البحث جارى

, الأربعاء، 27 مايو، 2009


قالت الم تعتزل ؟


قلت اعتزل ماذا


قالت تلك الكلمات والحروف


التى دائما" ترددها


مئات المرات بل قل الوف


قلت مثل ماذا


قالت دائما" تردد احبك اعشقك


انتى حياتى انتى روحى وووو


قلت وهل للحياه معنى بدون تلاصق وتحاب تلك الحروف


فبدونها ستفقد الكلمات الفتح والضم والكسر


وستتحول يقينا" الى حروف هجاء


قالت هذى كلمات الفلاسفة وليس العقلاء


واراك ترتدى ثواب المحبين والحكماء


فتبسمت البسمة تلو البسمة


قالت لما الابتسام ؟


قلت لقد كنت اظن انك تستحسنين كلماتى


وتشعرين بحلو مذاق حرف الحاء و هو ينادى الباء


ويلتحم فى صفاء" مع الكاف


والألف ينظر من بعيد يكاد ينطق بكل احساس


احبك

وكنت اظنك ستجعلين من خصلات شعرك طريقا"


ويخرج قلبك لى مستقبلا"


واتسلق ضفائركى واذرعكى لى حارسا"


وحين اصل الى فؤادك اتنقل بين غرفهِ واتنفس من رئتاكى


وهناك تضمنى ثنايا كبدك فى حنو تمسح سموم الحاقدين والحاقدات


قالت يااااااااااااااااااااااااااه


فى عالم الاحلام نسجت بيتك


واراه كبيت العنكبوت لم يتعد ان كان مجرد خيوط


قلت يلا العجب


اتعريفين فى هذا اللحظات


ارى انك لست حواء


وها هو الوقت قد حان


لتفترق خطوط التماس


ولكنى رغم هذا


سأردد تلك الكلمات واصنع منها عناقيد مثل الماس


وبها ستتزين يوما" حبيبتى


عقد وعقد وعقد

لتكون عقودا" من العمر بينى وبينها


تتسابق فيه الثوانى منادية على الدقائق


لتكون الساعات سعادة والايام تنمو سنة وسنوات


وتكونين هناك انتى اجمل الحوريات


فى جنة جعل ربى عرضها ارض وسموات


ولن اعتزل


وعذر" فكلامك لم يتعد ان يكون همهمات


وسأظل احبث عن حواء من زمن فات

دعارة العقول ( اعادة نشر )

, الأربعاء، 20 مايو، 2009


انظر حولك بكام يا بيه تشترى؟

كله موجود صغير وكبير وفيه كمان مثقف وفيه موزون وكمان مجنون كل طلباتك موجودة

يااااااااااااااا

فعلا عقول للبيع

تجاره رائجة هذا الايام

وصلنا فعلا الى مستوى الكل اتجه الى اعطاء عقله خمرا

حتى لا يشعر به او حتى يفكر به وان فكر يكون لحساب احد غيره

حتى يشكلها له كما يشاء

تجارة العقول اصبحت تجاره مربحة لمن يعرف ان يستخدمها

تخيلوا اصبحت العقول عقول مهاجره لمن يدفع اكثر

عقول على النواصى والشوارع تباع المهم تعرف تقدر الثمن

الناظر الى حياتنا اليوميه يجد ان حياته تكاد تكون فيها الايام نسخ كربونية

من اليوم السابق له بدون تغير لم نستطع ان نقف للحظات نسأل انفسنا

هو احنا رايحين فين ؟

هو اللى احنا فيه دة هايوصلنا فين ؟

هو احنا فى الطريق السليم؟
......................؟
اسئلة عديدة يمكن طرحها لو احنا عملنا وقفة منطقيه تم فيها تشغيل الهبة التى اعطاها لنا الله ليتم التميز بها من بين مخلوقاته


طيب ليه وصلنا لهذا الحد من الدعارة العقلية ومنطق نشتغل ليه بعقولنا ونخلى غيرنا يشغلنا بعقله ؟

يا ترى علشان

-- مش عارفين نفكر ازى

-- ولا نتيجة غياب المنهج وعدم معرفة معالم الطريق فى الدنيا

-- وممكن كمان اننا مش عارفين هدفنا فين

-- ولا تتطرق اليأس فى انفسنا من صعوبة التغير

-- ولا مقولة الموت وسط الجماعة رحمة اصبحت هى الشعار ( اهى ماشية ) احنا هانغير الكون
-- ولا ..............

