاوى جالسينا
اتجرع الشيشة وشم كل ملوثِ مكينا
من فضلكم انجدونى
رسالة من خلف الدخان الاثيما
وانت يا
قلب
امن داخلى تتحدث يا شريانا
وتسئل عن وظيفتى الانا
ستشعر بى
عندما تكون
طائعا"عابدا" عاشقا" محبا" مقربا
للجنة طالبا
ولاسم الوهاب مردد ذاكرا
وان شرحتنى
فاعلم انى وظيفتى
محطة التوزيع والربطا
للون الاحمرااااااااا
الدمااااااااااااااااااااء الجارية
وانا الان اعانيا
من العالم الانسانيا
فنقاء دمائه
قد لطخ نقائى الاجملا
وابحت الان عن عمل عدسات التقويا
لانها لا تعمى الابصار ولكن تعمى القلوب التى فى الاجساد شاهدا

وتاءتى الروح من بعيد شكيا
اراكا قد نسيتنى يا شريان الحكمتا
انا هبة الرحمن لك
انا امره فيك ساريا
بى يحلو المعنى وتتناسق المعانيا
سكنت فيكم كلكممو
انتظر اليوم بعد اليوم لعلكممو
تحسنون بي العمل فاءنا الضيف الراحلا
قلت لكم عن منافذ تغذيتى
واذ بكممو فى الملذاتى طعامكمو
الم تعرفوا انى لى عمرُ
وبعده اعود لربى مودعا
فانكسر الشريان خجلا
ايتها الروح انتظرى مهلا
سنقوم بثورة على بنى البشرا
نحاول معه الثانية تلو الاخرى
سيصاب ويمرضا
يقوم ويصمدا
انا سأصاب بضيق
والمعدة بالتقرحا
والرئه ستعلن حساسية الصدر المدقعا
الكبد يعانى من التليف
والكلى ستفشلا
ولكنك يا روح لن تتركينا
حتى تعودى راضية مرضية
ويعود معنا انساننا مكرما
فهو ان كان اليوم تائها
الا انه سيظل فيه الخير مرشدا

ياااااااااااا
ايها الانسان
هذا هو البيان الاول
نحن اعضاء تكويناتك
فى الظل نحيا هذا عملنا
بالله عليك كن منصتا
ستشعر بنا لا ترانا
ومن الطبيب الى الطيبب ذاهبا
ولكنك والله علينا غاليا
ولولا محبتك ما كان هذا فعلنا
فنحن نحب ان نكونا معا"
متمتعين بخالق السموات العلى
فاحشذ همتك فينا
وابتعد عن طريق الغافلا
وغص فى بحرك مستخرجا
اللؤلؤ والماس والحور مسقبلا
ولا تكن يوما غواصا
تخرج القروش والثعابينا مسمما
وتذكر دوما انك
والله
خلقت من الطين وبين الكاف والنون كنت انسانا" كائنا
هذا ليس نثرا ولا كلاما ولا شعرا" صادرا
لا ترفع بيدك وبصرك وتلوح زائغا
انا لا احب الناصح الامينا المذكرا
ف والله كان الفاروق عمرا
مبتعدا عن نور السموات سينينا
فايقن ولم يعش فى الكبر ظالما
ونطق ان يا محمدا (ص)
نورك شرفَ العالمينا
فكن اليوم لبيبا" عاقلا
واخذ بيدنا نصلح معا الحياة بالدينا



معلش بقى طرطشة اتت من العقل حبيت الحقها قبل متطرطش على طيرى
والبوست القادم ان كان فى العمر قادم
بعنوان عامان من التدوين
وادعوكم للانضمام الى جروب شاب على الفيس بوك
فقط اضغط بالماوس على كلمة شاب فى اعلى
لاء لاء يمين شوية
لاء لاء شمين شوية
ايون ايون
فوق بجانب راديو المطلقات
ياااااااااه ده انت نيله اووووووووى
خالص تقديرى

القطة وايتامها الستة

, الجمعة، 23 أبريل 2010










دخل دم الغزال على والده وقال احكى ليا حدوتة

حدوتة هههههههههههههه

لا اعرف يا دم الغزال نسيت الحواديت من زمان

ياااااااااه يا بابا معقولة احكى بس انت احكى وانا اساعدك

ياااااااا عينى عليك يا دم الغزال يا مساعد

طيب انا هاقول جزء وانت تقول جزء اتفقنا ؟

اتفقنا يا بابا قوووووووووول

هبدء يا سيدى بأهم جزء كانت امى لما بتحكى لينا حدوتة تقوله !!!!

