استعباط البنزين

, الجمعة، 4 يونيو 2010

صح كده يا زميلى ولا ؟



روح كده وانت شبه الضفدعة مليتو البلد



راسى راسى فيها قشر كتير حاسب



اضحك ياض


اه منك انت يا نانوس مامى



من اجلك انت

قبل قراءة الموضوع نضحك شوية بحبة الصور اللى فوق
وبعدين بعد لما نضحك ونبتسم كده نركز بقى ونبطل ضحك
ونبتدى نقرء الموضوع
بعد لما نصلى على المصطفى صلى الله عليه وسلم وننوى خير كده


يا فاتح يا عليم يا رزاق يا كريم
اصتحبنا وصبح الملك لله
قال يا قاعدين يكفيكوا شر الجاين
يا نهار مش معدى
هانبدء بقى ونقل ادبنا
هايقرفونا بقى عراق وفلسطين وافغانستان وزفت على الصبح
يقطع اللى قتل على اللى اتحرق على اللى ماتوا
ياعم احنا مالنا يتحرقوا بجاز اسود
بص بقى كبر كده وعيش
النار للرجالة واحنا شعارنا دخول النار
تيت تيت احمراووووووووى
تيت تيت ابيضاااااااااوى
تيت تيت اصفراااااااااوى
ياعم علم ايه العلم فى الراس مش فى الكتب
هما اللى تعلموا خدوا ايه
لا تؤجل عمل اليوم الى الغد مادام تستطيع تأجيله الى بعد الغد
ياعم انتخابات ايه ونيلة ايه هى البلد دى ليها قومة تانى
يا واد اللى يضربك اضربه واشتم ابوه
الدين ده كان زمان دلوقتى ماينفعش نطبقه الزمن اتطور
دى حرية شخصية اعمل اللى يعجبنى
احنا مالنا احنا هانغير الكون

وووووووووووووو

تلك الاقوال التى نسمعها تتردد فى كل صباح
تشير الى اننا نمشى بنفوس مشتعلة تم شحنها ببنزين مختلف الانواع
وشحنات من النقد والسلبية انتشرت حتى بين ابناء البيت الواحد
ثم انطلقت حارقة ومتسلقة كل الطبقات
*****************************
يحكى يوما ان عجوز توفيت زوجته وكان له ابن كبير منها
اراد العجوز ان يتزوج ولكن كانت الزوجة الجديدة سيئة السمعة
وعرف الابن ما ينويه الاب فقال ان فعل ذلك سأقتله
فذهب الناصحين الى الاب ليحذروه من ابنه فعزم الاب على الزواج
فبلغ الابن فقال سأتربص له فى الطريق
فقالوا للاب فقال سأمشى من الطريق الذى سيتربص لى فيه
وبالفعل مشى فى الطريق وقابل ابنه يحمل فأس ليقتل اباه
وعندما اقترب الابن من الاب
لم يستطع رفع الفأس فى وجه ابيه وجلس على ركبيته يقبل قدم اباه
فقبل الاب رأس ابنه وقال له
كنت يا ولدى متأكد انك لن تفعل فأنا من ربيتك ورعاك وتمنى اليوم الذى تكبر فيه لتكون سندى
وضحك عليك الشيطان وامتلئت عروقك واشتعلت
ولكن ايمانك كان لك ثبات عند المواجهة
ولأجلك لن اتزوج تلك الزوجة

×××××××××××××××××××

كم تضحك علينا الشياطين بصفة يومية
وتبث فينا روح الكره واليأس من الغد
وتجعل غيرنا من شياطين الانس يردد اقوال وافعال معروف نتأئجها المسبقة
واعتقد ان الاوان حان لنبدء حملة تتطهير
وادراك اننا بنى البشر جئنا لتعمير الارض واصلاحها
وليس لاشاعة الخراب وروح الانهزام
وكل من يردد تلك الاقوال التى فى اعلى
عليه ان يدرك ان الشيطان قد ضحك عليه
وسلعة الله غالية سلعة الله الجنة
فلما لا نبدء فى حملة التحدث بجد وايجابية
ونشد من ازر بعضنا ونشجع بعضنا فى الخير ورفعة القيم
وكل من لديه القدرة على النصح و تعليم انسان لا يبخل بذلك
وينقل له نقل موضوعى يساعد على البناء وليس تحطيم النفس وشل كيانها
ولو فعلنا هذا يقينا سيهابنا اعدائنا ويحترمنا القاصى والدانى
ونغير ذلك البنزين الذى اصبحنا نخرج به بصفة يومية من منازلنا ونعود
ثم نسئل
هى الحياه بقت ضنك ليه ؟
هى الحياه ملل ليه ؟
هى الحياه جرى فيها ايه ؟
هى الناس بقت ليه كده ؟
ونلبس عباءة الاستعباط وكأننا نحن الملائكة السائرين على الارض همسا

