خلل الكمياء

, الأحد، 26 أبريل، 2009


اعرابيه لها طفل وعندها كلب تتركه يحرس ابنها حين تغادر


بحثا" عن لقمة العيش وهى فى الصحراء

فى يوم تركت الكلب مع الطفل وذهبت تصطاد فى الصحراء


وحين عادت استقبلها الكلب من على الباب فرأت دماء على فمه كثيفه


فذهب عقلها ظنا" ان الكلب قد اكل الطفل فقتلت الكلب


ودخلت تهرول الى داخل البيت فوجدت طفلها يلعب وبجوراه ثعبان كبير قد قتله الكلب


فذهبت الى جثة الكلب تبكى


وبنت له قبر" وكتبت عليه هنا يرقد اوفى الاوفياء


انها قصة حملت الكثير من المعانى


ولكن اهم معانيها كيف نكون فى حالة الغضب لن نكون نحن بالتاءكيد وتختل كمياء الجسم والروح


وتختلف كهربائية انفسنا لذا قيل للغاضب اذا غضب


ان يجلس على الارض حتى تمتص جزء من ذلك الخلل الكهربى


وكم تذخر وتمتلئ ملفات المحاكم كوكتيل من القضايا وكم نخسر العديد من الاصدقاء بسبب الغضب


وكم يخسر الابن اباه والام ابنتها بسبب الغضب وكم يخسر الزوج و تخسر الزوجة حين الغضب


القوى هو من ملك نفسه عند الغضب



فى ساعة الغضب


مش هاتكون انسان


هاتمشى شمال ويمين


وهاتكون حيران


اسير لهواك ومعاك شيطان


فكر شويه لما تغضب


وابعد عن المكان


وافتكر ربك بسرعة


واقول انى اتوب اليك يا رحمن


خلى بالك دى نصيحة


وبعد النصحية فيه خسران


وهتلف وتدور على حد يساعدك


وانت ذليل ندمان


وهاتقول يا ريتنى كان عندى ايمان

وعجبى

الى انسان (اعادة نشر)

, السبت، 25 أبريل، 2009


من آجلك اقدم اعتذارى


لم يكن سكوتى هناك


الا اعتراف لك وحدك


بأنكى عنوانى


رغم نسق الحروف


رغم عشق الكلمات


الا انى لم ارفع صوتى بها


اكتفيت بالنظر الى عينايكى


آآخذ منها رحيق حياتى


انى اعتذر لك الان


فجاء قلبى من بعيد يلهث


قال اسرع


وقل لها انك تحبها


قل وسوف اكون هناك معك


وصاح فيا مناديا"


رد لى اعتبارى


لن اكن عذريا" بعد الان


قل لا تترد


قل لها انكى تغلغلتى فى شرايين حياتى


مالك تنظر واجما"

