اليك قمرى

, السبت، 23 أكتوبر، 2010



تأتى علينا اوقات نستحضر الغيوم
ونذهب الى الليل نستظل به ونبتعد مرتحلين
لا نعلم الى اين؟
 ولكنه احساس يراود النفس بان هناك شيىء ما يناديها لترتحل
وهناك تجتمع النفس مع اعضائها
وتعيد التأمل الى النجوم والقمر
 ويترائى امام عينها مشهد  الغروب
حيت تتخيل النفس وهواها
ان الشمس فى سكراتها الاخيرة
نورها ينزواى فى سكون
 وكأنها تذهب بنفسها الى مستقرها الاخير
ويحل الظلام 
وتتعالى اصوات الاعضاء بالهموم الاحزان
وبعثرة البشر وانحسار الجيران
وجفاف ادوية الخير  وغش الميزان
وعلى الجانب الاخر فى هذا العالم الافتراضى
يهيىء لنفس اخرى ترى نفس المشهد
  ان السماء قد احتوت الشمس
 وكأن الشمس ادت دورها
 وحان وقت نومها واحتضانها والتسرية عنها
 هو المهمة التى على عاتق السماء الان
لذا تصدر  السماء مرسوم رئاسى
 بتقديم كافة المشروبات الباردة الى الشمس
حتى يكون المستقر مناسب لها بعد هذا العناء الطويل
ولكن الشمس تأبى ان تستقر الا بعد تكتب وصية للسماء
بأن هولاء البشر والكائنات امانة وانارة كونهم مسؤليتها
 لذا تستحث السماء ان تنير لهم وتحتويهم
فتدمع السماء على رقة واحاسيس تلك الشمس
 فتكون دموعها نجوما"
وتبتسم الشمس فيكون ابتسامتها قمرا"
ويموج الكون هنا وهناك
  ويأتى المنادى من بعيد انه لازالت فى الاعمار عمرا جديد
فتسترد الشمس الامداد بالاوكسجين من جديد
 وتنطلق الالسنه فى المدائن الله اكبر الله اكبر حى على الصلاة
فينمو ضوئها فيركع هذا هنا ويسجد هذا هناك
 وتسبح الاجنة فى البطون والطيور صافات ويقبضن
فتنتعش الشمس ويكون الشروق
****************
تلك هى حالة من حالات استحضار النفوس السامية 
حين  استظلت بالغروب واحتوته رغم ما كان يمثله لها
من تظاهرة  بالابتعاد والتقوقع والسكون
ثم جاءت عناوين اخرى حملت البشر والسرور ومعية الله
فحدث الاتزان
لذا اقول لنفسى ان ذهبتى يوما الى الغروب
وشاهدتى هناك قمر
 فأجلسى بالقرب منه وابتسمى أنه ابتسامة الشمس
وعودى به  واروى ربوعك وسكناتك  فسيعود اليكى شروقك
الذى تنحى قليلا" عنكى 



23 Response to "اليك قمرى"

MR.PRESIDENT Says:

بعد السلام ..
والتحية
اما بعد
من رئيس الجمهورية
ازيك يا معلم ..
المشكلة كل ما أجي هنا
ألاقيك قاعد تتكلم كلام
كبير
مش فاهم منه حاجة
فينوبك ثواب معلش
بالله عليك .. لما يكون المحتوي
مش للغلابة اللي زي
تكتب لنا البغية من ذلك البوست
تحت أو اشارة
اي حاجة
متزعلش من كلامي
بس حجتي كلمة سمعتها إن الواحد لازم
يخاطب الناس علي قدر عقولها
تحياتي ليك
ولموضوعاتك
اللي بتحتوي علي حاجة غريبة :)
في امان الله أخي الكريم .

SHAPE YOUR LIFE (ABOALI) Says:

الى الريس

ههههههههههههههههههه
بعد مليار سلام وتحية
نشكر تواضع عظمتكم يا ريس
واما عن الكلام فالامر مطاع

عنوان البوست اليك قمرى
وهو عنوان مرتبط بالصورة
بمعنى انى مرتحل اليك لاعود بك
وده رمز لما الناس تضيق بها الانفس وتكون مهمومة وتذهب وترى الغروب بنظرات ياءس
وتظن ان الدنيا سوداء اذا فقدت حبيب مثلا
او حب او حلم او كيان او ام او اب او مال وهكذا
عليها ان تفكر فى الحل والعودة بقمر منير وسط الظلام
لان هناك اناس على الجانب الاخر
وجدوا فى الغروب نجوم واقمار لازالت تضىء
ومثلت غروب الشمس باءن السماء تحتضنها وتنير انوار اخرى مثل النجوم والقمر

يعنى بالصريح كده
ان تبعثرت النفس فى مرة فهناك امال اخرى لازالت موجودة

فمهما كانت هناك ازمات هناك فرج
بالمثل المعروف
ضاقت فلما استحكمت حلقاتها فرجت وظننت ان لا تفرجوا

