فنار الحب

, الاثنين، 25 أكتوبر 2010



مسكت القلم
جريت ورا صفحتى
كتبت حروف حب
طلع من الصفحة قلب
احمر جريح بيحب
ضمادة على اليمين
رافع رايات حنين
وقع منى القلم واتألم
طارت  الصفحة  بعيد بعيد
روحى فرت رياح رياح
بساط ممدود مد إيد
مسك صفحتى  لهفة وشوق
حضن راسم احضان
انت انت حبيب عمرى
فيك عايش هوى نفسى
شط عذب  عينك شطئان
رموش العين
 مراكب تجديف
فنار بحرك  دليل برهان
انام اصحى  اقول بحبك
ابص لفوق جفان حارسة
تهمس همسة وهمسة
لمسة تنادى بسمة
لؤلؤه انتى ياسمينه
المرسى هنا والمينا
ضحكة جميلة  لوحة سما راقيه
دى صفحة حبيبى فيها عنوانى
اوامرعُليا صادرة
انا ليه مهاجرة
يا رياح المحبين
الزهور بتنادى
الرحيق سكن وجدانى
والحبيب  دق بابى
اه
الصفحة فيها قلبه
جريح
وانا الدوا
وهو انسانى
يا سادة يا كرام
ليه قاعدين
يلا
بسرعة 
نقرا
الفاتحة
بسْمِ اللَّـهِ الرَّحْمَـٰنِ الرَّحِيمِ ﴿١﴾
الْحَمْدُ لِلَّـهِ رَبِّ الْعَالَمِينَ ﴿٢﴾
الرَّحْمَـٰنِ الرَّحِيمِ ﴿٣﴾
مَالِكِ يَوْمِ الدِّينِ ﴿٤﴾ 
إِيَّاكَ نَعْبُدُ وَإِيَّاكَ نَسْتَعِينُ ﴿٥﴾
اهْدِنَا الصِّرَاطَ الْمُسْتَقِيمَ ﴿٦﴾
صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ﴿٧﴾
ـــــــــــــــــــــــــــــــــ
 اميييييييييييين
ــــــــــــــ
 ****************
وسيعود الحبيب يوما"ما 








11 Response to "فنار الحب"

لـــولا وزهـــراء Says:

ابوعلى

اول تعليق يعنى استيطاااااااااااااااان وبما انك بغلت عنى لتانى مره على التوالى يوووه اقصد على التوازى يبقى هتشوف الاستيطان شكله ايه


زهراء

لـــولا وزهـــراء Says:

ابوعلى

بهرنى عنوان البوست فنار الحب
وبما انى من سكانى الاسكندريه وهى مدينه ساحليه فاعرف فايدة الفنار الذى يهدى السفن وينير لهم الطريق ليلا كى لا يضلوا الطريق ...
ياترى ايه علاقة الفنار بالحب هذا ما سوف اعرفه عند قراءة البوست ...

صورة القلب اللى خارج من خلف الصفحه حلوه اوى واول مره اشوفها كمان بس ياترى معنها اييييييه ؟؟

يمكن الحب متوارى خلف الكلام الذى ايضا يحمل كلمة انا احبك بس بالانجليش هههههههه الواحد لسه فاكر انجليش من ايام المدرسه

فاصل ومن بعده نواصل ان شاء الله

انا لسه مش قرات البوست

زهراء

لـــولا وزهـــراء Says:

ابوعلى

-*-*-*

لما قرات البوست فهمت معنى العنوان وكمان فهمت الصوره اوى اوى
تصدق انا مش شوفت منظر الضماده غير لما قرأت البوست
القلب مجروح بس بيحاول جرحه يلم ويمكن جرحه مش باين على لكل الناس ولانك حد حاسس عرفت تشوف الجرح ...
حتى القلم اتألم لما شاف القلب مجروح يااااااااااه ده قلم حساس بيحس بالناس رغم انه جماد ورغم ان فى ناش بمشاعر واحاسيس لكن مش بيحسوا زى قلم ابوعلى ...

ياترى هنقرا الفاتحه على مين بالضبط
على القلب اللى اتجرح ...

او على انه صادف حب جديد والفاتحه تكون فاتحة خير ان الحب ده يدواى الجرح القديم ...

او على الحبيب اللى رحل وساب قلب مجروح من وراه ....

