تسلل

, الجمعة، 29 أكتوبر 2010



هاهو يوم الجمعة يوم راحتى الاسبوعى من العمل
وكما عودت نفسى فى ايام سبقت ذلك اليوم ان استيقظ مبكرا
استقيظت مبكرا
والكل نيام فى الآسِرة مستلقين يتخطفهم النوم
فأحيانا يتقلبون على الجانب الايمن
ثم الايسر ثم نراهم مستلقين على ظهورهم 
واحيانا نراهم اخذوا هيئة  القنفد
وانغلقوا 
كأنهم يرون كل اوجه الحياه 
المهم
 اخذت الحمام البارد ذهبت اٌعد كوب من الشاى
وبالفعل هاهو الماء الساخن يروى السكر
وبذور الشاى تـنضح بما فيها من لون طالما احببته
واخذت الملعقة
لتعطى طاقة التجانس
بين المكونات السكر وحبات الشاى مع الماء
وهممت ان اخرج من ذلك المطبخ
فإذ بى ارى الابريق الذى كان يحتوى  الماء 
  يذرف الدمع فحارت نفسى له
فنظرت اليه فوجدت انه لازال به باقى من ذلك الماء
المستخدم فى اعداد كوب الشاى 
 وان مصير هذا الماء سيكون مجارير الصرف
وهنا حزنت وخطفت كوب الشاى واخرجته مسرعا"
وانا اخفى وجهى حتى لا ارى  
  ما جنته يدى وبكاء هذا الابريق ومائه
وها انا  ارتشف تلك الرشفات من كوب الشاى
اتت عليا افواج من الافكار تجرجر ورائها وتسترجع تلك المواقف
التى كانت تشبه بكاء ذلك الابريق
وذهاب الماء الى مجارير الصرف دون استخدام
وارتدت تلك الافكار ثوب الوقار والحكمة وقالت
الم تستهلك هاتفك المحمول فى الكثير والكثير من الكلام
الذى كان من الممكن ان تستغنى عنه
الم تشترى يوما "  هذا الكم من الطعام  واجبرك هوى نفس
تحت دعوى الجوع انك ستأكل كل هذا
ثم تجد نصف ما اشتريته يذهب فى ادراج سلات القمامة
الم تكتب فى الكثير من الاوراق على اجدى جوانبها
وتركت الجانب الاخر
وكان المصير الالقاء فى المخلفات
الم يكن لديك ذلك الحذاء الذى يحتاج الى تدخل بسيط للاصلاح
وتركته مهملا يوما بعد يوم
الم يكون لديك الوقت لكى تنمى فكرك وتجاربك ومعرفتك
وتركت الوقت يجرى بك تحت بند غدا غدا سأفعل

ياااااااااااااااااااه توالت خبطات الافكار
وها انا افتح التلفاز لاجد الشيخ يقرء

فحاولت ان اقتنص نفسى من تلك الافكار وذهبت الى صلاة الجمعة
ثم كان طعام الغذاء
وها انا اريد ان اشرب واسكب من تلك الزجاجة فى الكوب لإشرب
فاءذ بالكوب يقول استحلفك بالله ان تضع فى ما تشربه فقط
فإن الماء المتبقى منك يشكو
ويظل يضربنى  وصحتى اصبحت فى النازل من افعالك
وتحت ضغط الجهاز الهضمى 
واحتياجه الى الماء سكبت فى الكوب جزء جزء
ثم شربت الماء كله
فوجدت الكوب يبتسم فى وجهى
وقال
من كان هدفه دقيق محسوب
مختار ذو انتقاء كان النهاية  ابتسامة صفاء
ففرحت
وها هو موعد مباراة كرة القدم
وانفعل واهلل ويسجل فريقى هدف ويفرح الجميع
الا ان هناك من كان للهدف بالمرصاد وكتم رحيق الفرحة
وقال ان الهدف تسلل واضح
وهنا جاء فصل الخطاب

هناك اهداف تنمو معنا ونظل له عاكفين نبذل الجهد وحبات العرق
ثم نكتشف انها اهداف تسلل
 وكانت
وهم كنا نحيا فيه
وظمئت نفسى من حرارة كلامى وقالت
اذهب من جديد لتعد كوب شاى
وها انا امسك كوب الماء
و
أضع مقدار محسوب  فى الابريق
فيضحك الابريق ويغلى فى ثوانى مبتسم
وترتشف شفتاى من الكوب مذاق لم ترتشفه من سنين
وارى على لوحة المباراة
هدفـــــــــــــــــــــــــــــــــــــــــــــــــــــــــــــــــــــــ   صحيح
****************
نحتاج الى تقيم الكثير من الاهداف والامور التى تعودنا عليها
بأستطاعتنا ان نوفر الكثير من الجهد والمال والصحة
ونعيد استثمارها مرة ثانية 
قبل ان نستدعى  الهموم والحزن باكين هنا وهناك
ونحن من كان فى ايدينا الحل