او كما فى كتاب الله
ان مع العسر يسرا

وهذا يجب ان يكون دستور للنفس عند اشتداد الحلقات بها


ما يجعلنى لا افسر بعض من كلامى

ان لكل انسان قراءة
اذ ربما يجد منظور اخر للكلام كان خفى عنى
فنتشارك كلنا فى التعبير عنه يا ريس

لذا
المحتوى ليس كبير
ولكنه فرصة لنتأمل بعض من الحياه

اسعدنى وجودك وتشريفك لى
وينوبك ثواب رخص الطماطم يا ريس

لـــولا وزهـــراء Says:

ابو على

اليك قمرى ايه العنون الرومانسى ده كله
الصوره حلوه رغم انى مش باحب الغروب لان الغروب هو النهايه يعنى نقول نهاية لكن الشروق هو امل جديد فى يوم جديد نتمنى انه يحمل لنا خبر جديد حلو

البوست شكله رومانسى وكده هاطلب واحد مانجو متلج ومعاه حتة جاتوه ميل فى مربى ونبدا فى القراءه على بركة الله

زهراء

لـــولا وزهـــراء Says:

ابوعلى

قرات البوست كله مره واحده على بعضه وده لاول مره فى التاريخ لاننى معتاده انى اقرأ جزء جزء واكتب تعليقى لكن كلماتك هذه المره اجبرتنى انى اقرا على بعضه

مش عارفه ليه تذكرت تتر مسلسل حديث الصباح والمساء " لحظة ميلاد الفرح كان فى حبيب رايح " رغم ان كلمات الاغنيه مش لها علاقه بالبوست او يمكن لها علاقه خفيه بس حسيت بالاغنيه اوى ...

كل واحد فينا بتمر عليه لحظات او ربما ساعات او حتى ايام يشعر فيها ان شمسه قد غابت عن الوجود وقد استعدت للرحيل وقد تغرب فى اى لحظه وقد تستمر هذه الحاله لبعض من الوقت هناك من يستسلم الى هذه الحاله ويعيش معها ولها وهناك من ينتظر قليلا حتى تسطع الشمس من جديد وهناك من ينظر الى سمائه وهى حالكة السواد ان فيها نجوم رغم قلة حجمها ولكنها تحمل بريق فى الطريق وهناك قمر رغم ان نوره غير نور الشمس لكنه ينير ليضا لبعض الوقت ...

احوال النفس البشريه غريبه عجيبه ولكن من رايى قبل ان ابحث عن شمس جديده تنير لى طريقى فى الحياه لابد ان ابحث عن تلك الشمس بداخلى لكى تنير لى حياتى واكمل معها مشوارى وحتى ان غربت فى بعض الاوقات فلابد ان تعود الى السطوع مره اخرى " الشمس طالعه فى كل يوم هو كده طبع الحياه "

الله عليك وعلى كلامك
ربنا يحفظك وينير لك طريقك على الدواااااااااااااااااااااام


زهراء

sony2000 Says:

الله
الله
الله
دا اللي هقدر اقولو

ستيتة حسب الله الحمش Says:

لو لم نتفكر ساعة بعد اليأس والإحباط
ونستحضر كل جميل ورائع أتى إلينا قديما بعد العسر
ما ابتسمنا يوما في انتظار ضوء الشمس
ولما ذكرنا الله كثيرا بيقين فإن مع العسر يسرا

تحيات من هنا لحد .........
لحد ما تتخيل يا باعثا في النفس أملا وضياء

شمس النهار Says:

مادام البوست بيتكلم عن الشمس يبقا بنتكلم عن الحياة

هي دي الحياة شروق وغروب

قوة وضعف

عسر ويسر

تشكيلة
ولولا الامل في الله لقنطنا

التامل ثم التامل

من تامل في الكون عرف بعض من اسرار الحياة

كلمات من نور Says:

الله عالبوست اللي بيجمع بين شورق وغروب وقمر

ربي يبارك فيك يا أبو علي

دايما اتجول بين المدونات واترك مدونتك مسكا للختام

سهل وسهيلة Says:

http://shlandsohila.blogspot.com
/2010/10/blog-post_23.html
النفس
الحوار الأول نتمنى مشاركتكم


حضرتك جميل الرؤى جميل الطرح
تبدع في توضيح فكرتك
لك كل التقدير

MR.PRESIDENT Says:

ربنا يكرمك كدا ..
وكويس إن فهمتني
وان كان دا اكيد بينفي فكرة
ان تسيب كل واحد وقراءته .. فلك جزيل الشكر والعرفان بالجميل

أما بالنوسبة لموضوع الطماطم أنا بقيت أسِف صلصة عشان الطماطم غالية ولا هوا الراتب الرئاسي مفتوح زي الريس متقال ..
اقولك ابعد عن الأكلات اللي فيها طماطم
من خضار وسلطة ومحشي .. اصل الحجات دي مضرة يا عمنا .
نصيحة إضرب لحمة .. واهوا عشان تعرفوا بس إن اللحمة رخيصة كيلو لحمة يجيب 4 كليو طماطم .. وبما إن الطماطم كانت رخيصة فاللحمة أكيد رخيصة .. والشعب زي العسل ... ملزق .

