لبن الحياه

, الأحد، 10 أكتوبر 2010


مشروبات ساخنه لذيذه... طريقة عمل قرفه باللبن





المقادير:

- 4 ملاعق كبيرة من مسحوق القرفة
- 4 أكواب ماء
- 8 ملاعق كبيرة حليب مجفف
- ملعقتان صغيرتان فانيليا
- سكر أو عسل أبيض للتحلية حسب الرغبة

الطريقة :
تذاب القرفة مع الماء وتوضع على النار حتى تغلي
، يخفف النار بعدما تبدأ رائحة القرفة في الظهور
، ويذاب الحليب في ربع كوب ماء بارد
ويضاف إلى الخليط الموجود على النار
ويحرك حتى يتجانس الخليط تماماً ثم يضاف إليه الفانيليا 
، ثم يصب في الأكواب ، ويحلى بالسكر أو العسل حسب الرغبة .

*************************************************
مشروبى من  كام يوم كده
 كان
 قرفة باللبن
وكلما تأملت الكوب اثناء انسياب
القرفة فى طيات اللبن مخترقة كل الحدود بدون حواجز
استغربت لما لم يبنى اللبن تلك المصدات التى تمنع
اختراقه بهذا الشكل
************
القرفة على الرغم من ضألة  اجزائها
سرت مثل سريان موكب الرئاسة تتفتت امامها كل الموانع
هالنى ذلك المنظر و اشفقت على اللبن
 واظنه  لو تكلم
لهاجنى وتلفظ الكثير من هجاء الكلام
ف بيدى انا هاتين وضعت  القرفة
فلوثت معالمه البيض
وتملكنى هذا الشعور طول الليل واحسست انى مذنب
******************
وعادت لى الذاكرة
حين كنت اطلب اللبن من امى
صافى اللون غير مضاف اليه اى شيىء
وتقول لى يا انسان انت محتاج نجيب عندنا هنا
بقرة مخصصة لك
فأضحك  وابتسم يا امى لما نلوث اللبن بأشياء اخرى
فيكفى متعته حين تشربيه بنقائه
فقالت تلك اذواق وتوابل نحتاج اليها فى الحياه
فأقول هناك اشياء
 يا امى
لا يجب الاقتراب منها ومن قيمتها وشفافيتها
وهكذا كانت تستمر تلك المناظرة الكلامية
*********************
الى ان تغير الحال وتبدل ووصلنا الى الايام العجاف
و كأنى كنت اختزن نصيبى من اللبن فى السابق
لأنى لا اعلم الغيب الذى اصبح فيه اللبن
 علامة وراية من علامات الغنى الفاحش
************
وضغط عليا هذا الاحساس بالذنب والمعاقبة
 فقررت ان اقص على امى
وقولت يا امى انى اشرب حاليا قرفة باللبن
فوجدتها قد ادرت وجهها تجاهى
 وقالت وجالك عين تقرف اللبن يا ابنى
حتى حرام عليك
وهى كما يقولون ضحكاتها
طالت مباحث الامل العام فخفت عليها
فقولت يا امى انتى كده بتشاركى فى الجريمة
 واللبن هايبكى من حزنه على نفسه
******************
فقالت من زمن وانت لا تحب ان يختلط اللبن بأى شيىء
وهكذا يا ابنى حال بنى الانسان فى حياته
اللبن
 يمكن تصوره فى قيم جميلة نريد ان نحافظ عليها
والقرفة
شهوات النفس
الضالة الغير مهذبة التى توضع فى اى مكان
اللبن
 يمكن تصوره بجسدك وكرامته ونظافته واناقته
والقرفة
 الاهمال الذى يصرخ منه الجسد ويتألم
اللبن
هو تلك الحياه الرقية
  التى ان كانت ربوعها
الرضا والقناعة والطموح بالجهد والعمل
القرفة
 هى
اجتلاب الهموم والغرق فى اصطناع المشاكل والازمات
اللبن
هو الفطرة الطيبة ذات البصيرة والاستدلال الطيب
القرفة
 هى الخطوط
التى
نُزيف بها تلك الفطرة ونظن انها بهذا الشكل متطوره
اللبن
هو ذلك النور
من مساحة السماح
التى نعطيها لبعضنا فنتكاتف ونتعاون فى اخلاص
القرفة
 هى تلك الانا 
التى 
نظن بها اننا خلقنا للخلود  وغيرنا هم الخدم
اللبن
 هو ذلك الحماس
 الذى 
تراه وانت مقبل على الطاعات وغرس بذور الخير
القرفة
هى تلك الهواجس
التى
تريبك وتشككك فى ذاك وذاك فتعانى القلق
اللبن
 هو ذلك المعين والبئر
 الذى ان اقتربت منه 
نامت العيون فى اطمئان وامان الخالق
القرفة
 هى التفكير فى الامس وما بعد الامس
 وماذا سيكون غدا بدون النظر الى السماء وهداياها
اللبن
هم الاصدقاء والاقارب والاحباب
 يشاركون معك افراحك واحزانك كأنهم روحك وكيانك
القرفة
 هم الفرقاء المنافقين
ناقلى كل الشر بغرض الافساد والاختلاف
 اللبن
هو نضالك وتجولك فى ربوع الحق وتحقيقه
القرفة
 هم 
مثبطى الهمة وباعثى روح الكسل والهزيمة والانتكاس