اللى مش هايتغير وهايفضل بالبنزين بلاش يعلق
الهى ربنا يحرقه بمحطة البنزين كلها اللى فى نفسه
ولسه فيه امل انه يخلى البنزين على الاقل جاز
وعلى راى المثل سئل اخونا ابوعلى مواطن
بنزينك ايه النهارده يا مواطن ؟ قاله انت هاتتلم ولا ابنزنك


استرها علينا يارب




16 Response to "استعباط البنزين"

ستيتة Says:

قرر السيد المواطن إحباط أحمد إكتئاب
أن يكون قاضيا وحكما ومحبطا ومكئبا لكل نفر يعدي من امام القهوة اللي هو مرزوع عليها ليل ونهار
كما شجب وانكر وندد سيادته بالعالم المتقدم اللي لو حد شاف شوارعه ماشية ازاي ها يلاقي كل بني ادم فيها ماشي ينظر للطريق ولا ينظر لبني ادم يطلع فيه القطط الفاطسة

وبعدين كيف تقول
هما اللى تعلموا خدوا ايه


مش حرام عليك تفكر زميل شقيان غلبان ان اللي اتعلموا مخدوش حاجة؟
حتى لو بهزار؟
وتذكر هذا بعدما تسمي البوست على أسم الغالي ابن الغالي البنزين
طب قول جاز
يعني هو اللي يولع لازم نولعه ببنزين من أبو 200 جنيه اللتر
الجاز حرم؟

لن أنسى لك هذا الموقف يا ابو علي

تحياتي يا مجددا للأمال

غير معرف Says:

تعرف انا لو صادفت وكنت صاحيه الصبح
وسمعت الاقوال البنزينيه دى
بجد بحس ان فى جبل على قلبى
الناس بجد تحس جبينها مطبق
وارفنين من نفسهم ومن عيشيتهم كلها
بس بصراحه لازم يقرفوا ويولعوا فى روحهم كمان
هى دى عيشه دى
بالمناسبه بنزينى 92
ولع فيا بقا بس انا مش بروح بنزينه
ينفع فى البيت
تحياتى

yara Says:

طبعا يا ابو على انت معاك حق فى كل كلمه قولتها لكن للاسف تحرك الناس بطىء جدا عايزين بجد حركه وتغيير فعلى مش عارفه ده هيجى اذاى بطريقه عمليه الواحد مش بيقابل فى حياته اكتر من المحبطات والمحبطين لدرجه ان فى ناس بتعيش وتموت كتييييير من غيرمتكون عرفت حتى نفسها ولا اتعرفت على قدراتها او امكانيتها بسبب ظروف البلد اللى مش مخليه حد مرتاح ...فى دمااااار فى كل جوانب الحياه واكيد برضوا فى ناس بتحاول تعمل نهضه واصلاح ..بس يقينا فى خطوات عمليه لازم نعملها هى ايه بقى ؟؟؟؟؟؟ محتاجه مساعده بجد

وربنا يعيننا

شكرا يا ابو على على الصور الذيذه اللى فوق دى والله على الرغم من المبالغه اللى فيها الا انها معبره تعبير دقيق عن الواقع.

تحياتى لك ياااا مبدع ودعواتك لينا.

لــــ زهــــــراء ــــولا Says:

سيدى الفاضل ابوعلى

-*-*-*-*-

الاول انا زعلانه من الريدر عنك لانى رمى المدونه عندنا تحت خالص مالص وكاننا مش عملنا شغل من شهرين تلاته ممكن بقى شوية بنزين اغسل بهم الريدر

على طول باقول ان مافيش ملايكه عايشين على الارض بس بقى فى ناس عايشه جوها شر اكتر من الشياطين ربنا يكفينا ويكفيك الشر

على فكره فى ناس مفعولها اقوى من البنزين والسولار والجاز وكل المفرقعات وحتى الماده المضاده هههههههه معلش باقرا ملايكه وشياطين لدان براون وماثره على عقلى شويه

ادعو الله لك بالسعاده وان يكفيك الله شر شياطين الانس والجن


زهـــــــراء

غير معرف Says:

هههههههههههههههه

ربنا يكرمك كما اسعدتني كلماتك :)

انا بنزيني 90 وشرطتين من الاحداث والله

بس هحاول اغير البنزين ... اقصد المود :)

تحياتي

brightlyanny Says:

ازيك ابو على
اخبراتك ايه
؟
ع فكره المشكله ان الناس مفتقده(نعمه الرضا)الرضا اللى يوصل الانسان لهدفه وامانيه من غير ميقضى ع طموحه واحلامه
يعنى اسعى بجد ع هدفى من غير مأذى غيرى ولا اغير الطبيعه اللى ربنا خلقنا بيهاخد عندك(النقاء -الحب-الخير -نكمل بقى كل الصفات الحميده)
الموضوع رائع كالعاده ابو على
ومش ممكن يكون ف حد حابب ان حياته تكون كئيبه او بائسه
لو قابله حد يديله امل ولوخمسه ف الميه اكيد هيتغير
ف زى م انت قولت نساعد بعض ولو بالكلمه الحلوه
ربنا يعينا عشان مش نتحرق بالجاز
جزاك الله اخى كل الخير

