يلا نخربها

, السبت، 5 يونيو 2010


بعد تشجيع مستمر مجهول المصدر والعنوان والزمن

قررت تدشين حملة كبيرة منظمة بعنوان

يلا نخربها

وسوف اكتب سلسلة بوستات تحت عنوان

خراب واحد – خراب اتنين – خراب تلاتة – خراب اربعة

الى ان نصل الى الخراب الكلى

وادعوا كل من يعلق ان يكتب ما يحلو له من اراء وطرق لكى نبدء حملة يلا نخربها

ومن خلال ارئكوا

سيتم عمل مخزون خرابى جبار يمكن الاستعانة به فى الارشاد الى الطرق السليمة فى الخراب

لا تبخل على اخوانك بمعلومات تؤدى الى الخراب

واللى مش هايعلق ويقرء وخلاص

يبقى كده عارفين انه مع الحملة لأن هى دى السلبية الخرابة

وهم دول العالم اللى بتخرب بس فى السر ومش عارفين يعبروا بالكلام وعاملين زاى التنابلة واكياس الجوافة
والناس اللى هاتشتم برضوا انضموا للحملة لاءنى اول
طريق الخراب الشتيمة

يا جماعة هى دى فرصتكوا ياريت محدش يضيعها

علشان نقدر نكمل علشان احنا بالفعل كتيييييييييييييييييير اوووووووووى

بس محتاجين تنظيم علشان نخرب بحق وحقيقى

واللى بقى هايدخل يعلق و ينصحنا بكلمتين ويعمل اصلاحى

دول العالم الهتاشة اللى قاعدين على المصاطب

يسئل نفسه كده هو صلح كام واحد وعنده بطاقة انتخاب ولا لاء

قبل ما ينصح العالم الخرابة اللى زينا

يلا بقى نخربها كلنا

حتى لا تكن من المنبوذين من حملة الخراب


ويا جماعة عاوزكوا تلعلعوا كده وتطلعوا كل اللى فى الداخل

حتى يتحقق الهدف المنشود

انتهى البيان التخريبى الاول

38 Response to "يلا نخربها"

richardCatheart Says:

هههههههههههههههههههههه
ههههههههههههههههههههههه
ادب عليك لو قولت فهمتك لحظه اكدب عليك

على راىء ورده

بس ماشى انا فهمت غنت هاتعمل ايه ياترى احنا نخش نشتم بس ههههههههههههه
طيب كابتن كابتن كله شتيمه شتيمه مافيش ضرب

على العمومو معاك واى كان اللى هايتعمل معاك وربنا يستر


صباح الفل

SHAPE YOUR LIFE (ABOALI) Says:

الى قلب قطة

لالالالالالالالالالالالالالالالالالالالا
ماينفعش التعليق كده
فين نصايحك التخربية والخبرات
وبعدين بقى
راجعى نفسك بقى وعلقى تانى
انتى اسد لا تخافى من شيىء وهانخربها هانخربها

تقديرىىىىىىىىىىىىى

أنا - الريس Says:

احب اسمع بما أني اشترك اغنية الدنيا خربانة
يا عيني خربانة
ياروحي خربانة

-0000000000000000000000
2 مشترك
ارجو قبول الاشتراك
بس يا تري هو الاشتراك مجاني
ولا كله ضرب ضرب ومفيش شتيمة

تحياتي للحملة وعبال المنضمين

غير معرف Says:

ههههههههههه

وانت تاعب نفسك ليه ... ماهي خربانه خلقه وبتخرب تلقائي :)

عموما ممكن نخربها بزياده السلبيه وزياده العصبيه وكدهون :))

تحياتي

yara Says:

اممممممممممممممم
ما شاء الله
خطوه فعاله فعلا فى حياه المدونه
الواحد لسه صاحى ومش مركز

التعليق بعد الفوقان كده علشان نشوف اخرتها معاك .

