شوك البشر

, الثلاثاء، 26 أكتوبر 2010



(( مقنفد كده ليه ))
جملة كنت اسمعها من امى
 حين تدخل علينا اثناء المذاكرة فى الشتاء
فأقول لها يعنى ايه ؟
فتقول يعنى ضامم نفسك على جوه
فكنت عندما اسمع تلك العبارة
 ضامم نفسك على جوه
 اكون سعيد ومرتاح
واشعر انى ونفسى كيان لا يتجزأ لا ينفصلا
بمرور الزمن احببت ان اعرف عن القنفد معلومات
 حتى اعرف لما كانت امى تقول هكذا
وتستخدم القنفد فى التعبير
عندما شاهدت القنفد لاول وهلة دب الخوف فى قلبى
اشواك تنتشر فى جميع جسده
 وكنت اتعجب كيف يعيش كائن بتلك الاشواك ولا تصيبه
وبالفعل وجدت كأن الاشواك قد احتوت نفسه واخفتها
وقالوا ان القنفد
لا ينام نهارا ولكنه يسعى على قوته طوال الليل
وطعامه 
هو الثعابين الصغيرة و بعض الحشرات والسحالى
وتأملت وذهب فكرى بعيدا" وقولت فى نفسى
اشواك القنفد 
  حماية له ومانع ضد المعتدين ولم تكن بغرض الايذاء
ثم جاء النظر الى طعامه 
فوجدت انها  اشياء منطقية يخاف منها البشر
وجيد جدا انه يأكلها
********************
وقابلت صديق لى اهمته الحياه وكثرة تقلباتها
 واصبح يشعر انه وحيد فى تلك الحياه
ويبكى قلبه مما يراه من سوء الاحوال
 واندثار مبادىء قيم واخلاق الدين
ف وجد  اننى 
ابتسم فتعجب من ذلك!!
وقولت له انت مش مقنفد ليه ؟
فقال لى ده كلام امى الله يرحمها
فضحكت وقولت كماااااااان
ولما لم تسمع كلام الام وتقنفد ؟
فقال وضح الصورة اخوك تفكيره تحجر
فقلت يا صديقى العزيز
اجعل لنفسك اشواك قنفدية المعنى والتطبيق
تحمى بها نفسك وقت الضيق
تسمو بها روحك من غدر الساقطين
تتناغم بها حياتك وسط محبيك
فضحك وقال انت شارب ولا ايه ؟
فقلت اينعم اشرب من كلمات ربى 
 افعلا يعقلون
 افلا يتدبرون
واستمع لكلام نبى الهدى
 المؤمن القوى خير عند الله من المؤمن الضعيف
فهولاء من اهموك واستفزوا فيك الحزن وقطارات الالم
هم من بنى الانسان مثلك
ولكن اشواكهم كانت موجه للايذاء وايلام الاخرين
فلما لا يكون لدى الصالحين الذين يريدون للحياه ان تبتسم
ويتغنى فيها لحن الخلق وحسن التقويم  وبذور خير 
ينعم بها الجميع
اشواك تحميهم وتسترهم وتعيد شحن قلوبهم
 وتحث فيهم الاستمرار دائما  فى طريق النور؟
فقال لى
وما هى تلك الاشواك يا قنفد افندى
فقلت
اختر ما تريد من الشمال جنوبا غربا شرقا
 ولكن
ضع فى الميمنة وقلبك المصون
 اليقين وحب خالق الكون الرحيم  ورسله الكرام  واخلاق اصحابه
قدوة لك وطريق منهجك وتقويمك فى الحياه واحرص على قراءة سيرتهم

ضع فى الشمال
 المعرفة والاطلاع والعلم فأن الفاسد يخاف من العالم
ضع فى الجنوب
 مهارة النقل وحسن المنطق فاءن العدو يخاف من العاقل الحسن التصرف
ضع فى الشرق
 انوار الشموس من امل وحماس وطموح  فاءن الاشرار خفافيش الليل
ضع فى الغرب
 الصبر وطول البال والصمود والتحدى فان اللئيم  وهدامى المعابد
يخافون من قدرة وصلابة الحراس

وتبسمت وتبسم هو
وماشيا فى الطريق قنفدان
احباء اخلاء ذوا اسنان
ادراك وعى فهم افهام
وكان ده حسن الختام
***************
اضمم نفسك الان
 تحافظ عليك
كل الايام

44 Response to "شوك البشر"

لـــولا وزهـــراء Says:

ابوعلى

احتلال جديد
شوك البشر
عنوان شديد اول ما شوفته استغربت منه

هاقرا واتفرج على الصور
زهراء

SHAPE YOUR LIFE (ABOALI) Says:

المرة دى بلاغ لمجلس الامل الدولى

لـــولا وزهـــراء Says:

ابوعلى

هى الصوره الاولى شكلها مرسومه اوعى تكون انت اللى رسمتها حلوه اوى والعيون فيها نظرتها حاده عجبانى الصوره اوى والملامح فيها دقيقه اوى ياترى صاحب الصوره اسمه ايه ممكن اطلق عليه اسم ؟؟

الصوره التانيه من جوه قلب الشوك ورد ياااااااااااااااه روعه بجد الوانها كمان عالية الذوق
تسلم الاختيارات العاليه
على فكره انا لسه مش قرأت

زهراء

ستيتة حسب الله الحمش Says:

سبحان الله

كنت لسه بكتب بوست بنفس المعنى
عن حوار بيني وبين ابني :)

سبحان الله

انا مقنفدة وسط الأمواج واللطمات
كلما على بحر الحياة
قنفدت نفسي حتى يهدأ الموج دون أن يصيب نفسي بلطماته

ها أستأذنك أشير للبوست بتاعك في الحديث

تحياتي وحقيقي حقيقي
العلوم بتغير الناس :)

لـــولا وزهـــراء Says:

ابوعلى

استر يارب من بلاغاتك ويااااااااااارب ماحدش يكون بيشوف المدونه احسن يتقبض عليا بجد


لسه مش قرات البوست الجملى شكلى اتحسدت يا ابوعلى


زهراء

MR.PRESIDENT Says:

فهمت فهمت
الصلاة علي النبي
--
بس مش معني القنفدة برضوا إن فيه تتأنفد علي نفسها .
--
عشان فيه ناس بتبقي تستهبل وترفض التعامل مع الغير بحجة اختلاف الأراء
وحجة اختلاف الدين .. وحجج واهية

لـــولا وزهـــراء Says:

ابوعلى

بدات فى قراءة الجزء الاول من البوست

وتذكرت بمناسبة الحديث عن القنافذ حكايه يحكى انه كان هناك 3 قنافذ شعروا بالبرد فى ليل الشتاء القارس وقرروا ان يقتربوا من بعض حتى يشعروا بالدفء ولكن ما ان اقتربوا حتى يؤلمهم الشوك فيبعدوا عن بعض مره اخرى حتى يشعروا بالبرد وهكذا عدة مرات وهنا قال اصغرهم عشان انت عارف زينا كلنا ان الصغير بيكون ذكى وعلى طول بيكون عنده حلول لكل مشكله المهم الصغيور قال ايه احنا نقرب من بعض بحيث اننا نشعر بادفء من غير ما الشوك يجرح فينا يعنى لازم نستخدم عقلنا شويه
طبعا القصه لها مغزى ومعنى والحدق يفهم وانت سيد من يفهم ....

زهراء

لـــولا وزهـــراء Says:

ابو على

*-*-*-

اكشن اخر مره

ياااااااااااااه على الكلام فعلا اتعلمت منذ فتره ليست بالطويله انى لازم يكون لى شوك عشان اقدر احمى نفسى وقت اللزوم
احتاج فى كثير من الاحيان ان اتقنفد على نفسى عشان اقدر ارجع اواجه واتحدى واعيش واجاهد عشان اوصل لحلمى
فى الشتاء القنفده عشان نشعر بالدفا لكن فى الحياه عشان نقدر نواجه من جديد ويمكن القنفده بتكون مفيد ه لنا وللاخرين فى نفس الوقت ...

جمله اكتر من رائعه " ضع فى الغرب
الصبر وطول البال والصمود والتحدى فان اللئيم وهدامى المعابد
يخافون من قدرة وصلابة الحراس "
فعلا اللئيم بيخاف من الصمود وبيخاف من القنفده ربنا يكفينا ويكفيك شر اللئيم

لاول مره اعلنها انى موافقه انك تبلغ عنى عشان يكون ده اخر كلام قراته لاستاذى وعشان وقتها اقدر اتقنفد على نفسى

تحياتى لقلم مبدع
لفكر راقى
لانسان حساااااااس

زهراء

جايدا العزيزي Says:

بوست رائع

وحوار هادف

وفكر مميز

سعدت بتواجدى هنا

اشكرك

تحياتى

الحياة الطيبة Says:

فعلاً للبشر أشوك وشتان مابين أن نستعمل الأشواك للحماية والخلوة مع النفس وبين أن نستعملها في إيذاء الآخرين ,بوست فيه من التذكرة والحكمة الشيئ الكثير ...ذكرك الله الشهادة والعبادة ,تقبل مروري .

