المحور الدماغى

, الأربعاء، 23 يونيو 2010





وووويـــــــ  مستمرين معاكم
 ابوعلى شكل حياتك معاكوا من اعلى قمة المحور الدماغى
حيث ننقاش حقيقة المصدع المصرى
 وقولنا فى الحلقة اللى فاتت انى الصداع فرديتين
 فردة عضوى يعنى جسدى يعنى ليه اسباب مرضية
زاى الضغظ زاى الم الاسنان الم الجيوب الانفية 
اوالانيميا نتيجة عدم اكل اللحمة التى تحاول الحكومة حاليا زرعها 
الا انى  محاولات زرع اللحمة التى لم   تثمر حتى الان
احنا معاكوا لسه بنقاش الفردة التانية
 وهى الفردة المعنوية اللى بتساعد الفردة الجسدية على اتمام وظيفتها فى اكمل وجه فى عمل عملية التصديع

ومن اعلى المحور الدماغى حاليا احنا شايفين حالة زحام مرورى حاد
 فى اعضاء ومكونات  كائن  نازل من بيته
هانعمل لحضرتكوا تغطية كاملة لهذا الكائن
 لغاية لما يوصل الشغل ويرجع
استعنا بالله وصلوا كده على المصطفى  صلى الله عليه وسلم

المصدع نازل من البيت اذا فجاءة وقف امامه كتلة متناسقة العضلات مفلطحة  تتدعى انه زوجته  ويدور الحوار التالى
نازل كده من غير ماتسيب فلوس ؟
هو البيت ده ايه مش بيصرف ولا انت علشان خارج ايتحرق بقى اللى قاعدين

طب يا ستى قولى كلمة حلوة على الريق
ايه ايه ايه كلمة حلوة طب اعمل اللى عليك علشان اقولك يا سبعى
ويشعر المصدع فى هذا الحالة بحالة من الاحباط ويبدء الدم الواصل الى المخ فى التضاؤل نتيجة ان الاوردة  الموصلة الدم للمخ قد انكمشت نتيجة سماع كلام سام
اتفضلى يا ستى عشرين جنية اهم
نعم نعم نعم اعمل بيهم ايه  دول يادوبك اجيب بيهم تلت تربع فرخة
انت عارف الفرخة بكام الكليو 14 جينة يا محترم
بلاش يا ستى فراخ فكرى فى حاجة تانية  انتى عاوزنى افكر بلاش صداع بقى على الصبح وسيب خمسين جنية
وهنا يزداد الاحساس بأن شيىء قد قام بخنق المصدع وتنبعج بعض شعيرات الوجه فتظهر شدة فى العضلات ويختفى انبساطها
ويقرر ان ينزل للعمل
وتبدء رحلة الشارع
على محطة الاتوبيس
يارب الاتوبيس يجى بدرى بقى
هو احنا مش زاى الناس اللى راكبه عربيات دى
هما بيجيبوا الفلوس دى منين
منك لله يا ابويا ماكنتش اجتهدت شوية وعملت لينا خميرة حلوة
وهنا نلاحظ قلة الاوكسجين الواصل الى المحور الدماغى وبدءت الفردة الجسدية تتأثر بالكلام
وسع يا سيدى شوية كده خلينا نركب وسعى شوية يا ستى انتى واخدة نص الاتوبيس لوحدك
ما تحترم نفسك يا بنى ادم ابقى انزل اركب اتوبيس ابوك
ربنا يقل منكوا( يقولها فى السر)
هى دى اخرة الحكومة السودة اللى حاكمنا
ولا مواصلات مريحة ولا مرتب ولا طرق وزحمة وبهدلة
وعيشة هباب وزفت  وكمان الطريق واقف وهاندق الكارت متأخرين  فى الشغل
افتح الباب يا اسطى انت نزلنى هنا
ممنوع يا حضرة
هى جت عليا انا افتح يا عم  ماهى خربانه خربانه
لما نعدى الاشارة انزلك
وصلنا ام الشغل
وهنا نلاحظ على المصدع ان هناك الالام بدءت تهاجمه
ويشعر بتنقير الصداع  بعد ان شحنت الفردة المعنوية الفردة الجسدية  
 بكل المشاعر السلبية واسودت الدنيا

ويدخل الشغل مصدع
وتبدء رحلة المعاناااااااااااه

وووويـ مستمرين معاكوا ابوعلى شكل حياتك من على المحور الدماغى
ورحلة فى كيان مصدع
ونترك حضراتكوا مع فاصل اغنية  مصدع وعاوز حباية