لــــ زهــــــراء ــــولا Says:

سيدى الفاضل ابو على

قبل ما اخرب الدنيا معاكم
بص حضرتك امسح مدونتى من الرديدر من عند حضرتك لمدة يومين وتقدر تدخل عليها عن طريق حسابى هنا الخاص بلولا وزهراء وخبر اكسلوسف لحضرتك ان فى شغل جديد نازل فى خلال ساعتين تلاته بجد بيهمنا رايك

نيجى بقى لموضوع الخراب بينى وبينك هى الدنيا ناقصه خراب اكتر من اللى احنا عايشين فيه طبعا عندى افكار جبااااااااره وكمان عن طريق كورس الدعايه والاعلان اللى درسته هاعمل لك حملة دعايه جامده اخر تلات اربع خامس حاجات


نبدا على بركة الله
اول حاجه السلبيه يعنى طنش اى حاجه وكل حاجه اى حد ينصحك كبر دماغك يا عمنا
لو كنت طالب وحد قالك ذاكر احب اقولك ان العلم فى الراس مش فى الكراس واللى ذاكر ذاكر خلااااااااص تتعب قلبك ليه فى المذاكره وبعدين هما اللى ذاكروا خدوا ايه يعنى القرش النهارده اهم من مليون شهاده ...

دى بس حاجه على الماسى على ما اكتب لك شوية افكار جباااااااره ان شاء الله

والله خايفه انك تغير وجهة نظرك فيا وتقول الانسانه دى كانت عقله ايه اللى جرى له ههههههههه

زهـــراء

غير معرف Says:

حلوه حكايه الخراب دى
ع الاقل الواحد يطلع طاقه الخراب اللى جوايا ومش عارفه امارسها فى البيت
ولا فى اى حته
بس انا افكارى هاتكون عيالى اوى
انا ناويت اخربها خالص

richardCatheart Says:

خراب يا دنيا خراب

شويه مياه كويه فى ازازه كده بتاعت دوا كحه وطول مانت ماشى كوب على العربيات

ونقى العربيات الجامده اللى فى الجون

تحت كل مجموعه عماير بوكس للكهربه صغير كده لو بتفهم فيها افتح وعليها هاتلاقى الكهربه كلها ضربت فى المنطقه بعون الله


اخر حاجه بقى ياسيدى
شويه بنزين فى رشاش او سبرتو
ترش على غسيل اى حد تحتيك فى العماره او لو عماره اؤدامك
وعود كبريت انن

يلا مافيش ازى ولا خراب بعد كده
اتبستط كده يا ابو على بيك

ادى قلب الاسد ياسيدى مبسوط هههههههههه

يارب خرابى يالهوتى يعجبك

yara Says:

على فكره بقى مفيش اسهل من الخراب

يعنى الواحد ممكن يكتب الف تعليق ومش هيكون كفايه ..متقلقش يعنى يا باشا لسه مصر بخير واولادها مليانين طاقه وانت اخترت العنوان الصح ...ايوه كده بقى خلى الناس تبدا تنفذ حاجه لان ده اللى هيقدروا ينفذوه .