Doba Says:

ربنا يفتح عليك


تحياتى
هبة

عاشقه الرومانسيه Says:

اسلوب حضرتك اكتر من رائع
ممتاااااااااز

تحياتى

كلمات من نور Says:

اضمم نفسك الان
تحافظ عليك
كل الايام
===================

حلوة النصيحة دي .فلنتقفند يا أبو علي حتى نعيش في سلام نفسي مع الروح

موناليزا Says:

أمى كانت دايما تقولهالى وأنا صغيرة لما تلاقينى قاعدة متكورة وبقرأ فى روايات مصرية للجيب بالساعات من غير أى حركة:)

حاليا بقى
الوصفة ممكن تبان سهلة بس تعمل ايه فى شخصية نشأت على الخوف على جرح الناس وإيذائها حتى لو على حساب نفسها!!

إيمان Says:

يا سلااااااااااااام يا ابو علي

تعرف أنا نفسي أتعلم القنفده صح

حلوه القنفده بجد رائعه

القتفد أشواكه بتحميه من اى خطر وكمان مش بس كده ده بيتغذا على تخليص غيره من أشياء مؤذيه يعني بينفع نفسه وبينفع غيره واللى يقرب منه يتعور مع انه حجمه صغير وبيتحرك في صمت

Baskouta Says:

لا حقيقي البوست عجبني جدا
رائع
انا بحب التدبر في خلق الله سبحانه وتعالى
ودايما بحس ان ربنا خلق كل الكائنات الكتير اللي حوالينا علشان يبعتلنا ارشادات وتوجيهات نعيش بيها الحياة بس بشكل غير مباشر يدركه بس من يتدبر

كل حاجة بتواجهنا في الحياة سواء مخلوقات او احداث دايما بحسها بتحمل رسالة من ربنا لينا
ده حتى الاوقات العصيبة بتكون رسالة نمر بالوقت الصعب ونعيش مرارته علشان لما الاوقات الحلوة نعرف نعيش حلاوتها ونقدر قيمتها صح

تحياتي على البوست الاكثر من رائع

richardCatheart Says:

الله يا ابو على

مضمون واسلوب ولا اروع

مش هاعلق وارخم بكلام جنب كلامك هايكون ماسخ

يسلم قلمك الجميل والله
ودماغك الحلوه

sony2000 Says:

يارييت والله
نطبق الكلام دا فعلا
المشكله
اننا بنسيب نفسنا جامد
فنقع فكلام
ربنا يستر

ماما أمولة Says:

ابو علي
اخترم فكرك واقدره
بارك الله فيك وفي قلمك
ويكفيك ويكفيني شوك البشر
اللهم امين

SHAPE YOUR LIFE (ABOALI) Says:

الى زهراء
يااااااا عينى على التفاعل الحى مع الصورة

اطمنى مش انا اللى راسم كان نفسى بس قولت بلالالالالالالالالالالالالالاش
والصورة الثانية فعلا راقية جدا وسامية

اقرء يا فندم وزدنا من روعة اناملك وحروفك

SHAPE YOUR LIFE (ABOALI) Says:

الى الفاضلة دكتورة ستيتة

القلوب عند بعضها يا فندم والله

قراءت بوست حضرتك واستمتعت جدا
فاءنتى بالفعل استشعرتى بؤرة رائعة فى الحوار
وهى تناسق النفس ودوافعها ومحفزاتها
لتستمر فى رحلة عطائها


لك التحية الراقية دائما وعلى ذلك الفكر المستنير السامى

SHAPE YOUR LIFE (ABOALI) Says:

الى زهراء
يااااااااااااباشا المدونة تحت المراقبة
والفحص وقد اعذر من اكل سلطة طماطم وهى غالية

ياااااااااعينى عليك يا باشا

SHAPE YOUR LIFE (ABOALI) Says:

الى الريس
ههههههههههههههه
ربنا يزيدك يا ريس ونفهم معاك

والقنفدة مش انك تتقوقع احسن كده تبقى مش قنفدة تبقى بلوة

ربنا يهب الخير يا ريس ويبقى لينا شوك ايجابى

تقديرى العميق المتعمق

SHAPE YOUR LIFE (ABOALI) Says:

الى زهراء
يااااااااااااا جمال التفاعل الايجابى
فعلا مدلولات القصة رائعة
عاوزين كلنا نقنفد مع بعض ونتعاون ونتشارك وده هو القوة وده شوك الصالحين والحكماء

اسعدنى جدا تذكيرى بتلك القصة التى فى قلبها الكثير من المعانى


تقديرى يا انسان

SHAPE YOUR LIFE (ABOALI) Says:

الى زهراء
هههههههههههههههه
ناوى تروح المعتقل بكل حرية كده

يااااااااااااا مجدع انت يا انسان

بس لعلمك المظاهرات ستطحن مدينة تل ابيب
معلنة رفضها الجازم المتحمس لهذا القرار

ولا ايييييييييييييه

اما عن تفاعلك بالبوست رائع يا زهراء
وفيه تاءكيد بالفعل على اهمية اننا يكون عندنا شوك ايجابى وقنفده لاستعادة الروح من جديد
باحييكى انك كنتى من هولاء وربنا يهب لك كل الخير وتجدى قنفد جميل كده

تقديرى

SHAPE YOUR LIFE (ABOALI) Says:

الى جايدا

ياااااااااامراحب فى اول ظهور فعلى هاهنا
اسعدنى ان يكون اول بوست قرائيته عن شوك البشر
لاننا بالفعل نحتاج تكاتف بنى الانسان الرائعين لكى نغير من الفاسدين فى حماس وهمة

اتمنى وجودك ها هنا مرة ثانية
فالمدونة تتعطر بالياسمين عندما يزورها الياسمين من الناس
وتفتقدهم حينما يبتعدون

تقديرى

SHAPE YOUR LIFE (ABOALI) Says:

الى الحياه الطيبة

جميل جدا اسم الحياه الطيبة لانها متوافقة مع حياه القنفد
حماية نفسه وعدم ايذاء الاخرين

سعيد بمرروكم يا فندم واتمنى تكراره

SHAPE YOUR LIFE (ABOALI) Says:

الى دوبااااااااا
يفتح علياااااااااااا بااااااايه

لازم تقولى بالخير
هههههههههههه

ربنا يهبك كل الخير ويهب الخير لك

تقديرى لانسان له كل التقدير

SHAPE YOUR LIFE (ABOALI) Says:

الى عاشقة الرومانسية

انت اللى عيوووووووووووووونك رائعة يا فندم

عيووووووووون اسكندرنى بماء البحر الصافى

مبررررررررررررروك ولك التقدير

SHAPE YOUR LIFE (ABOALI) Says:

الى كلمات من نور

يعنى اعتمد عليكى فى كام قنفد كده
لزوم تعلم القنفده

ولالالالالالالالالالالالالاايه

SHAPE YOUR LIFE (ABOALI) Says:

الى موناليزا

مافيش حاجة سهلة بس فيه بداية وسنة سنة
هانكون جبال من التصميم

اسعدنى انى الكلمة كانت متدوالة
كده هانقدر نشعر فعلا بيها
وخلى بالك القنفده مش تقوقع ابدا

بالعكس دى مشاركة فى ايجابية مع المجتمع
مع الحفاظ على حقوقك كاملة


تقدير العميق
وجميل انى تعليقك اصبح اكتر من كلمة
ودى بداية جديدة ورائعة يا فندم

SHAPE YOUR LIFE (ABOALI) Says:

الى ايمان

انت يا باشا قولت ازاى نتعلم القنفده
وجاوبت اجابة ممتازة وجميلة جدا

خلى ليكى شوك لا يؤذى الا من يستحق

رائعة يا ست الكل

تقديرى العميق لك

SHAPE YOUR LIFE (ABOALI) Says:

الى بسكوته

تعرفى يا بسكوته انى كنت مبسوط لما قراءت تعليقك
علشان انتى كده ماشاء الله عليكى فاهمة وعندك وعى
كل اللى بيتاءمل فى كائنات ربنا هو الانسان المرتاح واللى فهم الدنيا صح

علشان كده تمسكى انك تكونى دايما متاءملة فى كون الخالق
وطبقى جزء ولو بسيط من اللى بتشوفيه
هتلاقى فرق جااااااااامد

تعرفى انى ساعات باعترض طريق النملة علشان اشوف هاتعمل ايه وهاتفكر ازاى

اوعى تقووووووووووولى عليا مجنون

بس قولى انى محتاااااااااج علاج

ولالالالالالالالالالالالالالاايه

بجد مبسوووووووووط برايك وتعليقك

SHAPE YOUR LIFE (ABOALI) Says:

الى قلب قطة

تؤتؤ
كده انتى حرميتنى من تعليقك
لان كل انسان ليه اضافة وليه بصمة
وانا كده زعلان
وعااااااااااوز تعليق تانى
او كناااااااافنة بالمانجو

مش كفاية مافيش شربات من العرسان

يااااااااااااااااه على اسكندرية
والناس الحلوة لما السكر بيكون نقطة نقطة

تقديرى لانسان قدير

SHAPE YOUR LIFE (ABOALI) Says:

الى سونى
فعلا يا سونى بنسيب نفسنا كتير ونخليها تقودنا

ولازم نروض ونعمل شوك ايجابى علشان نعيش ونتفاعل مع غيرنا

تقديرى لك دوما

SHAPE YOUR LIFE (ABOALI) Says:

الى الفاضلة ماما امولة

يا فندم الله يبارك فيك ويهبك كل الفضل والسعادة

الدعوة فى البوست دى مش متوافقة مع سياق البوست

لانى فعلا اتمنى ان يكون عندى شوك

ربنا يهب لنا شوك ندافع به عن الحق وعن وجودنا فى الحياه

تقديرى لانسان قدير

بنجاواتى Says:

اعتقد ان كل انسان اصبح فى حاجة شديدة لان يمتلك شوكا يحميه من ايذاء الاخرين من ضعاف النفوس والحاقدين

اللى يشوف القنفد للمرة الاولى لازم يخاف ويقول انه مؤذى لكن الحقيقة ان الشوك على جسمه هو سبب بقاؤه فى الحياة وسط الاعداء فمش مشكلة خالص ان كل واحد يتخذ ما يناسبه من الشوك وان لام عليه كل المحيطين

تحياتى لهذا المعنى الطيب

عمرو يسرى Says:

حوار جميل ومفيد
سعدت بوجودى هنا
تسلم الايادى

صيدلانيه طالعه نازله Says:

تخيل حضرتك ان دى كلمه امى انا كمان
ربنا يديها الصحه و طول اعمر
لو نقدر يبقى كل واحد فينا قنفذ
كان حالنا اتغير حقيقى
كنا حمينا نفسنا من وخزات بنى البشر و شرورهم
احساس جميل جدا ان تخلق حولك حمايه ذاتيه لا يستطيع اى مخلوق اختراقها
بل ان مجرد المحاوله ستعود على صاحبها بالوجع و الالم

وصفه حضرتك كانت اكثر من رائعه ياريت نقدر نحققها

مع تحيات مشروع قنفذ انشاء الله

Dr/ walaa salah Says:

تصدق يا ابو على اول مره انظر للقنفد بهذه النظره العقلانيه

فكل ارتباطي بالقنفد هو قوقعته على نفسه ولم انظر يوما ما الى اشواكه

لعلها نظره سطحيه ربما

لكن اذا كنا نستطيع ان نجعل لانفسنا اشواكاً لحمايتنا مثل القنفد


ارجو ان لا نتآذى بها في النهايه

بوست جميل يا ابو علي مشكوووووووور

SHAPE YOUR LIFE (ABOALI) Says:

الى بنجاواتى
جميل الوصول للمعنى الطيب والاجمل هو ارتقائه والعبور به الى التطيبق
اول مرة لزيارة المدونة
اسعد ان تكون مع شوك البشر

لاننا نحتاج الى تاءلف كل الطيبين

كل التقدير على الوجود هاهنا

SHAPE YOUR LIFE (ABOALI) Says:

الى عمرو يسرى

والمدونة سعدت بمروك هاهنا
واتمنى وجودك مرات ومرات

تقديرى

SHAPE YOUR LIFE (ABOALI) Says:

الى صيدلانية

هو ده الكلام يا فندم
نكون قنفد صغير نحمى نفسنا ونخلى اللى حوالينا كمان كده
علشان يكون لينا كيان احنا بالفعل نستحقه

اسعدنى فهمك وتفسيرك الراقى الجميل
يا قنفد يا صغير


تقديرى الكامل

SHAPE YOUR LIFE (ABOALI) Says:

الى ولاء

ان الاوان علشان ننظر يا ولاء
واشواك القنفد دايما حماية ليه وحفاظ على الكيان

العلم والمعرفة اشواك
اليقين الايمان اشواك
الرضا الطموح اشواك

ربنا يعينك ويهب لك ما تستحقى من اشواك
تدافعين بها عن اصلك ومعدنك الطيب

تقديرى الكامل