العقول كنز من الكنوز هى الفارق بين الانسان والكثير من مخلوقات الخالق

بدون البدء فى استثمار قيمة العقل والبدء فى التفكير سنظل كما نقول محلك سرك وندور فى حلقه مفرغة وسترتفع الكثير من الكلمات

والعبارات التى توهمك انها عقول مفكرة ولكنها فى الحقيقه عقول مساقة تفكيرها لا يقدم ولا يؤخر

ابدء واكتشف ربوع حياتك واصنعها من تلابيب فهمك وتفكيرك





بدون العقل قيمتك
ايه يا انسان
اوعى تخونك نفسك
وتنسى تكريم الرحمن
ولا يغرك عمرك
وتقول احنا عايشين تمام
والدنيا اهى ماشيه
ومش عاوزين دماغ
وتقولك نفسك اللى مشى بعقله نهايته وجع الدماغ
تبقى خسران يا صاحبى ان كان دة هو العنوان
وافتكر يوم هاتقف فيه امام الواحد الدايان
هاتكون فيه مصحصح
علشان تقدر تعرف طريق الجنان
وافتكر فى اليوم دة
ان العنوان كان موجود معاك
كرمك بيه ربك وكان هبه ليك من الرحمن
حط عقلك فى راسك وابدء يوم جديد
كل يوم تفكر فيه هايتولد ليك عمر جديد
تعرف بيه عنوانك
ودة شيىء اكيد
جرب والنجاح هايكون العنوان بالتأكيد


ومش عجبى

اجابه تانية (اعادة نشر)

, الخميس، 14 مايو، 2009




عندما نسئل انفسنا عن غايتنا فى الدنيا نجد الاجابه متعدده الالوان البعض يقول النجاح والاخر يقول الزواج والبعض الاخر يقول اجابه مختلفه
يقول غايتى دخول الجنة يااااااااااااااه
جميل تلك الغايه
بس لو فكرنا شويه نلاقى اننا عندنا حياء شويه فى تلك الغاية
لان الاساس انى تكون الغايه رؤية الرحمن والتمتع به نكون حواليه
لكن لما كانت حجم ما نعصى به الله متسارع لدرجة جعلت البعض يقول انه من المستحيل ان يدخل الجنة
فى الموقف دة يجب ان نذكر تباهى سيدنا عمر بن الخطاب امام سيدنا ابو بكر الصديق
بانه اكثر منه حسنات
طبقا لتبديل الله لسيئاته حسنات
يعنى الامل موجود بمعنى اصح
بس ايه اللى بيحصل ده وليه تعددت الغايات والاهداف
انعدام الثقه فى انفسنا( محتمل)
الفهلوه والمنظرة ( يمكن)
ضعف الهمه والحماس ( اكيد)
المعرفه والقراءه ( اقل)
الاعتماد على الاخرين (هما السبب)
الهدف مش واضح ( صح )

مباشرا لو فكرنا مع بعض بصوت عالى نجد ان بعض ما نحتاجه هو
-- تقسيم اهدافنا الى اهداف متعدده متتدرجة من الاصغر الى الاكبر
-- نشحن دائما الهمم بامكانية تحقيق الاهداف
-- التمسك بقيمة انسانيتنا امام انفسنا وان الطريق لازم يكون فيه شوك بس النهايه جميله
-- ابدء بنفسك شعار يوضع امام مرايا انفسنا للتذكره
-- تجديد الاسلوب والطريقه التى تتعامل بها ( ابتسم مره بلاش تعاريج)

