SHAPE YOUR LIFE: وسع وسع

وسع وسع

, الثلاثاء، 2 نوفمبر 2010

وسعى شوية

عاوز اشوف الدنيا

سجن واحداث

تسع شهور فى ابوغريب يا ناس

الرحمة حلوة

والحياه اكيد احلى

فين بقى؟

النونا بتاعتى

يلا يا ماما

يا حبيبتى

اوصفى المكان

كفاية كده حرمان

الشقة والتجهيز

سوبر لوكس وكرانيش

فرصة وفرصتين

سنة وسنتين

مهلة حتى الفطام

بعد كده خلى بالك

وحش كاسر

هايكون قصادك

حق وحقوقى

هاطالب مش هاندد

هانتتخب مش هابدد

هاغير وهاعيش انسان

هاجمع كل الجدعان

هارسم وطن وسنان

هاحترم الكبير

وهاكون تمام

هاتعلم

والعلم فرض وكيان

هاصبر على ما ابتلانى

هاوحد رب الاكوانى

هاعرف رسولى العدنانى

هاقول كلام زين

صادق من لسانى

هاصر على اخلاقى ودينى

هارفع علم يقينى بالله يقينى

يلا بقى شدى حيلك وساعدينى

المهر بقى غالى

والحبيب واقف خلق ربانى

سعيد انى هاكون صحبة

ابويا وامى والناس واللمة

هافتح شراينى مجرى ملاحى

طاعة ربى مسا وصباحى

كونى ليا الام

اكون ليكى الابن

خلى ابويا السند

هاكون ليه الولد

راجل

سلاح فى ايده

يؤمر يطاع

امين

يلا بقى

اعملوا معروف

وسعوا شوية

خلوها رايقة

وبلاش علشان خاطرى التكشيرة

اضرب بقى بسمة وبلاش الجبيرة

بعد لما تقرء كلامى

افرح وارسم رسمة

ليك رب

حنانه دايم

ظاهر كامل

ارجع ليه

هو الغافر

بيحبك وينادى عليك

خمس مرات صلا

جمعة

وعيد اعياد

رمضان وحج مبرور

نبيك رحمة مسداه

سننن وقرب لسماه

جنة وفرودس

عليها نمشى ونبوس

اصحاب

انبياء

شهداء

عظماء

نبلاء

حكماء

طيبين

اطهار

فقراء

كلنا تحت العرش ساجدين

فرحانين مبسوطين

بذمتك مش ده احلى كلام

ريح بالك

وخلى السماح دليك وعنوانك

يلا بقى وسعوا شوية

16 Response to "وسع وسع"

لــــ زهــــــراء ــــولا Says:: ابوعلى

وسع وسع اول تعليق ..
قبل ما يعقل يا جدعان ..
قبل ما حد يشوفنى يا جدعان ..
قبل ما يقفل التعليقات فى وشى يا جدعان

زهراء; 2 نوفمبر 2010 في 2:10 م
richardCatheart Says:: بطوط اكلت النبق
هههههههههههههههههههههههه
اجازه مافيش احتلال; 2 نوفمبر 2010 في 2:13 م
richardCatheart Says:: جميل جميل والله جميل

اخربى على صوره النونو اللى واقف دا عايز عضه فى تتتتتتتتتتت هههههههههههههههههههههههههه

كميله كميييييييييييله يا نااااااااس

طب ادينا وسعنا لما نشوف هايثبت على كلامه ولا الايام وعوامل التعريبه هاتغيره
الايام تحكم

والله اكتر حاجه بحبها فى كلامك
الاحساس بالنقاء واسمه ايه دا الطهر البشرى النادر حقيقى
تحياتى ياقلمى جميل; 2 نوفمبر 2010 في 2:16 م
لــــ زهــــــراء ــــولا Says:: ابوعلى

انا مستعده اوسع واكون بودى جارد كمان عشان احاول انى اوسع الكون معاه وحواليه ويمكن الاقى معاه حته جميله هاديه ويمكن اللى مش عارفه الاقيه وسط الكبار اقدر الاقيه مع الاطفال انا اول حد هيوسع عشان اتعلم منه وهو بينصح كلامه جميل بس مين يسمع محتاج مايك كبييييييييييير عشان الكل يوسع محتاااااااج ناس كتير لدعوته وكلامه تنشر محتااااااااج مجهووووود كبييييييير عشان الناس توسع
هاضم صوتى لصوته واقوله تعالى هامسك فى ايدك يمكن نلاقى مكان نقدر فيه نلاقى ناس توسع

وسع وسع يا عم الحاج
معايا طفل للسلام بينشر
وسع وسع يا عم الحاج
معايا انسان للواحد الاحد بيقرب
وسع وسع يا عم الحاج
معيا كائن للتسامح بيدعو
وسع وسع يا عم الحاج
فى ايه مالكم واقفين كده ليه
هو احنا مجانين كفايه كده يا انسان شكلهم هيبغلوا علينا وشكلوا وسعوا بجد وسابوا المكان وبيقولوا ميين الناس اللى عاوزه توسع

