فلسفة الاعماق اللحمية

, الخميس، 11 نوفمبر، 2010



لا ادرى لما حدث هذا الموضوع ولما قام والتحم
  فقد قامت فى غفوة من الحاكم 
و رضاه المعنوى مصحوب بدعم  من الامل العام
عمليه موسعة اشتركت فيها اجهزة الاعلام
 بكافة المستويات المرئية والاذاعية
وكذلك نهضت واستبانت وظهرت
 يافطات على الطريق تروج لهذا الموضوع
تحت دعوى
(معا" نفكر للغد اللحمى  )
وكان من نتيجة هذا الفعل
تحرك جموع حاشدة من طلبة المدراس والجامعات
وقاد تلك الجموع  القائد شمروخ وفرافيروا والبنت فرفر
وقد شارك تلك الجموع قيادات عديدة من فئه الموظفين والعمال الكادحين
الذين نددوا بتلك الحملة التى هزت ربوع الوطن وقطعت اوصاله
وانضم اصحاب المطاعم
 والمسارح والملاهى  واصحاب الشواطىء فى مارينا
وبورتو السخنة  وبيطاش والعجمى  وشرم ومنتجع طابا
وقامت مجموعات على الفور
 بعمل فتحات فى الطريق الدائرى
مستغلين انهيار وتهالك فواصل الكوبرى
ونتج عن ذلك تعطيل كامل لكل وسائل العدو الدفاعية
 ورفعت المجموعة رايات الشجب بما حدث
وقام الفقراء بحالة حراك سياسى داخل المجتمع
 وتحرك الحراك من امام القصر الجمهورى فى راس التين بالاسكندرية
  وصولا" بالانفوشى متجهين الى اماكن تجمع الالغام فى مرسى مطروح
لتلغيم الطريق الصحرواى والزراعى
مرورا"
 بكارفور وهايبر وصولا الى المنطقة الوسطى بمجمع التحرير
 وكنتاكى والشبراوى  ومؤمن بتاع الحبشتكنات وكذلك الجامعة الامريكيه
 وعسكر الحراك امام قصر عابدين فى اتتظار وصول زعماء الحراك
رجل البلهارسيا الاول  عبد السلام محمد  والست كريمة محلول جفاف
وقد اصطف فى صمت جموع اخرى امام المتحف
 من الامن المركزى مسلحين
 لردع من تسول له نفسه النيل من كرامة الوطن وعليائه  اللحمية
وتراقب الامم المتحدة ومجلس الامل الدولى فى شغف 
كافة التطورات مع منظمات الهشتكة المدنية 
فى رؤية ثاقبة مدروسة
كيف يتفاعل النظام الحاكم مع تلك الثورة؟
كل هذا حدث
بعد ان اطلقت مجموعة الخراف الحية
مدعومة بتأثيرات خارجية مغرضة
الاشاعة التى هزت  الاركان
وبثت سمومها داخل نسيج الوطن واشتعلت الفتنة
ولم تستشر
راى فضيلة شيخ الازهر ولم تعير  ثبوت الرؤية  العناية الكافية
ولم تأخذها الرأفة ونداءت تلك الجموع من اجل رؤية 
صاحبة العفاف السامى اللحمة
واطلقت لألسنتها العنان وسمحت ان تردد
بأن عيد الاضحى جرى تأجيله حفاظا"
على الثروة الحيوانية  اللحمية 
حتى يأكل الجيل القادم ويتعرف على اللحمة 

 الى اللقاء فى العملية القادمة 
وتشكر هيئة المخابرات حسن التعاون
مش عاوزين نبقى زاى عمو الخروف 
ووووووووووووووووووواء
وووووووووووووواء


10 Response to "فلسفة الاعماق اللحمية"

كلمات من نور Says:

بأن عيد الاضحى جرى تأجيله حفاظا"
على الثروة الحيوانية اللحمية
حتى يأكل الجيل القادم ويتعرف على اللحمة >>>>

=========================

العقل زينة صحيح

بس كل يوم اللحمه بتغلى تفتكر العيال في الأجيال القادمة حتعرف يعني إيه لحمه؟


جمعة مباركة يا أبو علي عليك وعلى كل احبابك

Dr/ walaa salah Says:

ههههههههه موضوعك ظريف

بس تصدق جاتني فكره

احنا لازم نصور اللحمه كتير عشان اجيال المستقبل تتعرف عليها

اللحمه بعد كده هنشوفها يا إما في افلام الخيال اللحمي

يا إما في افلام الابيض واسود


عجبتني اوي اخر صوره

مشكور يا ابو علي وكل عام وانت بخير

MTMA89 Says:

كل سنة و انت طيب يا ابوعلي
ربنا يعود عليك و علينا الايام بخير دايما

و متقلقش في قرار بحفظ اللحمة في تلاجات المتحف المصري و عرضها بجوار قاعة توت عنخ آمون