هناك يا ولدى الوان ان تغيرت الوانها فقدت مدلولاتها
فمن تغير لون دمه كيف نصفه لونه
وان تغير لون البحر فماذا سيكون لونه

فأبتسمت وقولت
كلما يوم يا امى سأشرب القرفة مع اللبن و اجلس ها هنا بين يديكى
حتى احافظ مرة ثانية على لبن حياتى صافيا ولا يتعكر ابدا


وتبقى الصورة
استدلال طريق
يبحث عن عناوين
تجمع الاوصال
فيلتقى الكيان
اباء امهات
اصدقاء حكماء 
جيران
صفحات شروق
علامات اتزان
مراكب سير شراع
خير وامال حياه
بهم يتجمل اللبن ويتأنق
 فى ربوعهم يرقص ويُغرد 
ويهلل القلب ويسعد
وترى العيون تصمت
والعقول تغلق
من جمع
القاف والراء والفاء والهاء
فكان قرفة
لنبيل من النبلاء
من حقه ان يبتسم ويفرح 

و يبقى السؤال 
لما نظلم القرفة ؟
ونطارح فيها ذلك البعد السلبى 
لما لا نكون مثلها فى المنظورالخفى
  فبرغم نسائمها التى تذكر
كانت لها القدرة على احداث التغير 
وهنا يأتى الامل معقود الرايات 
لا تقل يوما ماذا سيضيف دورى 
فربما كنت انت تلك اللبنه 
التى يتلائم معها البناء ويتشكل فى اتساق 
فهما نظرت الى الجبل وشموخه 
تذكر انها كانت من الحصى يوما

47 Response to "لبن الحياه"

الازهرى Says:

أووووووووووووووووووول

الازهرى Says:

والرابع
تحية للبن بالقرفة

الازهرى Says:

أما الخامس

فلطريقة العمايل

الازهرى Says:

أماالسادس فللسؤا عن الصحة

الازهرى Says:

مصدات ايه بس يا عمنا

خليها على الله

الازهرى Says:

وتحية للست الوالد على توفيرها جميع المتطلبات الغذائية للانسان

الازهرى Says:

بس اياام عجاف ايه يا عمنا

انت بس دور وانت تلاقى
المهم ابعد عن المدينة وغنى لها

الخير لسه موجود فى الريف

الازهرى Says:

وصراحة متفق معاها على اعترااضها
على قرفان اللبن بالقرفة

الازهرى Says:

أما المعانى فأختلف معها

فالحياة للانسان ا يمكن ان تشبه اللبن فى شىء
فاللبن ان تعكر لم يصف أبدا
أما الحياة فتتعكر وتصفو ثم تتعكر من جديد لتصفو من جديد أيضا فالحياة ليست وتيرة واحدة
ولا يمكن لإنسان أن يقول وهو صادق أنه لم يكذب أو يغش فى لحظة من اللحظات
وقد قال رسولنا الكريم صلى الله عليه وسلم
كل بنى آدم خطاء