تحياتي الرئاسية .. لحين السيطرة علي الخضرية .

يوميات شحات Says:

الحقيقة أنا كل لما بغوص في المدونات بلاقي كنوز , انا معدش بقوم من أمام الكمبيوتر
شكرا بجد

richardCatheart Says:

الله ونعمه الكلام ونعمه النصيحه للنفس

مبدع يا ابوعلى

البوست اللى فات جمممممممممممممميل
اعذرنى على التاخير الدائم

SHAPE YOUR LIFE (ABOALI) Says:

الى زهراء فى اللقطة الاولى

اقرء يا باشا على مهلك وخلى بالك الغروب ليه مذاقة
والقمر اللى زيك كفاية انهم زينة له

ولالالالالالالالالالالالالالالالالاايه وش بيعاكس

SHAPE YOUR LIFE (ABOALI) Says:

الى زهراء

لابد ان ابحث عن تلك الشمس بداخلى لكى تنير لى حياتى واكمل معها مشوارى وحتى ان غربت فى بعض الاوقات فلابد ان تعود الى السطوع مره اخرى "

الله عليكى فى الجملة دى يا زهراء بجد استفزت مشاعرى جدا واصابت فؤادى وترعرت لها ثنانا نفسى
لانها فعلا لخصت كلام كتيييييييير
وفيها الادراك الحقيقى للحياه

اتمنى من الله دوام العافية والصحة ودومتى متالقة تزينى تلك المدونة المتواضعة بعبير واريج كلماتك الراقية

SHAPE YOUR LIFE (ABOALI) Says:

الى سونى

الله عليك يا انسان انت يا قمر

هههههههههههههههههه

تقديرى

SHAPE YOUR LIFE (ABOALI) Says:

الى الفاضلة دكتورة ستيه

صدقتى فعلا يا انسانة
التفكير والتاءمل حياه لمن لا حياه له
يعرف بهما حقيقة الحياه ودنياه التى يحيا فيها

ويعرف ان له دور فعال فى التغير وصنع اقماره وشموسة بنفسه


جميل وراقى ان تتعطر مدونتى بمروك السامى النقى
لانسان قدير احبه فى الله

SHAPE YOUR LIFE (ABOALI) Says:

الى الفاضلة شمس النهار

يااااااااافندم مادام الحديث عن الشمس
يبقى اكيد ليك النصيب فيها من نقائك وصفائك
يا انسان يا متميز

(من تامل في الكون عرف بعض من اسرار الحياة)

الجملة دى رائعة من حضرتك وفعلا عرف الكثير من الحياه

تقديرى لانسان قدير

SHAPE YOUR LIFE (ABOALI) Says:

الى كلمات من النور

كلامك يا فندم هو فعلا الشروق والقمر والشموس

كلنا يجتهد لعلنا نصيب يوما

يااااااااااارب اجعل لنا ممن نكتب نصيب فى الفعل والتطبيق

SHAPE YOUR LIFE (ABOALI) Says:

الى سهل وسهيله

تقديرى للتعليق

وكلنا نجتهد لعلنا نصيب يوما


تقديرى العميق على التواجد

SHAPE YOUR LIFE (ABOALI) Says:

الى الريس
ههههههههههههه

طلباتك اوامر يا ريس
وافتح الكيس من سويسرا
يمكن تلاقى حبة فكة نشترى بيها الطماطم
ياااااااااااريس

وربنا يجعله ايييييييييييييييييييييييه

تقديرى يا ريسنا

SHAPE YOUR LIFE (ABOALI) Says:

الى يوميات شحات

ياااااااااااااافندم نحن نشكرك لوجودك هنا
واقتطتاع هذا الجزء من وقتك

وكلنا نسسسسسسسسسسسستفيد ونفيد

تقديرى

SHAPE YOUR LIFE (ABOALI) Says:

الى قلب قطة

ياباشا اتاءخر براحتك
اهل العريس لازم كده اوووووووووومال

دول الغاليين

ربنا يسعد حالك وايامك

Dr/ walaa salah Says:

(فتدمع السماء على رقة واحاسيس تلك الشمس
فتكون دموعها نجوما"
وتبتسم الشمس فيكون ابتسامتها قمرا")


تشبيه جميل اوي يا ابو علي

بصراحه ابدعت في التشبيه

اول مره اشوف تشبيه واقعي جدا كده


مع كل غروب ننتظر الشروق مره اخرى

لكن سيأتي يوماً ما به غروب بلا شروق

احيانا اتمنى ان تكون احزاننا كالشمس تغرب لكن بلا شروق بعدها




مشكووووووووووور ابو علي