بلاش نزعل

, الأحد، 21 يونيو 2009


بلاش نزعل

امريكا زودت المعونة

واحنا رضينا بالقليل

وقلنا عيشتنا كدة ميمونة

وحدث الفرق

ورجعنا توتا توتا

كلنا لازم نتعلم انى

للنصر عنوان

واضح من غير اسرار

مكتوب فى كل مكان

فى كل حائط وبنيان


اسمــــــــــــــــــــه

عزيمة حماس واصرار

ثــــــــــــم

توكل على الحى الذى لا ينام

بلاش نزعل


26 Response to "بلاش نزعل"

A.SAMIR Says:

كان حلم و راح.....انساه و ارتاح

yara Says:

هو اليوم امبارح كان باين من اوله......وبعدين نستاهل احنا اللى بنبالغ فى فرحتنا.
بس لازم ازعل مش علشان طلعنا لكن لان مكنش فيه لعب اصلا امبارح مش عارفه ايه اللى حصل وكانت نهايه غيرمشرفه.
بس الحمد لله على كل حال ويمكن نتعلم من اخطائنا والمره الجايه الكاس يكون فى بلدنا(لو بطلنا نحلم نمووووووووووت)

!!! عارفة ... مش عارف ليه Says:

الموضوع ده قريته النهاردة بصيغة تانية في مدونة تانية واسمحلي انسخ نفس تعليقي هناك لهنا
-------------------


السبب من وجهة نظري هو ضعف اللياقة البدنية نظراً للمجهود فوق العادي الذي بذل في مبارتي البرازيل وإيطاليا وكان المحرك فيهما هو الروح التي جعلتهم يبذلون ما هو فوق طاقاتهم

لذا كان الإنهيار طبيعي ومنطقي ومتوقع ولا أدعي أني محلل رياضي إلا أن هذا ما توقعته مع الأصدقاء وأن مباراة امريكا ستشهد الإنهيار لأنهم وصلوا لأعلى نقطة وبالتالي طبيعي جداً أن ينخفض المستوى وهذا كان واضح جداً من التمريرات الخاطئة وعدم القدرة في ملاحقة الكرة لكي لا تخرج خارج المعلب في كثير من الأحيان وفقدان الحساسية في اللمسة والتمريرة

كل ذلك مرده إلى اللياقة البدنية ولم أحزن في حقيقة الأمر على تلك المباراة مثلما حزنت على مباراة البرازيل لأن ما حدث كان متوقع فهو ليس ذنب اللاعبين دون أدنى شك لأن هذه هي قدراتهم والدليل على صحة كلامي كم الإصابات والتي نتجت عن الإجهاد

تحياتي
وليد

mahasen saber Says:

ابو على مش يمكن هزيمتنا قصاد امريكا مخطط سياسى واوامر عليا

يا سلام على نظرية المؤامره بتريح بشكل

انا ودماغي Says:

انا اللى زعلنى الكلام اللى طلع عليهم...ممكن آه ادايقت من الهزيمة بس الموضوع كله فى مجمله حلو و أنا شايفة انهم عملوا اللى عليهم بدرجة كبيرة...بس بجد الكلام اللى طلع عليهم هو اللى معصبنى

blue-wave Says:

يا ريتها هزيمه وبس
يارب ماتكون ازمة اخلاق

شموسة Says:

حسيت امبارح وانا بشوف برنامج عمرو أديب أنه بيأكد الكلام اللي طلع علي المنتخب، ويمكن ده اللي زعلنى بجد ، لان مكنش المفروض ده يحصل ...ولا هو عشان المنتخب خسر يبقي مندافعش عنه.