كفاك كلمات لم تعبر بحر وضعته بيدك

ارجوك لا تعتذر الان

وعندما حان الوقت

رأيت قلبى مراقبا من بعيد

وفى لحظة تصارعت فيها مع انفاسى

قلت لها احبــــــــــــــــك

لم ينتزع غيرك تلك النبضات

وتراجعت عينى عن النظر الى عيناكى

ولكن قلبك وقف امامى

وقال فى تسارع

دع قلبى يقولها لك

ان قولتها انت بقلبك

اناااااااااااا أقولها لك كأنسان

احبــــــــــــــــــــــــــــــك

عندهـــــــــــــــــــــــــــا

جاء صوت من بعيد

ادركت بعده

انه يجب ان اقدم اعتذرى

يا منايا يا عمرى

حنفيات السماء

, الجمعة، 24 أبريل، 2009


زج زج و دم الغزال اخين


المطرة مطرت فدار بينهم حوار


زج زج تعرف يا دم الغزال انى بحس انى لما المطره بتمطر


ان السما بتعيط وكاءنها دموع السماء


ضحك دم الغزال


وقال


دموع يا زج زج انت قاسى اقووووووووى


قال اه دموع


يمكن علشان احنا وحشين وساعات بنكذب انا وانت


وساعات بنكون سامعين بابا بيقول اللى يذاكر اكيد هايتفوق واحنا بنلعب


دم الغزال قال


بس انا يا زج زج بحس انها حنفيه وتفتحت ومش حنفيه واحده


دى حنفيات


ضحك زج زج وقهقه وقال


وليه بقى ناقص تقول واحد كان بيتوضأ ونسى الحنفيه مفتوحه


قال حنفيات السماء قال


انت كده دماغك مونونه على الاخر


دم الغزال قال


اه يا غتت حنفيات بتنزل ميا للارض علشان الزرع مش قرينا كده فى الكتاب


وكمان ميا تشيل التراب اللى علينا


فقال زج زج ايه رايك نسئل بابا هى دموع السماء ولا حنفيات السماء


فقال ابوهم


لو قلنا انها دموع السما


يبقى اكيد عندنا احتمالين اما دموع حزن او فرح


حزن لما نكون فى الدينا تايهين ومش عارفين نعمل لينا عنوان متين


وفرح لما نكون فى الدينا خلفاء صالحين لرب العالمين


ولو قلنا حنفيات السماء


اذن هناك ممسك يفتح الماء ويقبض


اذن هناك متحكم يتحكم فى نوع الماء


اذن هناك رازق يرزق من شاء


اذن هناك من يصون


اذن هناك من يحمى


اذن هناك من عنده مصدر الماء


اذن


اذن


طب انت رايك ايه يا بابا دموع ولا حنفيات السماء



ف وقفت حائرا"


والمطر يضحك


لقد واثقت فى قوانين البشر


فقل لهم كما تقول دائما


انه مطر كأى مطر


سحاب حمل الماء


فشقته الريح


فكان مطر


فقولت هذه المرة ارك


ليس كأى مطر


انها قدرة عزيز" مقتدر


وانى كنت بلا نظر


فتبسمت عيناى


بسمة" فرحت بها نفسى


وادركت حينها فيضان اليقين


وانهار منى تسيل


ان حياتى كانت امطار


حصدت فيها ما رويت من بذور وثمار


وانا انظر لفوق متأملا"


ياااااااا ربى هل هى


حنفيات السماء


ام


مبشرات السماء


ام


رسالة السماء


ام

نبضات السماء


ام

صلوات السماء


ام

خشوع السماء


ماذا اقول لهم


يااااااااااااا ربى


فوجدت العقل يقول قل


انها رحمات السماء


يهدى الله بها من يشاااااااااااء




مش عارف عاوز اقول ايه

بس اكيد الكلام ليه معنى

يويو (اعادة نشر)

, الأربعاء، 22 أبريل، 2009


مرة تانية معذرة" انشر بوست قديم لى

ولكنه لازال يحمل ما نعانيه الان من حالة اللاواعى

وان كان ابلييس قد فتح فى هذا البوست شركة السفريات

فاءنه قد اطلق مجموعة من الشركات تحت عنوان

شركة تتعب ليه فى الدينا

شركة بالفن نبنى الحياه

شركة بلاش وجع دماغ الانتخه اهم دماغ

شركة يلا نحب فى حديقة الازهر

شركة مافيش فايده

ووووو



ابليس قرر يفتح مجموعة شركات


قال الاول نعمل شركة سفريات


نادوا واحد واحد على المسافرين



المسافر الاول

يدخل يرتدى الجلابيه فــــــــــلاح


يعنى ايه قيمة الارض عندك؟ (ابليس يسأل)


الارض لو عطشانه كفاية انى نانسى عجرم معانا


جميل انت هاتسافر بسرعة(ابليس )


المسافر الثانى


يدخل يرتدى بدلة (استاذ جامعى)


يعنى ايه وطن؟ (ابليس يسأل)


