رسمة

, الأربعاء، 30 يونيو، 2010


لكل انسان فرحة
 فرحتى
كانت رسمة
فيها عنوان اصيل
بين السطور
 تلاقى
بحر بحور
   حجر كريم
قارورة سحرية
لؤلؤ
************
 ناظر
**********
على الجنب اليمين
بستان
ب عينك هنا وهناك
 جنان
طيبة ورحمة
ارض
سندس
شجر اشجار بنيان
فل ياسمين ريحان
من بعيد طيف حاير
ضمة
تقول ليك
 فين  الصحبة ؟
ابتسم واقول مين ؟
تقولى انا فى رسمتك
كيان
تبص ليا تقول 
منبع حنان
عرفتنى ولا
 انسان نسيان
طب فكرينى  كده
هاتكونى اكيد على البال
انا بين رسمتك
 صف صفوف
بص كويس وجهى مالوف
عبير زاهر بالعطر ملفوف
حيرتينى معاكى !!!!
قولى وريحى بالى
زعلانه منك هاقولك
انى انا حبيبتك
عاشق ليك زمن ازمان
فى قلبى خريطة رسمك
لو فتحت بلوتوث عقلك
هانقل ليك ذكرى ومعنى
حرف حروف صنعت كلمة
جمعت بينى وبينك لحظة
كانت قرب يقين محبة
افتكرت ولا
امممممممممممممممممم
****************
على الجنب الشمال
ساكن
باحث
رسام
ماسك فرشا
بيرسم تفاصيل رسمة
محتار بين الالوان
محتاج دليل
 فاهم
فنان
احمريكا  اصفريكا
اخضريكا  ازرقيكا
اااااااااااااااااااااااااااااااااااااه
منه قوس قزح
كان ظاهر عيان فى الرسمة
بيقول  حياتك مصفوفة
اللون تعبير انسانى
والحبيب كيان ربانى
والبستان جنة الرحمانى
اللوحة بيدك تكون حلوة
كلها رضوان  رضوة
**************
وقلبك هايحتاج فى الرسمة
ناس طيبين
اصحاب محبين
جهد عمل
هدف
فى
خطه
ووووووووووووي
حب
تشوفه فى حبيبك
جفن
رمش
والله
نن
 اطمئنان رغبة
تجرى عليه 
وحلمك وراه بينادى
تمسك احلامه
حلم حلم
تدخل جواه
عنبر
انسان
مكعبات سكر
اللسان
 يقول
الله
الشفاه
منه تكركر
وسادة ريش نعام
 جوهر
نقاء ربيعى
ما اروع
اااااااااااااااه

