مداعبات زوجية

, الثلاثاء، 30 يونيو 2009





قالتلى شايفة


اخلاقك اتـغيرت


مفيش كلمة بحبك


مافيش كلام هيام


هو انا مش قدامك


ولا انت نسيت الغرام


ابتسمت وانفرجت اساريرى


وقلت كده هايحلى الكلام

(وش بيغمز)


قالت وعينها مليانه شرر


والله هاجبلك التهاب فى قلبك


ومش هاينفع معاك مسكن


وهاتفضل تعانى من الالام


قولت وهاهون عليكى


وانتى فى القلب ساكنة


بس انتى ساعات بتنسى العنوان


وانا عمرى ما ادرى حبك


وانتى عايشة معايا فى كل لحظة


وفى كل مدار كمان


حتى اسئلى خط الاستواء يقولك


اد ايه الروح بتحبك


قالتلى شكلك حافظ كلمتين


وكمان بتقول مدار


هو البيه مذاكر جغرافيا


قولت سبحان الله دا انا هاشوف الامرين


قالتلى طب خلى بالك انا حبى سرطان


وهاتعانى من حموضة فى صدرك


والدوا هنا فى قلبى


وهاخليك دايما " حيران


قولتلها ماتيجى نعمل معاهدة


ونكتب مع بعض شروطها


يمكن يسوووووود الوئام


بصت كده بأستغراب


قالتلى فاكرنى غزة ولا عايشة فى الضفة


انا صاحبة وطن يا واد


وانت وطنى وقلبى


وان كان الكلام مش عجبك


هاحلف عليك ومعدتك قدام عينك


هاتلف وتدور فى السما والبحور


لقمة عيش يا جدعان


قولت هو مافيش فى الحب سلام


ليه الكلام كله نواشف


ومكتوب عليه قابل للكسر والجنان


انا عارف انى انا حبك


بس الكلام محتاج طشة حنان


بلاش جبروت حوا


ده احنا الاتنين نحمل لقب انسان


قالتلى انت نهارك مش معدى


ومش عارف تعامل شريكة الايام


قولت بصى هى دايما معادلة


حب فيه طراوة


وكلام نقاوة


ويقين لرب البرايا


هاتكون حياتنا سعادة


وانتى كل انا وكل منايا


قالت ماشى يا مهذب


بس خلى بالك


الحياه من غير توابل


اللى بيقولوا عليها مشاكل


هاتكون من غير طعم ولون


مش عاوزك فى يوم تكون مجنون


وساعة لما احتاجلك


افتحلى بس باب صدرك


وهاكون انا كل نبضك


وبحبك ليا وعطفك


هاتخلينى اكون عبدك


قولت انتى ملكيتى


والحارس مستنى همسك


قالتلى مش قولتك

اخلاقك اتغيرت


لحظة انتماء

, الثلاثاء، 23 يونيو 2009


تحت علمك يا بلدى

اقول احلى كلام

مهما قالو1 عليكى

انتى الوطن والاحلام

وده كلام حقيقى

مش حروف اوهام

لما باشوف علمك

قلبى لازم يضرب تعظيم سلام

وليه لأ

اسمك كرمه الرحمن

عبادة مكتوبة فى القراءن

ونبيك خير الانام

وليه لأ

لسه ناسك طيبين

فيهم الاصل فيهم الدين

ربهم واحد بيقولوا يا معين

لسه بالستر عايشين

والكرامة فيهم عنوان على الجبين

اينعم ممكن نكون تايهين

وساعات نمر فى الطريق مهمومين

كله ده يا بلدى من قسوة الظالمين

بس لسه فيه امل فيه اليقين

مهما حصل مهما كان تعب السنين

ياااااااااااااااااااااا بلدى

علمك دايما" مرفوع

ورموش عينى حما وضلوع

تضمه و نن العين حارس فى كل الربوع

يا بلدى

خلينى ابنك

وخدينى دايما فى حضنك

وقربى من دين ربك

يكون ليكى فرح وحبور

واسمك عالى فى السماء والبحور

يا بلاد ى يا بلاد غربية

طريقك هناك وانتى بعيدة

هرفع علمك يا بلادى

مهما كان ظلم الاعادى

تحت علمك