وطن


اه وطن (ابليس)


مصر الجديدة هى وطنى وملعبى


خذوا سينا


خذوا طابا


بس خلوا نادى الشمس والنبى


هههههههههههههههههههه

(ابليس يضحك)


انت حبيبى ونور عينى


انت مسافر على طول


المسافر الثالث


شــــــــــــاب


يعنى ايه انتماء فى نظرك ؟(ابليس )


ايه ايه انتماء


اه يعنى اقصدك اهلاوى ولا زملكاوى


انت روح الروح انت مسافر مسافر (ابليس يرد)


المسافر الرابع

طالب


يعنى ايه تربيه وتعليم؟ (ابليس)


تربيه تربيه يعنى مربيه


اقصدك ابقى داده يعنى


طب التعليم ؟


يا بيه العلم فى الراس واللى يفكر يحتاس


صح صح انت كدة معلم(ابليس)


وهتساااااااااااااااافر


المسافر الخامس شابة ترتدى ارق الثياب


تكشف عن مواهبها


يعنى ايه حياء واخلاق؟


هههههههه بلاش كسوف بقى


عاوز تدفع كاااااااااااااام


انتى كفايه علياااااااااااانتى اول المسافرين


ابليس فى الخلفيه النهاردة كفايه مقابلات


انا سعيد سعيد


عندى اطمئنان كامل نجاح مضمون لمجموعة الشركات


ابليس يخرج من باب الشركة


انى برىء مما يفعلوووووون






عينى عليك يا انسان


عرفت طريق الهجران


تسيب شيطانك فرحان


يضحك عليك ويقهقه وانت سعيد كمان


لو انت ناسى افكرك


هناك سجد ليك


بأمر من خلق


وانت سجدت سجود الطائعين


هناك قال انا من نار وانت من طين


بس لأنك معاك صك التكريم


كنت الخليفة الى يوم الدين


عينى عليك يا انسان


طريقك مليان غفران


بس انت اجرى


وقرب من الرحمن


هو هناك مستنى


ونبيك عند الحوض كمان


عينى عليك يا انسان


حرف وحرف

, الأحد، 19 أبريل، 2009


أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي


تسلقت الحـــــــــــــــروف


لأبحث عن معانيــــــــــــــها


فوجدت نفسى امام الالــــــــــف


مالك وانا


فأنا الالف رمز الكبريـــــــــــاء


لا تخلو الكلمــــــــــات منى


فقلت فى نفسى دعه


فقد عاش فى الخيلاء


فذهبت الى البــــــــــــاء


فوجدت بسمــــــــــــــة صافياء


فتنفست الصعداء


فلمحت التـــــــــــــاء


تدنـــــــــــــــو منى وتقول لى


هل من توبه فى رخاء


قولت ولما لا اذهب الى الثــــــــــاء


فوجدت هناك ثــــــــــــــــوب الفضيلة


هو الرداء


فقلت ياااااااااااه


ياله من من رداء


فتعجبت وقلت


اذن الرحال الى الجيـــــــــــــــــــم


فوجدت جمـــــــــــــــال الطلعة


وثقة اليقين


ف سمعت همسات عند الحــــــــــــــاء


فنظرت نظرة العارفين


هناك المقصد هناك المحبين


جمعوا الحاء مع الباء


فكان حــــــــــــــــب تغلل فى كل قلب


فقلت ساءذهب من هنا سريعا"


فاصطدمت بالخـــــــــــــــاء


فقالت لى تذكر ان هناك


خــــــــــــــــوف ورجاء


فوقع فى روعى


همسات" لنفسى


فهرولت من الخاء


ابحث عن الــــــــــــدال


فوجدته علامة" ودليـــــــــــــل


فتلمست طريقى


فوقفت امام الــــــــــــــذال


ف راودتنى ذكرياتــــــــــــى


فاسترجعتها فاءذ بى


امام الــــــــــــراء


رحــــــــــــلة طويله قطعتها


فقلت عمرى مر


فشاهدت الزيـــــــــــــن من بعيد


تتزين تحمل زيـــــــــنة الدنيا


وتقول لى هل انت ات


يااااااااااااااااااه


انى احتاج الى السيـــــــــــن الان


سلـــــــــــوى و سعادة مع بسمات الايام


فوجدت الشـــــــــــــين واقفة"