ارسم بقى يلا
ورينى الرسمة
***************



انسان قدير

, الاثنين، 28 يونيو، 2010



جمعتنى به الاقدار مرات قليلة .
 فهو متزوج وله من الاولاد ثلاث كلهن من نون النسوة
خريج كلية العلوم يعمل بالتدريس . ينتمى الى اى محافظات الوطن الغالى
عندما تقابلنا كان يستعد للعمل فى ليبا . فقد جاءت اليه فرصه للاعارة
وقال تخيل انهم اضافوا سنتان خبرة 
الى شهادة الخبرة التى طلبتها من المدرسة  !!!!
قلت له انك تستحق الكثير. وسافر الى بلاد الاقارب ليبا
ولم يكمل الكثير من السنون وعاد
فقابلته  بعد العودة وسئلته اخبارك ايه ؟ يا  على  فقال تمام بس لم اتأقلم مع الغربة كتير.
 الواحد يا حسن بيحن لبلده واهلة والناس اللى بيحبهم  ونبنى فى وطنا افضل
وقالت لى زوجته تخيل انه عاوز يتبرع بالسنتان الخبرة .
اللى كانوا زيادة فى شهادة خبرته .
فقلت ياااااااااااسلام ليه الحنان ده كله يا على
فقال ليست من حقى  !!!
فخبرتى كانت سنوات كذا وعندما ذهبت الى ليبا اعطونى عليها اضافة فى المال .
لذا فهو ليس من حقى
فقلت رجل ذوق ذوق
وقال لى سأبدا فى عمل مشروع لصناعة الزبادى على قد الحال  كده وربنا يرزق
*************
ومرت الايام مع الشهور علمت انه مريض
فذهبت اتحسس ماذا فعلت الايام  بهذا الانسان .
فقال لى انه الكبد انت عارف بقى لما يتعب
فقلت ان شاء الله خير حاليا العلم متقدم ويوجد حلول كثيرة
فقال كل ما اريده  واتمناه من الله ان لا اموت فجاءة
يا عم بلاش تقول كده ربنا سيهب لك طول الاعمار .
قول بقى انك عاوز تفر من الامامير البنات الحلوين دول
فقال لي انهم نسائم حياتى التى اتعطر بها يوميا
**************
ومر بعض الوقت
**********
وقالوا انه يحتاج الى زرع كبد وكان البحث عن الاقارب وكانت الفصوص الملائمة للزرع عند اولاد اخوته
ففرحت لهذا  فرح شديد
ولكنه فى حوار 
قال تخيل يا حسن مش عاوزين يعطونى فص اعيش به هههههههههههههه
خايفين على فصوص العيال
فقلت له خير ان شاء الله بكرة هايتغير الوضع
وجاء الخبر انهم  يبحثون عن لزقة  تخفف نسبيا من الالام 
التى يعانيها لانه الله اختبره فى مرض اخر
وتقابلنا
فكان مبتسم وقال لى حتى اللزقة يا حسن مش عاوزين يعطونى اياها
وحدثت له غيبوبة تلو الغيبوبة ولكنه كان يقول انى سأتيمم للصلاة  واصلى فاءن ظهرت عليا علامات تخاريف و هلوسة  فكونوا لى مساعدين على التذكير
ف الله اولى ان يسمع منى افضل الكلام مزين بالعقل صحيح المنطق معطر
وظل هكذا مبتسم لا يشتكى من الالم على الرغم من عدم كفاية المسكنات للسيطرة على الالام
ولكنه كان يقول الم الدنيا اكيد اقل من الم الاخرة
وربنا استجاب لى وباموت على بطء
ويضحك حتى يتألم الالم من الضحكة ونظن ان الالم يضحك ويبتسم

وجاءت النهايات التى تحمل اشارة انقضاء الاجال
وتوفى على
وعندما جاء الخبر تبسمت  وقلت لن ابكى ولن اذرف الدمع فهناك انسان اعرفه احسبه على خير سيدخل الجنان
ولكن الدموع ابت الا ان استظل بها
فقد مرت عليا تلك المرات التى قابلته فيها كمرور الياسمين فى الزهور لتنير ظلام حالك
وجاءت  كلماته  ان لنا اوطان نبنى ونعمر فيها
وجاءت  سنتان الخبرة ليست من حقى
وجاء سأبدء بصناعة الزبادى وربنا يرزق
وجاءت  مش عاوزين يعطونى فص ولا لزقة بس ربنا عالم
وجاء قوله اتمنى من الله ان لا اموت فجاءة

كلما اعبر بتلك الكلمات امام قطار ذكراتى
ارنى احتاج ان اغمض عينى ويقوم الجراحون بخياطة العين حتى لا تدمع


ولكنى يا على
سأبتسم لك من جديد
فقد حملت فى قلبى
انسان بدرجة قدير
لك كل الدعوات
محملة بأنضر الرياحين
ونسائم  بناتك الثلاث  المتعطرين
بحسن خلقك وصبرك على الانين
سيكونون لك الولد الصالح المعين
ركع سجود لك داعين
ان تكون مع الاخيارمن الساكنين
كنت لك زائرا اردد سبحان الحى القيوم
وكنت لى الحياة  مثل الضياء والنور
تأتى لتفتح ابواب الظلمات وتبعد الشرور
لازال صدى كلماتك عبير
ولا زلت ابحث انا
عن انسان اخر بدرجة قدير
فيارب كن له الغافر الرحيم


