قررت المقاطعة

, الجمعة، 1 مايو، 2009


يا بلدنا قررت المقاطعة


ابنك حيران وسط الشوارع والغيطان


شمسك بقت حامية عليه


وكان محتاج دفاكى لأنه بردان


قمرك يا بلدى وسط الغيوم


مش ظاهر


ابنك كان محتاجة دليل ايمان


ليه يا بلدى بقيتى قاسية


وقلبك مليان مرارة وحرقة


ابنك بقى مظلوم


حواليه نسور وهموم


معلش يا بلدى


قررت المقاطعة


وصدقينى انا مش من البلاد المعادية


ابنك وقف على بابك


محتاج يا بلدى حنانك


محتاج يا بلدى امانك


محتاج يا بلدى احضانك


محتاج يا بلدى همساتك


محتاج يا بلدى عتابك


محتاج يا بلدى فرحك


محتاج يا بلدى ارضك


معلش يا بلدى


انا قررت المقاطعة


ناسك بقى بقوا مش طيبين


غايبن عن رب العالمين


نسيوا خاتم المرسلين


فين المنهج فين القراءن


فين المعنى وسط الكلام


اه يا بلدى على ابنك


خايف على نفسه منك


على اهله واطفاله


على اصحابه وكيانه


يا بلدى


الجبروت عنوان كبير


والغالى بقى هو الوضيع


والعالم بقى هو الذليل


والامين بقى المسكين


معلش يا بلدى


انا قررت المقاطعة


ليا رب اسمه الكريم


رايح ليه اشكى وادعى


ما هو انت يارب ربى


الحى القيوم مالك كل امرى


رسولك رسول اخلاق


هربان منك اليك


هاعمل يا ربى مقاطعة


لكل اللى انت عنه


مش راضى


هاكون انسان ليك وحدك


هابنى طريقى تانى


هاحافط فيه على عنوانى


هاشكل تانى فيه وجدانى


وهايظهر فيه احسانى


انا اتعلمت يا ربى فى قراءنك


شوفت سيدنا يوسف بيسبح بحمدك واحسانك


والناس حواليه شايفينه وجريوا عليه


وقال ليهم رب واحد ولا ارباب


انا يا رب على بابك


انصرنى وخدنى بفضلك واحسانك


خلينى نور وسط الظلام


خلينى امل وسط الالام


خلينى بسمة وسط الاحزان


خلينى علامة وسط الضلال


يااااااااااااااا رب


على بابك


دقات قلبى عرفت طريقك


كانت عميا وارتدت بصيرة


نفضت ظلال الالم


وقررت تبدء العمل


ياااااااااااااااااارب


مهما حصل حب بلدى ايمانى


اعذرينى يا بلدى ده من احزانى


بس ابنك عاوز طريق تانى


هابنى فيكى


بس برضا خالق الزمانى


اصلى هو ده الطريق


مفيش طريق غيره تانى

معلش يا بلدى قررت المقاطعة



لمن سيشرفنى بالتعليق من فضلك اقرء مره تانية ومرات
ففى المعانى عبر وموعظات
وكلامى ليس دعوة لليأس
ولكن والله هى دعوة لبدايه حقيقة
لرفع رايات ذلك الوطن بالاصرار والعزيمة والتمسك بمنهج السماء
ولكن كل هذا يحتاج الى مهارات
نعطيها لاءنفسنا حتى لا تستفزنا انفسنا بمشاعر الضيق وقلة الهمة
ولنتذكر اننا عظماء ولكن نحتاج الى كشف الستار عن هذا العظيم بداخلنا

47 Response to "قررت المقاطعة"

سمكه واحده Says:

الله عليك
قررت المقاطعه

سمكه واحده Says:

اهو وتاني تعليق بردو

سمكه واحده Says:

اشمعني انت يعني

سمكه واحده Says:

ده انت علي طول مسيطني جت عليا

سمكه واحده Says:

اظاهر دعائي بيستحاب ولا ايه ياجدعان
لما ببقي عاوزه حاجه بتتحقق

سمكه واحده Says:

ياسبحان الله يارب
طب يارب حجات كتير بقي تتحقق
انا اتبشرت(وش مبسوط)

سمكه واحده Says:

لا ووش كمان مطلع لسانه

سمكه واحده Says:

بص نعلق بقي بجد
في اللي جي اشمعني انت انا كده
خدت حقي تالت ومتلت
سبحان الله ياربي
انتي بركه يابت يا سمكه طول عمرهم بيقولو اعليا كده
وانا دلوقت صدقت

سمكه واحده Says:

شوف بقي يا ابو علي طبعا ولا هعرف اعلق زي تعليقات اللي الجميله عندي طبعا ولا نصها
بس بجد بجد بجد
انا زعلاااااااااانه والله ومخنوقه وكل شويه ماما في البيت تقولي ايه يابنتي
علي اللي حصل في بلدنا واللي ذاد وغطي جواز المصري ابن المصري الراجل المحترم اللي دفع فلوس كتير في الفرح العظيم ده
وخاصا لما اتفرجت علي المحور انهارده وشوف اد ايه في ناس غلابه محتاجه الف ولا الفين لاولادهم عشان ينجوهم من الموت واللي قلبه تعبان وطفل عنده شهور ومش لاقين حق العمليه وبيعيطوا
انا اكتئبت والله بجد ياااااااااه
ناس بتتمنظر وبعتصي ربنا سبحانه وتعالي ومعاه وربنا كرمها ومش عارفه تعمل ايه بنعمه ربنا وناس مش لاقيه تاكل ولا تداوي عيلها انا زعلانه
انا نفسي لو بيدي حاجه اروح ده برضه من اللي يضربه علي افاهم ولا ايه رئيك
وهو كده كده انضرب علي افاه لوحده مش محتاج يعني
اشده من افاه واخد كل فلوسه وديها للناس المحتجاها بجد اللي تحافظ علي نعمه ربنا ولا احلقه قرع كمان
وامشيه ادام واضربه ومسك علبه صغيره اقول العلبه دي فيها ايه؟
وعاوزه يرد يقول فيها الهيافه كلها
بجد انا زعلانه والله ومتحصره علي اللي وصلنا فيه انا مكتئبه انا نفسي ربنا يرزقني بفلوس كتير اوي وسعات بقول انها ممكن تبقي نقمه وممكن تبقي نعمه
اللي بنشوفه في بلدنا غضب من رب العباد انا مش عارفه اقول ايه انا نفسي اقول كلام كتير اوي

سمكه واحده Says:

انا محتاجه حجات كتير من بلدي ومش لاقيها ومن حقي وحق كل ابن ليها يطالب بيها
محتاجه امان محتاجه اهتمام محتاجه دلع محتاجه اكون بني ادمه واحس بأدميتي محتاجه حنيه
محتاجه اكون نسانه بجد
محتاجه اكون مصريه واقول انا مصريه بكل فخر

موناليزا Says:

يعنى قررت مقاطعة بلدك ولا ايه؟
على فكرة انا شايفة ان بلدنا مغلوبة على امرها ومفيش فى ايديها حاجة
ومن الجميل ومن الفطرةالطبيعية ان نرجع الى خالقنا وخاصة هذه الايام لعله يرفع غضبه ومقته عنا

شمس النهار Says:

هنقاطع ايه والا ايه والاايه
احنا فعلا محتاجين صحوه بس مع نفسنا الاول
وقبل مانحاسب مصر والحكومه نحاسب نفسنا
لا انا مش حاسه ان في يأس يابو علي
انت ترجمت اللي في نفس كتير مننا

MaNoOoSh Says:

انا شايفة ان الكلام فعلا فيه دعوة للتفاؤل رغم جميع الاوضاع المقلوبة.. وفعلا مش هنوصل للطريق الصح والسعادة غير لو قررنا نقاطع الغلط.. ورغم صعوبة الامر دة الا انه مش مستحيل وبشوية مجهود نقدر نحققة ونلاقى السعادة فعلا.. وساعات السعادة بتبقى قدام عنينا واحنا اللى طمعنا فى الدنيا بيخلينا منشوفهاش.

dalia Says:

هاعمل يا ربى مقاطعة

لكل اللى انت عنه

مش راضى

الله يبارك فيك يا أبو على أهو ده مفهوم جديد للمقاطعة مقاطعة النفس عن فعل الشهوات ، في كلامك حزن بس التفاءل كان أقوي واستطاع يغلبه بس واضح انك بتفكر في طريق تاني حل بديل للاحزان كسفر مثلا مهما كانت البدائل مادامت في الخير فأهلا بها مادامت ستزيد من قوة تفائلنا ورضانا فمرحبا بها المهم ان نكون واثقين ان مع العسر يسر

تحياتي الراقية

mohamed ghalia Says:

انت بتجيب كلامك ده منين
انا والله بحس إنك بتقول الكلام الى جوايا
ربنا يكرمك ويسعدك
والكلمات روعة بجد

dodda Says:

البدايه بالشكل ده جميله
كل حاجه لوجه الله جميله

بس ليا تحفظ واحد فى اللوم ع البلد
اصل من وجهة تظرى المتواضعه
اللوم على ابن البلد اللى سكت كل ده على الظلم والامتهان والفساد
وفى الاخر بكل السلبيه قرر يقاطعها لانه معرفش ياخد حقه ولا حق بلده
من ولاد الل......

aidy Says:

كلمات جميلة اوى بجد

فعلا الواحد لازم يقراها اكتر من مرة عشان يوصل للمعنى

تحياتى لحضرتك

جنّي Says:

السلام عليكم

الاول انت قررت المقاطعة ولا فتحتها على البحري لسمك كتير مش واحدة ..