20 Response to "تسلل"

romansy Says:

فقط ارفع الرايه
واحب احجز اول مقعد

فى دكه استاذنا ابو على


ل


رومانسى

romansy Says:

طيب يا عم ابو على ايه البخل دا
تعمل كوب واحد فقط من الشاى
يا عم وبتقول علينا منايفه

روح يا شيخ روح

طيب هسامحك لو عملت حسابى الجمعه اللى جايه شاى مظبوط سكر تقيل جوى جوى

نكمل قرايه بقى

romansy Says:

الله عليك يا ابو على بيك والله واحشتنى بوستاتك الجميله معلش يا عمى هى ظروف بس
ياه لو كل واحد فينا فكر بفكرك دا كانت حياتنا بقت حاجه تانيه خالص
كنت تلاقى مثلا فى السوق الخير كتير مكنتش تلاقى احتكار البضاعه لانه التاجر عارف انه لو عنده بضاعه كتير اكيد هتتلف هيضر التاجر انه يرخص فى تمنها ساعتها هتبقى حياتنا جنه ونبقى من الناحيه الدينيه اصبح عندنا زياده فى الايمان ومكناش عمرنا من المبذرين

الحمد لله رب العالمين

على فكره المنايفه بيعملوا كده
ناس عارفه كويس بتعمل ايه وبتحافظ على القرش انتم بقى فكرينها بخل
يا حفيظ

Ramy Says:

(:

يا مظبط شاى عقلى (:

بجد بأمانة

انت فى البوست ده دخلت فى حاجات كتير قوى

زى ان ازاى منبقاش مسرفيين

ازاى نقدر ناخد الشيىء اللى يكفينا بس

المشكلة ان أحنا مجتمع مش أستهلاكى بس استهلاكى بدون وعى

و دة شيىء فى الدم يعنى عاوز تعلمه لأطفلنا علشان الكبار دلوقت محتاجيين علاج كميائى علشان الحالة مستعصية

(:

و كمان موضوع الأهداف التسللية و الوهمية

أخاف انا من الهدف الوهمى دة

أستر يا رب

شكراً جداً

الازهرى Says:

كارثة
أنا مش بأشرب الشاى وبالتالى حولت كلامك على إنه على النعناع أو الينسون علشان أقدر أركز

كثير من أمور حياتنا أصبح يعتريها الإسراف وليس الماء أو الطاقة فقط والكارثة الأكبر أننا نعلم أنها موارد غير متجددة وفى طريقها إلى النضوب
والكارثة الأ:بر أن رسولنا الكريم صلى الله عليه وسلم أمرنا أن لا نسرف الماء ولو كنا على نهر جار

تحياتى دوما

موناليزا Says:

أحييك على هدف الموضوع

Dr/ walaa salah Says:

فعلا يوجد كثير من الاشياء نسرف في عملها


حتى الدموع احياناً ارى اننا نسرف فيها ايضاً في مواقف لا تستدعي لذلك


التوسط في كل شئ مطلوب ومحبوب


بوستك جميل يا ابو على وواقعي


مشكووووور وتقبلي تعليقي

SHAPE YOUR LIFE (ABOALI) Says:

الى رومنسى
يا مراحب بالناس المنايفة الغاليين
واحشنى والله يا رومنسى
وربنا ان شاء الله يهبك السعادة التى تتمناه

تعالى انت بس ونعمل ليه ابريق شاى بالعند فى البراد كله

وفعلا الناس لو تعقل كان حالنا اتغير
لانه فى النهاية لن ياءخذ منها حاجة سواء هو او اولاده
بس مين يتعظ بقى

متيجى نبدء وانا وانت نتعظ
ولالالالالالالالالالالاايه

تقديرى لانسان غالى احبه فى الله

SHAPE YOUR LIFE (ABOALI) Says:

الى رامى

الله عليك يا رامى تقريبا انت الوحيد من اللى علقوا حتى الان
اللى عرف انى البوست خبط ودق على حاجات كتيرة
اسراف واهداف وغرائب تحدث فى الحياه

ربنا ان شاء الله يوفقك لكل خير
ويجعل العقل هو زادك
مع حبة فلوس يا سيدى علشان ماتزعلش

تقديرى

SHAPE YOUR LIFE (ABOALI) Says:

الى الازهرى

صح يا ازهرى اسرف وتبذير كمان
بس تبذير ناس فوايد عند ناس تانيين

كان بالفعل من اهداف البوست النظرة الى بعض السلوكيات
مثل الاسراف
ولكن هدفه الاصلى تلك الاهداف التى نجتهد فيها ونعمل لها وهى اهداف تسلل غير واقعية

تقديرى العميق لك

SHAPE YOUR LIFE (ABOALI) Says:

الى موناليزا

طب ايه هدف الموضوع يا موناليزا

اوعى تكونى فهمتى انه الاسراف وكده

نورينى يا اختى

تقديرى

SHAPE YOUR LIFE (ABOALI) Says:

الى ولاء
ازيك يا ولاء
مبسوط بالمتابعة بتاعتك وشكلك كده هايبقى ليكى سهم فى المدونة
ربنا يخليكى يارب ويسعدك فى حياتك

من اهداف البوست الحديث عن اشياء متعددة
منها الاسراف بس على بعيد
لكن الهدف الاساسى هو مراجعة الاهداف بتاعتتنا
علشان كده كان كلمة تسلل
يعنى اهداف غير صحيحة

تقديرى الغالى لك

البنفسج الحزين Says:

بوست رائع ...
عجبني عمق الفكرة ...
كل انسان فينا محتاج يراجع اهدافه ويعدلها من فترة لاخري لان ممكن الهدف اللي كان شايفه امبارح مهم النهارده بعد مافهم أكتر ومر بخبرات وتجارب اكتر يكتشف انه معدش له لزمه وان الاولي دلوقتي هدف تاني أهم منه ...اذن حتي الاهداف تتغير بتغير الظروف....
عجبني كمان تناولك لموضوع الاسراف بطريقه خفيفه وجميله وغير مباشرة ...
اول زيارة بس ان شاء الله مش هتكون الاخيرة...
تحياتي

ستيتة Says:

جميل البوست
جميلة الفكرة
بجتهد فيها وبدعو كل الناس تجتهد فيها
بخاف من الإسراف في الماء والكهرباء وبقول البطر يزيل النعم

لكن كل ده كوم
والصورة بتاعة العربية كوم تاني :)

كلمات من نور Says:

أبو علي

دوما تتقن تسديد الأهداف ...ربنا يكرمك بجد ...... بتديني درس كل بوست و باتعلم حاجات ساعات بتتوه من عيني ...ربي يكرمك ويهبك الحكمة دائما و أبدا

صيدلانيه طالعه نازله Says:

و ما اكثر الاهداف غير الصحيحه فى حياتنا

نفضل نجرى من هنا و هنا و نلاحق و نحوط

و نبنى و هووووووووووب

كله يطلع غلط فى الاخر

لان الحكايه مش جرى و ملاحقه و بس

لا محتاجه حسبه و دراسه و قبل منهم صبر

و مراعاه الاخذ بالاسباب

حضرتك كده حتخلينى كل ما اشوف البراد اسلم عليه و اكلمه

و لو انى مش من هواه الشاى خاااااااالص

SHAPE YOUR LIFE (ABOALI) Says:

الى البنفسج الحزين

اتمنى ان لا يكون البنفسج حزين بل تعطره وتزكيه الرياحين ويتنسم عبير الياسمين
وتخلل اضلعه الراحة وبسمات اليقين

سعدت جدا بعمقك ادراك باهداف البوست
واحمد الله انك وصلتى اليها فى امان

منتظر المرور مرات ومرات وقرون مهما بعدت المسافات

تقديرى

SHAPE YOUR LIFE (ABOALI) Says:

الى الفاضلة دكتورة ستيته

هما كده بتوع علوم يا دكترة
اهداف بتبقى تسلل
يظهر اننا عاوزين نغير الملعب

ولالالالالالالالالالالالاايه

خالص تقديرى للاجتهاد وجميل الانسان الذى بداخلك

SHAPE YOUR LIFE (ABOALI) Says:

الى كلمات من نور

ربنا يخليكى ليا وتشجعينى وتاخدى بخاطرى
يا جميلة المعانى ونقية الكيان

ربنا يجعل السعادة بين ربوعك

اللهم امين

قووووووووووووولى امين

ولالالالالالالالالالالالالالالالاايه

SHAPE YOUR LIFE (ABOALI) Says:

الى صيدلاينة

نغير الشاى لست الكل فى التو والحال

وعندك اجمل ينسون لناس فى القلوب غالين
وعند الرب ان شاء الله مقبولين
ومن حوض احمد شاربين

اللهم امين

ربنا يهبك حسن ادراك وتحقيقك اهدافك
واتكلمى مع البراد
هايقول ليكى حاجات كتير
فهم يحتاجون الينا كما نحتاج لهم
صدقا صدقا

تقديرى