ثم عقب بما يمكن أن نمسح به كدر الحياة ونصفيها من جديد فقال

وخير الخطائين التوابون

الازهرى Says:

تيجى بقى للبن وتشبهه بحياتنا

الازهرى Says:

طيب إزاى ؟
وهو اللبن مضرب الأمثال فى النقاء

الازهرى Says:

أم بخصوص تعكي صصفو الحيا بالماضى واسترجاع الأمجاد فكارثة تانية

الازهرى Says:

كتير من الناس حاليا وخاصة الشباب للأسف
بيحبوا يبصوا للماضى ويفضلوا يعيطو عليه وتشوف الواحد منهم زى الحيطة ويقول لك
الله يرحم أيام زمان كان الخير كتير

الازهرى Says:

وتسأله حضرتك شغال إيه ؟
مش شغال
طيب دراستك إيه ؟
بتقدير ضعيف
طيب خبراتك فى الحياة العملية إيه ؟
صفر
طيب بتصوم بعد رمضان كام يوم ؟
ولا يعرف
طيب إنت اللى انت طلبت منه يرحم الأيام اللى فاتت ده وصال بإيهبخصوص العمل ؟
كالسابق

الازهرى Says:

يبقى بذمتك
مين اللى من حقه يزعل ؟
اللى بيترحم والا اللى بيترحم عليه ؟

الازهرى Says:

وكفايه ليه بس ؟
خلونا ناخد فرصتنا بقى

SHAPE YOUR LIFE (ABOALI) Says:

الاحتلال والرقم القياسى ده من اختصاصى

ولووووووووووووووووووووووووووووو

الازهرى Says:

ما علينا

خيرها فى غيرها

سلاااااااااااااااااااام

لـــولا وزهـــراء Says:

ابوعلى

ايه الاحتلال الرسمى من الازهرى على العموم سوف اكتفى بكومنت عادى جدا وكفايه احتلال واستيطان .....


لبن الحياه عنوان يحمل يداخله الكثير من المعانى التى قد تسقط افكارنا
انت عارف انى عمرى ما تذوقت القرفه باللبن بس ان شاء الله اجربها مره بطريقتك وممكن ابقى اخد معايا منها ترمس فى المكان اللى بالى بالك ...

على فكره هو الفنجان اللى فى الصوره شكله كده مش قرفه خالص مالص ده شكله كابشينو , ثم ايه فايدة الفانيليا فى المشروب ؟؟؟

انا بقى كنت باعشق اللبن مخلوط بأى شئ غير القرفه اختلفت عن استاذى شوفت الحسد هههههههههه

عجبنى الحوار القائم بينك وبين الوالده بارك الله فى عمرها ...

تفسيرك لمعنى اللبن فى الحياه اكتر من رائع
بصراحه انا كنت فكرت اشرب القرفه باللبن لكن بعد الجمله دى رجعت فى كلامى

اللبن هم الاصدقاء والاقارب والاحباب
يشاركون معك افراحك واحزانك كأنهم روحك وكيانك

القرفةهم الفرقاء المنافقين ناقلى كل الشر بغرض الافساد والاختلاف ....

الجمله دى كافيه انها تكرهنى فى القرفه وبلاش قرف اللبن ابن حلال طيوووووب واعصر على نفسى ليمون واشربه لوحده وممكن اخلط معاه شوية نسكافيه يبقى ميه ميه ...

اتمنى ان احافظ على لبن حياتى صافى بدون اية شوائب خارجيه ولكن ليس كل ما يتمناه المره يدركه لذلك سوف اجد فى كثير من الاحيان قرفه من هنا او شويه من هناك تدخل على لبن حياتى بس انا واقفه للقرفه بالمرصاد ...


-----------

الصوره التانيه تحفه بجد المركب معلش انى قولت كلمة تحفه لكن عن جد عندى لها تفسير التحفه هو كل شئ له قيمه ولا يقدره معظم الناس ولكن الذين يقدرونه هم بحق صفوه فى مجالهم ...