كل عام و انتم بخير


محمد
:)

Ramy Says:

هههههههههههههههههههههههههههه

شوف حضرتك

الأول كل سنة و حضرتك طيب

على قد ما ضحكت

على قد ما معناها وجعنى برضه

خلاص هى بقت كدة ):

لـــولا وزهـــراء Says:

ابو على

-----------
ايه العنوان اللى يفتح النفس بس ياترى يا هل ترى الاعماق اللحميه مسلوقه او مشويه ههههههههه شوفت السجع فى الكلمات شكلى هابقى شاعره ههههههههه

الصوره الاولى حلوه دعوة الخروف واكيد كل الخرفان بتقول امين هههههههههه
اقول ايه طيب يعنى الحركه قامت وبدات من اليكس تقصد انى كنت المحرك الرسمى لها فاهمه قصدك يا ابوعلى وشكله بلاغ تانى عنى اصبر شويه بعد العيد
اه يا خوفى انى اطلع فى الاخر انى برضه هيجت الخرفان وقولت لهم يعملوا مظاهره الواحد يقول هم يبكى وهم يضحك
رؤيتك الساخره للموضوع اكتر من رائعه احب اطمنك من موقعى هذا ان الجيل القدام مش هيعرف اللحمه او حتى شكلها غير فى الصور وبس

كل سنه وانت تمتعنا وتضع امام عيونا حقائق كثيره قد نغفل عنها او قد نتغافل عنها ..
ده اقصر كومنت فى التاريخ نظرا لعدة اسباب والسبب فى بطن الشاعر وبكل تأكيد الشاعر فى بطنه لحمه ههههههه

زهراء 

SHAPE YOUR LIFE (ABOALI) Says:

الى كلمات من نور

هههههههههههههههههههه
الاجيال القادمة هاتعرف انى قدماء المصرين كانوا بياكلوا لحمه من صورتها على ارواق البردى

ولالالالالالالاايه

اه منه عصر مبارك اللحمى

ربنا يهدى ويغفر
مافيش كده كيلو لحمة لاخوكى
وحته ضانى نشويها على الهادى
وكام كارع كده لزوم الشيىء

منتظر اهو

هههههههههههههه

ربنا يعطيكى كل الخير
قولى امين امين

SHAPE YOUR LIFE (ABOALI) Says:

الى ولاء

ههههههههههههههههههه
ابيض واسود يا ولاء

يااااااااااااااااااه طب قولى
احمر
على الاقل يكون ليهم نصيب يتعرفوا على لونها

خالص التقدير لك ومبسوط انى البوست
كان ظريف جعلك على الاقل تبستمى

ولالالالالالالالالالالاايه
حلوة السنان االلؤلؤ دى
وش بيغمز
تقديرى

SHAPE YOUR LIFE (ABOALI) Says:

الى ام تى ام

ياااااااااااه طمنتى يا انسان
مش كنت تقول كده كنت هاغير مسار الحملة لو كنت عرفت

ربنا يهبك الخير ويجعله يخبط على بابك ويكون لك قريب

تقديرى لانسان

SHAPE YOUR LIFE (ABOALI) Says:

الى رامى

شوفت يا رامى بقت كده فعلا
اللحمة يا ابنى بقت عملة نادرة
لسه واخد صورة ليها من كام يوم علشان ارويها للعيال وامهم
وكماااااااااان مش عاجبهم
وقال ايه الخرفان عاملين ثورة ورافضين الدبح
اه منك يا زمن
عجبك كده ؟
ممكن تبعت ليا حوالة ب كيلو لحمة
وورقة البوسته تكون كيلو رز بالكارى

ههههههههههههههههههه

تقديرى ليك يا انسان قدير

SHAPE YOUR LIFE (ABOALI) Says:

الى زهراء

يااااااااهلا يا هلا
مش عيب برضوا اليكس تعمل كده
مظاهرات و احتاجات وتلغيم طرق
يااااااااااه ليه تدمروا البلد كده يا بنتى
هو مش فيها قانون ومعتقلات ولا ايه
فينك يا وزير الامل العام
فينك يا نائب عايم

البلاد سابت يا رجالة
واطالب بعمل اللازم
ام عن الخرفان واللحمة
يا سيدتى اللحمة دى فى الراس مش فى الكراس
لحمة ايه بس
اللحمة ادب مش اكل وهضم وخلاص

قاااااااااااال لحمة قال

وكمان اقصر تعليق
ماشى يا عم
يا بخت الناس اللى اللحمة عندهم اكوام اكوام
ماشى يا سيدى
براحتك
بلاش تسيب حاجة للغلابة
بس خليهم يعرفوا لونها

ولك كل الدعوات الطاهرة
يا انسان راقى طاهر معطر بالجميل من المعانى والادراك

بس ده طبعا نتيجة اكل اللحمه

ولالالالالالالالالالالاايه