خراب (1)

, الاثنين، 7 يونيو 2010



اخوانى المخربين لكم الحق ان تفرحوا وتبتهجوا

وترتسم على وجوهكم كل علامات الابتسام

فتقديرا" لافكاركم التخربيية

بعث ابليس وفد من الشياطين ليكونوا نواة اولى تحت ايدينا

لكى يتعملوا منا كيفية تنفيذ التخريب بشكل متقن

وفى هذا السياق ارسل ابليس بعض الملاحظات

التى رأها انها تستحق ان تكون دستور التخريب

وقد وضح معالية ان هناك استرايتيجيات يتم البناء عليها بعد ذلك لحدوث التخريب

لهذا اضعها تحت ايديكم لتعم الاستفادة

والى الامام دائما متسحلين بكل اسلحة التخريب

وليكن شعارنا خراب خراب خراب

الملاحظات والاستراتيجيات كانت كالتالى

1-اذا اردت ان تهدم مجتمع عليك بهدم الدين

2-اذا اردت ان تهدم الشباب عليك بهدم القدوة

3-اذا اردت ان تهدم الاطفال عليك بهدم اللين والرفق

4-اذا اردت ان تهدم الكبار عليك بهدم المسؤلية والاحترام

5-اذا اردت ان تهدم الحياه عليك بهدم الامل

وقد اشار سيادته بالتالى

ان الدين هو المسؤل عن تهذيب النفس والارتقاء بالسلوك البشرى

لذا كان هدم الدين مطلوب

الشباب فى مرحلة البلوغ ينظرون الى المثل الاعلى

لذا كان هدم القدوة

الاطفال فى مرحلة البناء يحتاجون النصح باللين وحسن التعامل

لذا كان هدم اللين والرفق

الكبار يكونوا كبار بتحمل المسؤليات اتجاه الغير بطريقة محترمة

لذا كان هدم المسؤلية والاحترام

الحياه بدون الامل حياة اساسها الملل واليأس

لذا كان هدم الامل

وبعد تلك الملاحظات العظيمة من المخرب الاعظم

وجب التنبية ان تلك الملاحظات هى الدستور التخريبى خلال الفترة القادمة

وعليه

كل ما تم طرحه من افكار فى التعليقات فى البوست الماضى

ستكون تنفيذ لتلك البنود

وبعد تحليل التعليقات ايضا

سيتم عمل معجم تخريبى يحتوى اهم الكلمات التخربيية

وكما تعرفون ان المجتمع التخريبى هو مجتمع قائم على المشورة

واحترام اراء الغير

لذا ادعوكم لابداء الراى فى ملاحظات واستراتيجيات المخرب الاعظم

ابليس

والموافقة على البدء فى تعليم مجموعة من الشياطين

ليكونوا امتداد لحملة يلا نخرب

فى كافة المجتمعات العالمية علشان نفسنا حاجة مرة نكون قدوة فيها

اخوانى كل كلمات الثناء عجزت عن شكركم على مدى التفاعل

وفى البوست القادم سيتم تحليل التعليقات واخذ الافكار الصالحة للدستور التخريبى

بعد الموافقة منكم

ولا تنسوا دعوتنا يلا نخرب

وبلاش نلتفت لللعالم الاصلاحيين ودعواتهم للامل والعمل والكد

فقد شبعنا منهم واحنا مش عاوزين اساسا نجرب الطرق بتاعتهم دى وفاقدين الثقة فى كل شيىء

وان اوااااااااااااااااااااااااااااااااااااان الخراب


27 Response to "خراب (1)"

زهــــراء Says:

سيدى الفاضل ابوعلى

عندى فكوره صغيروه الشوارع دلوقتى مليانه اسلاك بطريقه غير طبيعيه اسلاك وصلات ديش ووصلات نت واسلاك تليفونات اى واحد امام البلكونه او جنبها سلك يقطعه
حلوه الفكره الخرابه دى
ممكن كمان اى حد فوق عمارته شبكه من شبكات تقوية المحمول يطلع يلعب فيها شويه وبكده نخرب شبكات المحمول
لو حد بقى بيعرف يعوم يوصل لغاية اسلاك النت اللى فى بطن البحر وياخد معاه سمك قرش كبير ويقطع الاسلاك
ايه الفكر التخريبى اللى انا فيها ده كله
هههههههههههههههههههه
ده تعليق مبدئى اقرا البوست الجديد وارجع اعلق من تانى