السؤال دائما ليست له اجابه واحدة فتش فى نفسك ستجد اجابات


ده موقع من على النت وجدت انه موقع مميز من خلاله يمكن ان نغير حياتنا وهو دعوة للعمل وعدم البطاله فيه الكثير من المشروعات الجاهزة للتنقيذ خصوصا فى الانتاج الحيوانى وغيره
عسى ان نجد لاءنفسنا طريق واجابه تانيه
فلا تبخل على نفسك بدقائق تنمو فيها بفكرك وترتقى


http://www.kenanaonline.com/






لما تنظر هناك

خد بالك من حاجة

نبيك عند الكوثر مستنى

بيقول ليك

انا تعبت اقووووووووووووووووى

علشان تكون انسان

افتكر انى السفهاء اهانونى

روجعى من الطائف

كان فيه كسر كبير

بس اشتكيت لرب البرايا

لانه هو القدير

قولت لــــــــــــيه

الى من تكلنى

وكانت الاجابه حب كبير

صلاه مكتوبة ومشاهد كتير

افتكر انى بكيت

وحياء قلبى منعنى

من الدعاء عليك

انا هناك مستنى

ماتخيبش املى فيك

فى جنة للرحمن

مشتاقة ليك

وانا محتاج كمان ليك

نكون كلنا حول عرش الرحمن

دة اكيد حسن ظنى بيك

فى الشر يكمن الخير (اعادة نشر)

, الخميس، 7 مايو، 2009


عجبت عندما سمعت ان انس بن عامر

اراد ان يتزوج ووضع فى احلامه امرأه شقراء بيضاء تسر الناظرين

ولكن عندما تزوج وكشف عن وجهها لانه لم يراها قبل ذلك وجدها سوداء فهجرها فى ليلة الزفاف
.

واستمر الهجران بعد ذلك فلما استشعرت زوجته ذلك

ذهبت اليه وقالت يا انس لعل الخير يكمن فى الشر

فدخل بها واتم زواجه ولكن استمر فى قلبه ذلك الشعور بعدم رضاه عن شكلها فهجرها مرة ثانيه.

ولكن هذه المرة هجرها عشرين عاما ولم يدرى ان امراته حملت منه.

وبعد عشرين عاما رجع الى المدينه حيث يوجد بيته

وارد ان يصلى فدخل المسجد فسمع امام يلقى درس فجلس فسمع فعجبه وانبهر به

فسئل عن اسمه فقالوا هو الامام مالك فقال ابن من ؟


فقالوا ابن رجل هجر المدينة من عشرين عاما اسمه انس

فذهب اليه انس
وقال له سوف اذهب معك الى منزلك

ولكنى سأقف امام الباب وقل لإمك رجل امام البيت يقول لك

لعل الخير يكمن فى الشر فلما ذهب وقال لإمه

قالت اسرع وافتح الباب انه اباك اتى من سفره بعد غياب


ياااااااااااااااااااااااااااه روعة ما بعدها روعة

لم تقل له انه هجرنا وذهب لم تجعل قلب الابن محتقنا" من ابيه

لم تذكر اباه طول غيابه بالسوء فكان اللقاء حارا"


شكرا لكى يا ام مالك على الدرس الجميل

انها رساله اتمنى ان ندرك المعنى والمغزى بدل ان نتصارع فى الحياه و المحاكم لإثبات مين فينا اللى السبب فى الخلاف؟ هيا نتجه سويا" للصفاء و النقاء النفسى حتى نتلافى تلك العصبيه التى اصبحت تسيطر على الجميع ونراها يوميا حتى اصبحنا نقول انه مفيش حد طايق حد دعوة للحياه من جديد


