يا زج زج يا طفس

, الخميس، 9 أبريل، 2009



زج زج دخل على ابواه من بره وقال هاى يا بابا


وقعد يشتكى انه كل لما امه تجيب ليه اكل واكل كتير كمان لا يشبع


فسئل ابواه ليه يا بابا لا اشبع ودايما جعان


ابو زج زج قال فرصه اقووووووووول واحكى فبدء كلامه وقال



مادام فيه هاى وجاى قول على البركة باى باى

ويا زج زج يا ابنى يا طفس


البركة عنوان كبير غاب عنا خلال الفترة الماضيه


نتيجة عدم ثقة الناس و غياب اليقين بوجودها


فالبعض يقول انه بالاسباب كل شيىء متاح ولا يوجد موضوع البركة


وهذا بالتاءكيد حدث نتيجة الحياه المادية البحته التى نحى فيها والهلث الزائد نحو الطمع المادى


ولكن هل هناك بركة ؟


اكيد هناك بركة


ولكم فى الطعام الحكمة

فعندما حث المطصفى (ص) على الجماعة حين الطعام

على اساس طعام الواحد يكفى الاثنين وهكذا

وحث على جلب البركة بالتسمية بان نقول بسم الله الرحمن الرحيم

وقال لنا ان نأكل من اطراف الطبق وليس وسطه لأن البركة فى وسطه

وهناك البركة فى بعض الاماكن

مثل مكة والمدينه

وهناك البركة فى اوقات معينه

مثل وقت السحر او الثلث الاخير من الليل او حين الدعاء فى صلاة الجمعة

وهناك بركة المال الحلال والبيع الحلال

وهناك بركة خاصة بالطعام نفسه فمثلا العسل والرطب من البلح وماشابه

وزيت الزيتون فيها بركة

وهناك قاعدة ان من يحلف على سلعة من احد البائعين
اضمن انها منزوعة البركة لاءن البيع قائم على التراضى وليس الحلف

البركة ذلك الاحساس الخفى الذى لا نشاهده ولكن نشعر به فى جميع نواحى الحياه

فى اولادنا فى زوجاتنا فى اخوتنا

وقد ذكر القرأن ان البركة فتح ويا لها من كلمة تدل على عظم البركة ومعناها

ابدء يومك بأسم الله تشعر بالبركة

ابدء طعامك بأسم الله تشعر بالبركة

ابدء اعمالك باسم الله تشعر بالبركة

ابدء دعواتك بأسم الله تشعر بالبركه

حافظ على مالك من الحرام تشعر بالبركة

دع قلبك يسع الجميع تشعر بالبركة

لا تنظر فيما يد غيرك وادعو له تشعر بالبركة

اتقن عملك تشعر بالبركة


زج زج سمع الكلام من ابواه وقال يا بابا يمكن انا مش فاهم كل اللى انت قولته

بس انا عرفت منك انى فى كل حاجة لازم اقول بسم الله
وهى دى اللى هبدء بيها من دلوقتى وكمان مش هاقول هاى تانى

ضحك ابوه وقال

لو قربت من ربنا هاتعرف

معنى جميل

فيضان من البركات والخير يا اصيل

خليك ذكى وعيش انسان

وانت تفهم كل المعانى وتكون جميل

الرزق من عنده

سبحانه هو اللى نزل التنزيل

فيه حكمته وكلامه

فيه عنوانك
بس انت خليك اصيل يا جميل

وعجبىىىىىىىىىىىى

39 Response to "يا زج زج يا طفس"

الازهرى Says:

وبالمرة الخامس

الازهرى Says:

والسابع
ليه لأ

الازهرى Says:

طيب لو أخدنا التامن يبقى فى مشكلة ؟

الازهرى Says:

والتاسع أخباره إيه ؟

الازهرى Says:

والعاشر
علشانى

الازهرى Says:

والحادى عشر
علشان الحبايب

الازهرى Says:

والثانى عشر
اهداء منى إليك

الازهرى Says:

وبلاش الثالث عشر
فى الغرب بيقولوا نحس

الازهرى Says:

والرابع عشر
لحد ما افتكر

الازهرى Says:

والخامس عشر
لله فى لله كده

الازهرى Says:

والسادس عشر
بدون ابداء اسباب

الازهرى Says:

والسابع عشر
لزوم تثبيت الاحتلال

الازهرى Says:

والثامن عشر
اعلانا للسيطرة على المنطقة بالكامل

الازهرى Says:

والتاسع عشر
تهنئة منى إلى بمناسبة ضم الأرض الجديدة إلى ممتلكاتى

الازهرى Says:

والعشرين
أقرأ وأعود للتعليق

الازهرى Says:

البركة تكون فى كل ما نشكر الله عليه ولو قليل
وكثير من النماذج نراها فى حياتنا لذلك
وليس فى الزمن القديم فقط
فقد حكى لى من بعض اصدقائى انهم فى يوم تشاركوا علبة من التونة الصغيرة وكانوا ثمانية افراديجمعهم الحب فى الله والرضا بينهم بما قسمه الله فأكلوا منها حتى شبعوا
والبركة تنتشر فى البيت بما فيه من طاعة لله وتآلف على حبه بين أفراده
وتنتشر فى المجتمع
وفى الدولة
وفى كل مكان بمقدار رعايته لأحكام الله تعالى

تحياتى دوما

الازهرى Says:

الثانى والعشرين
الأيام دول

ABOALI Says:

الى ازهرى
ياااااااااااااااااااه
انا قولتك تبخر المدونه وتباركها


لكن طمعت وعلقت
بكره تشووووووووووووووف
ازى هاعلق عندك بالابجديه كلها

والايام دويلات وثوانى وحسنى وسوزان وجمال وعلاء


تحياتى

ABOALI Says:

الى ازهرى مرة اخيرة

فعلا البركة مع من احب وعشق فى الله
تجد الرحمات والارزاق تنهمر عليهم
ولكنى كنت فى البوست
اريد ان اذكر

بالبسملة
و الهاى والجاى


ولنا لقاء اخر

Lady E Says:

ايه الاحتلال بتاع الازهري ده

تقريبا كده بقى عندك عقدة زج زج وبج بج ودم الغزال يا ابو علي
الحق نفسك دي شبه عقدة اوديب والكترا :)

بالنسبة للبركة فتقريبا كنت معانا في كورس التنمية البشرية لما المدرب كان بيتكلم عن البركة برضه وفعلا قال ان البسملة مهمة جدا للبركة
ده غير ان اي عمل لا يبدأ ببسم الله فهو ابتر

بجد موضوع جميل من موضوعاتك الجميلة يا ابو علي

YARA Says:

بسم الله الرحمن الرحيم
خير بدايه للتعليق .......اولا موضوع وهدف جميل يا ابو على كالعاده لان ناس كتير غاب عنها الاحساس بالبركه وحتى لم تعد تصدق هذا المصطلح المعنوى لان الحياه اصبحت لديهم ماديات فقط مما زاد من المشاكل ةوالازمات النفسيه والماديه ايضا وكمان الناس عملوا ذى زج زج وبقوا بياكلوا كتيييييييير ويقولوا فى الاخر ان احنا مش بنشبع (طب وده اسمه كلام؟)انا عن نفسى الحمد لله بعمل ريجيم وفل وتمام وموفرة لزج زج الاكل.علشان بس متقولش انى مشاركه فى الازمه الاقتصاديه فى البلد.

صحيح
الواحد لما فتح المدونه ولقى خمسه وعشرين تعليق اتضايق وحس انه مش فى الدنيا .بس لما فتحت عرفت بقى انى لسه على قيد الحياه
عادى يعنى يا ابو على
هههههههههههههه
بس ان شاء الله بعد كده هبدا كل التعليقات بالبسمله.
سلالالالالالالالالالالالالالالام

mohamed ghalia Says:

واضح إنى زج زج ده عامل شغل كبير أوى
تسلم إيدك بجد

هو الأزهرى احتل المدونة ولا ايه؟
الحق يا أبو على

شمس النهار Says:

اهم بركه في حياتنا بركة دعاء الوالدين
بصراحه ازهري خد بتار مدونتي واللي عملته عندي في التعليقات
البركه بتحصل في تعليق واحد بس
ونسيب باقي التعليقات للمدونين التانيين

موناليزا Says:

بسم الله الرحمن الرحيم
جميل اوى الموضوع وذكرتنى انا شخصيا بالتسمية لانى لا اقولها فى يومى الا فى اوقات محددة رغم ان المفروض نقولها قبل مانبدأ اى حاجة مهما كانت
اكتر وقت بفتكر اقولها فيه لما يستصعب عليا شئ
موضوعك فكرنى ايضا باغنية بحبها لمحمد فؤاد كانت مقدمة التتر لبرنامج الكنز المفقود فى رمضان
ده رابط فيه كلمات الاغنية لو تحب تطلع عليه
http://monaliza110.blogspot.com/2008/10/blog-post.html

دام قلمك يفيدنا

mahasen saber Says:

لا اله الا الله ايه اليى ازهرى عامله فى صفحة التعليقات دى
هو انتا يا ابو على هبدته صينية مكرونه بشاميل فى بئه ولاا ايه


وسع يا ازهرى خلينى اعلق

mahasen saber Says:

كنت بقول ايه بئه اه اصل ازهرى لخبطنى ونسانى

المهم البركه اعتقد ربنا بيطرحها فى الاشياء لو ذكر اسمه عز وجل عليها

ناهيك ان القناعه هيا اصل البركه لانى لو حصل عندى قناعه ما هحس ان الشئ اليى معايا مغطى احتياجاتى وزياده والله اعلم


بس متسيب زج زج ياكل براحته طفل ولازم يتأسس بس بصراحه باباه اسسه اخلاقيا ونفسيا صح جدا جدا جدا

ABOALI Says:

الى ليدى E
اطمئن يا باشا
زج زج وبج بج ودم الغزال
دول الحرس الخصوصى بتاعى
وان بستغل البركة علشان
احافظ عليهم يا اختى
ههههههههههه

اشكرك على تعليقك ومتفق معك

ABOALI Says:

الى يارا

ههههههههههههههه
شكلك كده بيقول انك شمتانة فى زج زج
وكمان مش قادرة عليه
لكن انا متفق معاكى كليا وضمنيا
اننا مفتقدين البركة


تحياتى لبريق قلمك

ABOALI Says:

الى محمد الغاليا

فعلا يا غالى زج زج عامل شغل
ولسه الدور على بج بج
اما الازهرى
فالايام دول
وشهادة تخرجه من الازهرى هاتكون على ايدى


تحياتى

ABOALI Says:

الى الحاجة شمس النهار

اه
فرحانه فيا
طيب
انتى اللى اعلنتى الحرب
ويااااااااااااا ويل المحبين العاشقين
نهاااااااااااارهم شمس ان شاء الله

تحياتى العطرة

ABOALI Says:

الى موناليزا

الحمد لله انى زج زج عمل اثر نفسوى حسى معنوى
وان شاء الله بسم الله تكون عنوان دائم
ولك كل التحيه

ABOALI Says:

الى ام بيرو

شوفتى الازهرى اقرئى عليه الفاتحة
بقى
لاءنه بعد كده هايبقى دراعمى



اما عن البركة

انا متفق معاكى ان القناعة احدى منزلات البركة من السموات

فاحيانا يكون عندنا الكثير و الكثير
ولكننا لا نراه الا حينما نفقده

دايما لوجوده طله ورسمة وسعادة ولمه


فتحياتى لك دوما

غروب Says:

عجبنى اوى تعليق محاسن

فعلا القناعه هى اللى بتجيب البركه

يعنى هى كمفهوم لسه موجوده يا ابو على لكن التطبيق منعدم او نادر شويه


ملحوظه بقه

ازهرى واخج كلللللللل التعليقات دى ليه؟؟؟؟؟
احتلال؟؟؟؟

ABOALI Says:

الى غروب

ههههههههههه
كيف حالك وايه اخبار رحلة دريم
طبعا متفق انى اولى خطوات البركة هى القناعة

وتحياتى لك