البوست ليس دعوة للدعاء له بالرحمات او سكب بعض الدموع
من قرء بين السطور عرف الحقيقة وادرك المعنى المنشود
لازال اناس بينا يحملون مشاعر النور
الالام كانت لهم حصار ولكن البسمة لم تفارق العيون
وواثق انا تمام الثفة انهم  رسائل لنا
حتى نصبر على الحياه ونعرف
ان مالك الكون له حكمته يدير ملكه كيفما يشاء
فلا نحمل انفسنا بما  لا نطيق
فهيا نبتسم كما ابتسم ونحلل الصعاب  والتحديات التى تواجهنا
ونردد  معا"
فى الدنيا تحديات نعم  نعم
ولكن عند الحى القيوم سعادة ليس لها مثيل
ولما لا نكون انسان بدرجة قدير





الصورة فى اعلى تخيلتها لاحدى بناته

جرب الحياه

, الجمعة، 25 يونيو، 2010



جاء بجبج  وفى يده كيس لب ابيض لزوم التسالى
 تعلو شفاتاه  الحزن وراسه منبعجة وقفاه متعلم عليه
وقال لى يا بابا انا
 مش سعيد
حاسس انى الحياه ملخبطة
باشعر بالملل والزهق بسرعة
وكمان نفسى احقق حاجات كتير
تفتكر يا بابا لو اتصلت بالمفتش كرومبو  هايكون عارف حل لمشاكلى الكبيرة دى ؟
مش عارف يا بج بج جرب يا ابنى وشوف
قالى طب هات المحمول بتاعك اتصل بيه
معلش يا بج بج رصيدى دايما باخلصه فى الشغل
جرب كده من محمولك انت لسه واخد مصروف
قال طيب هما دول الابهات اللى بيساندوا اولادهم
قولت معلش بقى زمن وحش دلوقتى كرومبو هايظبطك
ماشى يا بابا
تخيل  يا بابا عامل سلسلة خطوط  منها خط النصايح  الراجل ده جبار
فاتصل بج بج
ودار الحوار التالى
ان كنت تريد خط المسابقات اضعط الرقم واحد
ان كنت تريد خط الحلول اضغط الرقم اثنين
ان كنت تريد خط الفرفشة اضغط الرقم ثلاثة
ان كنت تريد خط النغمات اضغط الرقم اربعة
ان كنت تريد خط احدث الاغانى اضغط الرقم خمسة
ان كنت تريدخط الالعاب السحرية اضغط الرقم ستة
ان كنت تريد خط احدث القفشات اضغط الرقم سبعة
ان كنت تريد خط نتائج الماتشات اضغط الرقم ثمانية
ان كنت تريد  خط الموضة اضغط الرقم تسعة
ان كنت تريد خط النصائح اضغط الرقم عشرة

فضغط بجبج رقم عشرة
فجاء صوت مسجل النصحية الاولى
ابدء اولا بخط الفرفشة  خليك فرفوش
ثم ثانيا دلع نفسك بخط الاغانى والفيديو كليب متع نظرك
ثم ثالثا كام قفشة كده لزوم القهقهة
ثم رابعا لعبة كده علشان الوقت والملل
ثم خامسا روق نفسك مع بنطلون ساقط روش فى خط الموضة
ثم سادسا نغمة جديدة طحن لزوم الانعرة علشان انت الشاب الهئ بئ
ثم سابعا خلى عندك علم ومعرفة واعرف نتائج الماتشات
ثم ثامنا"  ساعد نفسك على التفكير العميق بكام سؤال علشان تتدخل المسابقة
( من بنى الاهرامات ؟ اليسا – نانسى – المثريين )
ان لم تعرف الحل اتصل على خط الحلول واحنا نظبط ع طول