شــــــــــــــرف لك يا انسان


تكريم خالق رحمان


فشدنى هناك قوم"


يحملون الصــــــــــاد فى قلوبهم


فقلت لما


قالوا


صــــــــــــــبرٌ به نحيا حياتنا


الى يوم يقين هو املنا


فنظرت الى نفسى


فرايت الضـــــــــــــــاد تنادينى


ضعفــــــــــــــــك لا ينفع فى حياتك


ابدء الان تشكيل جناتك


ياااااااااااااااااااه


جناتى


انا اريد جنة فقط


فوجدت الطـــــــــاء


تقول لى اذن


طاعــــــــــة لله ورسوله


فنادتنى الظــــــــــــــاء


وقالت قل قل


دائما اسمعك تقولها


ظروفى ظروفــــــــــــــى


فتعبت فاءذ بالعيــــــــــــن


تحتوينى انا عينـــــــــــك


فلا تجعل نظراتك


سهما" فى شراينى


فضحكت الغـــــــــــــــين منها


وقالت سيقول


غــــــــــــــدا" سأكون عفيفى


ولن انظر يا عينى


فهممت ان امشى


فكلمتنى الفــــــــــــاء


قائلة"


كن فرحــــــــــــا"


فى علو" وإباء


فعتابتنى القــــــــــاف


اتبتعد عنى وانا قلبـــــــــك


كن خاشعا" يهابك الناس


وانتى يا كــــــــــــاف


قالت انا كمـــــــــــال


تجدنى فى الاخلاق يا سائلا"


وماذا عنكى يا لام


فقالت انا ان كنت فيك


فهذه نعمة"


تكفيك وترضيك


ان كانت نفسك لوامـــــــه


فهذا سيصلح حاضرك وماضيك


فشممت رائحة طيبة


فاءذا بها الميم فقلت


انا سأسعى واهرول اليكى يا ميـــــــــــم


محمـــــــــــــــــــــــــــــــــــــــــد صلى الله عليه وسلم


خير من سعدت به الارض الى يوم الدين


فيكى يا ميم


محبة و مودة وطريق" مستقيم


فرددت ورائى النـــــــــــون


اينعم نصـــــــــــــر"هو والله مبين


فنظرت بعيد"


فوجدت الهاء هــــــــــــــلال"


ففهمت ان الــــــــــــواو


رسمت طريق وداع


واستقبلتنى اليــــــــــــاء


يا زائرنا


طريقك هناك يمنيك اسلكه و اجعله الفا"ستعرف يقيـــــنا" معنى حروف الهجاء

صديق الانسان (اعادة نشر)