انا مصدع مثرواى
 قاعد على الوطن
والوطن بيعانى
ويقول احم احم
 حزمنى اه يانى
هو انت صحيح وطن
 ولا اونطة وطن تانى
رد عليا يا وطن
وصدعنى طول الزمانى
احلى صداع يا اخويا منك بنشوفه
متقولش انت جدع ولا بط مسكوفى
هيييييييييييييييييييييييييييييييه
يا عينى على طماطمك يا وطن
كل يوم ليها سعر وزبون
 وانا يا خيبتى  مليش تمن
اه اه اه اه منك يا وطن
صدعنى شوية شوية
ولعبنى على الفرديتين
خليك حونين شوية
صاحبك ضارب حبيييييييييييتين
هيييييييييييييييييييييييييييييه


فعلا اغانى مفرحة جدا
ويااااااااا خسارة الوقت اللى حجزه البلوجر على المحور الدماغى خلص
وهانكمل المرة الجاية
كان معاكوا ابوعلى شكل حياتك من اعلى نقط المحور الدماغى

هدف الحلقة  
استدعاء المشاعر والاحاسيس السلبية  يؤثر بشكل  جوهرى على المحور الدماغى  والحدق يفهم

15 Response to "المحور الدماغى"

MR.PRESIDENT Says:

ربنا يسامحك يا عم ..
مش كفاية السلبية اللي شوفتها النهاردة

علينا بالتغيير احنا نولع في الاوتبيسات طبعا بهزر
انتا مضايق عشان كل ربع او نص ساعة يجي اتوبيس
احنا عندنا كل 3 أيام يجي اتوبيس

لك تحياتي

فتاه من الصعيد Says:

انا جالي صداع من الحر :( ..

عموما الصداع له اسباب نفسيه ... وده معروف طبيا ... بيكون نتيجه الضغوط .

عاجبني الشعر اللي في الاخر ... بالذات مقطع خالد الذكر شعبولا ... وهييييييييييييييييييييييييييه

تحياتي

Sharm Says:

كرهتنى في الجواز

مش هتجوز خلاص

كلمات من نور Says:

أنا فين؟؟؟؟؟؟؟؟؟؟؟؟

أنا مين؟؟؟؟؟؟؟؟؟؟؟؟؟

أنا تهت منك يا أبو علي

حارجع من اول الطريق ويارب الاقي اشارات

brightlyanny Says:

ازيك ابو على ؟؟

حر ايه اللى بتقول عليه ف القاهره احنا هنا بننصهر ياابو على اهه اهه .
اهوه الجو بتاعنا ده كافى جدا ان تقوم بسببه حروب يعنى احنا عندنا حمله بيقوم برعايتها مصدع مصرى بيفكر جديا ف احتلال الساحل الشمالى لخدمه اهالى الصعيد كفايه بقى احنا عشنا كتير ف الحر
وع فكره ده برده نوع من انواع الصداع النفسى بمعنى اننا لو فكرنا هنلاقى ان الصعيد فعلا محروم من حاجات كتير برغم شويه الاهتمام اللى بدأ يظهر وده اللى بيخلى الشباب يحاول الهجره الداخليه والعيشه ف القاهره.
خد بالك ده كمان مصيبه اكبر لان البنات مش هتلاقى عرسان لانهم طفشو وهم بالتالى هيتجوزو بنات من البلداللى هاجرو ليهاهههههههههه
يعنى احنا هنعنس يعنى كمان صداع. مش بقولك مساكين.
نتكلم جد شويه.انا شايفه ان الحل السليم عشان الصداع ان كل انسان لازم يكيف حياته حسب الواقع اللى عايش فيه بس مش معنى كده انه يرضى بالشئ السئ بس انا مثلا عشان عارفه تعب وممل المواصلات هيئت نفسى انى اوتوماتك اول مخرج للشغل امشى ونفس الحكايه وانا راجعه مع ان المسافه بعيده بس بقول اوفر الفلووووووووس اللى هيخدها السواق ههههههههه خباثه بنات بقى وهكذا اصدى ان ف حل ممكن للصداع ولا ايه..
معلش طولت عليك ..
تحياتى

لـــولا وزهـــراء Says:

سيدى الفاضل ابوعلى

-*-*-*-*-*-*-**--

على فكره انا ولولا فعلا بنحاول ان حد فينا يرد على المدونات لكن فى ناس احنا الاتنين نرد عندهم لاننا نتعلم منهم وحضرتك من الناس دى وسبب تأخيرى وعدم الرد هو انى باذاكر وطلع عينى دعواتك ...