وانقطع الاتصال فجاءة وتتدخلت شركات المحمول
عفوا لقد نفذ رصيدكم ويرجى اعادة الشحن
ها يا بج بج رد عليك المفتش ولا لسه ؟
رد يا بابا رد مقنع بليغ متمكن متعمق ذو رؤية ثاقبة
 وقال ليا معلش يا بج بج اخوك خرمان وجيبه فاضى وانت لا يرضيك كده المدام عاوزة تسافر هاواى
والرصيد عندك لازمنى            
وانت عارف بقى الشيىء لازوم الشيىء
وعلت اصوات القهقة  وتبسمت اسنانى
وقولت يا ابنى
ضاع الرصيد وضاع الوقت وضاع المجهود وكل ده حياتك

فقولت له اتعرف كلمة الجرب
فقال ايون يا بابا ده مرضى جلدى يأتى من قلة النظافة  والمريض به
يهرش فى كل جسمة ويشعر بأكلان وخصوصا بالليل بيزيد الهرش
فعلا يا بج بج عندك حق هو ده فعلا المرض
اللى بتشعر بيه يا بج بج  من احساس انك مش سعيد وحياتك ملخبطه
انك زهقان وعندك ملل
ده نتيجة انك عندك جرب حياه
الحياه يا ابنى تحديات وصعوبات وجهد وعرق لما تشعر فيها بالملل والزهق  تبقى محتاج نظافة  وترتيب اوراقك من جديد وشحن بطاريات الطموح والامل مع وجود هدف فى اى شيىء فى حياتك
افتكر يا بج بج كلمة الجرب وافتكر كمان لو وضعنا حرف الألف بعد حرف الراء
هايكون فيه كلمة جديدة اسمها الجراب
كلنا محتاجين جراب فى ملابسنا وفى  انفسنا لما ندخل ايدينا فى الجراب ده
نفتكر رحمة ربنا  نفتكر ذكرياتنا الحلوة نفتكر بسمة جميلة نفتكر ساعة نجاحنا
نفتكر صديق مميز نفتكر حضن ام رائع نفتكر اخ مساند
نفتكر  اننا انسان ربنا خلقه وليه حكمة فى وجوده على الارض

يلا بقى اختار لنفسك
اما تتصل على خط جرب الحياه
او تتصل على خط جراب الحياه

طيب يا بابا هات محمولك انصح المفتش كرومبو
ههههههههههههههههههههههههههههههههه
وفى تلك اللحظة التى هزت القلوب 
يستقيظ دم الغزال من النوم بابا لوسمحت انا عندى مشاكل كبيرة جدا  
خير يا دم الغزال
اخويا بج بج عنده جرب حياه وانا خااااااااااااااااااااااايف على نفسى 
ههههههههههههههه 