لا تعليق على الكلام اللى مكتوب مع صورة المركب لانه توقف الكلام ولا استطيع ان ارد عليه بأى حرف

تبقى لى جمله اخيره استمتعت هذه المره بقراءة البوست بكل حرف فيه واعدت قرائته عدة مرات وفى كل مره انبهر من هذا الاسلوب وادعو الله لك بالصحه والعافيه
ابقى فكرنى لما اخرج بعد ربع المده لك عندى 5 كيلو حليب

تحياتى وتقديرى ودعواتى


زهراء

MR.PRESIDENT Says:

ههههههههه
ازيكم يا رجاله

يا ريت الكل يرجع للفطرة كنا ارتحنا جامد
بس يالله
صوابعك مش زي بعضها .

لـــولا وزهـــراء Says:

ابوعلى

هنا انا قد عدت مره اخرى بعدما قرات الجزء الاخير تحت عنوان يبقى السؤال
على فكره القرفه دى مظلومه من اسمها اول ما تقولها تلاقى اللى يقولك بلاش قرف وده بيدل على اننا فى بعض الاحيان ناخد المظهر الخارجى لبعض الاشياء ولانهتم بروح الشئ او جماله الداخلى فلسفه خاصه شويه انت عارف بقى قعدى المكان اللى بالى بالك بتولد حاجات غريبه ههههههههههههههه

رغم ان القرفه مقارنه باللبن هى شئ ضعيف لكن بتقدر تغير من لونه وطعمه ورائحته ياترى ممكن احنا كمان بشوية مجهود بسيط نغير من طبية الاشياء التى نحيا فيها وبها
ممكن نتخذ القرفه مثل رغم انك ظلمتها شويه فى الاول بس رجعت فى كلامك وياترى مش ناوى ترجع فى باقى كلام وتشوف الناس اللى هتروح ورا الشمس بسبب المدونه وبسبب انهم بيتكملوا عمال على بطال ؟؟؟؟؟؟؟؟؟؟؟؟


زهراء

كلمات من نور Says:

طول البوست أقول أبو علي ظلم القرفة وبعدين لقيت تصريح منك فقلت لا خلاص هي صورة بلاغية وجبت هنا للتوضيح ......جزاك ربي كل خير

سمكه واحده Says:

جايه اقول اخبارتكم
عاملين ايه
والدنيا عامله معاكم ايه
بحب القرفه والزنجبيل
يارب تكون بخير
حبيت اسلم
وعاوزه كوبايه قرفه علي زنجبيل
ممكن؟

لـــولا وزهـــراء Says:

ايه بس الجمال ده ...

"هناك اشياء
يا امى
لا يجب الاقتراب منها ومن قيمتها وشفافيتها
وهكذا كانت تستمر تلك المناظرة الكلامية
"

اللبن هو الفطرة التي خلقت فينا فأن تلونت بصبغة التحضر المدعى فسينقرف لبن فطرتنا وطبيعتنا وتتغير حياتنا وتصبح لوناَ اخر غير الابيض ويتبدل لونها الناصع بلون غير صافِ...انا اول ما دخلت قولت معقوله!! وصفة من ابو علي!! لما كملت ضحكت وقلت هو ده ابو علي فيلسوف المدونيين:d"

لولا

الازهرى Says:

خيانة
تخلينى أمشى وتضيف جديد

فهما نظرت الى الجبل وشموخه
تذكر انها كانت من الحصى يوما

ليت الكل ينظر لنفسه ولدوره تلك النظرة
إذا لأختلف وضعنا كثيرا عن ما هو فيه

تحياتى وخالص مودتى

mahasen saber Says:

وعدت لاستجم فى واحة تعبيراتك الساحره يا ابو على

وكعادتك بمواضيع ساحره تجعل كل قرائها يقفوا وقفة صدق مع النفس والتفكير

مبسوطه قوى قوى انى اتشرفت بزيارة مدونتك وقرائة مواضيعك الجميله والابحار فى فكرك الرائع
يا اخونا العزيز