قول يا بابا

كانت بتقول كان يا ماكان

وما يحلى الكلام الا بالصلاة على النبى المختار

عليه الصلاة والسلام

جميل يا بابا جميل

كمل انت بقى يا امووووووووووور

هههههههههههههههه

كمل !!!

هو انت قولت حاجة لسه

انا قولت اهم جزء قول انت بقى

قال ماشى هااااااااااقول يا بابا ودى حدوته

ناوى اعملها مسرحية ان شاء الله و استحمل بقى ما جنته يداك

قول قول

وسمعنا نغم الحروف وتألف الكلمات وصدق المعنى يا دم الغزال يا قمر انت

حاضر يا بابا حاضر

كان يا بابا فى سالف العصر والاوان والحكم ليك يا زمان لان الكلام عليك الان

قطة بتسعى على اايتااااااام ستة

هههههههههههههههههههههههههههههههه

قطة بتسعى على الايتام !!!!! وستة

اه يا بابا ركز بقى وبلاش تقطع حبل الغسيل

حبل الغسيل ايه يا ابنى

يا بابا مهو ده فكر

بغسل فيه عصارة مخى وتفكيرى عيش انت بس يا بابا اللحظة

وكمان الواجدان بتاعك يعيش علشان شغل الاكشن

معلش معلش ابوك دقة قديمة

وحاليا بحاول احدث الموديل بتاعى و انزله سوفت وير جديد !!

كمل كمل

القطة راحت جمعية رعاية الايتام علشان تاخد اعانة تساعد فى تربية ايتامها

اه وبعدين

الجمعية قالت انى اسمك مش مسجل فى جمعية القطط

معقولة يا دم الغزال !!