تأملات صورة

, الخميس، 24 يونيو، 2010



لما شوفت للصورة
افتكرت الحُضن
وقلت الله الله
يا سلام على الود
يا سلام على الحب
يا سلام على القرب
يا سلام على القلب
************
فى لحظة
ابتسمت العين
قالت
فى ضمة وغين
كفاية سلامات  وحروف اهات
خلينى  افتكر واتملى
ده حضن الام ولا حضن المحبة
ده حضن الدفء ولا حضن الضمة
ده حضن الحنين ولا حضن الالفة
**********************
فى فمتو ثانية
بص الحاجب واستعجب
ايه يا عين مالك كده ذكراتك ضعفت
اسم الله عليكى الله حارسك
*************************
فى ثانية
الانف  
علامة وشامة
من بعيد تشوفه
واحد نافخ زوماره
مستقيم الشكل دائرى الانتهاء ذو امارة
الحضن ده همسة  جوايا
شعيراتى حست بطلاوة وحلاوة
الله عليه كانت ايام شقاوة
***************
تؤتؤ تؤتؤتؤ تؤتؤتؤتؤ
فى هجوم ضارى
تشكيل منظم حضارى
مُكون من اثنين وثلاثين كالسيوم مَحارى
حامل لوا التشكيل
ثمانية قواطع اربعة انياب  فى ثبات
اثنا عشرا ضرسا"  ومثلهم نواجذ
فى دقيقة
قالوا احنا الاسنان
الحضن عندنا ظاهر بيان
ابيض اللون ممزوج القوام
ناعم الملمس سهل الهضم  كيان
لبن مصفى نعمة من الرحمن
******************
فى ساعة
اللسان كان للخارج
المذاق ده لعبتى والحضن مذهبى
ده فيه لذتى فيه انس احبابى
***********************
فى يوم
الشفاه كانت لمة
بقايا الحروف والكلمة
وفى صوت عالى روحانى
بلاش نقول كلام ومعانى
شوفوا الصورة فى هدوء كيانى
لقطة صفا لقطة سعادة وهنا
بنحس بيها  فى ربوع الاحضان
ومن بعيد ظل الاطمئنان
يلا كلنا ننادى على الايد
ترفع الكف مع الكف
ونشكل كلنا قسمات وجه
ونقول فى فرحة وانس
يارب فرحان انى ليك عبد
**********************
****************

لما شوفت الصورة
احترت فى المعنى
وهب عليا كلام
وثار معاه وجدان
والروح ارتقت فوق
سجادة  سندسية الشكل نبتها ثمار
اشجار قصور انهار
انبياء رسل اطهار
اصحاب علية القوم اخيار
حور متحورات الجمال سبحان
وفى لحظة كان صمت الحديث
وكانت لقطة كيان
عرشك يا ربى  مظلل الجنان
انفرجت اساريرى كأنى
ورقة شجر تتمايلها النسمات ذرات
ياااااااااااااااااااااااااااااربى
عبدك راكع  ليك ساجد
هنا الوطن هنا الاحضان



لما شوفت الصورة ........؟


المحور الدماغى

, الأربعاء، 23 يونيو، 2010





وووويـــــــ  مستمرين معاكم
 ابوعلى شكل حياتك معاكوا من اعلى قمة المحور الدماغى
حيث ننقاش حقيقة المصدع المصرى
 وقولنا فى الحلقة اللى فاتت انى الصداع فرديتين
 فردة عضوى يعنى جسدى يعنى ليه اسباب مرضية
زاى الضغظ زاى الم الاسنان الم الجيوب الانفية 
اوالانيميا نتيجة عدم اكل اللحمة التى تحاول الحكومة حاليا زرعها 
الا انى  محاولات زرع اللحمة التى لم   تثمر حتى الان
احنا معاكوا لسه بنقاش الفردة التانية
 وهى الفردة المعنوية اللى بتساعد الفردة الجسدية على اتمام وظيفتها فى اكمل وجه فى عمل عملية التصديع

ومن اعلى المحور الدماغى حاليا احنا شايفين حالة زحام مرورى حاد
 فى اعضاء ومكونات  كائن  نازل من بيته
هانعمل لحضرتكوا تغطية كاملة لهذا الكائن
 لغاية لما يوصل الشغل ويرجع
استعنا بالله وصلوا كده على المصطفى  صلى الله عليه وسلم

المصدع نازل من البيت اذا فجاءة وقف امامه كتلة متناسقة العضلات مفلطحة  تتدعى انه زوجته  ويدور الحوار التالى
نازل كده من غير ماتسيب فلوس ؟
هو البيت ده ايه مش بيصرف ولا انت علشان خارج ايتحرق بقى اللى قاعدين