البوست تحفه وده حال معظم الشعب المصرى انت عارف لو عملوا احصائيه هتلاقى ان المواطن المصرى اكتر مواطن شايل الهم والغم والتعب والقرف وعليه زوجه يعنى كثير من الزوجات بصراحه تجيب ضغط الدم والسكر والزيت وكل الامراض النفسيه والعضويه

فى انتظار المزيد ولما اتاخر عن المدونه تعرف انى بجد مش عندى وقت انى اعلق بس لازم اقرا كل حاجه حتى اللى فاتنى لانى قولت لحضرتك هنا مدرسه بجد اتعلم منها وفيها

دمت متالقا

زهراء

richardCatheart Says:

ههههههههههههههههههههه

على فكره انت متجنى اوى على الست
طيب هى الدنيا فرده وحده مصدع
لاء مافى مصدعه وجوزها مفرطح بردو

لجل العدل تتكلم على الجوز وتقول الحق

طيب داانت انسسسسسسسان يا اخى

عجبتنى اوى الاغنيه لو سمعها شعبولا هايخطفك ويفوكه من اسلام خليل

هههههههههههههههه

SHAPE YOUR LIFE (ABOALI) Says:

الى الريس
ههههههههههههههههه
سلبية ايه بس دى مجرد زغزغة تنبيهة

تقول لا للمشاعر السلبية

يا بختك يا عم كل تلت ايام اتوبيس ونايم فى البيت مرتاااااااااح

هو مش قر هو حسد

تقديرى

SHAPE YOUR LIFE (ABOALI) Says:

الى فتاه من الصعيد

ربنا يكون فى عونك فى الحر

وخصوصا فى الصعيد
بس فى برنامج الريس سنة 2080 خطة لتكيف الصعيد

اصبرى شوية

SHAPE YOUR LIFE (ABOALI) Says:

الى شارم

ليييييييييييييييه بس يا شارم

يلا بقى ربنا يعوضك بحور عين فى الجنة ان شاء الله

اوووووووعى تتجوز انا نصحتك اهوووووووو

SHAPE YOUR LIFE (ABOALI) Says:

الى كلمات من نور

ههههههههههههههههههههه
معلش معلش الحر عامل عاميلة
خليك بقى فى الموضوع الجديد يمكن يكون مفهوم

تقديرى

SHAPE YOUR LIFE (ABOALI) Says:

الى برتلى

ههههههههههههههههههههه
كبدى عليكى يا بنتى يلى هاتسحيى من الحر

اطلبى يا بنتى معونة من الريفيرا مش من الساحل

اه عليكى اه اه

التكيف كلمة رائعة منك يا انسانة
وكمان معانا طموح

ايه ده بس
دايما الصعيد مصدر الفكر


تقديرى الدائم

SHAPE YOUR LIFE (ABOALI) Says:

الى زهراء
يااااااااااعينى يا على الناس اللى بتدح
من الدح يعنى المذاكرة المتعمقة

ربنا يهبك فهم الواثق والعقل الراجح والمستقبل المشرق ان شاء الله

ولا تقلقى ابدا من مسئلة التعليق

فكما قولت سابقا لقد اصبحتى من مالكى المدونة و رائحتها الفواحة


تقديرى الدائم

SHAPE YOUR LIFE (ABOALI) Says:

الى قلب القطة

معقووووووووولة

انا اتجنى على فيحاء وهوى قلبى وكيانى

يا فندم اصلك مش عارفانى
حواء لى
السكن الوطن البسمة الامل
فيحاء العطر رفيق الدرب والسهر
جنة الدنيا ربيع العمر المذدهر

ولكن يا سيدتى
اى حواء
حواء التى تضمنى وتحتوينى
تمسح ببسمة فؤداها دمع عينى
لا يخرج من جوفها الا كلمة حبيبى
تصبر وتحمد ربها
تذكرنى فى دعائها
يارب بارك لى فيه وبالرزق الحلال كن له


تقديرى الدائم المستمر لانسان كائن عايش رائع

لـــولا وزهـــراء Says:

برافوووووووووو كبيرة لحضرتك يافندم... فهمنا اكيد والرسالة وصلت ..فكرتني بمحاضرات الاستاذ الدكتور ابراهيم الفقي وكلامه عن التغذية السلبية واثارها على الانسان نفسياَ وجسدياَ تسلم الايادي يافندم ):
صياغتك للمواقف الحياتية وما يدور فيها من مشاكل تؤدي لاحباطات اذا نظرنالها نظرة سلبية بتأثر على حياتنا المستقبلية وحياتنا الجاية ف الشغل والبيت والشارع

تسلم الايادي دمت فيلسوف مبدع
لولا