ممكن مثلا جوانب الخراب دى تبدا من الاسره 1/كل واحد يكون فى حاله وملوش دعوه بغيره لا بمشاكله ولا بحياته ليهم رب اسمه الكريم وكل واحد مسئول عن نفسه وبس .
2/احلى حاجه العصبيه والصوت العالى علشان الناس تتجنب الكلام معاك ويريحوا دماغك منهم ونمشى بنظام خدوهم بالصوت 3/ التليفزيون بقى ليل نهار ونكبر دماغنا يعنى اللى ذاكر عمل ايه اهم اتخرجوا وقعدوا فى البيت ولا تقدير نفعهم ولا منحه قبلتهم
4/مفيش فايده من الاصلاح ولازم نعرف كده وربنا مسلط علينا حكام ظالمين عقابا لينا وهنفضل كده وعمرنا مهنتغير فعلشان كده بلاش نحاول احسن .
5/بما ان البلد كلها مش نظيفه فكل واحد ينفض بقى للنظام والنظافه والكلام ده يعنى هو هيتعب دماغه ليه اهم حاجه ياكل وينام ويقوم يتفرج على استار اكاديمى ويروق كده ويشرب شاى بالقرنفل .
6/ممنوع حد يجيب سيره الاصلاح تانى خللالالالالالالالالالالاص مفيش فايده لازم يكون ليك بصمه ومدام مش قادر تصلح يبقى تخرب اللى تقدر عليه وتلحق نفسك بدل متكون عاله على المجتمع .
7/اهم شىء بقى ممكن يساعدنا على الحمله دى هم الاطفال ..المفروض نسيبهم خااااااالص كفايه التلفزيون يتعلموا منه البواحد خلاص بقى اعصابه معدتش مستحمله غباء وتعليم لسه ..هم دول امل بكره فى الخراب واحتمال كبير جدا ناخد نوبل فى الخراب بعد سنوات .

تصدق دماغى تعبت والله من التفكير اصل الخراب ده بيفتح الذهن جدااااا وانت مدام عايزنا نشترك ...انا معااااااااااااااااااااك فى الحمله ونامل خير ان شاء الله اننا نحقق هدفنا المنشود منها يا ريس .

حفظكم الله

افروديت Says:

انت مش محتاج مشاركة المدونين ولاحتي المواطنين ماهي خربانه ..خربانه يعني مش محتاجه مجهودإضافي من حد..شوف أناالحقيقه مش عندي فكرة معينه بس لوجيت تقص الشريط قوللي..سلام

كيكى عوووووو Says:

طب هنخش نخرب ايه الاول!!
ايه الاهداف
وعايزين نستفيد من الناس الى سابقونا
فين الخبرات والدروس المستفاده!!
عووووووووووو

NOORELMALAK Says:

هههههههههههه
فكره جميله
يلا نخربها
لس الدنيا مخروبه لوحدها
مش محتاجه خراب
بس حاجه جميله
ع العموم احنا معاك ف ك شئ
نصحتى بقى محدش يسمع كلام حد
ويخرب زى ما هو عاوز
انسان سهل ف الخرب

كلمات من نور Says:

انا معاك علشان بلدنا محتاجة حملة من النوع داه من فترة طويلة ....وانا حاجيب معايا الجاز والكبريت ...بس شد حيلك وابتدي

brightlyanny Says:

ازيك ابو على
حلو اوى الخراب اللى هنعمله ده
بس ياسلام لو كان بدايه الحمله دى يوم 6 يونيو بدل 5 اصله بيفكرنى بيوم النكسه مش معقول كل ايام الخراب والنكسه تبقى يوم 5 وكمان نفس الشهر
هو انت قصدها؟؟؟؟؟؟
الدنيا خربانه ف الشغل عندى من اول المدير للعامل زى كل المصالح.
خش بقى ع الخراب الكبير ف الشارع كل شوارعنا بطنها مفتوحه ع اساس انها هتتصلح بعد الصرف الصحى انا برده النهارده كان هتبقى نكسه عندى ف البيت لانى كنت هقع فبلاعه الصرف ههههههههه.
خراب بقى من نوع تانى ف المكروباص وزنقته انت فاهم طبعا.
ياسلام كمان ع الخراب اللى ف الصيف(الصيف وبلاويييييه واللى بيجرى فيه)وع رأيى عبد العال ف ريا وسكينه (كل شيق انكشف وبان)ياوعدى ع موضه الصيف السنه دى .
افتكرت موقف كان فمدرستى ايام الثانوى ا حجره المدرسات طبعا قعده الستات اللى كلها نميمه وغيبه واحده منهم كانت بتقول انهم هيدخلو الجنه وقالت هو احنا بنعمل ايه غير حته الحكاوى اللى بنقولها من الاخر احنا اتعمينا عن الخطأ واعتبرناه حاجه عادى نتقبلها ابو على ربنا يوفقك واتمنى انى اقدر اشارك معاك .
تحياتى لك