د. ياسر عمر عبد الفتاح Says:

من ساعة ما قرأت كلمة قرفة
وأنا مش قادر أقرأ

بس قلت معلش ,, كمل
ده برضه أبو علي حبيبك اللي قرايبه المهمين هيشغلوك في (روش)

بس أول ما جبت انت سيرة اللبن
قلت لا بقى مبدهاش

وقول لقرايبك لو على كده مش عاوز اشتغل في روش

لو أسترازينكا فول تايم ,, مفيش مانع :)

richardCatheart Says:

يا صباح القرفه

انا بممممممممممممممممموت فى القرفه بشربها باللبن بالرغم من كرهى للبن بس بحبه بالقرفه اوووووووى وبشربها بالجنزبيل هايله

اعز صدقاتى اسمها قرفه ههههههههه وكان هايحصل ضرب نار بس كويس انت صالحتها فى الاخر ههههه

عجبتنى اوى وصف القرفه بالقدره على التغير فعلا قد كده عندها القدره دى بلونها المميز واقتحمها وريحتها النفذه المميزه الجميله فى نفس الوقت

اعتقد زى ما الصفاء والنقاء بقى نادر القدره على الاقتحام والتغير نادرين كمان

احنا فى زمان مش لاقين فيه لبن ولا قرفه

تحياتى يا مبدع

ستيتة حسب الله الحمش Says:

الأزهري عمل احتلال انساني
القرفة
اللي كلنا عايشين فيها
وانساني التغيير
اللي بتعمله القرفة فينا واحنا مش واخدين بالنا
حقيقة تستطيع ان تمزج كلماتك بتورية تجعلني احب رائحة التوابل وارى انها تعطي للبن طعم رائع مثلما للبن وحده لون رائع
اهو التورية عندك قرفة
بس مش اي قرفة
قرفة للتغيير الحقيقي
تحياتي

SHAPE YOUR LIFE (ABOALI) Says:

الى الازهرى
يا مراحب يا مراحب
فكرتنى باءيام زمان يا ازهرى
يااااااااااااه كنا بنكتب مائة تعليق
عوووووووووووووودة حميدة
ولازالت الارقام صامدة
ولكن المدونة ترحب بالاجتهاد
نلتقى بعد فااااااااااصل

SHAPE YOUR LIFE (ABOALI) Says:

الى الازهرى
عودة بعد الفاصل
ليك وحشة يا ازهرى صدقا
قريت يا ازهرى شكلك باءستعجال شوية وكنت شارب يا عم كيلو لبن وانت بعيد عن اطراف القاهرة والخير ماشاء الله
وده نق وحسد وقر لعلمك يعنى

*************
لم اشبه الحياه باللبن
ولكنى شبهت نقاط معنية مثل القيم والصالحين والاصدقاء والحكماء وهكذا
فهم معين كامل لنا يتسم بالصفاء والارتقاء
نعم الحياه تتعكر وتصفو ولكن بيد من ؟
ان قابلت مشاكل الحياه على انها تحديات واختبار من الله عز وجل كانت لك لبن وعسل مصفى
وان قابلتها على انها ذل واذلالال وضيق
كانت الحياه سجن به كل السلبيات
اذن طريقة استقبال الانسان لما يقابله فى حياته اساسية فى معرفة ما سوف يفعله


اتفق معك فى اننا نخطء ونتوب وهكذا
ولكن الاصل ليس هو استمراية الخطء ولكن الخطء هو الاستثناء

فالحياه هى ارضك ان زرعت فيها الشوك جنيت الشوك وان زرعت فيها الياسمين جنيت الياسمين وهكذا
************
الشبااااااااااااااااااب
ليهم ربنا لان المخ تقريبا وقع ولم يستدل عليه
وده موضوع كبير

**************

ماشاء الله المرة دى خدت فرصتك فى التعليقات

وباعتبار المدونة من المدونات المهجورة
فقد سعدت باحتلالك اهو خلى الكلام يحس انه حد بيقرئه

