تربية جمالية

, الأحد، 14 نوفمبر 2010



اغرنى اخى ان نعزم العزم ونشترى الاضحيه وان تكون الاضحيه جمل
نتقاسمه بينا نحن الاخوة الثلاث
وتحت اغراء ارقة الدم من اجل اعادة مشهد نبى الله اسماعيل
قررت اضحى بالغالى اموالى المنكنزة ولا تجد من يأخذها
وكان شد الرحال الى منطقة على حدود امبابه اسمها برقاش
تقترب من البحيرة شرقا والمنوفية غربا
حيث يتواجد سوق جمال مشهود له بكثرة العرض
وحيت اننا لا نمتلك خبرات جمالية
كل جمل نراه نظن انه يصلح للشراء والدبح
الى ان اعثرنا الله على شخص قال ليس كل جمل يؤكل فالجمال اصناف واشكال
وكعادتى الرومانسية اعجبنى السجع فى الكلام وقررت ان اتخذه مرشد
لحين الحصول على جمل نقى المعانى والاوصاف يستحملنى
اخذنا المرشد الى مزرعة تستورد من السوادن وتعيد تنسيق ملامح الجمل
بعد معاناته فى السوادن من مظاهر الجفاف الصحرواى نتيجة الانقسام السودانى
فقرر الجمل  فى دعوة اصابته ان يخلصه الله من هذا العذاب
ولا يعلم ان الله استجاب وجاء به الى مصر حيت سيكون يااااااااااعينى جمل مضحى
المهم
راينا اصناف بالفعل واستبشرنا خيرا بهذا الشخص الملتحى
وكلماته البراقة عن هذا الجمل الممشوق القوام
حتى ظننت انى عليا ان اجهز له فراش العرس
و مر الوقت وهاهو الجمل يكبل فى طريقة الى مثواه الاخير تحت عزيمة اربعة رجال
الى ان تم وضعه على تلك السيارة النقل التى اشفقت عليها وقولت يا ترى هانضحى بالجمل
ولا العربية والجمل والسائق معا
وكما تعرفون انى عاطفى تتملكنى الاحاسيس الخلابة
لم اشأ ان اترك اخى مع الجمل والسائق و اسبق انا الى البيت
لذا قررت ان اظل متابع عمليه النقل على الطريق 
واخى يجلس بجانبه يقرء له الفاتحه ويواسيه
وفى اثناء النقل سئم الجمل من تلك الوضعية وقرر ان ينقلب على احدى جوانبه
وهنا لاحظت ان اجناب سيارة السائق تتجاذب فى حنو كأنها تحضن الجمل واخى معا
ونزل السائق يقوووول يالهوووووى يا لهووووووى اجناب السيارة
اصابها تقلصات جمالية
وحاولت ان ارطب على قلب السائق مع تعهد بالاصلاح اللازم
واطمئنت على اخى وقولت له اقرء الفاتحه بخشوع احسن وبلاش حنان قلبك ده
واستمرت عمليه نقل الجمل ثلاث ساعات على الهادى ننقله ونطبطب عليه على انغام
سيدة الجمال الاولى نانسى عجرم  وبالفعل لان الجمل ووصل الى البيت
وجاءت عملية نقل اخرى الى جراج البيت
وحاولنا ان نجعل الجمل يمشى الى الجراج ويتحرك ولكنه ابى
ووسط توسلاتنا  واستعطاف تجمهر اهل الشارع الذى شاركنا الاحاسيس
لم يأبه ايضا الجمل بنا
وكلما مشى يمشى الى الخلف
فأستجمعت قواى البدنية والعقلية والمخية
وقررت ان اتلو عليه السورة القرءانيه وكل ما الهمنى ربى من دعوات
وانا على يقين ان قلبه سيأخذه دوافع الحنان والرحمه بى وبأهل الشارع
وبالفعل امسكت اللجام  داعيا الله ان يلين لنا 
وينصرنا عليه وسط صيحات من اطفال الشارع
لدرجة ان كل طفل ترك العابه وقرر مشاركتنا فى اللعبه الكبرى لعبة الجمل العاصى
وتحت تأثير دموعنا ودعوات الامهات 
واستنهاض مشاعر الجمل من خلال حصان تصادف مروه
تحرك ولكن فى هدوء الى الخلف وليس فى اتجاه الجراج
فقررنا ان يكون دخوله الجراج من الخلف وحدث ما تمنيت ودخل الجراج وسط
تصفيق اهل الشارع وتكبيرات البعض وتهليل الاطفال
وانا اقول لنفسى منك لله كل الشارع هايسئلنا على الجمل ومش بعيد الاعلامى المرئى والمسموع
 فعلا ربتنى تربية راقية وتعلمت منك الصبر
وسيكون لك ميعاد وعهد تلك الرقبة التى تتباهى بها ستخضج يا صاحبى لتكون عليك شاهد
والى لقاء اخر يا مربينى

42 Response to "تربية جمالية"

yara Says:

هههههههههههههههههههههههههههههه

حرام عليك يا ابو على
يعنى مستكتر عليه شويه شقاوه فى ايامه الاخيره ..