هيا نقترب منهم

ف والله هم النور والتقى

من اقتدى بهم نجى

وسعد فى دنياه وتمتع

لا تقل انه يقول كلام انشا

ولكنى سأقسم بمن خلق و قدر

يقينا" عرفوا الحياه واصل المنشأ

خذ من انوراهم هدايه

ولا تقل من انا حتى اقارن واعمل

قالها خير من وطأ الثرى

الخير فى وفى امتى الى يوم يبعثون

فلا تحزن ابد"

واعرف
انت الكريم المكرم

ممن خلق السموات العلى

فلا تنظر الى صغر ذنبك

ولكن انظر الى عظمة من عصيت




ومش عجبىىىىىىىىىىىى

حجر صحى (اعادة نشر)

, الاثنين، 4 مايو، 2009


ايقاع الحياة المتسارع يضغط على أعصابي، ومشاعر القلق والتوتر لا تفارقني، أشعر كأنني أغرق في بحر من الهموم والضغوط المتلاحقة
كيف أتغير؟
كيف أتحول؟
من أين أبد؟..
اسئله واستفسارات يكاد لا يخلو احد الى نفسه الا ويذكرها
كلنا بنفكر فى الحل طيب يا ترى الحل ايه ؟
الحل امام الاعين يتراىء

حجر صحى
فعلا احنا محتاجين حجر صحى
يكون نقطة تحوُّل
بس حجر صحى حقيقى تكون نهايته بدايه انطلاق جديدة
فى الحجر الصحى تذكر حاجات تساعدك على النجاح


االصمت والسكوت

درِّب نفسك على أن تصمت أكثر مما تتكلم؛ فإن النفس إذا صمتت سكتت، فإذا طال سكوتها تبين لها الكثير وتتضح الرؤية افضل
قاوم التسويف

الافة اليوم هو طول الامد وعدم الشعور بقيمة الوقت فاءذا شعركل واحد فينا ان العمر عباره عن ثوانى ودقائق وساعات وايام وسنون اكيد سوف تكون هناك همه للبدء فورا فى الانجاز

الخطة المرنه

لكى نستطيع البدء الصحيح لابد من خريطه نرسمها لكى ترشدنا الى الطريق نضع خطة مرنه يمكن التعديل فيها والتطوير دون المساس بالاصل

اعرف نفسك ومن حولك

بدون معرفة نفسك لن نستطيع التحكم فيها نتعرف على نقاط القوه ونقاط الضعف ايضا التعرف على من نتعامل و نحتك بهم يوميا فى حياتنا مطلوب ومهم
حتى نستخلص منهم من يساعد فى الطريق ومن يحتاج الى ترميم علاقتنا به


الفرار

نفر بكل اجسادنا واروحنا اليه راجين ان يعيد الينا التناسق النفسى والانسجام بين اعضاءنا نضع انفسنا تحت منظار طاعته لإن من يفهم السعادة والراحة النفسيه لايجد ها الا معه وفى رضاه وضع فينا الشوق اليه والصلة التى تذكرنا دائما به صلاتك له وخشوعك فيها تشحن كل اعضائك من جديد ففر منه اليه