انت حلو اوى فى الرومانسى استمر يا استاذى وابعد عن السياسى وعن الكوسه اللى شكلى هتكوس بسببها اوى اوى

دام قلمك حساس
دمت تحمل مشاعر راقيه

بارك الله فيك ووهبك الخير من حيث لا تحتسب


زهراء

كلمات من نور Says:

أبو علي : فين الحمدلله رب العالمين في الفاتحة؟

سورة الفاتحة
بِسْمِ اللَّـهِ الرَّحْمَـٰنِ الرَّحِيمِ ﴿١﴾ الْحَمْدُ لِلَّـهِ رَبِّ الْعَالَمِينَ ﴿٢﴾ الرَّحْمَـٰنِ الرَّحِيمِ ﴿٣﴾ مَالِكِ يَوْمِ الدِّينِ ﴿٤﴾ إِيَّاكَ نَعْبُدُ وَإِيَّاكَ نَسْتَعِينُ ﴿٥﴾ اهْدِنَا الصِّرَاطَ الْمُسْتَقِيمَ ﴿٦﴾ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ﴿٧﴾

http://tanzil.info

ربي يعافي قلبك الأخضر من كل الأحزان

ماما أمولة Says:

ابو علي
مع انك مقاطعني لكن انا مقدرش
تدوينتك رائعة

فنار الحب وهل للفنار أن يطلع على قلوب الأحبة وهل لحارس الفنار أن يمنع اصطدام القلوب وغرقها في بحر الحب
ليته يفعل
من وحي تدوينك تكتب تدوينات وتدوينات

رائعة حقا
سلمك الله أخي الغالي

SHAPE YOUR LIFE (ABOALI) Says:

الى زهراء
احتلالالالالالالالالالالالالالالالال واستطيان
دى جرائم يعاقب عليها القانون
ومفاااااااااااوضات بقى للافراج
ودفع كفاله
وكنافة مانجو
ولبن

ياااااااااااااااااااه الديون زادت عليك يا انسان

بس تصدق بالله
قوووووووووووووول لا اله الا الله
انت دايما مشرفنى ومنورانى ورافع معنوياتى

SHAPE YOUR LIFE (ABOALI) Says:

الى زهراء اللقطةالثانية

فعلا العنوان جميل تصدقى
اى حب بنتمنى ونحلم انى يكون ليه فنار
كلما خبى او احتاج لانوار وجد الفنار له دليل

بس شكلك محلل فنى مميز ياااااااااا استاذ

روح الهى ربنا













يرزقك الخير

SHAPE YOUR LIFE (ABOALI) Says:

الى زهراء
اعجبنى تحليك جدا وشعرت انه مميز عن كل مرة
لانى احتوى المعانى فى صورتين وهما بالفعل كذلك
وكمان احساسك بالصورة كان عالى مع تفسير الكلام
وده نتيجه تعمقك الراقى المتمحص فى الكلمات
كثيرون لا يستطيع فعل هذا التحليل يا زهراء
لذا قليلون من تتنسم المدونة بوجودهم هاهنا وتفتقدهم حين الرحيل

لك كل طاقات من الياسمين
وطاقات هى الكلمة المناسبة والاصح من باقات

ولك كل التقدير

SHAPE YOUR LIFE (ABOALI) Says:

الى كلمات من نور

هههههههههههههههههه
ياااااااااااااااااااااااه
الفاااااااااااتحة

نسئل الله الغفران يا ست الكل
وربنا يبارك فى نورك ويصبح فنار للجميع
يضىء ويهدى

تقديرى لانسان

SHAPE YOUR LIFE (ABOALI) Says:

الى الفاضلة ماما امولة

اممممممممممممممم
انتى عارفة اد ايه حضرتك من الغاليين
واول من رفع معنوياتى

ولكنى شعرت ان مدونتى كانت ثقيلة نسبيا"
خلال الفترة السابقة
فعذورينى فى ذلك وان الموضوعات لم تكن مناسبة
لارق الناس

واعتذر بالفعل انى لم اتابع حضرتك
ولكن الناس التى فى القلوب دائما
لا نستطيع ان ننساها

رايك فى التدونية وسام
من انسان اقدره وله ثقله الفكرى

سسسسسسسسسسسسسسسلامى للعائلة الكريمة
ولعلم سيادتكم
اتابع الشكل الراقى الجديد لمدونة حضرتك
وصاحبتها ذات الوجه النورانى


تقديرى

Dr/ walaa salah Says:

مسكت القلم
جريت ورا صفحتى
كتبت حروف حب
طلع من الصفحة قلب
احمر جريح بيحب

جميل اوي الجزء ده يا ابو علي


كلماتك سهله وجميله


مشكووووووووور