استمر على ذلك يمكن توصل فى يوم من الايام

كل التقدير لتلك المشاركة التى اسعدتنى
جداااااااااااااا

SHAPE YOUR LIFE (ABOALI) Says:

الى زهراء

هههههههههههههه
جه اليوم اللى تجربى فيه القرفة
بس دور الفانلية انها تهون على اللبن ما سيحدث له من القرف

*******
الحفاظ على لبن الحياه مهم فبه تتسق معانيكى فى الحياه وتتاءلف وتشعرى بتلك الموسيقة الداخلية وقد نالت قسط من الراحة والاطمئنان
ربنا يقويكى على استمرارية المحافظة
وده لن ياءتى الا بمحافظتك على البان غيرك
************

على فكرة لم اشرب القرفة مع اللبن الا مرات قليلة
ولكنى لما جربتها استحسنت مذاقها
ولكن بالفعل كنت انظر بنظرة غريبة اثناء شرب هذا المشروب وكيف تغلل بين ثنايا اللبن
******
مادام العملية فيها 5 كيلو لبن وقولى كمان 10 بكاتات قرفه

يبقى يا بنتى سمااااااااااااااح
ونسحب البلاغ المقدم ضد مدونة الحب اتجمعنا لتعديها على الامل العام ومحاولتها قلب نظام الحكم واستقراره
من خلال بث حالة من الذعر السياسى من خلال رسائل مفقودة تشجع على نزع استقرار هذا الوطن

ولكن المساااااااامح كريم واللبن الدسم يدعم هذا السماح

وتقديرى لهذا التعمق الفكرى الراقى لانسان باحث عن الرقى

SHAPE YOUR LIFE (ABOALI) Says:

الى الريس
ههههههههههههههه
خلى صوابعك زاى بعضها يا ريس وبلاش ظلم
شوف الصوباع اللى زيادة منه حتة
وظبطه عن الجزار وخليك عااااااااااادل يا ريس

الله معاك ومعاك فطرتنا انت الاساس وفطيرتك اساسنا

تقديرى ياااااانسان فطرى

SHAPE YOUR LIFE (ABOALI) Says:

الى زهراء
فى التعليق الاضااااااافى

يا مراحب يا مراحب
حمدا لله على السلامة وعلى الخروج
ياااااااااااااه يادى النور والبشاشة

بعدما ظلمنا القرفة ان الاوان علشان ناخد منها الحكمة وتقول اللى قادر يعمل زايى يعمل
وفعلا عندك حق عند الاخذ بالمظهر يحدث الخداع ولابد من التحقق والتحليل
الله على الفلسفة النورانية يا استاذ انت

وقد تقدم اكثر من مائة عضو بطلب للعفو وقررنا سحب البلاغ بعد تقديم تلك الرشوة الحلال البلال المحلاه بالكنافة بالمانجو مع حبة مكسرات
علشان الشيىء لزوم الشىء
وربنا يجعل بيوت المصرين عمار
يعملوا ايه الغلابة اللى زينا
ياخدوا اكيد حقوقهم من الاغنيا

ولالالالالالالالالالالالالالالالالايه

المدونة تتشرف بالزهراء دائما

SHAPE YOUR LIFE (ABOALI) Says:

الى كلمات من نور

ههههههههههههههههههههههههه
القرفة مش مظلومة القرفة نصير شعب
القرفة مش مظلومة القرفة فقير الشعب
القرفة مش مظلومة القرفة قوت الشعب
القرفة مش مظلومة القرفة ثورة شعب
القرفة مش مظلومة القرفة وطن يحتاج مواطن

يااااااااااا انسان لك كل التقديرات
لحرصك على نصر القرفة
وقريبا جمعية القرفة الشعبية لمساندة انتخابات مجلس الشعب

SHAPE YOUR LIFE (ABOALI) Says:

الى سمووووووكة

هههههههههههههه الناس اللى جاية تثبت وجود دى وتشرب على ببلاش

حتى السمك ماشاء الله طول حياته شارب
هايطمع بقى
كده مش حلو للناس القمر اللى بنحبها بس بقى نعمل ايه فيهم
بقوا قااااااااسين
بس من العيون وعين العين
نقدم ليهم كل تشتهيه قلوبهم و احنا راضين