بس بجد كواليس لذيذه ومبهجه حسستنى بروح العيد فعلا ..على العموم سلملى على الجمل العسول ده وصورهولنا قبل يوم الوداع ..

وكل سنه وانت بخييييييييييير انت واسرتك الكريمه يا ابو على وعيد اضحى سعيد .

Ramy Says:

دة بوست العيد

هههههههههههههه

يارب دايماً متجمعين فى المحبة و الأعياد

كل سنة و حضرتك و العائلة الكريمة بكل خير و سلام (:

و يعيد عالينا الأيام كلنا بخير
(:

Dr/ walaa salah Says:

هههههههههه

يا عيني والله صعب عليا

انا لو معايا الجمل ده وعمل كل اللي عمله ده والله لاسيبه ومضحيش بيه

وممكن كمان اضحي وقتها بالسواق هههههههه

بالهنا والشفا مقدماً يا ابو علي

بمناسبة غلو اسعار اللحوم والاضاحي شفت كاريكاتير جميل اوي

فيه واحد وبيجر وراه خروف مكتوب عليه سعره المرتفع طبعاً

والخروف بيطلع لسانه للراجل ويقوله بالله عليك مين الضحيه انا ولا انت

كل عام وانت بخير يا ابو علي

لــــ زهــــــراء ــــولا Says:

أبـــو على

---------------
هو ده الجمل الاصيل اللى متربى صح الصح اكيد الجمل اختلط عليه الفهم
انت عارف ان فيه جينات سودانيه على مصريه يعنى مختلط يبقى بالتالى كان لازم حد فيكم يتكلم معاه سودانى وتقوله يا عثمان وهو كان يسمع الكلام هههههههههههه
المفروض كنت تسمعه اى اغنيه سودانى او حتى لب ههههههههه عشان يقدر يتعامل معاكم ........
هل ممكن اجى عندكم اعمل حوار مع الجمل ويكون سبق صفحى وانزله له صوره كمان فى المدونه عندنا ده واضح انه جمل عنده عقل مش مخ هو لو دخل المدونه هنا شويه اكيد كان هيرعف انت مين ويتعامل معاك ازاى ههههههههههههه
كل سنه وانت وكل افراد اسرتك فردا فردا بصحه وخير وينعاد عليكم الايام بكل حب وسعاده يارب

زهراء

غير معرف Says:

بوست جميل
كل سنه انت واسرتك بخير
عيد سعيد عليك وعلينا
عيد اضحى مبارك

شمس النهار Says:

كل سنه وانت طيب وبخير انت والاسرة الكريمه

وتدبح الجمل وتعيد

:)

sony2000 Says:

:))))))))
بجد بجد
موقف جامد
ربنا معاااااااك

كلمات من نور Says:

عيد سعيد يا أبو علي والحمدلله إنه جمل وبطيء مش ثور والا حاجه ...من فترة الجيران كانوا حيدبحوا ثور والثور وهو نازل من العربيه قطع الحبل وجرى في الشارع مسافة 4 محطات مثلا وصاحبه يجري وراه بالعربية و اصيب بقرن الثور إصابة بليغه داه غير اللي الثور عمله في الناس و إثارة الرعب بقى ....ههههه يعني الحمدلله غنه جمل صابر ووديع ....ربي يتقبل منكم .

