المصدع المصرى

, الأحد، 20 يونيو 2010



يسر مدونة شكل حياتك ومساهمة منها فى محاربة التشفير والجشع والفساد الاعلامى
 ان تدشن حملة كبرى مكعورة دائريه  متوسطة عميقة
تحت عنوان

مدونة شكل حياتك راعى المصدع المصرى
اهداف الحملة
--- البحث عن  كل مايهم المصدع المصرى مثل
*ادوية تساعد المصدع
*تصرفات تلعلع  وتشخلع المصدع
*كلمات ترفع الحالة المعنوية  للمصدع
*بشر حريمى  رؤيتهم يحمس المصدع
*بشر رجالى النظر اليهم يحفز المصدع
بشر اطفالى  تحث  فكر المصدع
( ملحوظة موجود جميع المقاسات التصديعيه )
-- ستساهم المدونة بكل جهد فعال لمساعدة المصدع المصرى على التصديع المؤثر وذلك من خلال
* بث البرامج المؤهلة لنيل درجة الماجيستير ثم الدكتوراه ثم الاستاذية  فى التصديع
*دورات تدربية تصديعيه فى جامعات مشهود لها بالكفاءة  فى تخريج جيل مصدع
*المساهمة فى حضور مؤتمرات التصديع سواء اكان المؤتمر سياسى او اقتصادى  او لت وعجن
 ********************
وكما ترون ان كل اهداف الحملة نبيلة
لذا نتمنى منكم المساهمة بارائكم واموالكم فى هذا الحملة
مع دعوات خالصة بالتصديع الكامل المتكامل

وكما ترون اننا فى تقدم لافت للنظر فبعد رعاية حملة يلا نخربها
ان الاوان لرعاية حملة المصدع المصرى  

16 Response to "المصدع المصرى"

MR.PRESIDENT Says:

بص يا هندسة .. الحملة دي قديمة قوي .. بس الفرق انها قديما صدع ثم نام ..
اما فكرتك .. صدع وترفه ..
0000000000000000000
اوبس - يلا - خليني في حالي اصل انا مصدع

Lady E Says:

:)

انا اتلخبطت :)

بين المشجع والمصدع بس عالعموم الصداع بيجي لواحده كفاية يبقى المصدع المصري عنده امتحانات علشان يصدع لوحده

الشـوكة الــنـاعـمـة Says:

لا اذا كان ع الصداع ده انا الراعى الرسمى وحامل الشعله
انا اللى مخترعاه
انا بقالى 3 سنين مصدعه با استمرار
ده بجانب حاجات كتير والذى منه
اسمحولى تعتمدوا الشهاده الجامعيه لحمله المصدع المصرى تحت تصنيف الشوكه الناعمه لانى انا حاله فريده من نوعى وعندى كفاءه اصدع الجمهوريه كلها

فتاه من الصعيد Says:

ههههه

المساهمه في زياده عرض المسلسلات التركيه... وبرنامج 48 ساعه والنبي :)

تحياتي

لـــولا وزهـــراء Says:

هههههههههههههه لاول مرة هدخل اشجع واقووووول مصدع على طوووووووول

- ياريت في رمضان نعمل حملة كبيرة لزيادة مساحة المسلسلات الرمضانية ولازم بقى المسلسلات تاخد حقها في رمضان اكبر من كدة

- عايزين نعمل اعلانات اهيف من كدة عشان تساعد على رفع ضغط المصدع المصري.

- عايزين ندي فرصة لهيفا تحمل شعلة الحملة وتكون من مروجيها.

- نجيب خالد يوسف يعملنا كام فيلم نكد كدة ينكد بيه علينا ويساهم في
زيادة المصدع المصري.

- على فكرة عجباني اوي فكرة تولي الحكومة مهمة لم القمامة وتحصيل فلوسها على فاتورة الكهرباء لازم نديهم وسام كبير لانهم ساهموا بشكل غير مباشر في تصديع المواطن المصري لانه اتلخبط ايه الفرق بين اننا نرمي القمامة في الشارع وبين اننا نديها للحكومة هي اللي ترميها في الشارع بنفسها .

لـــولا

brightlyanny Says:

ازيك ابو على؟؟

ابو على انت عارف انى بعزك جدا ومعاك ف الحمله دى بكل جوارحى بس بلييييز بلاش المساهمه بالاموال احسن دى حاجه بتصدع بجد...