هى مش قطة برضوا ولا انت كنت بتضحك عليا

يا بابا قطة قطة بس الزمان غدار

يمكن تقريبا كده لم تدفع اشتراك الجمعية يا دم الغزال

هههههههههههههههههههه

اه

يا عينى عليها يا بابا مشيت فى الشوراع والحارات

تدور على حد يعطف عليها ويرمى سندويتش كومبو مع الكانز ولم تجد

وبعدين

مشيت على رصيف كورنيش النيل

يمكن حد من اللى بيقعدوا على الكورينش يا بابا

زاى الاخوات دول

انت اكيد يا بابا عارفهم مش كده

اه يا ابنى اه عارفهم بس ان بعض الظن اثم يا دم الغزال

دول يابنى بيحلوا مشاكل الوطن والمواطن وبيناقشوها فى زمن المواطنة المتواطن

ايون يا بابا اه اه اه

قطعت حبل مشاعرى والله

المهم بقى وخلى بالك من اللى جاى

علشان هايكون مأساوى شوية وتنزل من عيونك قواقع دمعية تشبة بركان ايسلندا

قول يا عم خلينا نساهم فى الحفاظ على منابع النيل

وهى يا باب على الكورينش بتنظر نظرة خلفية تطمئن على ايتامها

لقيتهم خمسة بس

ليييييييييييييييييييييييييه كده يا دم الغزال ؟

عقلها يا بابا ناو ناو واطلقت انين نونوة رهيب

لانها لما رجعت تبحث عنه شافت ضناها امام عين قلبها

فى دهاليز بالوعة الصرف الصحى المجارى يعنى

اه اه يا دم الغزال ليه كده يا ابنى

واللى يا بابا خلاها تحزن اكتر

انها عرفت انى البالوعة اخذت كام واحد من اللى بيقولوا عليهم بنى البشر قبل كده

وطبعا مافيش مقارنة بين بنى البشر و هى اكيد

طب والعيال الحبيبة قصدى بتوع الكورنيش دول

اللى شايفين البالوعة ماكنتش ليهم دور

دور ايه بس يا بابا دول عندهم دوار

بعد لما رضيت بالامر الواقع

وسلمت امرها الى بارئها

قالت نعبر الشارع على الرصيف التانى يمكن يكون امان

واتفقت مع ايتامها على المرور جماعة

حتى تأخذ الرحمة راكبى السيارات ويرحمون قطة تمر بأيتامها الخمسة

وهمت بالعبور واذ بالسيارات فووووووه فووووووه فووووووه

واذ ب اثنين من الايتام يتعثرا بعد ان عبر باقى الاولاد

وترى الام امام عينها احدهم تلعب به السيارات التنس ويسقط لا تدرى اين معالمه

فتنظر الى السيارات تقول لهم اين ذهبت مبادىء رحمتكم

وترى كلب ينظر من احد نوافذ سيارات عليه القوم ويقول لها هاو هاو باو باو كاو كاو

يعنى بعد الترجمة قتلنا منكم واحد ولسه ولسه ولسه

والثانى يتألم فتجرى به مع باقى الايتام الى القصر العينى

فلا تجد الا طبيب امتياز فى يده كيس شبسى وكانز

فتقول له الحق يا بشرى ابنى فيقول الحالة دى لم تكن فى المقرر

فتحمل ابنها وهو يقول لها ناو ناو نو ماو ماو ماو ساو ساو ساو

وبعد الترجمة

دول يا ماما بشر ويلفظ انفاسه

ايه يا عم دم الغزال ده

دى ميلودراما يا ابنى مش حدوتة بلاش كده ابوك قلبه خفق ومحتاج يشرب عصير

اه يا بابا اه ولسه اللى جاى السخان شغال

بقى يا بابا معاها ثلاثة بس من اولادها الايتام

فى الطريق قابلهم القط الكبير كابوتش زعيم المنطقة

قالها رايحة فين كده بالعيال؟

حكت القصة

قالها قطعتى شراين قلبى والله

مافيش حل ليكى الا الهجرة لبلاد بره

هناك بيعرفوا قيمة الانسان مابالك بالحيوانات امثالنا

اوووووووووومال هو احنا مش كائنات برضوا

الاولاد يهجروا وانتى اجيب ليكى عقد عمل فى الخليج

اعرف هناك كفيل قطى محترم محترم

وبلاش الضنا والعذاب اللى انتى فيه

قالت عاوزنى اضحى باولادى زاى البشر

واهاجر هجرة غير شرعية فى مراكب بشرية

واشوف ضنايا يغرق فى البحر قصاد عينى ولا احرك ساكنا ويرثينى فاروق جويدة

وكمان شرفى ابيعه بالعقد فى الخليج واشتغل جارية

خسئت يا كبير الحتة

فعلا اذا الكبير فقد العقل فلا تسئلن عن ما يفعل الصغير فالكل سواء