تحفه بجد واكتر من رائع
حفظك الله

زهراء; 2 نوفمبر 2010 في 2:17 م
كلمات من نور Says:: ربي يوسع لك قلبك ورزقك وحياتك كلها يا أبو علي; 2 نوفمبر 2010 في 2:25 م
فشكووول Says:: السلام عليكم
الله الله الله .. ايه الكلام الحلو ده وايه الروقان الجامد ده
البسمه حلوه والضحكه حلوه والامل حلو لكن الكلام جاى حلو بعد ايه يا ترى؟ .. كان فيه قبل الكلام يا ترى كلام ....... كان فيه حاجه .. شكله كدا .. الله اعلم
تحياتى; 2 نوفمبر 2010 في 2:35 م
Dr/ walaa salah Says:: الله عليك يا ابو علي

احسن حاجه بتعجبني في بوستاتك انك مبتقفلهاش غير لما بتقول نصيحه تقربنا من ربنا بيها

تعرف والله احسن نعمه احنا فيها ان لينا رب كريم رحيم بينا

عالم بحالنا

ليه نقلق وربنا معانا في كل امورنا

الحمد لله

جزاك الله خيراً ابو علي; 3 نوفمبر 2010 في 7:35 ص
همسات وبحــ الحياه ــر Says:: كلنا تحت العرش ساجدين
فرحانين مبسوطين
بذمتك مش ده احلى كلام
ريح بالك
وخلى السماح دليك وعنوانك
يلا بقى وسعوا شوية

اول مرة اجى هنا بس بجد\ مدونة حلوة اوى
تحيااااااتى; 4 نوفمبر 2010 في 3:21 ص
SHAPE YOUR LIFE (ABOALI) Says:: الى زهراء

ووووووووووووووسع
يا عم وسع للناس الافاضل

فييييييييييييين الامل االعام

فيييييييييين; 4 نوفمبر 2010 في 3:19 م
SHAPE YOUR LIFE (ABOALI) Says:: الى قلب قطة

معلش بقى يا اختى
اسكندرية رايح جاااااااااااى
ولم يذهب التعليق بعيدا يا صاحبى; 4 نوفمبر 2010 في 3:22 م
SHAPE YOUR LIFE (ABOALI) Says:: الى قلب قطة

يا باشا مبسووووووووووط انى الواد عجبك

وش بيغمز

وشجعى الواد ووسعى ليه يمكن يحقق اللى احنا لم نحققه
بلاش بقى الحجر الاسكندرانى عليه
ارحموا الواد شوية
ومنتظر 9 كيلو جمبرى للواد علشان يقوى نفسه ويبرها

تششششششششششششكرات كبيرة
نحن نجتهد وكلنا هذا الشخص

تقديرى الرائع لانسان رائع; 4 نوفمبر 2010 في 3:26 م
SHAPE YOUR LIFE (ABOALI) Says:: الى زهراء

جمييييييييييييييييل التفائل اللى احسسته من تعليقك وامانيكى النقية
الراقية
وجميل ذلك الهتاف من وسع وسع

الذى حمل مضمون سامى نسعى ان نحققه يوما

وكان من الجميل ان نتمنى ان ينتشر النداء
حتى يستقيم المعنى

ولكن فى الحقيقة
للجميل من المعانى بهاء وعنوان ثابت
عندما يغرق بعض البشر فى الظلام
حينها سيدرك قيمة ما تركه فى صحراء الطريق

البسمات ودعوات الخير
بالتاءكيد من حق تلك القلوب التى تسعى
دائما استنارة الطريق مثلك
ان ندعو لها بالفوز بالجنان ورؤية الرحمن

تقديرى لانسان; 4 نوفمبر 2010 في 3:36 م
SHAPE YOUR LIFE (ABOALI) Says:: الى كلمات من نور

ربنا يهبك كل الفضل يا ست الكل

خاااااااالص تقديرى; 4 نوفمبر 2010 في 3:37 م
SHAPE YOUR LIFE (ABOALI) Says:: الى الفاضل استاذ فشكول

هههههههههههههههههههه
هو التفاؤل بقى جريمة فى البلد دى ولا ايه ياااااا استاذنا

دى بس كانت رغبات منى ان يكون الطريق واضح فى بسمة مع فرحة

واتمنى ان ننعم به يوما

لك كل التقدير والدعوات دائما بالخير
يا انسان يا غالى; 4 نوفمبر 2010 في 3:39 م
SHAPE YOUR LIFE (ABOALI) Says:: الى ولاء
فعلا يا ولاء ليه نقلق ولينا رب وهبنا الكثير والكثير

مبسوووووووووط ان لبوست عجبك
وربنا يهبنا الخير دايما

خالص التقدير على متابعتى
ولك كل الدعوات بكل الصفاء والنقاء; 4 نوفمبر 2010 في 3:41 م
SHAPE YOUR LIFE (ABOALI) Says:: الى همسات وبحر الحياه

مراحب مراحب فى اول تشريف
وان شاء الله ارى من فيحاء قلمك الكثير والكثير

خالص التقدير لك; 4 نوفمبر 2010 في 3:42 م