اوراق

, الاثنين، 1 نوفمبر 2010




كان
دائما مبهور بشكل الفراشة
وينتابه  شعور واحساس رائع حين رؤيتها
وعندما كان يسافر الى تلك البلدة الريفية
حيث كانت الاسرة
تجتمع وتتحاور فى
ذلك الدوار او المَقعد
كما يسمونه عندهم
وتعتبر هى  حلقة نقاش او ساقية الصاوى
كما اطلقوا عليها مؤخرا
وكان كلما استمع لكلامهم واصوات ضحكاتهم
وابتسامتهم مع التهام ذلك الذرة المشوى
يظل طوال الليل يحلم
بما سيكون عليه مسار ذلك اليوم التالى
فى الصباح
 يرتدى الجميع ثوب الجد والتوكل على الله
ويطلب من احدهم اصطحابه الى الحقل
وحين  يرى الفراشة  
يتأمل فى اعجاب وابهار
تلك الالوان المترامية التى بمجرد النظر اليها
تشعر بالتجانس وحالة من السلامة مع النفس
وكان يرى تلك الاجنحة فى الفراشة 
انهما
يشيران دائما الى الشروق والغروب
وكلاهما يحمل بسمات واطروحات فرحة
لان الجناحان متشابهان
واتت تلك الشوارب التى يراها فى مقدمة الفراشة
كأنهما قرون استشعار واستلالال  فى صورة مجاديف
تشق الرياح لتصل الى زهورها فتبدء فى مطارحتها
الغزل هنا وهناك
وامام تلك الالوان الباهرة
لا تجد الزهرة الا الاستكانه فى شوق ولهفة حنين
 وحب
 لترتحق منها
الفراشة  ذلك الرحيق الذى يعتبر اكسير حياتها
وتنتعش الزهرة فى زهو لانها اسعدت كائن اخر
****
ويــــــــــعــــــــــــــــود
 الى تلك المدينة القاهرية
التى خلت من الفراشات
فيحزن لان وجود الفراشة كان مبعث روح وطاقة
مع تفائل فى الحياه
فتراه الام
فتقول يا ولدى
ان تاهت فراشاتك ولم تراها فى محيطك
فابحث عن ما معانيها  ولا تكن ابدا مهموما
فقال يا امى
كيف ؟
يا بنى
افتح نافذتك ستجد شجرة تظلل بيتنا
تحبو عليه وتمده بأوكسجين الحياه فى محبة ولطف
اوراق تلك الشجرة يا ولدى
هى فراشاتك ان نظرت اليها فى عمق ورحابة نفس
ستجد انها كل اوراق الشجرة فراشات
والوان مختلفة تؤدى دورها
ولكنها استقرت امامك  لتعرف
ان الحياه لها معانى اخرى ولكن فى شكل اخر
فأغمض عينه ونام
وفى الصباح
وجد
من يحتضنه
فيبتسم
من انتى ؟
حبيبة عمرك
فراشتك
اوراقك
فروعك
شجرتك
انا

24 Response to "اوراق"

richardCatheart Says:

الله يا اخى تبديها بفرشات والوان وارياف

وتختمها بمعنى ولا اجمل

طبعا الام كلامها صح ان الحياه والجمال موجدين فى حاجات كتيره المهم نعرف نشوفهم

بس هى عملت حاجه مهمه انها لفتت نظره لدا هو طفل جميل عقله جميل قلبه جميل قرا دا فى صورته المباشره وحتى دا مش بيحصل مع ناس فى سنه كتير

هى هنا الام علمته انه يشوف دا ويقرا بصور مختلفه اد ايه جميل وقد ايه
احنا امهات بعد الامومه ماخلصت فعلا هههههههههه


فيبتسم
من انتى ؟
حبيبة عمرك
فراشتك
اوراقك
فروعك
شجرتك
انا

دى بقى قرتها من تحت لفوق
انا
شجرتك
فروعك
اوراقك
فراشك
حبيبه عمرك

هى الحياه كل الام


كتب فابدعت يسلم قلمك يا ابو على

richardCatheart Says:

الله احتتتتتتتتتتتتتتتتلال

هججججججججججججججججججججوم

richardCatheart Says:

هاروح اجيب دورا مشوى اه محبهوش بس اللب هايبهدل الدنيا

احتتتتتتتتتتتتتتتتتتتتلال

شمس النهار Says:

صورة بديعه ومعاني عميقة

والصورة منتقاه ولطيفه

:)

كلمات من نور Says:

الله عالألوان والفراشات والحياة في الصور يا أبو علي .تعرف من كام يوم قرأت تشبيه لأوراق الخريف لكاتبه يابانيه قالت تقريبا : كلما سقطت أوراق الخريف طارت وتحولت إلى فراشات .أنا أصلي من محبي الخريف بالرغم من عدم محبة ناس كتير له ........ دايما موت شيء يعتبر عندي ولادة فموت أوراق الخريف ولادة لأوراق جديدة تعدني بالربيع

بعدي على فصول الصيف والشتا مرور الكرام مش غاوياهم أصلي (:


تسلم الأيادي

غير معرف Says:

صور حلوة
و كلام احلى
تقبل مروري

إيمان Says:

ياااااااااااااااه يا ابو علي

فكرتنى برحلاتنا للريف كنا بنقضي هناك شهور الصيف نرجع بعدهم وكأننا اتشكلنا من جديد بروح جديده وقلب جديد
الريف والخضره بيعلموا الإنسان الحب والصبر والأمل والبحث عن البهجة في أبسط الأشياء
جميل أننا تبحث عن معنى الاشياء وحقيقتها هو ده الأهم
تحياتي

لــــ زهــــــراء ــــولا Says:

مش اووووووووووووووووووووووول

ههههه
لـــولا

لــــ زهــــــراء ــــولا Says:

تاااااااااااااااااااااااااااااااااسع تنفع دي :d
لـــولا

لــــ زهــــــراء ــــولا Says:

وكان يرى تلك الاجنحة فى الفراشة
انهما
يشيران دائما الى الشروق والغروب

" دايماً تخطفني تشبيهاتك الفريدة التي ابحث عنها بين سطورك الجميلة ...عندما قرأتها وجدت فمي يمتط بأجمل بسمة وعي واندهاش لتلك اللغة الفلسفية التي تجعلني ارى الحياة ولكن من زاويتك الفلسفية المتعمقة (: (: (: "
لـــولا

لــــ زهــــــراء ــــولا Says:

في حياة كلاً منا فراشات ولكن بشكل اخر بطريقة اخرى ..ما علينا فعله >>> فلندقق النظر قليلاً وننظف ( مرايا)
قلوبنا حتى نشعر بها
لـــولا

لــــ زهــــــراء ــــولا Says:

ابوعلى

عنوان البوست رائع يمكن لانى باعشق الاوراق وتقريبا حياتى كلها ورق فى ورق
الصوره اللى فيها الفراشات اشعر معها بالانطلاق والحريه
عندى سؤال على الصوره الابيض والاسود اللى فيها الطفلين مش قادره احدد ايه علاقتها بالبوست ؟؟
باقى الصور حلوه اوى وتدل على انسان ذو حس مرهف بارك الله فيك ...
بداية البوست بكملة كان وهى كلمه رغم قلة عدد حروفها فهى تعطى صدمه للرجوع الى الخلف والماضى احسنت اختيارا للبدايه بهذه الكلمه ...

فى جمله توقفت امامها وتبسمت
" وتنتعش الزهرة فى زهو لانها اسعدت كائن اخر "
ياه له من شعور جميل ومشاعر رقيقه تلك التى تشعر بها الزهره لانها كانت السبب فى سعادة كائن اخر وكذلك حال الانسان اذا حاول ان يسعد غيره بكلمه طيبه او بسمه صادقه نابعه من القلب قديما قالوا حينما توزع السعاده على الاخرين فهى تبلل يديك ايضا ...

عجبنى الحوار مع الام وهى دى فعلا الام زى ما بيقول الكتاب تنصح وتحكى وترشد كل هذا بهدوء وبحكمه وتحتوى مشاعر ابنها الذى مهما كبر يظل فى عيونها ذلك الطفل الذى كان يلهو مع الفراشات منذ ايام قليله ...
لكل واحد فينا شجره تضلل على حياته وتاخذ منه ثانى اكسيد الكربون لتعطيه اوكسجين نقى يعيد الحياه الى رئتيه
اشعر بروح طفوليه تتطل من خلال سطور البوست اشعر معه بشقاوة الاطفال وحكمة الكبار واشعر معه بحنين لايام بعيده لازالت بداخلنا وحتى وان لم يتبقى بها غير سطور نسطر بها فى اوراق حياتنا وتتكدس تلك الاوراق لتكون هى الذكريات

تحيه لقلمك .. حفظك الله

زهراء

SHAPE YOUR LIFE (ABOALI) Says:

الى قلب قطة

من اجمل التعليقات اللى قراتها ليكى يا فندم والله
حسيت انك حسيتى البوست علشان كده عبرتى
وكنت مبسوط بالتعديلات وطريقة القراءة

ومبسوط اكتر انه عرفتى بالفعل قصد البوست

ربنا يبارك ليكى دايما
ونشوف كده ع طول هنا

SHAPE YOUR LIFE (ABOALI) Says:

الى قلب قطة
احتل يا باشا براحتك
من حقك
علشان بس تعليقك الجميل كله يهون
والحياه دويلات صغيرة يحكمها مباركات صغيرة

وربنا يجعله عااااااامر

SHAPE YOUR LIFE (ABOALI) Says:

الى الحاجة شمس النهار

بمناسبة قرب موسم الحج يا فندم
ولا ناسى

سعيد انى الصورة معبرة ومن قرء المعنى هو الفائز ذو الوجه المشرق

لك كل التقدير دوما

SHAPE YOUR LIFE (ABOALI) Says:

الى كلمات من نور

هههههههههههههههه
جميل انى فكرى طلع يابانى
اول مرة اعرف انى فى حد فكر مثلى فى كون اوراق الشجر مثل الفراشات
ده كده يبقى فعلا العالم فيه تواصل وروح تجمعه

ربنا يجعل ايامك ربيع ويجعل حسناتك نهر لا ينضب

تقديرى الكامل

SHAPE YOUR LIFE (ABOALI) Says:

الى كلمات شحات

اشكرك على المرور والتعليق

تقديرى المتجدد

SHAPE YOUR LIFE (ABOALI) Says:

الى ايمان
صح يا ايمان كانت ايام شحن للفؤاد ونور للوجدان
بالفعل كم نفتقد تلك الايام
وان شاء الله تعود

ومبسوط انى ذكرتك بيها لانك اكيد اكيد
هابتسمى

تقديرى لانسان قدير

SHAPE YOUR LIFE (ABOALI) Says:

الى لولا

يااااااامراحب يا فندم بعد غياب
تاااااااااااااااااسع
عااااااااااااااااااشر
اهم شيىء انك تكون فى الحياه الاول

ولالالالالالالالالالاايه

وش بيغمز

SHAPE YOUR LIFE (ABOALI) Says:

الى لولا
فلسفة اه
وعميقة
خلى بالك بقى والبسى بدلة الغوص ومعاكى اوكسجين العقل علشان الشحن شغاااااااااااااااال يونفيرسال

هههههههههههههههههه

تقديرى

SHAPE YOUR LIFE (ABOALI) Says:

الى لولا

مرايا القلوب جميل التعبير ده
احتمال فى يوم ما اكتب عنه
بس المشكلة انى الواد زجزج كسر المراية بتاعتى ومش شايف قلبى

مش عندك يااختى واحدة سلف لاخوكى الغلبان

وبالمرة لو فيه صالون ولو كنت غلس
فيلا فى الرحاب وحتة شاليه صغيرة فى مرسى مطروح وبلاش مارينا علشان الارتكاريا

ينوبك ثواب

الهى ربنا يكرمك ويطعمك

SHAPE YOUR LIFE (ABOALI) Says:

الى زهراء
حياتى ورق يا عينى والبشر خطوط
هههههههههههههههه
ربنا يجعل صفحاتك بيضاء ان شاء الله
الصورة الابيض والاسود
هما جناحا فراشة فى مرحلة النضج

كان
كلمة فعلا تحيا فى القلب
ولكن تجربة تحول المعانى الى اشكال اخرى جعل ما اتى يهون

يقولون دائما اعمل خيرا وارميه البحر
ولكنهم لم يكملوا كلامهم
اعمل خيرا وارميه البحر سيرتد اليك البحر خيرا

كلما عشنا فى حالة سلام نفسى كلما كنا مصنع للسعادة لانفسنا ولغيرنا فى رضا نفسى

حوار الام مع الابن هو حوار الحياه
وحوار الادراك والوعى

اعجبنى ذلك التنقل فى اغضان البوست
تقطفين من اورقة هنا وهناك
بس خلى بالك الورق بفلوس يا صاحبى
والكشكول فيه ذكريات كتيرة
وغزل الذكريات له انسه وله ايضا عبيره

سعييييييييييييييييييييييييد
ان الورق اعجبك
والرزمة بدعوة والبادى انسان ذو صفاء ربانى

تقديرى القدير

Dr/ walaa salah Says:

اولا الصور رائعه يا ابو علي

ثانياً جميل وصفك اوي للفراشه كأنك شايفها بمنظور تاني غير المنظور الطبيعي

جميل ان يكون في حياة الواحد فراشه او رمز لها تكون مبعث للطاقه والامل في حياته


اشكرك ابو علي على البوست والوصف الجميل

SHAPE YOUR LIFE (ABOALI) Says:

الى ولاء
اولا مبسوط انك لم تتركى البوست ومررتى عليه على الرغم من وجود بوست اخر
وكما تعودت ممن يعلق يترك القديم ويقرء الجديد
وهذا يدل على انسان راغب فى المعرفة والعلم

وهبك الله دائما ما تستحقين

تقديرى