فى ظل الانفلونزا بانواعها

طيور وخنازير

لازم نلحق بعض

نعمل لبعض حجر صحى

لاءن كده وبصراحة

فى انفلونزا اسمها هرتلة العقول

كل واحد دماغه عجبا نفسه

وقال ايه انا عايش كده مبسوط

يااااااااااااا انسان انت مش لوحدك

انتبه كده لنفسك

احسن والله ادعى عليك

بالدود ياكل فيك

احجر على نفسك

وارجع امشى مستقيم

وفكر كده وخليك نبيه

فرخة كنت بتاكل فيها

دلوقتى بتجرى منها
وتقول يا فاكيك


وخنزير كان بينضف ويشيل

وكان ليه معنى
اصيل

يرضيك يتحول لكباب وبوفتيك

اسئل طب كل ده ليه

من اعمالنا كل ظهر وبان

وربنا خلى ليك منهج وعنوان

وانت خليته مش فعال

ارجع واعمل حجر صحى

تعيش مبسوط وانسان




ملحوظه
الخنزير لايذبح وانما يتم وخزه فى قلبه بالسكين
وبيقول اى اى
وعجبى


قررت المقاطعة

, الجمعة، 1 مايو، 2009


يا بلدنا قررت المقاطعة


ابنك حيران وسط الشوارع والغيطان


شمسك بقت حامية عليه


وكان محتاج دفاكى لأنه بردان


قمرك يا بلدى وسط الغيوم


مش ظاهر


ابنك كان محتاجة دليل ايمان


ليه يا بلدى بقيتى قاسية


وقلبك مليان مرارة وحرقة


ابنك بقى مظلوم


حواليه نسور وهموم


معلش يا بلدى


قررت المقاطعة


وصدقينى انا مش من البلاد المعادية


ابنك وقف على بابك


محتاج يا بلدى حنانك


محتاج يا بلدى امانك


محتاج يا بلدى احضانك


محتاج يا بلدى همساتك


محتاج يا بلدى عتابك


محتاج يا بلدى فرحك


محتاج يا بلدى ارضك


معلش يا بلدى


انا قررت المقاطعة


ناسك بقى بقوا مش طيبين


غايبن عن رب العالمين


نسيوا خاتم المرسلين


فين المنهج فين القراءن


فين المعنى وسط الكلام


اه يا بلدى على ابنك


خايف على نفسه منك


على اهله واطفاله


على اصحابه وكيانه


يا بلدى


الجبروت عنوان كبير


والغالى بقى هو الوضيع


والعالم بقى هو الذليل


والامين بقى المسكين


معلش يا بلدى


انا قررت المقاطعة


ليا رب اسمه الكريم


رايح ليه اشكى وادعى


ما هو انت يارب ربى


الحى القيوم مالك كل امرى


رسولك رسول اخلاق


هربان منك اليك


هاعمل يا ربى مقاطعة


لكل اللى انت عنه


مش راضى


هاكون انسان ليك وحدك


هابنى طريقى تانى


هاحافط فيه على عنوانى


هاشكل تانى فيه وجدانى


وهايظهر فيه احسانى


انا اتعلمت يا ربى فى قراءنك


شوفت سيدنا يوسف بيسبح بحمدك واحسانك


والناس حواليه شايفينه وجريوا عليه


وقال ليهم رب واحد ولا ارباب


انا يا رب على بابك


انصرنى وخدنى بفضلك واحسانك


خلينى نور وسط الظلام


خلينى امل وسط الالام


خلينى بسمة وسط الاحزان


خلينى علامة وسط الضلال


يااااااااااااااا رب


على بابك


دقات قلبى عرفت طريقك


كانت عميا وارتدت بصيرة


نفضت ظلال الالم


وقررت تبدء العمل


ياااااااااااااااااارب


مهما حصل حب بلدى ايمانى


اعذرينى يا بلدى ده من احزانى


بس ابنك عاوز طريق تانى


هابنى فيكى


بس برضا خالق الزمانى


اصلى هو ده الطريق


مفيش طريق غيره تانى

معلش يا بلدى قررت المقاطعة



لمن سيشرفنى بالتعليق من فضلك اقرء مره تانية ومرات
ففى المعانى عبر وموعظات
وكلامى ليس دعوة لليأس
ولكن والله هى دعوة لبدايه حقيقة
لرفع رايات ذلك الوطن بالاصرار والعزيمة والتمسك بمنهج السماء
ولكن كل هذا يحتاج الى مهارات
نعطيها لاءنفسنا حتى لا تستفزنا انفسنا بمشاعر الضيق وقلة الهمة
ولنتذكر اننا عظماء ولكن نحتاج الى كشف الستار عن هذا العظيم بداخلنا