الرائع لم يأتى بعد

, الأحد، 7 نوفمبر 2010







قالت كلمنى عن الجمال
من غير تفكير وفى استجمام
قولت  سورة من القراءن
الله اكبر صلا ايمان
سجدة شكر  حب للرحمن
ليلة قدر فى رمضان
عيد فطر اسرة جيران
والاضحى والخروف عنوان
حج مبرور طواف وعبور
لبيك ربى
عبد بيك مسرور
فقير نايم
فى الفراش كروان
مريض بيدعى مش قلقان
 طفل برىء قلبه فرحان
صديق يطبطب
 و
يلم انسان
يتيم مبسوط دفيان
قمر فى الليل سهران
شمس منورة المكان
زهرة للفراش اذان
بحر للنسيم شطئان
لؤلؤ ياقوت مرجان
حور عين سبحان
حصان عربى اصيل البنيان
سما صافية
سرب طير شبعان
بلبل فى الشروق الحان
عصفور بيزقزق
و
الياسمين بيغازل الريحان
وام محمد فى الفجرية
لقمة عيش هنية
لحبيب العمر فى الغيط تعبان
تلميذ للعلم طالب فهمان
عالم قدير حكيم بيان
*********
سكن السكون
قالت
ده
جمال دينى وفن تشكيلى
كلمنى عن الجمال
قلت
حبيب جوه حبيب
ضمة جوه ضمة
شراين ناقلة بقوة
امااااااااااااان
حنين
شووووووووووق
روح
ضلع باسم
ليه حاضن
بلسم مرور
حياه وقبول
رئه يمين رئه شمال
قلب راسم لوحة فنان
نبض تعبير وسام
هدوء للافهام
زفير شهيق
قلم الوان
الجمال
انسان



الرائع لم يأتى بعد
سجود تحت عرش الرحمن
جنات فردوس كيان 
رسل انبياء اخيار

26 Response to "الرائع لم يأتى بعد"

الازهرى Says:

والرابع مفيش مانع

الازهرى Says:

أما الخامس
فهدية للأحباب

SHAPE YOUR LIFE (ABOALI) Says:

يا عمى وعم عيالى
المدونة فيها جهاز انذار جوى

الازهرى Says:

تصدق بالله لولا والدى طلب منى حاجة وقمت كان زمانهم عشرين

ما علينا

خيرها فى غيرها

الازهرى Says:

قلب راسم لوحة فنان

جميلة الصور وخاصة التانية والرابعة

ورائعة الكلمات
أدعوا لله تعالى ان يرفعنا جميعا فى هذا الوطن إلى مرتبة الإنسان

تحياتى دوما

Ramy Says:

وجعت قلبى

بالجمال دة و دة

الأتنين أجمل و أجمل

و الأجمل لما نشوف نص الكوباية المليان

(:

بجد مش عارف اكتب أية
(:
تحياتى

لــــ زهــــــراء ــــولا Says:

ابو على
-----------

الرائع لم يأت بعد ...
يا له من عنوان او مقوله على الدوام ارددها لانى بداخلى اعتقاد ان كل شئ فى حياتى بصفه خاصه وفى الحياه بصفه عامه رائع لم يات بعد..

بصراحه كده اى حاجه جميله لسه مش شوفتها ده اعتقادى قول بقى عليا متفائله او مجنونه او اى حاجه تانيه مافيش مشاكل المهم انى مقتنعه بالرائع الذى لم يات بعد ولازلت فى انتظاره ...

الصور اكتر من رائعه وتقريبا كل صوره محتاجه ما لا يقل عن خمس او سبع سطور عشان اقدر احللها ...
عشان كده اكتفى بقولى ان الصور جميله ورائعه وتحفه كمان ......

البوست هو اللى رائع واعتقد انك مهما كتبت مش هيكون اروع من كده احساس عالى وفهم وشرح لمعنى الجمال من كذا وجهة نظر مختلفه اعتقد لو حد سال عن الجمال فينا اللى هيقول جمال الشكل وفينا اللى هيقول جمال االروح لكن الجميل انك تجمع بين كل انواع الجمال
والصور شرحت كلامك وبينت المقصود من معنى الجمال ..

الجمال انسان ينظر لما وراء الكلمات
الجمال عيون ترى الجميل وتبحث عنه حتى بين مواطن القبح
الجمال هو روح نراها ونشعر بها
الجمال فى لحظه نتقرب فيها من الله
الجمال فى صديق مخلص يسمع منا ولا يمل
الجمال فى كثير وكثير ولكن من يعى ومن يفهم

دمت متالقا جميلا ....

