لبخة معرفش

, الثلاثاء، 13 أبريل 2010


الفصل الاول


قبل النزول الى العمل فى الصباح الباكر

ام العيال

ممكن تقول هاتاكل ايه النهاردة؟ اللى يعجبك مش فى دماغى حاجة معينة

قووووووول انت انا مش فى دماغى ولا عقلى اى شيىء وانا عاوزه جديد


الفصل الثانى


بعد تفكير ومن كثرة الالحاح اعملى عجة

ايه ايه ايه

انت بتشتمنى ليه ؟

بشتمك ؟ اه مش بتقولى انتى عجلة ؟

استغفر الله العظيم عن كل شيىء باقولك عجة

ودى تبقى ايه قولتها اسئلى امى واعمليها النهاردة


الفصل الثالث



عودة من العمل و طبق العجة الاصيل له حيز من الخيال فى الفكر والوجدان

وتحلم به المعدة وتنفتح الشراين

المهم

طبق شيك انيق معد على ترابيزة السفرة

امانى واحلام اثناء تغير الملابس تميهدا للجلوس والانقضاض على العجة والتهامها

وعودة الى الماضى حيث اطباق الخبيزة والسبانخ والبامية

وطبق العجة اللى كانت الوالدة تريح ظمأ البطن برونق طعمه


الفصل الثالث


العجة والمشهد الذى ينتظره دم الغزال وبجبج و زجزج

ام العيال تضع طاجن كبير لم تتكشف ملامحه بعد

وتبدء فى توزيع الاطباق محملة بالعجة والكل فى انتظار طبقه

دم الغزال يستلم طبقه ويقول

بابا هى البتاعة دى هناكلها ازاى ؟

دى اسمها عجة وهناكلها بالعيش يا حبيبى سمى الله وكل

بجبج يضع اولى اللقمات فى فمه

بابا ايوه بابا هو انا لازم اكل عجة النهاردة علشان بس المذاكرة والتركيز

دى صنف جديد يا روحى جربه وربنا هايوفقك دى عجة ماما دليل نجاج

زجرج يلتهم قطعة ما شاء الله فى شندوتش كما يقول له

الا انه يتوقف فجاءة عن التهامه المعتاد

مالك يا زجرج ابدا يا بابا انت عارفنى بحب استريح شوية

واقول لن يٌصيبنا الا ما كتب الله لنا


الفصل الرابع


طبقى وصل

ايه ده يا روحى ؟

العجة اللى طلبتها

بس دى شكلها غريب

انتى سئلتى امى

نعم نعم ليه يعنى انت عاوزها تقولى ما بعرفش

لالالالالالالالالالالالالالالالالالالالالالالالالالالالا على جثتى

اممممممممممم

طب ايه اللى انا باكله ده يا نور عيونى

عجة جبت طريقتها من على النت

النت النت ؟!!!!