كلمات من نور Says:

على رأي فيلم اسماعيل يس

ناولوني الولاعه عايز اولع روما بحالها

نفسي يا أبو علي نبطل سلبية و نبتدي ننفذ كلامنا داه ومنكونش زي اللي بيشتم في مصر والمصريين وهو كل أفعاله خطأ في خطا ويكون كمن قال عنهم الله عز وجل : كبر مقتا عند الله أن تقولوا ما لا تفعلون.... ربنا يكرمك ويقدرك على تغييرنا يارب

SHAPE YOUR LIFE (ABOALI) Says:

الى ست الكل الدكترة الجميل دكتورة ستيته

لن ننسى هذا الموقف بالفعل
ومواطن الاجباط سيجلى محبطا ليحبط الكثيرين ويكون قدوة للعالم البناء المتحد على الاسس الاحباطية الكبرى

والله الموفق للخير

ودايما تضيفى معانى ربنا يبارك فيكى

SHAPE YOUR LIFE (ABOALI) Says:

الى الشوكة الناعمة

فعلا يا اختى هى دى عيشة يقطعها على اللى عايشين فيها كمان

انضمى بقى لحملة البوست الجديد هايبقى ليكى دور فعال واحتمال تبقى شايلة الراية

يلا بقى بلاش كسل جه الوقت اللى تعبرى فيها بكل البنزين اللى عندك


تقديرىىىىىىىىىىىىىىىىىىىىى

SHAPE YOUR LIFE (ABOALI) Says:

الى يارا
خطوات اصلاح ايه يا بنتى وعملية ايه

احنا دلوقتى فى حملة يلا نخربها بلاش تضيعى وقتك فى الاصلاح مع انى طريقة معروف

انضمى بقى لحملتنا الجديدة وبلاش بقى كلام اصلاح ومش صلاح
الوقت حان للتخريب

عليكى دور كبير فى الموضوع ده يا جيولوجيا
انتى مصدر الطوب والزلط الله عليكى


تقديرى

SHAPE YOUR LIFE (ABOALI) Says:

الى زهراء

كل لما اجى اسجل مدونتك تطلع رسالة تقول انك لان تتمكن من رؤية اى تحديث لهذى المدونة
هاتوافق على كده ولا لاء
بينى وبينك اخااااااااااف و اوافق احسن يحصل حاجة وتكون دى تعويذة فى المدونة عندك

الحل اكيد عندك اتصرفى بسرعة
علشان تلحقى تقرىء الكتاب بتاعك وتشاركى فى حملة يلا نخربها
عليكى دور كبير يا زهراء
عاوزينه خراب شاااااااااااامل


يلا بقى شدى حيلك

SHAPE YOUR LIFE (ABOALI) Says:

الى فتاه من الصعيد

يا قهلا يا قهلا بالعالم البنزين

هو ده الكلام الجد
عملت ليكى بوست جديد هاتطلعى فيه كل البنزين
همتك وهمة كل الصعايدة عاوزينها نار وخراب

يلا بقى بسرعة
تقديرىىىىىىىىىى

SHAPE YOUR LIFE (ABOALI) Says:

الى برتلى

امل ايه بس وعمر ايه شاركى فى الحملة الجديدة وقولى ارائك دى وخلى الناس يستفيدوا منك فى حملة يلا نخربها
وقولى كل اللى فى نفسك

مافيش امل حان وقت التدمير

يلا بقى همتك معانا

تقدييييييييييييرى

SHAPE YOUR LIFE (ABOALI) Says:

الى كلمات من النور

سلبية دى كلمة هاااااااااايلة جميلة حتى فى النطق الله الله

انتى تشاركى بقى فى الحملة الكبرى يلا نخربها
وبعدين نتكلم بقى عن البنا والذى منه

طلعى كل اللى تتمنيه بس يكون تخريبى وادينا خبرات

بلاش كسل وعجب

تقدييييييييييييييييرى

richardCatheart Says:

جميله الصور جداااااااااااااا

كل حد بيحاول يزرع اليأس شيطان

كل حد يحاول قتل الامل شيطان

ان غدا لناظره لقريب


تحياتى شكرا على البسمه

محمد فؤاد (صاحب عمود النور) Says:

مافيش حاجه هتتغير
والاسعار هتبدا تعلى لسد عجز الميزانيه
انا لسه عارف امبارح ان البضايع المستورده وبيها شهادة جوده هيحملوا عليها 40 % من قيمتها تكاليف جمارك
يعنى ابقى قابلنى