طشة طريق

, الأربعاء، 6 أكتوبر، 2010




 ماشى فى الطريق 
شوفت ورديتن  قولت الله
 ضربت فى عقلى كلمات جمل عبارات
الحان الوان
 قالت معانى

اول طشه

 كانت كلمتين
(الحلم بيحلم)
اول لما قريت وسمعت كده وبصيت
 قولت فى نفسى
حتى الحلم بيحلم وبيسرق احلامنا
ولا من كثرة الاحلام هو حلم ونام

تانى طشه

كانت عبارة عن
قصة
بتحكى عن انسان
انسان
 كان ماشى ورا  الوطن
 فضربه بالقلم
  فبكى من الالم
وعلى حضن ابوه اشتكى
قاله يا ابنى
 القلم
 علمى نور ضياء
 محتاج
 صبر حماس يقين
ليه البكى
 ليه الالم
قال
شوفت كتير حواليا بالقلم ماسكين
حيارى فى الصحارى حيرانين
لقمة العيش ليها ظمأنين
والناس بتقول عليهم  دول علماء طيبين
ابتسم الاب وكان حنون
يا ابنى ان الهرم كان مقلوب سنين
ساعة الجد
العلم حارس امين
ان عجبك كثرة الجهلاء السكرانين
بلاش تكون واحد منهم وكون انت معين

ثالث طشه

كانت عبارة ليها امارة
(وش القهوة بقاله كتير مضحكش فى وشى)
قولت عطول البسمة بقت غالية علينا
 وبقت ضحكة صفرا
خارجه  من افواه فرشة الاسنان غاليه عليها
لو القلوب كانت صافية كانت ريحة النفوس طلة علينا
معلش يا قهوتى السكر مش مظبوط والبن كان محروق
والوش للبسمة مكبوت بكرة فجر جديد والرزاق كريم
يكرمنا ببسمة تملى عينينا

رابع طشة

( كلمة خيال )
اول لما شوفت الكلمة حسيت برهبة
قولت فى نفسى
ويبقى الانسان خيال
تطويه الارض بمرور الايام
فمن احسن الى خياله
احسنت اليه الازمان
ومن اساء اليه التف حوله اللئام
فأنت يا انسان فى الارض خيال
وفى جنات ربك فارس خيال
فألتمس فى دنياك
حلو الذكرى
تبتسم  لك  الحياه الاخرى

12 Response to "طشة طريق"

كلمات من نور Says:

(وش القهوة بقاله كتير مضحكش فى وشى)
قولت عطول البسمة بقت غالية علينا
وبقت ضحكة صفرا
=========================

يا له من تعبير .بجد عجبني ومزجني كأني شربت كوبين قهوة حالا دلوقتي (:

SHAPE YOUR LIFE (ABOALI) Says:

الى كلمات من نور

ابسط يا باشا وفرنا عليك علشان تتفرغ للطماطم واللحم البتلو

ولالالالالالالالالالالالالالالالالالالاايه

كل التقدير

لـــولا وزهـــراء Says:

أبو على

انا هنا ورجع من تانى واطمن شكلى لسه ليا مكان معاكم فى عالم التدوين وشكلى لسه هارغى كتير فى مدونتك ...

طشة طريق ههههههههههه افتكرت طشة الملوخيه مثلا والشهقه والتراث الجميل اللى مش موجود فى اى طريق يوه اقصد مش موجود فى اى مكان

الوان الصوره تحفه وطبعا تعبر عن شخص حساس وفاهم ومثقف اوعى تفتكر انى باقول الكلام ده على سبيل انك استاذى نوووووووووووو ده كلام بجد وحق وحقيقى

الحلم ياااااه كلمه جميله رغن قلة حروفها لكنها تحمل بين طياتها الامل فى حياه افضل تحمل الغد الذى ندعو الله ان يحمل معه خير كثير وامل وفيييير

ربنا يحقق كلنا احلامنا ياااااااارب

انتبهت الى هذه الجمله " ان عجبك كثرة الجهلاء السكرانين "
فعلا هما اكتر بكتير من كل التوقعات اصبح الجهلاء يملكون زمام الامور فى كثير وكثير من الاشياء وربنا يستر من القادم ولكن لازلت باحلم بيوم جميل سوف يعوضان فيه الله عن كل ما شاهدناه فى حياتنا من تحكم الجهلاء فى كل امورنا ...

انا باعشق القهوه مش مهم تكون مضبوطه قوى ومش مهم يكون لها وش الاهم من كل ده الوش اللى بتشرب معاه القهوه او الوش اللى بيقدمها لك ده اهم من اى وش وياسلاااااااااام لو الوش يكون عليه بسمة امل فى بكره ...