كان اخويا واهلى

وهناك كنت بربى ابنى

كانت هنا امى واختى

يا بلدى انتى انا

وانا كل انتى

هاقول فيكى مواويل

مادام روحى فى قلبى بتجرى

ياااااااااااااااااا بلادى

ياااااااااااااااااااا بلاد غريبة


عاوزك منى قريبة







بلاش نزعل

, الأحد، 21 يونيو 2009


بلاش نزعل

امريكا زودت المعونة

واحنا رضينا بالقليل

وقلنا عيشتنا كدة ميمونة

وحدث الفرق

ورجعنا توتا توتا

كلنا لازم نتعلم انى

للنصر عنوان

واضح من غير اسرار

مكتوب فى كل مكان

فى كل حائط وبنيان


اسمــــــــــــــــــــه

عزيمة حماس واصرار

ثــــــــــــم

توكل على الحى الذى لا ينام

بلاش نزعل


انا المصرى انا المصرية

, الخميس، 18 يونيو 2009





مصر مصر مصر

احبوا اوطانكم تحبكم

انثروا بذور العرق فى ارضكم

تكن لكم

حب الوطن من الايمان

عجب فى زمن اللا عجب

, الأربعاء، 17 يونيو 2009



المتابع لسلسلة الامراض التى اظهرت اسنانها لنا


وتنوعت فى شراستها وعنفوانها


يجب ان يتعجب فعلا


فعندما نتكلم عن حالات انفلونزا طيور ثم انفلونزا خنازير ثم يطل علينا من بعيد الطاعون


لابد لنا فعلا ان نصاب بالذهول


الكثير رأى المشهد انه ابتلاء وغضب من الله


ولكن المتأمل لتلك الامراض سيرى علاقة واضحة بينها


وهى ضعف الاهتمام بالنظافة سواء اكانت داخلية او خارجية


واستعمال كل ما يزيل رائحتها بالمعطرات بدل من ازالة المصدر


ولك ان تتعجب وانت ترى اهل شارع من الشوراع يلقون بالقمامة فى قطعة ارض فضاء قريبة منهم


او يلقونها فى اقرب منزل قريب منهم خلسة ظانيين ان الخالق ليس بصير


وهاهى وسائل الاعلام تهلل لاءهمية النظافة ودورها المهم فى التقليل من التعرض لأخطار تلك الامراض


ويااااااااااااااه سبحان الله


من توجه اليهم تلك الرسالة المسلمين


فعلا الرسالة مؤلمة


الدين الذى حث عل الطهارة ولم يترك فيها شاربة ولا هائمة الا ذكره

ا

يُذكر اهل هذا الدين بالنظافة وتهوية المنازل والبيوت


الدين الذى حث على الجار السابع


فعلا عجب فى عجب


تخيلوا لو حدث التقاء بين مريض مصاب باءنفلونزا الطيور ومريض مصاب بأنفلونزا الخنازير ومريض مصاب



بالطاعون


تخيلوا هذا الالتقاء سنقول بالتأكيد انه لقاء السحاب او لقاء العمالقة


ولكنى اقوووووووول هذا لقاء الاهمال والقذارة والغرق فى المستنقعات


حتى اصبح من يفعل المعاصى يتلذذ بها ويقف على النواصى ويقول انا عاصى


هنااااااااااااااااااااااا وبعد كل ما قرئتموه


جاء تدخل السماء وظهرت تلك الامراض لتكون جرس انذار لنا قائلة تعالوا نعود وفى ذلك قمة الحكمة الالهية


فالطهارة نور والنظافة عنوان للرقى


نحتاج فى هوجة النداءت بالنظافة


ان ننظف انفسنا من الداخل ايضا لنسمو بتلك الروح الطاهرة وذلك الجسد المكرم


هيا ننظف انفسنا


النظيف يرفع ايده



معلش علشان انا لابس نضارة مش شاااااااااااااااااااايف حتى نفسى


ومش عجبى




همهمة بصوت عالى

, الاثنين، 8 يونيو 2009


لم يكن احد يتوقع ان الشخص الذى ترونه فى الصورة فى اعلى وهو يجلس بجانب اباه فى كوخ فى كنيا