زهراء

شمس النهار Says:

فعلا الرائع لم ياتي بعد

ياريت نقدر نوصل له

ونري وجه الرحمن يوم لاينفع مال ولا جاه ولا سلطان

الا عفو الرحمن

اللهم اجعلنا ممن يتظرون الي وجهك الكريم

كلمات من نور Says:

صحيح الرائع لم ياتي بعد أيها الرائع ببوست رائع مليء بالحب لله والجمال


تسلم إيديك يا أبو علي يا جميل القلب وربي ينور عليك ويعظم لك نورا وتشجينا بكل جمال

Dr/ walaa salah Says:

جميل اوي العنوان يا ابو علي

فعلاً الرائع لم يأتي بعد

نرجو ان يكون كل شئ جميل ورائع نراه في الجنه


الجزء الاول من كلماتك وصف رائع لمعنى الجمال

يمكن من اجمل ما تم وصفه للجمال

لأن ده هو الجمال الحقيقي

اما الجزء التاني ده وصف عاشق فنان لمعنى الجمال

ولعلك اختصرت كل هذه المعاني في جمله واحده وهى

الجمال انسان

مشكور ابو على على الموضوع وبجد مواضيعك بحس ان ليها طابع خاص


مشكور

richardCatheart Says:

الله عليك
وعلى صورك
وعلى كلامك
وعلى احساسك

والله انساااااااااااااان

همسات وبحــ الحياه ــر Says:

اول زيارة ليا للمدونة بس بصراحه جميييييييلة جدا ماشاء الله
الصور والكلام بجد مااروع هذا الجمال
تحياتى

SHAPE YOUR LIFE (ABOALI) Says:

الى الازهرى
معلش بقى يا صديقى غيرها فى غيرها

وانا اشارك معك الدعاء ان نكون انسان
مفهوم وتطبيق

خالص التقدير لك فى جميع الاوقات

وسسسسسسسسسسلامى للوالد
ولالالالالالالالالالالاايه

SHAPE YOUR LIFE (ABOALI) Says:

الى رامى

يااااااااااااراجل وجع قلب ايه بس

حين تقرء تنفس وكون ذلك الانسان الطاهر الذكى سترتقى روحك وتسمو بك مهما كان حالك فاءنت انسان ذكى
ولالالالالالالالالالالالالالالالاايه

مشرفنى يا رامى فى كل الاوقات
ومبسوط بوجودك

تقديرى

SHAPE YOUR LIFE (ABOALI) Says:

الى زهراء
تألقتى يا زهراء فعلا فى ذلك التعليق ماشاء الله
من العنوان حتى نخاع الموضوع وهمستى الى حروف الهجاء
فجاءت كلماتك نضرة مسرورة بما خطته اناملك
عن جد مبسوووووووووووووط جدا بكل المعانى الراقية وذلك الفهم فى تعليقك
الذى اثرى الجمال

لك عظيم التقدير المستمر

SHAPE YOUR LIFE (ABOALI) Says:

الى الحاجة شمس النهار

اللهم امين يا ست الكل
دعواتك ودعاء كل من وهبه الله الروح والحياه

اسعد بوجودك دائما فلا تحرمينا منه

تقديرى لانسان عاقل فاهم مدرك

SHAPE YOUR LIFE (ABOALI) Says:

الى كلمات من نور

فعلا الرائع انى عرفت انسان مثلك دائما ما تفوح كلمات عطرا وجمالا

الرائع ان اجد من يدعو لى وقلبه يسكنه رحيق الياسمين ابيض ناصح

ربنا يهبك كل الخير والجميل فى كل شيىء


تقديرى العميق

SHAPE YOUR LIFE (ABOALI) Says:

الى ولاء

رائع جدا ان ندرك يا ولاء ما تعطيه لنا المعانى
فكما هبت الحروف وكونت كلمات كان احساس من يقرئها هو الجمال الحقيقى ايضا
لذا من الرائع ان نطبق شيىء يسير فيكتب الله لنا الكثير من الجزاء والحبور والقرب

تسعدينى دائما بالمرور هنا
وتسعدى انتى ان قولتى
الحمد لله اعطانا فكان الجميل من العطاء
وانعم علينا بنعمة الاخلاق
فاجعلنى ياربى من السعداء


لك كل التقدير

SHAPE YOUR LIFE (ABOALI) Says:

الى قلب قطة

هههههههههههههههه يارائع انت يا اسكندرانى

خالص التقدير ولااحترام

SHAPE YOUR LIFE (ABOALI) Says:

الى همسات من بحر الحياه

مرحب فى الظهور الاول واتمنى ان يكون متكرر
نسعد فيها بوجودك هاهنا واثراء ما يكتب
بعظيم ما تخطه اناملك

تقديرى الكامل

Lady E Says:

الله عليك يا ابو علي

الرائع لم يأتي بعد وأجمل الأيام لم تأتي بعد

بجد تسلم ايديك ويسلم ذوقك الراقي

عجبني جدا سورة البيبي