دوق كده وقول رايك ؟

بس يا قلبى ليه منظرها غريب !!!!!!؟

طيب اقول بسم الله الرحمن الرحيم بس ولا اقرء الفاتحة كلها يا كيانى

بااااااااااااااقولك ايه كٌل بقى خلى العيال تاكل

حاااااااااضر حاضر وتصل اولى مراسم العجة الى المعدة

قشعريرة اكاد اشعر بها داخل معدتى

التى تحاول الهرب ولكن الى اين

تمت بقى والعنوان يؤدى الى نهاية حتمية


الفصل الخامس


ممكن اسئل سؤال ؟

هى مكونات العجة اللى من النت دى ايه ؟

مش فاكرة اصلها حاجات كتيرة كده حوالى 20 نوع

بيض وبصل وزيتون وكسبره وبقدونس ووووو كده

زيتون يا روحى اه

هى عجة بيتزا ولا ايه ؟

هههههههههههههههههه بيتزا لأ طبعا باقولك عجة عجة

فهمت فهمت عجة تربيع مربع


المشهد السادس


عملية الانسحاب تبدء متتابعة فى خطوات منتظمة

الرؤس كلها تنظر الى العجة النظرة الاخيرة

ام العيال تلتقم ما صنعت يدااااااااااها

استنوووووووووووووووووووووا هنا

ايه فيه ايه

خدووووووووووونى معاكوا من هنا والنبى


الفصل السابع


العجة تفجر نفسها

والجميع يتساقط امام الصدلية طالبا النجدة حيث ارسلت المعدة حملة استغاثة عاجلة


الفصل الثامن


امى تطمئن علينا

فأذا بها تجد الاكل على ترابيزة السفرة وكمان مش تعزومونى

وتجلس وتقول هو ايه ده ؟

مين اللى عنده خراج وعاملين ليه اللبخة دى كلها


الفصل الثامن


الجميع فى صوت واحد

لبخة لبخة لبخة


الفصل التاسع


اللى مايعرفش ومايقولش يعمل ايه ؟

عجة عجة عجة


الفصل العاشر


ام العيال ليلا

ابو العيال نعم

ابو العيال نعم

هو مافيش يا اخوووووووويا عجة ديلفرى ؟

ابو العيال هو انتى هاتنامى ولا اقرء عليكى التشهد




ان لم تعرف فاسئل

وان سئلت ستعلم

وان تعلمت فاعرف

ان لاهل الخبرة معرفة

ان عرفتها كنت

لوقتك حافظا ولصحتك راحما


31 Response to "لبخة معرفش"

لولا وزهراء Says:

اول تعليييييييييق
ممكن بقى احتل المدونه علشان عدد الاسهم يزيد

زهراء

لولا وزهراء Says:

ابوعلى
-*-*-*-*


تحفه بجد مووضوع العجبه وخاصة لانى من عشاقها بامووووت فيها ممكن باعت لك عجه دليفرى كمان ..........

عارف الاسلوب اللى مكوتب له القصه لازم ان البسمه تظل على وجهى طول فترة القراءه.......

على فكره بصراحه كده انا تخيلت شكل الاشخاص وطريقة اكلهم وشكل العجه نوووو سورى اقصد اللبخه

على العموم بالف هنا واهى عجه تفوووووووت ولا حد يموووووت

اخر جمله فى البوست تتوزن دهب وماس






" ان لم تعرف فاسئل "

مين النهارده بيسال ويحاول يفهم كل واحد فاكر نفسه استاذ ودكتور ورئس قسم .....

"وان سئلت ستعلم "

المفروض انه هيتعلم من السؤال ويعرف الاجابه ..........

" وان تعلمت فاعرف "

اى معرفه تقصد اذا كان معظم من يسال يسنى الاجابه بعدها بثوانى ... اقصد ينسى السؤال قبل معرفة الاجابه ...

"ان لاهل الخبرة معرفة

ان عرفتها كنت

لوقتك حافظا ولصحتك راحما "


هذه الكلمات تكتب بماء الذهب الخالص

تحيه لقلمك واسلوبك
ربنا يحفظك ياااااااارب

زهراء

كيــــــــــــارا Says:

هههههههههههههههههههههههههههههههههههههههههههههههههههههههههههههههههههههههه

وصلت المعلومة


خير لك أن تسأل مرتين من أن تخطأ مرة واحدة

ستيتة حسب الله الحمش Says:

هههههههههههههههههههههه

ماهو برضه الراجل لما يحب يقول للست تعمل حاجة
ميدخلش عليها ديركت اسئلي أمي
لأ
يقول لها اما اكلك جميل بشكل
ده احلى اكل واحلى نفس مطبخ يا عالم
بس هي حاجة كده لو تعرفي تعمليها زي ما انا بحب
العجة
من ماما دي بتعملها حلو جدا لكن انتي بتعملي كل حاجة احلى كتير
معلش مش ها يدخل النار ولا حاجة
حلالون حلالون حلال

لكن عجة
اسئلي ماما
ياسلام
تسيبها متغاظة؟
اديك دفعت التمن غالي

حتى لو قصة خيالية بس المعنى مفهوم وبرضه الطريقة غير المباشرة في النصيحة بتبقى حلوة وبتجيب اثر اسرع واضمن ومن غير الحوجة للصيدليات

تحياتي

كيكى عوووووو Says:

ههههههههههه
فظيع والله عاجبنى اوى زجزج لمة بيرح فى الااكل
وهو كان لازم يطلب عجة
ماكان قضاها حاجة تانى
عمتا يخرج بالسلامة من المستشفى اذا كان لسة عايش
عووووووو

قول ياااارب Says:

ههههههههههه لاء ظريفه بجد ومغزاها جميل جدا المشكله اللى بتواجه الغالبيه ان الكل بيحب يعمل فيها ابوالعريف مفيش عندنا موضوع اسأل,استشير.ده مرفوض عندنا مش عارفه ليه؟
بس بصراحه الواحد يعمل فيها ابوالعريف الا فى الاكل ذنب ايه الناس اللى هتاكل من ايدينا ههههههه فكرتنى ب بابا لما كنت احب اعملهم كيك يقولى خلاص هتصل بالاسعاف يستعد علشان يجى يشيلنا بعد الكيك ههههههههه دايما الرجاله كده بيرفعوا من معنوياتنا بشكل فظيع
حقيقى تسلم ايدك ع البوست اللذيذ ده
وكل عجه وانتوا طيبين تصور فكرتنا بالعجه ياااااه بقالنا زمان ماكلنهاش هههههه

د/ رامي شهاب الدين Says:

ههههههههههههههههههههه

هى وصلت لكدة .. لبخة تبقى عجة

الرسالة طبعا واضحة ومباشرة ، وجزاكم الله خيرا على هذا المغزى القيم

دمت بكل ود .. تحياتى

ماما أمولة Says:

ههههههههههههههههههه
مش معقول

ياربي يا ابو على

مين اللي عنده خراج ههههههههههههه

لبخة



ان لم تعرف فاسئل وان سئلت ستعلم وان تعلمت فاعرف ان لاهل الخبرة معرفة ان عرفتها كنت لوقتك حافظا ولصحتك راحما


ايوة يا ابو على ليه نتكبر على التعلم
طول ما احنا عايشين لازم نتعلم وهانفضل نتعلم



تدوينة خفيفة وجميلة ربنا يصلح حالك اللهم امين

yara Says:

ههههههههههههههههههههههههه

تعيش وتااااااااااكل غيرها كتيييييييييييييييير ..((ومن اعمالكم سلط عليكم))

دى بس شماااااااته الجولوجيا فى اعداءها

sony2000 Says:

بجد بجد
موش هقول غير كلمه
ربنا معاك:)

كلمات من نور Says:

الله عالمدونة دي ..حسستني بالجوع.بس لعجة أمي .ممكن أضحكك عليا؟زمان زمان قوي يعني أيام ما اتجوزت من حوالي 24 سنة ...زوجي جاب قلب ومخ وكبدة وحطيتهم في الفريزر و كنت لسه يادوب سنة أولى زواج ومعايا أبني الكبير بيبي مش بيخليني أنام ولا اطبخ فكنت أطبخ يادوب قبل موعد وصول زوجي بساعه ودخلت يومها المطبخ ورحت عالقلب المجمد قطعت شرايح شرايح و حطيته عالنار بالتتبيلة والزيت وووو ولقيته شبه القرص قلت انا مالي
هو اللي عايز ياكل قلب
أول ما دخل حطيت القلب في الطبق و أنا أساسا باقول يع أصلي مش من هواة أكل الخروف بمشتقاته المهم الراجل استغرب قالي إيه داه؟ قلتله القلب يا حبيبي ..قالي القلب؟ داه المخ يا أمي ..قلتله بجد؟ داه المخ؟ قالي مش عارفه لون القلب من المخ؟ لون القلب أحمر زي الكبدة مش أبيض..قلتله و أنا إيه عرفني بقى مش يمكن كان خروف قلبه أبيض؟ أنا قلت الكلمة ولقيت الراجل وقع عالأرض من الضحك ..وعنها ورحت النادي يوم الجمعة لقيت موضوع الخروف أبو قلب أبيض حديث المدينة..فضحني الجدع..تحياتي

أحمد الصعيدي Says:

اسأل أستشير


هههههههه

الموضوع جميل جدا

السلام عليكم ورحمة الله

فتاه من الصعيد Says:

هههههههههه

اصلا العجه موش بحبها فموش متخيله كمان لو معموله غلط هتبقى ازاي :)

بالهنا والف سلامه على معدتكم

تحياتي

Sad Angel Says:

ههههههههههههههههه

فظيع
هههههههههههههههههههههه
حلو الاسلوب جدااااا

وصلت الرساله
كتير اوى بيعملو ابو العريف

صباح الخير Says:

الحمد لله يابنى أنها جت على أد كدة
وبعدين حد يطلب عجة أنت عارف البيضة بقت بكام
...
خايف اقولك المعنى فى بطن الشاعر ليكون المعنى كله عجة وانت حبيبى

تحياتى وخالص تقديرى
أسلوب جميل .. وافكار جديدة ..
دائما موفق

غير معرف Says:

طبعا بوست رائع و المعني الواصل من الموضوع ان لازم الانسان يسأل حتي يتعلم ولكن ليه منخدهاش بمعنى تاني أنها حولت تعرف حاجة جديدة وتجرب بنفسها عشان تكون مميزة وتأخذ مكان جنب عجة الست الوالدة و لكن المحاولة فشلت المرة دي اوعدك اني هاحاول مرة تانية ياأبو علي وان شاء الله العجة الجاية تكون كويسه

SHAPE YOUR LIFE (ABOALI) Says:

الى لولا وزهراء
كل عبارات التقدير محل دراسة الان
حتى توفيكى حقك فى التاءمل وعمق التفكير
الذى ارفع له كل قبعات الاحترام

موفقة ان شاء الله

SHAPE YOUR LIFE (ABOALI) Says:

الى كيارا

ههههههههههههههه
صح يا مولان والله

مساااااااااااء كل الخير لك يا فندم
ويا ترى حالة المتابعة للمدونة اشااااااااااعة
ولا اصدق

خالص تقديرى

SHAPE YOUR LIFE (ABOALI) Says:

الى دكتور ستيته

ههههههههههههه
يا عينى يا عينى على الناس الذوق
يعنى عاوزانى اكون حونين كده ووشى صبوح كده ومبسوط كده وسعيده كده
والله لو فى منك عشرة كنا ما بقى حالنا كده

هههههههههه

حاااااااضر يا انسان

SHAPE YOUR LIFE (ABOALI) Says:

الى كيكى عوووو

كمان اقر على الواد المظلوم
زج زج زج عايش وراجع ليكى يا كيكى
وفى وسط الضلمة
هااااااايقول ليكى
عووووووووووووووو

SHAPE YOUR LIFE (ABOALI) Says:

الى قول يارب

فعلا لازم نقول يارب
اما نكون معا" نعرف ونسئل
او نختار المريخ لسكن ادم والزهرة لسكن حواء

وما بينا يكون كيكة من عند قول يارب

خالص تقديرى

SHAPE YOUR LIFE (ABOALI) Says:

الى دكتور رامى

صح يا دكترة الرسالة وصلت وخلى بالك الماجستير هايناقش قريب ذاكر بقى

خالص تقديرى للمتابعة

SHAPE YOUR LIFE (ABOALI) Says:

الى ست الكل ماما امولة

ايون يا انسان ايون ليه التكبر
العجة واضحه وصريحة وكل معالمها موجودة
بس ايه بقى النت وسنينه

هههههههههه

تقديرى الدائم

SHAPE YOUR LIFE (ABOALI) Says:

الى يارا

اممممممممممممممم
كده كده
اللهم اجعل الجبال عليهم صلدا واذا حفروا وجدوا كنزا واذا فتحوه وجدوا فيه زلطا

يلالالالالالالا بقى

SHAPE YOUR LIFE (ABOALI) Says:

الى سونى

معاااااانا كلنا يا انسانة

ولالالالالالالاايه

SHAPE YOUR LIFE (ABOALI) Says:

الى كلمات من نور

هههههههههههههههههههههههههههههه

والله ربنا يجازيكى خيرا على تلك البسمة التى ارتسمت على وجهى حين قراءت تعليقك

هههههههههههههههه

يا ام قلب ابيض انت

SHAPE YOUR LIFE (ABOALI) Says:

الى احمد الصعيدى

فعلا يا احمد صح الكلام
اسئل بقى

ههههههههههه

تقديرى

SHAPE YOUR LIFE (ABOALI) Says:

الى فتاه من الصعيدى

الحقى نفسك بقى واتعلمى بدل ما تبقى كده وكده

ولالالالالالالالاايه

تقديرى

SHAPE YOUR LIFE (ABOALI) Says:

الى ساد انجل

نعم نعم
ابو العريف وام العريف

يلا بقى نلحق نفسنا ونتعلم

ولالالالالالالالالالالالاايه

خالص تقديرى

SHAPE YOUR LIFE (ABOALI) Says:

الى صباح الخير

حاليا بقى احنا مساء الخير
وكل عجة وانت طيب ونراك بعد غسيل المعدة ونقول صباااااااااح الخير

ولالالالالالالايه

تقديرى

SHAPE YOUR LIFE (ABOALI) Says:

الى غير معرف

امممممممممممممم
التعليق بالمنظر ده احس منه انك قريبى وقريب منى
ههههههههههههههه

معلش معلش سماااااااح المرة دى

بس مش فى كل الاحوال نجدد
التجديد له اوقاته المزاجية المناسبة
وليس فى عز الجوع
ولالالالالالالالالالالالا ايه

مشرفنى يا غير معرف