ان يكون رئيس اكبر دولة على مستوى العالم ( اوباما)


وان يكون شعاره الذى اوصله الى هذا المنصب


حان وقت التغير


وتحت هذا الشعار انبرى يجمع حوله الجميع حتى اعتلى المنصب


وهاهو يرواد الجميع بمعسول الكلام محاولا" رفع شأن بلده فى جميع الاماكن


حتى يهيىء لشعبه المناخ المناسب للرقى ورفع مستوى معيشته


من خلال ازالة العقبات التى يراها انها تعيق حركة التقدم فى بلاده


دعوة التغير تلك نحن فى اشد الحاجة اليها الان


لعدة اسباب


البصيرة ذلك المنشور الذى نرى من خلاله من يحيط بنا


اصبحت تلك البصيرة الان لا ترى ان من تقابله انسان مثلها


لذا نرى بعضنا يأكل لحم الاخر ولا يتهاوان فى شل حركته واهانته


اهل الثقة واهل الكفاءة


الاعتماد الان على اهل الثقة وهم من يرضون طموحنا من حيث الطاعة سواء كنا محقين او ظالمين


حتى اصبح النفاق هو المعيار بدل من الكفاءة


ويستطيع كل منا ان يستخلص لما نحتاج الى التغير


وان يبدء فيه فورا


هناك مصابيح من نورلازالوا حولنا


قد يكونوا اباء او امهات او علماء او اشقاء او شقيقات


ان لم نبدء وفى حنو فى الاستفادة منهم حتى يساعدونا فى التغير


ستكون حياتنا القادمة صعبة



ادعوكم وادعو نفسى للتغير


واول شيىء نغيره


ان نتبسم بدل من العبوس


ان نتفائل بدل من اليأس


ان نتقن ما نعمل


ان نكون صورة لمنهج ذلك الدين الفريد


الذى نعتنقه الذى ما ترك مثقال ذرة كان فيها الخير الا وتحدث عنها وطلب السعى اليها






قالوا اتغير


قولت اتغير ليه


انا مروق الانانى


وعايش ودماغى فاضى


قالوا بس كده انت مش انسان


قولت يعنى انتوا شايفين حيوان


قالوا فيه فرق كبير


بين حامل المسك ونافخ الكير


قولت بلاش كلام انشا


وسمعونى كلمة وادع يا ناصحين


قالوا بدون نظام وعلم كمان


هاتفضل حيران


وهاتقول هو ايه اللى حصل فى الدنيا يا جدعان


وهاتشوف على جبينك تجاعيد هموم سنينك


يا صاحبى


شغل نور قلبك


يكون دليل لعقلك


حديث وقاله عظيم


اغتنم خمس قبل خمس


شبابك قبل هرمك


صحتك قبل سقمك


غناك قبل فقرك


فراغك قبل شغلك


حياتك قبل موتك


لا ينطق عن الهوى


ان هو الا وحى" يوحى


من فوق كان طريق هداك


صدقنى مهما بعدت


هو بردوا منتهاك


يلا صاحبى نكبر مع بعض


ونرفع شعار


حان وقت التغير



لقد صنعنا الكثير من الكبارى والطرقات والمولات الم يحن الوقت لصنع انسان



وعجبى

مداعبات نفسوية وطنية

, الثلاثاء، 2 يونيو 2009


تمر علينا لحظات من الصراع الفكرى والتلاحمات الوجدانية واحيانا نجد انفسنا مبعثرين بين كثير من الاشياء

احيانا نكتب فى مشهد ولقطة ثم ننظر يمنيا فنجد ان هناك لقطة اخرى
وتلك ثلاث لقطات حدثت مرة واحدة

فأطلقت عليهم مداعبات بدون فواصل اهو تغير

اللقطة الاولى


وقعت منى نفسى فتلقفتها

فنظرت الى عينى مبتسمة

اتراك تخاف على ؟

فقلت هيهات هيهات

الا اخاف على نفس"

