تحرٌش

, الاثنين، 1 نوفمبر 2010



شاهدته من بعيد وعلامات الاقفهرار تبدوا عليه
زج زج ابنى كما تعلمون ارستقراطى النزعة
 تتولد عنده مشاعر الديمقراطية المهذبة
وتفاديا" للتنابذ بالالقاب بينى وبينه
 حيت يتم اثناء الحديث معه
ذكر كلمات حاليا يعاقب عليها القانون
 مثل
الانسانية والنبراس والشروق والحماس والطموح والتغير
وتلك الكلمات اصبحت تسبب حالة
من الارتكاريا لدى جموع الشعب المستغلب الراضى بأمره
ففكرت فى حيلة حتى لا تحدث بيننا تلك المناوشات
فافتعلت اثناء قدومه انى ابحث عن شيىء
ولكنه اتى وقال
عجبك كده؟
 يا بابا بقى هى دى التربية اللى اتربينى عليها
العيال تحرشوا بيا فى المدرسة
 وقالوا انى اسمى زج زج حبشتكنات
ومن هول الصدمة وقوة الكلمات لم اتفوه بكلمة فى التوا او اللحظة
وقولت
استغفر الله العظيم يارب  استغفر الله العظيم يارب
تحرش وحبشتكنات اكيد انت مش ابنى
يابابا العيال زملائى فى المدرسة
بيقولوا انى باتكلم كلام هما مش فاهمينه
والاستعياب كمان لطبيعته ضعيفة
فتحرشوا بيا فى الكلام مش بالفعل
ايون كده ابنى طمئن ابوك على عذريتك داخل الوطن
 وكل شيىء مادام حبشتكنات يتعلاج
وعند افضل دكاترة فى القصر العينى المجانى
 قسم العلاج على نفقة الدولة
وعلى قوائم الانتظار حتى 2050  هاعلاجك ولا يمكن اتخلى عنك
ولسه الموضوع بيهدى دخلت امه
 وهى تمسك زجاجة الزيت المعدلة ام فيتامين دال
وتقريبا الدش كان شغال والذبذبه عاليه وسمعت طرطشة الكلام
وقالت ياااااااااااااالهوى ابنى راح منى
فقولت لها اجلسى كده واستهدى بالله وصلى على الحبيب
الف صلاة عليك يا نبى
  وبعدين
 قووووووووول واتكلم
فحاولت ان اغير بوصلة مسار الكلام
فقلت
الاول بس اعرف هى فين ؟
قالت هى مين ؟
قلت مش معقول انتى مش عارفة ؟
قالت لاء معفرش ؟
قلت مش احنا قولنا اللى مايعرفش يسئل ؟
قالت
طب ماشى هى ايه بقى ؟
فقولت كده صح فهمتينى يا كيان كيانى
قالت يااااااااااامصبرنى على ما ابتلانا ياااااااااااارب
 ده كده اختبار ليا اكيد يارب
فقولت يا ستى انا بابحث عن النملة بتاعتى
 جبت ليها سندويتش كومبو
وكانت زعلانه علشان الحاجة الساقعة مش دايت
فقااااااااالت ياااااااااااااااااااااااااااااااااااااااااااااااااالهوى  يااااااااااااالهوى
والواد قعد يضحك
وقالت اشوف فيك يوم  يا سفسطائى يا متمدين يا برجوازى
والواد قال يااااااااااماما
 بلاش كلام الحبشتكنات ده هيأثر على صحتك
وذهبت وهى تردد اشوف فيك يوم انت وابوك
 فى صفحة الادب  متعلقين فى قصيدة
والاقلام نازلة عليكوا قاااااااادر يا كريم

فقولت عجبك كده يا زجزج
 مش قولتك بلاش تفور نافوخك ده  قصاد امك
ويكون بينى وبينك
قال يا بابا باعتذر بس الوضع كان حساس
 وحسيت انى تم اختزالى والعيال اكسدونى
يا حبيبى بلاش نقول ونستخدم كلام كبير
فى كل وقت ومكان هتلاقى ناس مستهزئين
 لو وقفنا وضيعنا وقت معاهم يبقى حققوا اللى فى ماغهم
لانهم من الداخل فارغين وحاسين بكده
ويا سيدى استخدم كلام يفهموه برضوا
بدل نبراس قول شمعة
وبدل عقل قول جمجمة
وبدل انسانية قول جو نعنشه كده
وبدل تفكير قول كهربا للمخ
وانت سيد العارفين يا زج زج
وخلى بالك هتلاقى ناس لسه مخهم مفتاحه غائب
واقرء فى القراءن
"وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا
وَإِذَا خَاطَبَهُمُ الْجَاهِلُونَ قَالُوا سَلَامًا"الفرقان 63
*****
انت محتاج تعمل معادلة كميائية تكون موزونة
 تمشى فى طريقك بالشكل الصحيح وتحاول بسلوكك تكون قدوة للاخرين
وتشد غيرك معاك للحياه الصح وتسئل ربنا انه يهديه وينور بصيرته
وخليك زاى الحرامى الشريف  معاه سلسلة مفاتيح بيجرب بيها
لما مفتاح لا يفتح يشوف التانى كأنها دورة حياه بلا يأس
وكده هما بيتحرشوا بيك
 وانت مش ساكت لانك كلك تحرشات
يا مزجزج انت يا صاروخ