زهــــراء Says:

سيدى الفاضل ابو على

مجرد سؤال هو فين الدين اللى هنهدمه الدين الان اصبح مجرد كلمه ومظهر ليس اكثر من هذا ...
اما موضوع القدوه دلوقتى قدوة الشباب الست هيفاء والاخ تامر حسنى ...

بالنسبه لموضوع الامل احب اطمن حضرتك ان خلاااااااص بقى مش فى امل عن اى حد الناس كلها عندها اكتئاب بلاش كلها نقول 99% يعنى الكلمه رايحه من قاموسهم اصلا ...

والله الفكر التخريبى ده تمام التمام واحب اقولك انه شغااااااال فعلا بين الناس
وبالمناسبه لو جربت اعمل حمله على الفيس هتلاقى افكار التخريب اللهم لاحسد

فى انتظار باقى الافكار
انا نسيت اغير حسابى الى حساب لولا وزهراء بس طيعا حضرتك عرفتنى

تحياتى لحضرتك

brightlyanny Says:

ازيك ابو على .
حلو جدا التطور السريع ف الفكره التخربيبه دى.وزى م كل مصر دلوقتى بتتفرج ع ماتش الاهلى وحرس الحدودعايزين الاخ ابليس يركز هو كمان معانا عشان الحمله تنجح بفضل رعايته لينا . انا بقول نفكك بقى من شغل المكتبات والكتب خلينا ف الكوووره والكليبات.
كمان عايزين نفضل نرش ف الميه ف الشوارع بهدف تلطيف الجو طبعا منها نكسب دكاتره العظام ومنها نخلص من اهالينا الكبار ف السن نخرج نتمشى معاهم عشان نفسحهم ويتكسرو بقى .

انا بقى هروح اكمل الماتش مع باقى اخوانى الحلوين وارجع
سلام

أنا - الريس Says:

أبصم بالعشرة علي القرارات .. المصيرية ..
دين + أخلاق + علم = نهضمة امة ..

يلا يا معاول الهدم اشتغلواااااااا

هيلة هووووووب
واحد اثنين
هيلة هووووووب
ثلاثة اربعة


هيلة هووووووب
واحد اثنين
هيلة هووووووب
ثلاثة اربعة

هيلة هووووووب
واحد اثنين
هيلة هووووووب
ثلاثة اربعة

هيلة هووووووب
واحد اثنين
هيلة هووووووب
ثلاثة اربعة

شايفك ياللي مش شغال

-_- Says:

اذا اردت ان تهدم مجتمع عليك بهدم الدين

كلمات من نور Says:

أبو علي

انا موافقة عالحملة علشان جديدة بس عندي تعليق احب أقولهولك ناصحة كاخت و أنت تعلم مدى حبي لكل ما تخطه بيمينك..

منذ عدة سنوات كنت صاحبة لمجموعة إسلامية على الياهوو وفي مرة قمت بتمرير رسالة كلها كاريكاتير عن أبليس ورمضان و إبليس والفتيات ووووو وكان بالطبع مضحك ومحزن في آن واحد وجائتني ردود وتعليقات كثيرة منها رد دكتور فقه وحديث في جامعة أم القرى بمكة المكة قال لي بما معناه : أختي أم البنين أحزنني تمريرك لهذه الرسالة أخيتي فلقد شمتي إبليس وجماعته فينا ...كلما رأي إبليس وجماعته هذه الصور والرسائل والنكات التي تتحدث عنا كلما ضحك منا وعلم أنه احتنكنا كما تحنك الإبل كما قال الله تعالى عنه في كتابه الكريم :{لأَحَتنِكَنَّ ذُرِّيَتَه إلا قليلاً})

المعنى : لأقودنهم إلى حيث أشاء كما تقاد الدابة التي يحتنكها صاحبها أي: يجعل لها حبلاً يديره من تحت حنكها فيقودها به.