بص بقى انا عايزه الصداع يزيد ف الشارع وبالذات ف المكروباص وكمان البنات عيزنهم يشدوا حيلهم ف الرغى والنميمه..
ممكن كمان نعمل جوايز ياابو على ع افضل اسلوب ف الصداع واللى يعرف يبتكر يتصل ع 0900 .
بصراحه انا اليومين دول حاسه ان الحكومه قدرت تسيطر كمان ع المناخ كمان شدددت الحراره عشان الناس دماغها تصدع بزياده ومنها كمان ممكن تزيد الحرايق وانت عارف احنا داخلين ع سنه ماليه جديده وف دفاتر لازم تتحرق فنقول ده ماس كهربائى من الضغط وكمان فايده الجو الحر ده ان كل محضرتك نروح عشان تخلص شغل من المصالح الحكوميه تلاقى الموظف بيزعق وبيقول انا مصدع ابعدوا عنى العفاريت الزرق بيتنططو قدامى فتروح تاخد بعصك وتمشى وترجع تانى يوم وهكذا.
ربنا يهدينا ابوعلى ويكرمك ويهبك الصحه والسعاده.

أم الخــلـود Says:

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

شهد الكلمات Says:

ازيك يابو على

انا حملتلك ويندوز مخصوص عشان اعرف ادخل مدونتك
ماكنتش بترضى تفتح ابدا
او بمعني اوضح كانت بتفتح و تجيب الخلفية منغير كلام خالص

اما بخصوص التدوينة انتا غيرت نشاطك ولا اية يابو على و كمان عايز تلم فلوس للمشروع هههههههههههههه

تحياتي يا ابو علي

SHAPE YOUR LIFE (ABOALI) Says:

الى الريس
يا ريس ومالوا يا ريس
مستكتر علينا حبة تصديع

اه منك يا ريس اه

يلا بقى علشان مش عاوزين احباط مصدع

SHAPE YOUR LIFE (ABOALI) Says:

الى ليدى

يا قهلا يا قهلا بالست ليدى
المشجع مين ده
ده المصدع يا فندم
وامتحانات ايه دى اللى تخلى الواحد يصدع
دى يا فندم تقيم للفهم والاستذكار
انتوا فاهمين الحياه سهلة ولا ايه
عاوزين انطحانات على مزاجوا هو انتوا فى القهوة ولا ايه

ايه ده بس التصديع ده
اللهم ابعدنا عنا المصدعين دول


تقديرى للحضور

SHAPE YOUR LIFE (ABOALI) Says:

الى الشوكة الناعمة

فعلا يا شوكة انتى مش تصدعى جمهورية تؤتؤ
فيكى قدرات فعلا
يجب على العالم استغلالها علشان نرحل بدرى بدرى لكوكب زحل

شدى حيلك يا اختى

انتى الراعى الرئيسى للمصدع المصرى والعالمى كمان


تقديرى للتصديع المرسل

SHAPE YOUR LIFE (ABOALI) Says:

الى فتاه من الصعيد

يا ستى هو ده اسمه صداع

اقفلى يا اختى التفاز وبلاش تصديع

هاتعملى المسلسل التركى تصديع
اوووووووومال يا اختى هانشوف نور فين
دى هى راحتنا

اخس عليكى اخس

SHAPE YOUR LIFE (ABOALI) Says:

الى لولا

ايوه كده يا لولا هو ده التصديع
صدعينا يا بنتى صدعينا
مين غيرك رافع راية المصدعينا
بس بلاش تقربى ليهيفا دى رمز تسكين المصدع المصرى والبلسم

ايه يا لولا فرقى بين الناس المصدعة بقى

هاعلم فيكى لامتا

يلا بقى شدى حيلك صدعى يا بنتى صدعى

SHAPE YOUR LIFE (ABOALI) Says:

الى برتلى

ياااااااااااااه يا بنتى انتى خسارة فى الصعيد

ده انتى مصدع رهيب
ممكن اعينك من رؤساء الحملة

فعلا حبة غيبة ونميمة هاترفع التصديع وكمان حبة شك على حبة صوت عالى

هاتبقى تصديع رائع

شدى حيلك شدى

SHAPE YOUR LIFE (ABOALI) Says:

الى ام خلود

يا ام خلود مشكورة على الدعوة

بس صدعى الاول واقرئى البوستات وقولى رايك حتى نعرفك اكتر

وكلنا انسان وامة واحدة من غير رافع رايات

احنا مش على راسنا بطحة احنا اكبر من شعار
يكفى وجود القراءن علشان نعرف اننا امة واحدة
معلش بقى مصدع لحملة المصدعين

SHAPE YOUR LIFE (ABOALI) Says:

الى شهد

ازيك يا شهودة عاملة ايه

مبسوط انك جيتى فى حملة التصديع

يلا بقى شدى حيلك انتى عليكى لم الجباية من غير المصدعين

ورينا الهمة يا شاعرة الامة