إيمان Says:

هههههههههه
أيه التربية الجملي دي
الجمل عملكم سياحه في المنطقة علشان متستفردوش بيه
كل سنة وأنت طيب عيد سعيد عليك وعلى كل الأهل والأحباب

صيدلانيه طالعه نازله Says:

سيييييييبه يمرح ويلعب

من نفسه يا اخى ده هربان من ويلات الحرب فى السودان

وجه برجليه الاهبل عشان يضحى بيه هنا

مستكتر عليه شويه دلع

مش كفايه حتتمنظر على قفاه وتبقى رايح جاى

تقول هييييييه ضحيت بجمل

حقه بقى ولا مش حقه

قول واعترف

غير معرف Says:

ههههههههههه
حلوة جدا
كل عام و انت بخير و بخير و صحة و سعادة
اللهم بلغنا و اياكم الحج و العمرة

richardCatheart Says:

على يا على ياعلى على يا ابو على

هههههههههه

كل سنه وانت طيب وبخير وبهنا يارب

ديما كده متالق بفضل من الله

كل سنه وكل اسرتك واهلك واحبابك بخير وهنا

Baskouta Says:

كل سنة وحضرتك وكل الاسرة بخير
عيد أضحى سعيد ان شاء الله

http://up.ta7a.com/ta7a/Faw89985.jpg

Dr/ walaa salah Says:

جينا نهني بالعيد ونقول :

الله يتقبل اعمالك ومبارك عليك العيد
و يعود عليك بصحه وسعاده وعمر مديد

MTMA89 Says:

كل سنة و انت طيب يا الو علي
تعيش و تجيب جمل كل سنة :)

و ربنا يباركلكم فيه يا رب


محمد
:)

أنا - الريس Says:

كل سنة وانت طيب يا أبو علي
كل سنة وانت بخير
كل سنة وانت احسن من اللي قبلها
ومني :)

نـــــور Says:

:)
انا لو مكانك ادبحه 3مرات الجمل ابن الــــ جمل ده :)

كل سنة وانت طيب ياابو على انت واحبائك يارب وينعاد عليكوا بخير يارب

بيوحشنى كلامك جدا
انت اللى باقى من ايام زمن التدوين الجميل اللى بقيت بحس بغربة فيه

ستيتة Says:

هههههههههههههههههههههههههه
يعني اللي ها يضحي بالجمال
لازم الأول يعد لها العدة :)
تاكل لحم الحاشي بالهنا والشفا
وربنا يتقبل منك ومن جميع مقيمي شعائر الله

كل سنة وانت طيب يا ابو علي

romansy Says:

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

عباس ابن فرناس Says:

هوا جمل جمل !!!
والأ الفيل بتاع ابى رها الحبشى ههههه
الجمل اللى جه من السودان فكرنى بالبنى ادمين اللى برضو جو من السودان وبعيد عنك كانه كالمستغيث من النار بالرمضاء هههه
تحياتى وعيد سعيد

فشكووول Says:

السلام عليكم
تحياتى
عيد سعيد
وكل عام وانتم بخير
والعام القادم فى عرفات صحبه ان شاء الله
عيد سعيد وعمر مديد

SHAPE YOUR LIFE (ABOALI) Says:

الى يارا
ربنا يجعل كل كواليس حياتك دافع ليكى على النجاح والسعادة
وتم تصوير الجمل ورفعه على الفيس بوك

كل سنه وانتى فى طاعة رابية رافعة سامية لا حدود لها ولا فواصل

تقديرى

SHAPE YOUR LIFE (ABOALI) Says:

الى رامى

ده ما قبل العيد يا رامى
كواليس ما قبل العيد

ربنا يجعلك فى بهجة وصفاء دائما متمتع بصحتك وحسن ادراكك للحياه

خالص التقدير

SHAPE YOUR LIFE (ABOALI) Says:

الى ولاء
ابتسمت وزرعتى فى كيانى الفرحة حين قرءت تعليقك
فعلا الخروف اتى عليه الاوان ليقول اننا ضحايا

بس سيبك انتى مادام الجمل موجود
خليه بقى ينفع نفسه

مبسوط بوجودك يا انسانه
وربنا يجعلك فى اعياد دائمه تسعد بها نفسك

تقديرى

SHAPE YOUR LIFE (ABOALI) Says:

الى زهراء
ههههههههههههههههههههههه
حاجة ساقعة لب
لب حاجه ساقعة

ماشى يا سيادة المراسل انى فى الانتظار
بس تعالى ومعاكى الفدية
علشان لو حصل فى الامور امور
والجمل كان ناوى يبقى فيه حاجة تعوض

ربنا ينير حياتك انوار البهجة والسعادة وحب الخير دائما

مشرفانى ولك كل التقدير

SHAPE YOUR LIFE (ABOALI) Says:

الى الحب الجميل

جعل الله حياتك حب وعطاء ورضا وقبول ان شاء الله

اعرف انى مقصر
ولكنى ساكون يوما هناك عندك قريبا جدا

تقديرى القدير

SHAPE YOUR LIFE (ABOALI) Says:

الى الحاجة شمس النهار

ربنا يجعلك فى عطاء دائم وسعادة يا ست الكل

لك جزيل الشكر والتهانى

SHAPE YOUR LIFE (ABOALI) Says:

الى سونى

الله الله ربنا يخليكى
بدل ما تقولى اساعد ازاى يا سونى

اه اه منكوا يا بنات حوا

تقدييييييييييرى دائما

SHAPE YOUR LIFE (ABOALI) Says:

الى كلمات من نور

هو فعلا كان صابر ووديع
بس الصبر والوادعة اللى تفتك بالعقول
بس ربنا يهدى
اهو اشكال وكائنات الواحد بيقابلها فى حياته

ربنا يجعلك فى بسمة وانس دايما

SHAPE YOUR LIFE (ABOALI) Says:

الى ايمان

فعلا يا ايمان عمل لينا احل شغل وكل الناس هتشارك فى الدبح واكيد اكيد اللحم كمااااااان

ربنا يديم عليكى البركة واحساس الحب دايما

كل سنة وانتى فى افضل كيان

SHAPE YOUR LIFE (ABOALI) Says:

الى صيدلانية

هههههههههههههههههههههههه
حق مين يا ابن عمى انت جاى تهدى النفوس شكلك كده

خليك فى حالك بدل ما الجمل يغير مساره الى مناطق اخرى ويخلى ناس تانية ضحايا

ولالالالالالالاايه

كل سنة وانت طاهر وجميل

SHAPE YOUR LIFE (ABOALI) Says:

الى يوميات شحات

اللهم امين تقبل الله منك ومنا
واصلح حالك وحالنا

كل التقدير الدائم

SHAPE YOUR LIFE (ABOALI) Says:

الى قلب قطة
دومتى فى فرحة وهناء وحبور وسرور
تعطر معاليكى كل نسائم الحب والصدق والنقاء

كل سنة وانت برىء القلب طاهر الكيان

تقديرى

SHAPE YOUR LIFE (ABOALI) Says:

الى بسكوته

كل التمانى لانسان قدير باعياد دائمه

وجمييييييييييله جدا الصورة بالكاركاتير

دومتى رائعة

SHAPE YOUR LIFE (ABOALI) Says:

الى ولاء

ياااااااااااافندم كده بتحرجينا من ذوقك العالى والله

ربنا يهنيكى ويرفع قدرك يا فندم

كل سنة وانتى فى خير كيان

SHAPE YOUR LIFE (ABOALI) Says:

الى محمد

يا فندم كل كل تمنيات السعادة والحب والبهجة فى حياتك

ومبسوووووووووط انى باشوفك هنا دايما

تقديرى

SHAPE YOUR LIFE (ABOALI) Says:

الى الريس

كل سنة وانت طاهر يا انسان نقى الكيان سعيد فرحان

كل التقدير لاسرتك ولشخصك

SHAPE YOUR LIFE (ABOALI) Says:

الى نور

ياااااااااااه رائع انى اطمئنيت عليكى يا انسانه

بجد بجد احبك فى الله
وربنا يهبك الصالح دائما ويهبك من يستحقك

تقديرى

SHAPE YOUR LIFE (ABOALI) Says:

الى الفاضلة دكتورة ستيته

نعد يا فندم العدة وليكى عليا اشفيه وانا مبتسم ومقدر انه مدبوح

ربنا يهبك الخير ويجعله طريقك الدائم

SHAPE YOUR LIFE (ABOALI) Says:

الى رومنسى
ربنا يبارك فيك يا رومانسى وقلبك النابض
ويجعلك من المقربين السعداء فى الحياه وفى الجنان ان شاء الله

تقديرى يا قدير

SHAPE YOUR LIFE (ABOALI) Says:

الى عباس
سعيد بظهور الاول واتمنى الا يكون الاخير

وفعلا هو جه مصر حيث النعيم واخذ الثواب
يكفى اننا هانضحى بقى ونخلصه من الامه

ولا انت شايف اييييييييييه

تقديرى وكل سنه وانت سعيد

SHAPE YOUR LIFE (ABOALI) Says:

الى الفاضل استاذ فشكول

وهبك الله الصحة والعافية ومتعك بأسرتك
وادم عليكى الفهم وحسن الادراك والتفكير
واورثك جنان النعيم يا انسان

خالص التقدير