----------------------

بالطبع زعلت جدا من نفسي وحسيت ان الشيطان الله يلعنه ويحرقه فرحان وشمتان في أم البنين فمسحت الرسالة وكتبت تعليق عن اللي حصل وكلام الدكتور ربي يكرمه ونصحت الكل إننا نتوقف عن الهزار بالنكت والصور عن الشيطان وشوشو بقى والكلام داه

خلي البوست يا أبو علي عن جماعة الإنس فهم أصبحوا أسوا بكثر من إبليس وأصحابه.ربي يهدينا ويثبتنا على دينه

تحياتي

أمل حمدي Says:

أعوذ بالله من الشيطان الرجيم
ربنايكفينا شر أنفسنا وشر الشيطان
ويهبنا من لدنه إيمانا قويا
نجابه به تحديات هذه الأونة اللهم أمين

نعم اذا اردنا أن نهدم مجتمعا بل أمة بأكملهاعلينا هدم الدين وما يحمل من أخلاقيات وأسس قويمة
وبهدمه يا ابو علي كما يفعلون
ستهدم معه كل مايرفع من عزة وسيكون الخراب

الله المستعان

مبرووك على الاستايل الجديد

دمت بكل الخير يارب

القدر و انا Says:

ابو على
انت مش محتاج دعوة
احنا فعلا من الاوائل فى هذا المضمار
اذا كنت مش مصدق اسأل اى مدرس للاطفال بيتعامل معاهم ازاى
اسأل الام والاب الصريخ والضرب لمين

اتفرج على الشواطئ والكافيهات والديسكو والجناين على البنات والاولاد
شوف المكاتب والرشوة والاهمال
شوف المواصلات والتعاملات بين الناس شكلها ايه..

اما القدوة فحدث ولا حرج الاب فى ايده السيجارة وبيضرب ابنه لانه بيدخن
بيكدب ويشتم وعايز الاولاد يبقوا صح

اما الامل ده
فسيبه لحكومتنا
وهى كفيلة بيه على كل المستويات

تحياتى ودعواتى بان نكون اخر الدول فى هذا الخراب

richardCatheart Says:

حلو يبقى اول حاجه نعملها

نفجر الجوامع والكنايس وبكده تبقى بدايه للقضاء على الدين او ماتبقى منه


غير كده
دا هايعمل فتنه طائفيه ولو عايز تهد مجتمع قلبه على بعض زى الفته كله هايعجن فى بعضه


وبكده نبقى اصبنا اول هدف الدين والوحده الوطنيه وسلمولى على طنط ظاظا

brightlyanny Says:

ازيك ابوعلى
ابو على هو المفروض نبتدى ننفذ الافكار التخريبيه دة ولا ايه اصل انا بصراحه نفذت من امبارح بعد مخلصت الماتش طبعا كنت أزأزت نص كيلو لي خشب مع كوباينه شاى وبعدين رميتهم ع غسيل الست ام هيثم جارتى من البلكونه.وقررت كمان اشغل ال mp3 بتاع الموبيل الصينى بتاعى ف البلكونه باعلى صوت اهوه منها تسمع البووووم ابو اليف وكمان تجرب ودانهاااا اصلها كانت لسه زارعه قوقعه ف ودنهاههههههههه.

ابوعلى ف كل الحروب الماضيه كان الملك بيهتم بتكوين جيش المستقبل من الاطفال احنا كمان لازم نبتدى بيهم يعنى كل اب يخلى ابنه الصغير يرد ع التليفون ويقول لصاحب ابوه( بابا اوبح مش موجود)-كمان ف الكلاس لازم المدرسه تبتسم للمدير وبعد ميخرج تشتم عليه قدام الاطفال -وان جه طفل يشتكى ان زميله ضربه نقوله (اللى يضربك اضربه )
كمان حاجه لازم نعود الطفل ع ان اى حد يلمس جزء من جسمه عادى عشان نخلص بقى من الجماعه المتخلفين اللى بيقولو ان ف تحرش جنسى.