****
فقال فعلا يا بابا
 حبشتكنات اللى العيال قالوها دى قليلة
هما كانوا المفروض يسمونا كلنا  ويستريحوا مننا
بس المشكلة انهم مش عارفين نوع السم المناسب
هههههههههههههههههههههههه
******************
وتبقى الابتسامة دائما على  الوجه ناصعة
 تصنع نوافذ الامل من جديد
ان غاب يوما" قمر
 فهناك اقمار بلا مواعيد
 حكمة الخالق له الحكم وعلياء التدبير
 اقترب منه وتنعم بالهدوء واملىء ربوعك براحة الضمير
واستعن به وارمى بذور الخير بلا عدد ولا انتظار ثناء احد
سيأتى اليك كل من فى الدنيا صفوف صفوف
 منتظرين اشراقة وجهك
ذو
اايمان عميق

18 Response to "تحرٌش"

صيدلانيه طالعه نازله Says:

اووووووووووول تعليييييق

SHAPE YOUR LIFE (ABOALI) Says:

مبررررررررررررررررررررررك
كسبت بونص وخصم واحد فى المية زيادة

ههههههههههههههههههههههه

صيدلانيه طالعه نازله Says:

ان غاب يوما" قمر
فهناك اقمار بلا مواعيد

حلوه اووووى الجمله دى
مش معنى ان حاجه ضاعت ان الدنيا كلها ضاعت
ربنا شايل لنا الاجمل و الاجمل دائما

مش عارفه ليه مش بحب اغير كلامى و لا طريقتى و اللى مش عاجباه بشكلى و طريقتى يشوف حد غيرى بقى
ليه طلبت منه يحور كلامه
سيبه يعيش جوه البيت زى بره عشان ميبقاش فيه تناقض

اه كنت حنسى
ممكن تشغلنى نمله عند حضرتك و تجيبلى كومبو كل يوم و مش هعترض على البيبسى الدايت نوهاااااااائى

SHAPE YOUR LIFE (ABOALI) Says:

الى صيدلانية
ههههههههههههههههههههه
ياباشا ممكن انت تشغلنى عندك ولو حتى مضاد حيوى وترش عليا حبة مطهرات علشان عقلى يفوق كده وينعنش
وكمان لو الكرم موجود فيتامين جامد كده
يعين
على العموم
يقول الامام على كرم الله وجه

خاطبوا الناس على قدر عقولهم

لذا كان التغير مطلوب والتنوع اكثر

مبسوط انى القمر اصبح اقمار

لان فعلا البشر يمتلكون اقمار كثيرة جدا

تقديرى لكلامك الجميل الراقى

لــــ زهــــــراء ــــولا Says:

أبو على
الصوره حلوه اوى نفسى اقعد زى الشخص ده شويه من نفسى مع نفسى فى هدووء وبعيد عن البشر وعلى مرجيحه ثابته كمان عشان وقت ما احب اطير لفوووووق اطير براحتى اوى اوى

نشوف البوست ..
من اول سكر فى البوست وعلى وجهى ابتسامه وكلما قرات سطر احاول جاهده ان اجرى سريعا سريعها حتى اصل الى السطر التالى لافهم المعنى والمغزى الحقيقى لهذه الكلمه الى ترتبط فى كثير من الاحوال بافعال لا اخلاقيه ....
تذكرت جمله تقولى اذا لم تسطع ان ترفع الاخرين الى مستواك فلا ينبغى ان تنزل الى مستواهم بس برضه الواحد لازم يتكلم مع كل انسان على قدر ثقافته يعنى على سبيل المثال مش ينفع ابقى قاعده مع ناس بسيطه واقول كلام هما مش قادين يفهموه وكما قالها الامام على خاطب الناس على قدر عقولهم ....
فى جمله اثارت انتباهى "انت محتاج تعمل معادلة كميائية تكون موزونة
تمشى فى طريقك بالشكل الصحيح وتحاول بسلوكك تكون قدوة للاخرين "
على فكره صعب اوى النهارده تكون قدوه لغيرك كل واحد بيحاول يبص عليك بنظره كلها حسد وحقد وماحدش عنده استعداد يكون قدوه لغيره ..

جميل انى اخد بايد غيرى عشان نعيش ونرتقى ونسعى الى حياه افضل ونحاول نكون مع بعض كصحبه ونصل الى حياه فاضله ..