كل انسان فينا ما هو غير خيال فى الحياه خيال لاحلامه ولافكاره خيال يراه الاخرين وهو فى هذه الحياه مجرد خيال لكثير من الاشياء
ندعو الله ان نكون خيال يحمل الخير للجميع ....

بوست رائع تسلم الايادى وتسلم لنا فلسفتك التى تحمل عمق فى التفكير

لازلت اتحدث من خلف جدران شقتنا لحين اشعار اخر ربنا يستر من المدونه ومن صاحبها

زهراء

نـــــــــــــور Says:

جيت اسلم عليك واقولك وحشنى كلامك :)
اللوك الجديد للبلوج هايل وعشان كده بهديلك الأغنية دى
http://www.youtube.com/watch?v=Pgdy3TeYDkY&feature=player_embedded
متأكدة إنها هتعجبك
:)

د. ياسر عمر عبد الفتاح Says:

طشة طريق

لا جديدة دي


بقولك إيه يا عمنا
هوه إنت بطلت تزورني ليه؟
ولا بتسأل فيا ولو بألو

مش هقولكم هات تراموندين متقلقش
بس لو جبت ,, مش هقولك لا برضه :)

MR.PRESIDENT Says:

طشاتك بجد جامد جدا
انار الله لك دربك واكثر من طشاتك وطشاتنا قادر يا كريم :)

تحياتي لكي وخصوصا حلم بيحلم

Dr/ walaa salah Says:

(وش القهوة بقاله كتير مضحكش فى وشى)

جمله جميله اوي

مش عارفه ليه لما قريتها عينيا دمعت لاني حسيت بحزن كبير اوي فيها


جميله طشاتك وجميله مدونتك


في انتظار جديدك

SHAPE YOUR LIFE (ABOALI) Says:

الى زهراء
رائع ذلك الاسقاط الذى شعرت به من خلال تعليقك
لان من يربط الاحداث ويعيد اسقاطها على الحياه بالتاءكيد نظر نظرة واعية
فلك التحية عليها اولا

الصورة للتفاؤل كما ذكرتى وشعرتى

الحلم بالفعل قاطرة تقود المسار اذا احسنا رؤية احلامنا واعادنا ترتيبها

ليا تحفظ على موضوع انتظار فرج الله ودحره هو افعال الجهلاء
احنا لينا دور وكبير كمان ولازلنا قادرين على صنع هذا الدور مع توفيق ربنا اكيد

رؤية خاصة بيكى موضوع القهوة ده
بس تصدقى ممتعة
وجميلة برضوا


اما عن الخيال

فهذا موضوع كبير ساءفرد له بوست خاص

امتعتينى من خلال تجولك فى معطيات البوست يا زهراء بجد
وساعات كتيرة اقول ماشاء الله ربنا يزيدك كل فهم وخير وقرب منه وسعادة فى الدراين

وخلى بالك كل ده جه من البلاغ المقدم
فقد حث فيكى همم ماشاء الله عليها

وعسى ان تكرهوا شيىء وهو خير لكم

ولالالالالالالالالالالالالالالاايه

المراقبه مستمرة

SHAPE YOUR LIFE (ABOALI) Says:

الى نور
الصديقة التى تحن اليها الكلمات

اشكرك جدا على تلك الاغنية فى الرابط
ممتعة جدا فى الوصف والكلمات واللحن اكثر واكثر

ربنا يهبك الثبات واليقين وحسن التدبر فى كل شيىء

تقديرى الكامل لشخصك الكريم

SHAPE YOUR LIFE (ABOALI) Says:

الى ياسر عبد الفتاح

ايون يا معنمى ايون
البراشيم مصبرة فى القاع ومنتظرة الاذن يا معنم
اوعى تنسى المعياد فى ومضات
جنب الشعراء

شرفتنى يا انسان ذو قوافى

SHAPE YOUR LIFE (ABOALI) Says:

الى الريس
فعلا حلم بيحلم يا ريس
ان ربنا يقشع عنا ظلام القلوب وظلام بنى البشر

ادعى كده يمكن دعواتك يكون فيها توصية

اميييييييييييييييييييين

تقديرى لتواجدك الفاهم الواثق

SHAPE YOUR LIFE (ABOALI) Says:

الى ولاء

يا مراحب يا مراحب
خلى بالك المدونة فيها مغناطيس بتمسك لوحدها الناس الافاضل وتسئل عليهم بعد كده

فلا تحرمينا من زيارتك المتتالية

وفعلا العبارة مؤثرة
بس ان شاء الله فيها بسمه برة لان من قرئها ذو وجه صبوح مبتسم

ولالالالالالالالالالالالالاايه

تقديرى الكامل