عندى كمان فكره تخريبيه جريئه .
طبعا معروف التخريب النفسى مهم جدا يعنى اى حد يشوف اى انسان بيعانى من اى نوع من انواع الاعاقه الفكريه او الجسديه يعايره ونجرى ورااااه بالطوب ههههههه
ومفيش حاجه اسمها تشجيع لازم نرفع شعااااار ((( انت فااااااااااشل)))
التعليق طويل معلش .
(( ابو على بصراحه انااا خايفه معقول كل الشر ده جوانااا

brightlyanny Says:

معلش تعليق كمان اخير وده حاجه ممكن البنات هما اللى يساعدوا فيها .يعنى بما ان حرس الحدود كسب الاهلى ف احنا لازم ننتقم واى واحده منا تدخل فندق او نادى الجيش هو صحيح احنا بنتفتش واحنا داخلين بس احنا وخرجين لاء كمان مش ممكن يكون ف كاميرات ف تواليت السيدات علينا وع المناديل والصابون السايل نحطه ف شنطه ادينا او ف كياس بلاسيتيك اى حاجه وطبعا ده بينطبق كمان ع كل النوادى والفنادق مش الجيش بس .

لــــ زهــــــراء ــــولا Says:

جميلة قوي فكرة البوست ..حلوة طريقة السرد الهزلية مش عارفة كنت اضحك ولا ابكي والفكرة خطييييرة يافيلسوف بجد انت فيلسوف وبتزرع فينا افكار جميلة وقيم بتطرحها كل مرة بشكل مختلف ولن انسى القوقعة

لــولا

ليله شتاء Says:

السلام عليكم
طريقة السرد جميلة أوى
وأتفق مع حضرتك فى نجاحهم فى تخريب عقول الكثييييير

SHAPE YOUR LIFE (ABOALI) Says:

الى زهراء

ههههههههههههههههههه
الاسلاك فى بطن الحوت ماشى بيها الى ان يحين وقت الالتقاء
فاءن قطعتى خطوط النت فماذا ستقولين لنفسك حين يكون الادراك
ان صورة اشعة طبية كانت محل اطلاع
يتدولها الاطباء هنا وهناك لتنقذ حياة طفل هو قريب لك بدون شك او كلام رياء
وهنا سيحين الصمت وتتهاوى فى البحر كوابل النت فتدفع الاموال الحكومات فتدور المصانع للعمل فى بلاد العم سام
وتكون بعد الحياه حياه لبنى انس هم اساس الحياه


تقديرى لكل الفكر التخريبى لانسان كانت علاماته النقاء

SHAPE YOUR LIFE (ABOALI) Says:

الى زهراء فى اللقطة الثانية

رغم كل ما ذكر وكان
عناقيد الامل موجودة فى السماء
فاءن كان البعض لها غير مدرك فتلك وظيفة الحكماء
وان كان الدين مفككا يقينا فى الفجر ان دخلتى المساجدا ستجدى شيخا" قارئا وشاب فى الطاعة كان مواظبا يدعون لى ولك الى ان يحدث الالتقاء
وادعو الله ان يجمعنا بهم وتفوح من بين وجدان النفس صرخة الضياء


ولالالالالالالالالالالالالالالالالاايه
بالغ سعادتى للمتابعة واثراء فكرى بهذا الشكل الرائع منكى

SHAPE YOUR LIFE (ABOALI) Says:

الى برتلى
ههههههههههههههههههه
اه فعلا

بس مادام غيرى هايستفيد يبقى مافيش خراب

الخراب لازم على الكل

ولالالالالالالالالالالالالالاايه

تقديرى

SHAPE YOUR LIFE (ABOALI) Says:

الى الريس

هههههههههههههههههههه

هاشتغل والله يا بيه هاشتغل

واحد هيلا هوبا اتنين هيلا هوبا تلاته هيلا هوبا

تعاااااااااااااالوا نبصم هيلا هوبا
ان الحياه دين وبناء


تقديرى لما تكتب يا انسان

SHAPE YOUR LIFE (ABOALI) Says:

الى شارم

ايه يا مان شكلك مش متحمس للهدم ولا ايه

فكر كده وانا مستنيك وبرضوا ليك دور حتى لو كنت مصلح فى الحملة التخربييه

تقديرى

SHAPE YOUR LIFE (ABOALI) Says:

الى كلمات من نور

سيدتى الفاضلة بالغ تقديرى لما كتبتى وهذا يدل على مدى حرصك من الانزلاق والحوم حول النيران
ولكن بقراءة مرة ثانية فى البوست بنظرة مختلفة ستجدى انى اتكلم عن الانس وما تحتوى سطورهم

وهذا لايمنع ايضا من وضع تلك النصحية من اخت كريمة فى نصب العين وعصارة الكيان

بالغ تقديرى مع دعواتك

ادعى بقى بلاش بخل

SHAPE YOUR LIFE (ABOALI) Says:

الفاضلة ماما امولة

بعد طول غياب ماما امولة تظهر فى المدونة من جديد

جميييييييييييييييل جدا والمدونة فى غاية الانبساط
تقديرا لمن يكتب وينثر
وكل القائمين ها هنا يدعون لك بكل علامات البشر وتوالد الحسنات

تقديرى

SHAPE YOUR LIFE (ABOALI) Says:

الى القدر وانا

لن اتعجب من التعليق فهذا هو الحال حين تغيب الشمس لفترات وينمو فى جنح الليل عناقيد اليأس وترتسم على الاوجه مراسم الحزن ويتذكرون الذكريات

ولكن هنا يا سيدتى
انظرى الى قمرٍ مازال يحبو فى الظلماء

هذا ما عندى سيدتى لاقوله

تقديرى لوجودك ها هنا

SHAPE YOUR LIFE (ABOALI) Says:

الى قلب قطة

هههههههههههههههههه فعلا فعلا

بس ده هايخلى البنايين يشتغلوا وتجار الاسمنت والحديد والذى منه

ومش هايبقى خراب كامل

فكرى مرة تانية لانى ملاحظ انى فيه تحسن واضح فى قدراتك التخربييه

سمى الله كده وحاولى مرة تانية

تقديرى ودعواتى بصفاء الفكر ونعمة اليقين

SHAPE YOUR LIFE (ABOALI) Says:

الى برتلى

هههههههههههههههههه
ضحكتينى كما لم اضحك من قبل يا بنت بنى الانس

فعلا طرق تخرببيه نشاهدها ويتسابق الجميع فى فعلها

وكاءنى بجارتك تسن السكين وتسمى الله وتبدء اولا فى قطع اليدان واللسان

وتتركك تدركين الخراب الحقيقى


معلس معلس يا برتلى نصيبك بقى


تقديرى

SHAPE YOUR LIFE (ABOALI) Says:

الى لولا

الجميل فيكى يا لولا حسن البصيرة ماشاء الله وقراءة متعمقة خلف السطور
وهبك الله النقاء الذى ترضين ووهب النقاء لك

تقديرى لاءنسان

SHAPE YOUR LIFE (ABOALI) Says:

الى ليلة الشتاء

فعلا يا انسانة المهم انتى هاتعملى ايه

ده سؤال ؟
جاوبى عليه وخلى الاجابة صريحة واكتبها فى كشكول واحتفظى بيها واقرئى ما كتبتى كل يوم

يقينا سيكون التذكير المناسب بشيىء ما


تقديرى لحضورك الاول و اتمنى ان لا يكون الاخير

لــــ زهــــــراء ــــولا Says:

سيدى الفاضل ابوعلى

مش عارفه اعمل كومنت فى البوست الجديد
وعمااااااااله اشد فى شعرى تقريبا ده عقاب على الفكر التخريبى بتاعى

زهرا

كلمات من نور Says:

لا كده عداك العيب يا أبو علي وما اكثر شياطين الإنس في هذا الزمان

يا مثبت القلةب ثبت قلبي على دينك يارب


أقدم خالص اعتذاري عن سوء الفهم وسرعة الرد ولكن كل غايتي هي الله و أنت تعلم كم أحب أن أقرأ لك .....تحياتي