إيمان Says:

أنا ألتزم الصمت الخراب
وهلى العموم زى ما قالت مروه هى خربانه خلقه وبتتخرب تلقائي
بس برضه مفيش مانع اديها سلبية وتكبير دماغ وخلينا فى حالى و وحال عيالي وكما قال الشعر إيكش تولع

بنت وولد Says:

ممممممممممممممممم
انت كده نشطت الغده التخريبيه عندى و دى اما بتنشط اجارك الله
هههههههههههههههههههه

احنا نبدأ فى الاول بحمله لقطع كل اسلاك التليفون اللى فى البيوت
و دى سهله قوى البوكسات ماليه الشوارع و بالقصافه و نشتغل
و على فكره ده ليه مردود ايجابى قوى على المجتمع و ده مش هدفنا فى المرحله دى خااااااااااالص

نسرق صناديق الزباله و نسيح البلاستيك اللى فيها و نعمله ببرونات و لعب اطفال
و ده قمه السلبيه
اهو مش حرمتك من حاجه

اى خدمه

مدونه ما كفايه بقى Says:

سلامو عليكو

هيه خربانه مش محتاجه بس يلا زياده الخراب خرابين

هى الاقتراحات كتير بس اكثر حل مقترح اننا نعمل معتقل فى كل شارع يلم كل اللى مش موافقين على عمليه الخراب

تقبلنى صديقه للمخروبه

تحياتى لك

-_- Says:

ممكن اججيب سيرة حد ولا ممنوع ذكر الاسماء

غير معرف Says:

نعمل مسابقات تخريبيه بين الاطفال فى الشارع وكل متخرب اكتر تكسب اكتر والتخريب بقى ممكن يكون تكسير ازاز العربيات اللى راكنه جنب بيتهم او فى اى مكان بالطوب ولو لقوا شباك عربيه مفتوح يحطوا صمغ على الكراسى علشان اللى يقعد ميعرفش يقوم ويمسكوا الالوان بقى ويشتغلوا على الحيطان فى البيت والشارع ..الاطفال دول ثروه يا جماعه اوعى نضيعها فى الفتره دى لاننا داخلين على منعطف تخريبى تاريخى بقياده ابو على .

brightlyanny Says:

ابو على المخرب العظيم
انا افتكرت شويه افكار تخريبيه عظيمه جدا هتفيد مصرنا المخروب.
احنا مش نمشى ع الرصيف وكمان محدش يقوم للست العجوزه ف الاتوبيس.
وكمان الاطفال اللى ففصولنا لازم نشتم قدامهم عشان نكون القدوه ليهم.
وكمان مدرساتهم تربى ضوافرهم وتحط لهم منكييير عشان ده الانوثه.وكمان عايزييين نعمل رحله نيليه نربى ف اليل كل زبالتنا من كياس شيبسى ع كنزات ع مناديل ورق.
وياريت الرحله تبقى من القاهره لاسوان وندخل بقى جزيره النباتات نقطع كل الاخضر اللى فيها وممكن كمان لو ف الشتا نكسر فروع الشجر عشان نولع فيه ونسخن بقى .
متخفش ستتوالى الافكار التخريببيه ياابوعلى م انت عارف البركه بالشباب.
سلام

SHAPE YOUR LIFE (ABOALI) Says:

الى الريس
ياااااااااااااااسلام عليك
هو ده الكلام
اغنية خربانة خربانة
سيكون تاءليف كلماتها معتمد عليك
وسيكون ان شاء الله لك دور فعال

والاشتراك مجانى وكل لما تدعو واحد للاشتراك
سيكون مساهمتك افضل ولك منا شهادة تخريب بذلك

تقديرى يا انسان

SHAPE YOUR LIFE (ABOALI) Says:

الى فتاه من الصعيد

ياااااااااسلام عليكى يا فتاه
طول عمرى اقول الصعايدة مثال يحتذى به

سيتم فعلا اضافة السلبية الى معجم التخريب بالاضافة للعصبية
وسيكون دورك فى الحملة وضع توصيف لتلك الكلمات حتى يكون لينا خط واحد وتوصيف واحد للكلمة

شدى حيلك معانا لسه عندك طاقة تخربييه كبيرة انا متاءكد

لك كل التقدير

SHAPE YOUR LIFE (ABOALI) Says:

الى يارا

ازيك يا انسانة
دايما التطوير مستمر فى المدونة
وان اوووووووووووان التخريب

انشطى معانا كده
انتى من الاساس عندك طاقة وفكر محترم فى التخريب

فوقى كده وعلقى

خالص التقدير

SHAPE YOUR LIFE (ABOALI) Says:

الى زهراء

لالالالالالالالالالالالالالالالالالالالالالالالا
مش هى دى زهراء اللى اعرفها
بقى دى قدراتك التخربييه
عيب عليكى صدقينى

كنت متوقع منك اكتر من كده يا زهراء
اعصرى عصارة مخك
وعاوزين فكر جديد
واحتمال البوست الجديد هايساعدك شوية
يلا بقى ورينا خبراتك التخربييه
والحملة الاعلانيه تبدء ازاى

وياريت تعملى جروب على الفيس بوك
بعنوان يلا نخرب
وتدعونى ليه

نشاااااااااط تخريبى يا زهرا يلا

تقديرى

SHAPE YOUR LIFE (ABOALI) Says:

الى الشوكة الناعمة

ياااااااااااااه عليكى يا شوكة
المفروض انتى مثل لينا وقدوة فى الموضوع الخرابى ده

بقى شوكة مش عارفة تطلع مليار فكرة خرابييه
دى وحشه فى حقك صدقينى

انتى عندك مخزون تخريبى هايل وده تم رصده بالقمر الصناعى

علقى تانى كده
واكتبى اى فكرة حتى ولو عيالى

شوكة
ياريت تكونى عند حسن الظن لانك من ا لاعضاء المؤسسين للحملة


تقديرى

SHAPE YOUR LIFE (ABOALI) Says:

الى قلب قطة

ايووووووووووووووووه كده يا ريتشارد

طلعى طلعى من مستوعك الخرابى

خلينا نستفيد وهاخلى افكارك دى نموذج للتطبيق
بس شدى حليلك شوية وقولى رايك فى بنود دستور ابليس

تقديرى ليكى

SHAPE YOUR LIFE (ABOALI) Says:

الى يارا

ياااااااااااااااااااااااه
ايه ده يا بنتى ده انتى دستور لوحدك
ده انتى نموذج تخريبى رائع
امكانيات امكانيات مؤهلات مؤهلات
اقول ايه ولا ايه

انتى هايكون ليكى بوست لوحده يا بنتى
بعد البوست ده

فكرى كمان
خلى قدراتك تظهرت وعبقريتك تنمو

لقيتى فعلا نفسك واعدتى اكتشافها من تانى
بجد بجد احييكى

SHAPE YOUR LIFE (ABOALI) Says:

الى افروديت

لالالالالالالالالالالالالالالالالالالالالالا
افردويت ماتقولش كده
انتى عندك فكر تخريبى مخزون بهدء كده
ابدئى اكتبيه

وبلاش تخيبى نظرى فيكى

خلى كلمة الخراب امام عنينك
وشوفى عاوزة تخربى ايه وقولى ايه هى الطرق اللى اخربه بيها
هاتظهر مواهبك اكيد

وياريت اشوفك تانى علشان الشريط غالى وعليه طلب

تقديرى

SHAPE YOUR LIFE (ABOALI) Says:

الى كيكى

ايه يا كيكى معقولة مش عارفة

هانخرب نفسنا الاول بعدين اسرتنا بعدين المجتمع

ومعتمدين عليكى فى موصوع الدروس والخبرات ده

زودى بس التعليق شوية وبلاش تعليق طايرى

دى فرصتك علشان تشوفى قدراتك التخربييه وابداعاتك

يلا بقى
عووووووووووووووووووو

SHAPE YOUR LIFE (ABOALI) Says:

الى نور

لالالالالالالالالالالالالالالالالالالا مش هى دى نور اللى اعرفها

بقى هى دى قدراتك التخربييه

اعملى اعادة لنفسك مرة تانية وتقيم جديد
وقولى افكارك التخربييه وشدى حيلك

تقديرى

SHAPE YOUR LIFE (ABOALI) Says:

الى كلمات من نور

ههههههههههههههههههههههههه
يااااااااااااااعينى على الكبت الخرابى

نشد حيلنا طبعا
هو احنا شوية
اهو حاجة نفلح فيها
بس ياريت نعملها بشكل متقن

تقديرى

SHAPE YOUR LIFE (ABOALI) Says:

الى برتلى
جميييييييييييييييل منك يا برتلى بجد
بس دى مشاهد
احنا عاوزين فكر خراب

وكل اللى ذكريتيه بيشجعنا فعلا اننا فى خراب كبير
وان الاوان نعمل مجتمع مخرب ويخرب الدول كمان اللى حوالينا
شدى حيلك معانا يا برتلى

ان شكلك هاتكونى من حملة الراية التخرببيه

تقديرى

SHAPE YOUR LIFE (ABOALI) Says:

الى ايمان

الله الله عليكى يا يمان

ايكش يولع
فعلا كلمتين فى الجون رائعين
بس لسه منتظر منك الكتير يا ايمان
فكرى كده واطرحى فكر تخريبى واضح

تقديرى بعد العودة

SHAPE YOUR LIFE (ABOALI) Says:

الى بنت وولد

جمييييييييييييييييييييل منك التميز بين الحاجات اللى ليها جانب ايجابى وبين الحملة التخرببيه بتاعتنا

وحاسس انك ممكن تبقى من الاعضاء المهمين فى الحملة

بس ادينا اكتر من خبراتك واشتغلى واظهرى قدراتك

تقديرى العميق

SHAPE YOUR LIFE (ABOALI) Says:

الى مدونة ماكفاية بقى

الله الله
فعلا دى فكرة تخربييه رائعة
العالم الاصلاحيين دول نلمهم فى معتقل
ومافيش مانع نسحلهم فى الشوراع علشان يكونواعبرة

ونورى العالم اللى بره قوتنا

انتى كده عجبتينى بجد

واصلى معانا فى الحملة وليكى منصب مهم

تقديرى

SHAPE YOUR LIFE (ABOALI) Says:

الى شارم

اسمااااااااء مين يا عم
كلمة اسماء جامعة الكل لا تقلق

اهم حاجة فين فكرك التخريبى
عيب كده

تقديرى

SHAPE YOUR LIFE (ABOALI) Says:

الى برتلى

نشاطك بدء يظهر جدا يا برتلى
بس الكلام ده بيحصل فعلا

احنا عاوز هدم خراب باءفكار كبرى

وهذا لايمنع برضوا من ان فكرة ردم النيل دى بالزباله فكرة جيدة جدا

تقديرى ليكى على المتابعة
وشكلك هاتبقى ممثلة حواء فى الخراب

تقديرى

SHAPE YOUR LIFE (ABOALI) Says:

الى غير معرف
الله الله الله

جميييييييييييييييل جدا الفكر التخريبى ده

الاطفال فعلا ثروة تخربية هائلة وممكن واحنا قاعدين فى البيت نسرحهم ويعملوا فعلا الخراب بشكل متقن

هااااااااااااااااايل جدا

تفاعلك اسعدنى جدا

كمااااااااااااان استخرج مواهبك كمان