هى امانة عندى

فقهقهت الضحكة تلو الضحكة

انااااااااااااا امانة عندك

لالالالالالالالالالالالالالالا

انا هواك وغداك

انا عشقك ومنتهاك

انا تعبك وشقاك

انا كل انت

وانت كل انا

فقلت ياااااااااااه

كل هذا

اتراكى كنتى فى بحر الاحلام تغوصين

فلم تجدى مركب" فكنت انا المدين

فقالت

الم تعشقنى فى الليل والنهار

واسقيتك الخمر وافيشت لك الاسرار

فقلت اتراكى تفخرين بهذا

وتتمخترين فى الاسواق

الليل والنهار

اسمعى منى اليقين

انت محبوتى التى احب ان ارها

فى طريق الورد وحب رب البرايا

فاءن وهنتى يوما"

سأستعين بحب نبيا"

ملأ الدينا رحمة وصحبته هى منايا

ف توارت نفسى مبتعدة

ف حتضنتها روحى

لما تهربين؟

من قدم صدق عند ملكيك مقتدر

هومن سواكى

وعرف طريق هداكى

فكونى له فى الطاعة

يكن هو كل همك و مبتغاكى




اللقطة الثانية


مررت على نفسى

فنظرت لى شذر"

قولت لماذا غض البصر

ااخطئت ام هو اختلاس النظر

قالت

اراك تركب جمل و عبارات

وتميل الى فلسفة الكلمات

وستقول انها سخرية القدر

انتبه

وانظر ماذا تسقينى

اسقيتنى الحزن

فماذا لى غير الجفاء

اسقيتنى الهم

فماذا لى غير العناء

اسقيتنى الالم

فماذا لى غير البكاء

اسقيتنى الوهن

فماذا لى غير الشقاء

قولت يااااااااااااااااااه

كما انا غريب عنكى

ام ترانى ضللت العنوان؟

كل هذا فى انا الانسان!

ارنى لا استحق البقاء

ام هى الشكوى ؟

وطلب الفراق!

نعــــــــــــــــــم

اسقيتكِ الحزن

على وقت فات

ألفتى فيه المعاصى

ونسيتى طريق الحسنات

نعم اسقيتك الهم

فهمى هو الجنات

نعم

اسقيتك الالم

لتذكرى رب السموات

نعم

اسقيتك الوهن

لتعلمى معنى الاتقياء

نعم

فعلت كل هذا واعترف

لتعودى الى مطمئنة

وترتفعى الى عنان السماء

اجنحة من نور

وحب وحبور

وفرح وسرور

فى رؤية رب غفور

هذا هو الجزاء المبرور





اللقطة الثالثة


لن نبكى ابدا

ولن تسقط اشجار الزيتون

وسيكون حبك فى قلبى

مهما اذاعوا انى مجنون

وسارفع رأسى عاليا"

يٌـتوجها الفرح

ولن ابقى ابدا" حزين

قومى يا بلدى

ها هم رجالك ونسائك واطفالك هناك

التحفى يا بلدى هم حولك

هم كنزك المكنون

لن نبكى ابدا

لن تسقط راياتك

فهناك هناك علماؤك

عشقك لهم عنوان

ارضك لهم ايمان

ترابك يا بلدى

كرمه الرحمن

لن نبكى نبكى ابدا

ولن تسقط اشجار الزيتون

من موسى وعيسى

و اسمك مكرمٌ فى القراءن

وجندك يا بلدى

هم جند الرحمن

ياااااااااااااا بلدى هدفك واضح

هناك هو يناديكى

قومى يا بلدى

واسعى له ولا تنسى ماضيك

بالعلم يا بلدى تبنى الامم

ويكون لك وطن واوطان

لن نبكى ابدا

ولن تسقط اشجار الزيتون

وسأبدا يا بلدى

وازرع هناك العطر والريحان

لن نبكى ابدا

مهما قالوا عنى

فأنا انا الانسان


ولست المجنون كما اذعوا الان




لن نبكى ابدا ابدا


ولن تسقط اشجار الزيتون