على العموم قولت ليكى على المفيد وخلى بالك

منطقة كنتاكى ومؤمن وماكدولاند وبيتزا

وشارع البحر فى طنطا والحسين والمغربين وستى ستار وكارفو وكوستا

ومحطة الرمل وكمان رمسيس والحوارى اللى فى مارينا والساحل

والكازينوهات اللى فى طابا والغردقة ومنتجع شرم وخلى بالك من شرم دى

دول كلهم تبعى بالفروع بتاعتهم

هههههههههههههههههههههههههه

دى مش حدوته بقى دى سياسة يا دم الغزال

وكانت ام دم الغزال وزجزج وبجبج اذانهم دش مركزى عالعادة

وسامعين فقالوا من بعيد كمل كمل يا دم الغزال يا عمنا ده انت استاذذذذ

وعلى رغبة الجماهير التى تشابكت مشاعرها قال هاكمل هاكمل

بس لما اشرب العصير

كملللللللللللللللللللل

المهم اثناء حديث القائد كابوتش

يهب احد البشريين من بنى الانسان فيأخذ الزعيم كابوتش

ويقول فينك من بدرى يا مربرب

اللحمة غالية والطلب على الكباب زاد وانت كمان يا صغير تنفع مزة

ههههههههههههههههههههه يا عينى يا عينى

وتفر الام بباقى ايتامها مسرعة

الى ان تصل الى عامل نظافة مطعم

يلقى بالكثير والكثير من بقايا الطعام وتتعالى الضحكات من داخل المطعم

وتسمع احد البشرين

يتكلم فيما يسمى المحمول وبيكلم الجريل فريند ومندمج

فتنتظر لعله يتبرع لها برنة

ساعة ساعتين ولكن هيهات هيهات

فحاولت ان تقترب من الطعام الملقى

وكلما اقتربت يقول لها العامل بس بس يلا من هنا مليتو البلد يا سيس

وفى تلك الاثناء ترى مجموعة اطفال قادمين وطاقات الشرر تنفجر منهم

وتقول فى نفسها اكيد دول بتوع المدارس الخاصة

اللى متربين كويس وكلهم ذوق وادب وشهامة اهل البلد هايدفعوا عنها

ولكنهم

يبدؤن فى مطاردتها مع ايتامها وتنظرالام من خلفها

فتجد باقى ايتامها فى قبضة الاطفال يلهون بهم

مع اصوات خافتة ناو ناو ناو تدعوها للتدخل

وكلما اردت التدخل وعمل مظاهرة احتجاج

وجدت تلك االالفاظ والقنابل التى تحمل قساوة القلوب

فتبتعد وتبتعد وينزف منها الدم مختلطا بالدمع وتصل الى مجلس الشعب وتردد

ايها النائمون تحت القبة

سترون فى احلامكم

حسرة قلبً انفطر

سقط وليده فى بئرٍ

حفر لاحد من البشر

سترون بكاء انين

على ابن

هو لى

تلاعبت به سيارات البشر

سترون كوابيس قوادين

انتشروا حين غاب تطبيق

عدل العزيز المقتدر

سترون رحمة" من الاطفال

نزعت

حين سقطت التربية ولم ينجح احد

ايها النائمون تحت القبة

سترون بعثرة اخلاقاٍ اذا انتهت

فلن يبقى من بنى الانسان احد


و تبدء سيارات الامل المركزى فى محاصرتها

و وزيرة القوى العاملة تقول لها اطمئنى التعويضات فى الطريق واحمدى ربنا

ومن بعيد صورة قناص يضع اللمسات الاخيرة

فتراه القطة فتظن انها سيقتل معالى الوزيرة فتحميها

وتصاب برصاصة فى عمق ثنايا القلب

وترى فى مشهد سريع صورة لايتامها الستة فتنظر الى معالى الوزيرة

امتاااااااااااااااكدون انكم من جنس البشر



تمت يا بابا ايه رايك


يعم الصمت وتختنق الكلمات


ويظهر فى الكادر ببغاء دم الغزال ولبس ثواب الحكيم وقال

اطلق ابنك مسرحية واقعية

عكست حالة فساد عمت بدءت بالامبالاة تشعبت فى نزيف اخلاق انتشر

وخفوت اصوات الناصحين وتقوقعهم فتركوا الساحة لسفهاء البشر

ان الدين ليس طقوس يشار اليها بالرموز وظاهر الجسد

انما اثره يظهر فى اختلاف سلوك البشر

اوقفوا نزيف الخلق

باءن تقولوا نحن بشر

وان حذفت الباء فتذكروا انكم ستكونوا شر وقلوب من حجر


ويقول دم الغزال فرصة بقى استئذنكوا علشان العشا بحب اكله وهو سخن
وخلى بالكوا الصور اللى فوق دى بتقول ليكوا مين اليتيم الحقيقى


البوست القادم

بعد عامان تدوين