قولى يا أبو علي رأيك في الكلام اللى اتقال ده؟
وتفتكر لو كان المنتخب كسب كان اتقال نفس الكلام اللي اتقال امبارح ف برنامج عمرو أديب وغيره ولا كان هيدافع عنهم؟؟؟

اعتذر عن غيابي الطويل
تحياتي
شموسة...

mohamed ghalia Says:

هنزعل على ايه يا أبوعلى ماتش وعدى
يارب بس نصعد لكاس العالم

aidy Says:

قدر الله وما شاء فعل

هنزعل على ايه

اهو امل وراح كالعادة

ربنا ييسر الامور

احساس طفلة محبة للرومانسية بس واقعية Says:

كان حلم و راح.....انساه و ارتاح

عجبنى التعليق دا جامع كل الاحساس بين الحلم وفقدان الامل

بس اللعيبة شكلها كان مجهد وكل انسان ولية طاقتة وهم عملوا اللى عليهم وزيادة كمان

تقبل مرورى

لاسع افندى Says:

لازم نزعل علشان الهزيمه كانت شنيعه مش حاجه هينه


تحياتى

إيمان Says:

لا طبعا مش هنزعل

هو حصل حاجه تزعل

ولا بيحصل حاجه تزعل أصلا

MaNoOoSh Says:

طب ونزعل ليه؟

احنا لما عملنا اللي علينا وكسبنا بعدها كانت فرحتنا لا توصف

ولما استهترنا واتغلبنا مش المفروض نزعل
لكن المفروض نصحح اخطائنا

ABOALI Says:

الى احمد سمير

لم يكن حلما ولكنه كان واقع بين ايدينا
فتهاونا فضاع



اشكرك

ABOALI Says:

الى يارا

يااااااااااريت فعلا نتعلم من اخطاءنا
خصوصا انها ساذجة لا يفعلها الطفل الرضيع فى بطن امه


تحياتى الغاليه

ABOALI Says:

الى عارفة مش عارف ليه

معاك طبعا فى تعليقك
ولكن عند الوصول الى القمة يجب تحفيز الهمم وهنا يتم التغلب على التعب البدنى

نحن افتقدنا الحفز والحماس
وانتشرت الانانية


تحياتى على وجودك هنا

ABOALI Says:

الى ام عبد الرحمن

تصدقى انا كده ارتحت

علشان كده اوباما زار مصر
كان بيرتب للموضوع ده
العلم نور برضوا


دايما مشرفانى

ABOALI Says:

الى انا ودماغى

الكلام طبعا اللى طلع فارغ
والله اعلم بالضمائر

بس احنا لعبنا وحش جدااااااااااااا


تحياتى لك

ABOALI Says:

الى بلو ويف

اطمئن يا عم مش اخلاق
هى اداب

منورنى

ABOALI Says:

الى شموسة

وانا اقول المدونة حر ليه كده

ههههههههههههه

حمدا لله على السلامة

هو راءيى ان الكلام ده كلام اعلاميين علشان رفع نسبة المشاهدة
وده اعلام مش هادف وانما مدمر

وربنا معانا

وحشااااااااااااانا كتير

ABOALI Says:

الى محمد الغاليه

نحن قادرين اننا نصعد

اذا كان هناك اصرار وعزيمة وصفاء نفس وقبلهم توكل على الله


دعواتك يا شيخنا

ABOALI Says:

الى ايدى

ليه دمعة الياءس دى
كالعادة ليه بس
احنا كنا كويسين بس استهترنا فى الاخر

ربنا ان شاء الله يوفق


اشكرك

ABOALI Says:

الى احساس طفلة

هو مش جامع
هو جمع الياءس فى عبارة

هو كان واقع ضاع باءيدينا

وعن ضعف البدن تشحذ الروح
فتجدى قوة فوق قوة


اشكرك لحضورك هنا

ABOALI Says:

الى لاسع افندى

معاك حق

ياااااااااارب نتعلم من الاخطاء

اشكرك

ABOALI Says:

الى ايمان

ياااااااااااا واثق انت من نفسك

صح الكلام

هو ده كلام الفاهمين
اللى بيشجعوا مصر

منور يا باشا

ABOALI Says:

الى مانوش

الله الله هو ده الكلام

ما شاء الله
جبتى المفيد يا مفيد

اشكرك