, الجمعة، 17 أبريل، 2009


بمناسبة انى كنت مسافر للارياف فى موطنى الاصلى الشرقيه



استفزنى من جديد صورة ابوقردان لذا اعيد نشر بوست سابق



بعنوان صديق الانسان





لما كنا صغيرين فى المدرسه كان فى درس بيحكى عن ابو قردان



وكان دائما العبارة المصاحبة لذكر اسمه انه صديق الفلاح والفلاح دائما يحبه



ويتمنى وجوده وكان السبب انه يساعده على تنقية الارض المزروعة



من بعض الطفيليات واشهرها الدود



لما كنا بنسافر الارياف كنا دائما بنشوف ابو قردان



منظره جميل رشيق انيق وكان فعلا يؤدى عمله وتشعر انه سعيد



ودرات ايام كبرنا وسافرنا الارياف



وبلهفة الاطفال عاوزين نشوف ابوقردان



بس المرة دى ابوقردان كان غضبان عدده قليل واختفى عن العين



وانتشر الدود



طيب ليه اختفى ابوقردان



الارض لم تتغير الزرع لم يتغير الدود لم يتغير



بس ابوقردان اكيد لاحظ ان الفلاح تغير



ذلك الانسان اللى كان بيتمنى حضوره ويكون فى شرف استقباله



لم يعد يهمه الامرابوقردان كمان استصعب المهمة



كان مهمته انه ياكل الدود من الارض



اصبح عليه الان انه ياكل الدود كمان فى اللى بيزرع الارض



اه فعلامحتاجين حد ياكل الدود اللى فينا



لم نر حيوان حقد على حيوان



او حيوان كرة حيوان



او حيوان حسد حيوان



او حيوان اعتدى على زوجة حيوان



او حيوان عاكس زوجة حيوان



او او او



بس وجدنا كل دة فى الانسان



عاوزين من جديد كل واحد يربى ابوقردا ن



بس المرة دى لنفسه



علشان ياكل الطفيليات اللى انتشرت



عاوزين لينا صديق زاى ابوقردان بس المرة دى نقول صديق الانسان





ابوقردان ارجع تانى



احنا محتاجين



متزعلش مننا

مهما بدلتنا السنين



لو دورت اكيد هتلاقى

ناس طيبين



بس هى عسرات

بتخلينا وحشين



ارجع خليك معانا



يمكن الدود كتر شويه



بس احنا لسه مكرمين



خرج منا ادم وموسى وعيسى



ومحمد(ص)سيد النبين



بس احنا وسط الزحام





بننسى ونكون قاسين



بس المهم



انك ترجع تانى



واحنا مستانيين
ملخص البوست للى مستعجل
محتاجين نبدء حملة نظافة لاءنفسنا
ولا ايه

ياااا عينى عليك يا دم الغزال

, الجمعة، 10 أبريل، 2009


دم الغزال ماشى فى الطريق

اتكعبل فى نمله

قالتله مش تحاسب يا اعمى

قال هو النمل كمان من غير اخلاق

قالتله كله منكوا انتوا السبب يا بنى ادمين

عمرتوا الارض وخلتونا فاسدين

دم الغزال قال لا اله الا انت سبحانك

انى كنت من الظالمين

اقصدك اننا عمرنا الارض غلط

واحنا مش فاهمين

قالتله حاجة زاى كده يا ابن المتعلمين

قالها شكلها نملة مفترية ومش من المتربيين

قالتله كبر دماغك وامش فى طريقك يا تخين

قالها وكمان عندك حسى فكاهى

وبترمى نكت يا نملة يا ام لسان طين

قالتله ابعد بقى عن طريقى ورايا شغل كتير

قالها شغل اه اه

ما هو بايان عليكى الشغل

من العرق على اللى الجبين

قالتله اسم الله عليك انت روح شوف القهاوى

اللى مكانك محجوز عليها طول النهار والليل

قالها انتى كده بتلعبى اتارى فى عداد عمرك

قالتله العداد ده عندكوا فى الكهربا يا بنى ادم يا رزين

قالها وايه اخرة التنابز بالالقاب يا نملة المعفرتين

ماتيجى احط همى على همك

ونشوف حل بدل ما احنا منبوذين

قالتله اعمل ايه امرى لله ماشى يا ابن العاقلين

قالها طيب نبدء ازاى

قالتله

نعرق ونتعلم ونفشل ونحاول وننجح واحنا عندنا امل ويقين

قالها وكمان حبة صبر وتعاون مع الناس التانيين

ويكون عندنا سعة صدر وخوف على بعض واحنا اكيد عارفين

قالتله بس نسيت الاستعانة بمن يرزق فى الارض واعلى عليين

قالها ربى وربك ارحم الراحمين

قالتله يلا نبدء

قالها يلا نبدء

يا ترى انتو موافقين