ان غاب يوما" قمر
فهناك اقمار بلا مواعيد
الخوف من الاقمار اللى تيجى من غير مواعيد وكمان فى غير وقتها المناسب

سلمت الانامل والافكار
زهراء

أنا - الريس Says:

تعير بما ليس عار يا ليت أم زجزج عيرتك بما هو هو عار
فزجز دماغٌ عالي وأما زملائه أدمغتهم فخار

والمسألة مش عايزة قرار
المسألة مؤلمة
ياريت الكلمات الغريبة اللي الشعب نسيها ترجع له
الأمل - الحياة
وياريت نتعامل مع بعض بدون " تحرشات "

ستيتة Says:

عندما تحدث الناس ألن لهم الحديث
حتى يفهموا الفولة
يافت كده ولا مش يافت؟
يافت ومأحلي كمان :)
مش تقول لي الكلام الكبير ده
حسستني اني بتفرج على برنامج على الجزيرة :)

sony2000 Says:

يالهويييييييييي
بلغوا الأمم المتدا
ماتستكشي ابدااااا
بس علي الله يعملوا حاجه
ويعرفوا يتصرفوا فالتحرشات
مهي بتبقي كلام قبل افعال ياخويا:)

richardCatheart Says:

هههههههههههههه

صح الصح يا سيدنا الوسط حلو مافهاش حاجه من عرض افكارنا باسلوب مبسط للناس الدنيا مش ناقصه كلكعه اه طبعا لازم من وقت للتانى ننضف دمغنا واسلوبنا بس لما نلاقى حد متنح مانعملشاحنا ولاد عريان باشا بلبوس ونتنطط عليهم بكلام كبير والله انت عبقرى وعجبنى ابو زجزج اوى وهو بيعلمه فن الحياه

اما الست امه دى ليهاالجنه ونعيمها

تسلم با ابوعلى يا مزغزغ النفوخ

SHAPE YOUR LIFE (ABOALI) Says:

الى زهراء
صح يا انسانه الصورة ليها معانى كتيرة
وعلى حسب اسقبالك لها
بس احساسك بيها كان مميز وذو حس فنى

اما عن القدوة فاءن كان الحسد فيها فهو مباح
فمن تعلميه اليوم وتخطى فيه ولو بفعل
سيدركه يوما ما
وياءتى اليك يقول اشكرك
تعب الانبياء كثير ا ومنهم ناخذ القدوة

فلا تجعلى غيرك ابدا عامل اعاقة على ان تكونى احسن الناس قدوة وتطيبق

دائما نجتهد
وكلماتك وسام تقدير لى
اتمنى ان اكون هذا الشخص الذى يستحق

تقديرى الدائم
بدون حسد ولا نق

SHAPE YOUR LIFE (ABOALI) Says:

الى الريس
يااااااااااااريت يا ريس
احسن التحرشات زات اليومين دول
اووووووووووى
والامل العام حارس التحرش

فك الحزام ياريس يلا
وانزل فيهم ضرب

ربنا معانا يا ريسنا

SHAPE YOUR LIFE (ABOALI) Says:

الى الفاضلة دكتورة ستيته

عندك حق يا فندم
على الجزيرة كلنا هنشوف
فوق الركبة تحت الركبة بدون ركبة
بس اهم شيىء تعرف تبعبر كويس

يااااااااااباشا والله انت منورانى

SHAPE YOUR LIFE (ABOALI) Says:

الى سوووووونى

الحق نفسك بقى يا كبير
واعمل اعتصام

هههههههههه

تقديرى

SHAPE YOUR LIFE (ABOALI) Says:

الى قلب قطة
هههههههههههههههههه
يا مزجزج العواطف ومحرك امطار الشتا
وفناجين القهوة والسمكية

والله والله
ابتسم عندما ارى تعليقك يا صاحبى

كلمات من نور Says:

خليتني أحس إن كل واحد فينا له قمر خاص به ينير قلبه وظلمات نفسه فلا يتخبط في الظلام ثانية ....

أبو علي أبوعلي أقولك كلمة في ودنك؟ يتنابز بالألقلب بالزين مش الذال يا أبو علي

وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ بِئْسَ الاِسْمُ ..)

بس خلاص

تسلم إيديك

Dr/ walaa salah Says:

عارف يا ابو علي وانا بقرأ الوست جه في بالي جمله واحده

(ساير امورك )

يعني عامل الناس بعقولهم تعرف تمشي معاهم

دلوقتي كل حاجه اتغيرت المفاهيم -المعاني- الاخلاق

كل حاجه للاسف

وللاسف اللي هيفضل على ما هو عليه وميمشيش مع التطور هيحصله زي ما حصل لزج زج


تحياتي لبوستك

SHAPE YOUR LIFE (ABOALI) Says:

الى كلمات من نور

جارى تصحيح الاخطاء يا انسان
وكلنا بالفعل لنا اقمار ان شاء الله تضىء دائما حياتنا بالخير

تقديرى لانسان قدير

SHAPE YOUR LIFE (ABOALI) Says:

الى ولاء
هى نوع مش مسايرة بقدر انه فهم لطبيعة من ننتكلم حتى نتعايش ولكن مع رسالة نعطيها ونجافظ عليها خصوصا المبادىء

حتى لا نساير فى انحطاط الخلق

مادمنا مصرين على الطريق السليم لن يجبرك احد على ما لا ترضى

ولالالالالالالالالالالاايه

مبسووووووووووووط جدا بتعليقك وكل دعوات الخير لك