المهم ان تقاطع من اجل الله فهذا اولى الخطوات للعودة لمنهج السماء حسب تعبيرك .. ان تقاطع ما خلا طريق الله فبها ونعمت ..

ولو تخلينا كلنا عن كل منهج عدا منهج السماء لأصبحت بلادنا درة بين البلاد ..
فطريق الله هو ما نحتاج ..

Nostor Azzuro Says:

محدش يقدر يقاطع امه
ده يبقى قليل الاصل
لازم كلنا ننصح بعض
ونحاول نغير الوضع
نحاول لغاية ما نموت
لو بطلنا نحلم نموت

ABOALI Says:

الى سموكة

ياباشا والله منور فى اول وتانى وتالث ورابع تعليق وكمان الخامس والسادس
وكل التعليقات

ABOALI Says:

نشوف بقى التعليق اللى بجد

والله يا سموكة
كلها احلام مشروعة
وكمان مش احلام دى طلبات عادلة
حتى نحيا كاءنسان

وان شاء الله نستطيع ان نتفوق و ننمو

وربنا يوفقنا


تحياتى لك

ABOALI Says:

الى سموكة تانى

ومين فينا اللى مش قلبه حزين
انسان يصرف فى فرح على انثى 56 مليون جنية

وانثى كمان شفاه كل البشر

فعلا خسارة

ربنا يتولانا

ABOALI Says:

الى موناليزا

مش متفقك معاكى يا موناليزا

انا هنا باتحدث عن مقاطعة البلد اللى انا مش عارف احقق طريقى فيها

بس ده مش عن طريق هجرها بل البحث عن عنوان مع تصليح اخطاءنا سواء تجاه الخالق والمخلوق

يعنى اختصارا بدايه جديده

اما عن البلد ملهاش ذنب
ده كلام مش متطابق مع الدين
لاءن نص صلاح الامة بصلاح الحاكم
وانتى اكيد عارفة كده


على العموم

الهمة والحماس هما اساس التغير

تحياتى لك دايما

ABOALI Says:

الى شمس النهار

هاااااااايل كلامك
محتاجين صحوة
انتى تقريبا فهمتى اقصدى من البوست لحد كبير

حقوق نعطيها للخالق وحقوق المخلوق
تخلق لنا بدايه حقيقة

شكرى العميق

ABOALI Says:

الى مانوش

رائع تفكيرك يا مانوش
فعلا محتاجين نشوف الحلو والجميل اللى فينا ونطبقة
ونحاول نعمل بدايه انطلاق لينا

وهى فعلا دعوة للتفاؤل او صحوة كما قالت شمس النهار

تحياتى على رقى فكرك

ABOALI Says:

الى داليا الرائعه
الله عليكى وعلى تعليقك المميز
فعلا كده
بس ربنا ان شاء الله هايوفق لكل خير
منااااااااااااضلون الى الابد


تحياتى لك يا غالى

ABOALI Says:

الى محمد الغاليه

غالى انت يا غالى يا رافع معنوياتى

لك شكرى الجزيل

ABOALI Says:

الى دودا

صح معكى حق
بس ابن البلد ده لازم يبنى نفسه صح
علشان لما يطالب بحقوقه يكون صح
ويعمل بدايه لنفسه
ويبدء يغير فى نفسه بغض النظر عن الاخرين

واحد مع واحد مع واحد
كلنا نبقى جماعة

واحنا اساسا البلد

اسعدنى تعليقك

ABOALI Says:

الى ايدى

وايه هو المعنى اللى وصلتى ليه يا ايدى
ولا المعنى فى بطن الشاعر يا شاعر

تحياتى وبالتوفيق

ABOALI Says:

الى جنى

القادم من الارض الطاهرة

طريق الله يبدء بمعرفة نعمائه علينا
ونستطيع بعدها عمل بدايه جديده لنا

اشكرك ومنور دايما

ABOALI Says:

الى نيستور ازور

ام مين بالظبط
البلد اللى ضايع فيها صوت الضمير
والغالى هو الحقير

تبقى دى مش امك

حب الوطن من الايمان
ده اللى موجود فى الاديان
واحنا كلنا بنحبه
وبنصلح فيه يوم ورا يوم
وانت فهمت كلامى مش بشكل كامل

لاءنى قولت انى بدايه جديده تماما سواء على مستوى الخالق او على مستوى المخلوق

ومقاطعة كل ما يغضب الله

ولا انت مش عاوز تقاطع

اللى يعجبك وبراحتك

ده رائى


منورنى

الازهرى Says:

ليه يا بلدى بقيتى قاسية
وقلبك مليان مرارة وحرقة

تعرف انت فكرتنى بوجدى العربى فى فيلم احنا بتوع الاتوبيس
كان بيقول
يا بلدى ما احنا يا اخدنا منك فيها ايه لو جه يوم نديكى

احلامنا لبلادنا كتير لكن لازم نبدأ
علشان نقدر نقوم من تانى ونخليها احسن بلاد الارض

hager Says:

انا كمان هقاطع كل سلبيه في المجتمع
هقاطع اني اكون فرد اتحسب علي الدنيا انه جه ومشي من غير لزمه
هقاطع الذنوب اللي بتبعدنا عن ربنا
و
و
و
... هقااطع

موضوع اكتر من راائع بمعني عظيم
مشكور عليه

ghorBty Says:

الله يبارك في حضرتك ..

كلام جميل واحلي ما فيه المعني ..

وياريت الكل يقاطع وبالذات العادات والتقاليد اللي مش ليها اصل في ديننا ونمشي علي دستورنا ومنهجنا اللي هو قرءانا اكيد هيبقي لدنيتنا شكل تاني احلي واريح بكتير جداا

عجبني دول جداا

خلينى نور وسط الظلام


خلينى امل وسط الالام


خلينى بسمة وسط الاحزان


خلينى علامة وسط الضلال

اللهم آآآآآآآآآآآمين يارب العالمين

ربنا يجعلنا من اهل وخاصته ويرضي عنا وعن افعلنا ويجعلنا من عباده المخلصين ...

بارك الله فيك وتقبل منك صالح الاعمال ...

من غير عنـــوان Says:

طبعا موضوع رائع..

طيب نرجع ورا شويه

ونكتب

قررت العمل
قررت الإنتاج
قررت أستغنى عن حاجات كتير
عشان أنا باصنع وأزرع وأنتج

أنا فاهم انك بتكتب عن انك قررت مقاطعة اليأس والبحث عن الأمل

وعشان ماحدش يفهم غلط


مش ممكن نقاطع وبس
ننتج الأول
نكتفى
نجاهد
ندي

وبعدين

نطلب
نقاطع
نتشرط

من لا يملك قوت يومه
لا يملك حريته
_____
أنا معاك دايما يا أبوعلي
وبأحترم كتاباتك وردودك جدا

و عايزك تسأل اللي بيقاطعوا عن طريق النت.. مين اللي عمل النت.. من اللي اخترع الكومبيوتر... طب وماله ناخد منهم الكومبيوتر .. بس نصدر لهم برامج.. ناخد منهم السيارات ونصدر لهم مزروعات

حاجه كمان
لكل اللي بينام الفجر ويروح شغله الظهر كسلان هبطان..

مافيش بلد من اللي انت مضطر تشتري منهم بيناموا كده ويصحوا كده ...

الناس بيتنام بدري زي ما قال ربنا
وتصحي بدري برضه

ولا احنا بس فالحين نكتب ان القرآن منهجي ومش باسمع أغاني
بس باسهر للصبح ضد شرع الله
ويقولك أصل أنا كائن ليلي

يا سيدي...
نحتاج الإنتاج
نحتاج العمل
نحتاج الضمير

وبعدها مش حنقاطع
لأن كل الناس حتبقى محتاجه انتاجنا

وساعتها.. نحط شروطنا

عارف...
مقاطعه من غير انتاج ...زي ولد مش بيعمل الواجب... ومش عايز حتى يلعب مع الشطار... وبيقول أنا أحسن منهم
__________
استمتعت كثير بهذه اللحظات عندك

أمنياتي

احساس طفلة محبة للرومانسية بس واقعية Says:

ناسك بقى بقوا مش طيبين
غايبن عن رب العالمين
نسيوا خاتم المرسلين
فين المنهج فين القراءن
فين المعنى وسط الكلام
اه يا بلدى على ابنك
خايف على نفسه منك
على اهله واطفاله
على اصحابه وكيانه