طب يا ستى قولى كلمة حلوة على الريق
ايه ايه ايه كلمة حلوة طب اعمل اللى عليك علشان اقولك يا سبعى
ويشعر المصدع فى هذا الحالة بحالة من الاحباط ويبدء الدم الواصل الى المخ فى التضاؤل نتيجة ان الاوردة  الموصلة الدم للمخ قد انكمشت نتيجة سماع كلام سام
اتفضلى يا ستى عشرين جنية اهم
نعم نعم نعم اعمل بيهم ايه  دول يادوبك اجيب بيهم تلت تربع فرخة
انت عارف الفرخة بكام الكليو 14 جينة يا محترم
بلاش يا ستى فراخ فكرى فى حاجة تانية  انتى عاوزنى افكر بلاش صداع بقى على الصبح وسيب خمسين جنية
وهنا يزداد الاحساس بأن شيىء قد قام بخنق المصدع وتنبعج بعض شعيرات الوجه فتظهر شدة فى العضلات ويختفى انبساطها
ويقرر ان ينزل للعمل
وتبدء رحلة الشارع
على محطة الاتوبيس
يارب الاتوبيس يجى بدرى بقى
هو احنا مش زاى الناس اللى راكبه عربيات دى
هما بيجيبوا الفلوس دى منين
منك لله يا ابويا ماكنتش اجتهدت شوية وعملت لينا خميرة حلوة
وهنا نلاحظ قلة الاوكسجين الواصل الى المحور الدماغى وبدءت الفردة الجسدية تتأثر بالكلام
وسع يا سيدى شوية كده خلينا نركب وسعى شوية يا ستى انتى واخدة نص الاتوبيس لوحدك
ما تحترم نفسك يا بنى ادم ابقى انزل اركب اتوبيس ابوك
ربنا يقل منكوا( يقولها فى السر)
هى دى اخرة الحكومة السودة اللى حاكمنا
ولا مواصلات مريحة ولا مرتب ولا طرق وزحمة وبهدلة
وعيشة هباب وزفت  وكمان الطريق واقف وهاندق الكارت متأخرين  فى الشغل
افتح الباب يا اسطى انت نزلنى هنا
ممنوع يا حضرة
هى جت عليا انا افتح يا عم  ماهى خربانه خربانه
لما نعدى الاشارة انزلك
وصلنا ام الشغل
وهنا نلاحظ على المصدع ان هناك الالام بدءت تهاجمه
ويشعر بتنقير الصداع  بعد ان شحنت الفردة المعنوية الفردة الجسدية  
 بكل المشاعر السلبية واسودت الدنيا

ويدخل الشغل مصدع
وتبدء رحلة المعاناااااااااااه

وووويـ مستمرين معاكوا ابوعلى شكل حياتك من على المحور الدماغى
ورحلة فى كيان مصدع
ونترك حضراتكوا مع فاصل اغنية  مصدع وعاوز حباية

انا مصدع مثرواى
 قاعد على الوطن
والوطن بيعانى
ويقول احم احم
 حزمنى اه يانى
هو انت صحيح وطن
 ولا اونطة وطن تانى
رد عليا يا وطن
وصدعنى طول الزمانى
احلى صداع يا اخويا منك بنشوفه
متقولش انت جدع ولا بط مسكوفى
هيييييييييييييييييييييييييييييييه
يا عينى على طماطمك يا وطن
كل يوم ليها سعر وزبون
 وانا يا خيبتى  مليش تمن
اه اه اه اه منك يا وطن
صدعنى شوية شوية
ولعبنى على الفرديتين
خليك حونين شوية
صاحبك ضارب حبيييييييييييتين
هيييييييييييييييييييييييييييييه


فعلا اغانى مفرحة جدا
ويااااااااا خسارة الوقت اللى حجزه البلوجر على المحور الدماغى خلص
وهانكمل المرة الجاية
كان معاكوا ابوعلى شكل حياتك من اعلى نقط المحور الدماغى

هدف الحلقة  
استدعاء المشاعر والاحاسيس السلبية  يؤثر بشكل  جوهرى على المحور الدماغى  والحدق يفهم