وحشااااااااااانا كتير يا انسانه

SHAPE YOUR LIFE (ABOALI) Says:

الى لولا

ياااااااااااا مسا الورد
ازيك يا لولا
ليكى طلة والله
اتمنى تكونى فى اطمئان وهدوء انسان راقى لانسان سامى

فلفسة ايه بس دى يا باشا
الجميل هو من يرى الجميل فى عينه
والراقى هو من يصنع الجميل فى عين غيره

فلك كل التحية صانعة ورائعة

SHAPE YOUR LIFE (ABOALI) Says:

الى حبيب قلبى ازهريكو

كيفك يا انسان
فعلا يا ازهرى لو نظرت نظرة موضوعية لوجدت نفسك ملك متوج

على العموم هانعتمد عليك تمدنا باللبن يا غالى
علشان المصادر اللى هنا الحكومة سحبتها علشان الانتخابات

شارك باللبن يتشارك معك العسل
وربنا يجعل بيتك عامر

SHAPE YOUR LIFE (ABOALI) Says:

الى الغالية جداااااااااا
استاذة محاسن صابر

ده يوم تاريخى يا فندم
يااااااااااااه مرحب بيكى بجد واتمنى ان تكونى فى خير حياه وابنك الغالى فى اتم صحة
وربنا يرزقك بكل ما يقر به عينك وتضيفى لنفسك ولغيرك ويجعلك من الاخيار

من يقرء بعين الحكيم لابد ان يكون مثلك فى الحكم على غيره
وهبك الله حسن الفهم والادراك

اللهم امين

اتمنى ان اطمئن عليكى دوما

تقديرى البالغ

SHAPE YOUR LIFE (ABOALI) Says:

الى ياسر

ههههههههههههه
استرا مين يا حبيب الروح
عيب عيب
ده حتى القنوات اللى عليه مش تمام اووووووووووى

اصبر انت بس
وفيه شركة شوبيس الفرص فيها كتير

بس اشترى شبسيكو مضلع علشان الانتر فيو

قووووووووى جدا بقوة عشرة اقراص

ولالالالالالالالالالالالالالاايه

مشرفنى يا انسان راقى

SHAPE YOUR LIFE (ABOALI) Says:

الى قلب قطة

يااااااا باشا انت يا مشجع المشروبات الروحية التى تعطى الاريج القرفى معناه الحقيقى فى زمن العولمة

بس اوعى تقول كده ياباشا
طول ما فيه ناس بتفكر هايبقى اللبن موجود والقرفة موجودة والوطن بين الاثنين

وان شاء الله سندعو السادة المسئولين حتى يتم توفير اللبن والقرفة باءسعار فى متناول الشعب
تعويضا عن غلاء الطماطم

وربنا يصبرنا
على القرفة الكبيرة المباركة المبروكة

وربنا يجعله عاااااااااامر
يااااا انسانة راقية جدا بدرجة فنان

SHAPE YOUR LIFE (ABOALI) Says:

الى الفاضلة دكتورة ستيته

فعلا معاكى حق قرفة للتغير الحقيقى بعيد عن مظهريات الاقوال والتبارى فى استخدام مفردات اللغة

وان حدثت التورية فعلى العقلاء الادراك
اننا من نغير بدل ان يفرض علينا احد التغير

اسعد بمرورك فهو يعطى لما كتبت رونق خاص
لانه يستنبط ما بين السطور
ربنا يهبك كل الخير ويهب الخير كله لك

بس حبة فكة كده لاخوانك الصغنانين

ولالالالالالالالالالالالاايه

تقديرى الكامل

Dr/ walaa salah Says:

تشبيه جميل اوي يا ابو علي

للاسف هذه الايام كثرت القرفه التي تشوهه ملامح وصفاء اللين في حياتنا

وللاسف الكثير منها يتعمد ان يشوه لبن حياته بقليل من القرفه


توبيك جميل


تقبل زيارتي