الموضوع دا انا لو قررت اتكلم فية هتعب بجد واى حد جرب وشاف قيمة نفسة وقيمة الانسان برة بلدنا دى هيصعب علية انة يتكلم فى حكاية مشاكل بلدنا ومقاطعة كل حاجة فيها هيصعب علية التفاؤل والمقاطعة

قررت يوم المقاطعة والتفاؤل من سنين ولسة هو هو نفس الحال ولا المقاطعة ولا الكلام ولا التفاؤل ولا حتى التشاؤم اثر

قررت المقاطعة والتفاؤل وحاولت اغير من نفسى واتعلم واشوف رأي باقى شباب بلدى وممكن يعملوا اية عشانها ولسة بشوف وبسمع واتعلم وموصلتش لحاجة

قررت اقاطع واتفاءل وادعى ربنا يصلح حالنا ويهدينا للطريق السليم ولسة بدعى وشكل دعائى بيمنع بلاء اخر كان قادم الينا ولكنة لم يمس الواقع بشئ

قررت اقاطع واتفاءل وانصح واقول اللى اتعلمتة وابتسم فى وجة اخى المسلم لكن محدش سمعنى وابتسامتى رجعت ليا بتحمل كل الاكتئاب والملل لتنقله منهم ليا

لسة بقاطع ولسة بتفاءل ولسة بتعلم ولسة بدعى ولسة بتغير ولسة ببتسم ولسة بنصح بس لحد دلوقتى لسة بدون اى نتيجة

تحياتى على كلماتك
دعوة للتفاؤل والمحاولة
بس بتذكر النفس بالكثير
مما حاولت ان تنسى

تقبل مرورى

كيــــــــــــارا Says:

من كتر ماقريته حسه ان مهما اتكلم مش هقدر اقول اللي جوايا بس في النهايه مصر بلدي ونيلها فق دمي وارضها مرويه بدم اخواتي واصحابي وجودوي

لازم كل واحد يعمل اللي عليه عشان البلد تنضف

ABOALI Says:

الى الازهرى

صح يا ازهرى لازم بدايه صح من كل واحد فينا
يعرف يحافظ على كيانه ويجدد دماء نفسه وكلنا نشكل فى النهايه هذا الوطن

رايك صائب ورائع واسعدنى


تحياتى

ABOALI Says:

الى هاجر

جميل رايك وتفاعلك وعجبنى روح الايجابية التى اراها بين حروف كلماتك

ان شاء الله كلنا نبقى بدايه لشيىء رائع


تحياتى مع خالص شكرى

ABOALI Says:

الى غربتى

اشكرك على رايك الصائب
ساعات بنبنى فعلا اصنام بانفسنا ونتجه اليها بالتعظيم وهى بعيده كل البعد عن منهج السماء

تقبل الله منك كل الخير
ويد مع ايد هانبقى حلوين بالتاكيد

اشكرك

ABOALI Says:

الى من غير عنوان

ومن غير عنوان ليه
انت حللت العنوان ووصلت ليه بسهولة ويسر
والنتيجة باهرة لو كان العنوان واضح والارادة تتجه الى تحقيقة
بذل الجهد والعرق والتخلص من اللامبالاه والانانية
هى طريق للتفوق والبدايه الصح


احييك على تحلليك المميز وتفاعلك الايجابى جدا مع الموضوع

اشكرك

ABOALI Says:

الى طفلة محبة للرومانسية الواقعية

طب وليه الياءس
كفايه اننا عارفين اننا فى الحق لينا عنوان
وساعة العسره يشار لينا بالبنان
وباين علينا اننا انسان
واخترنا لينا طريق زاى ماقال الرحمن
وده كفايه لاءنه دليل وفرقان


استمرى واستمرى واستمرى فاءنتى صح الصح


اشكرك على تفاعلك مع الموضوع

ABOALI Says:

الى كيارا

هى بلدنا وبنحبها
هى امنا واحنا دمها
وعلشان كده عاوزين نصلح امرها

ولالالالالالالالالالالالالالالاايه


اشكرك

كيــــــــــــارا Says:

صحححححححححححح طبعا يابااااااااشاااااااا

عامل ايه يابوعلي

ABOALI Says:

ههههههههههه
ازيك يا كيارا
كله تمام يا جميل

mahasen saber Says:

كل ده محتاج قوة اراده على الاقلل فى اننا ناخد الخطوه للوقفه دى مع انفسنا وكل ما يحيط بينا