مايوه الكلام

, الثلاثاء، 5 أكتوبر، 2010


سئلت عن ابويا
قالوا موجود
بين طيات البحر
تايه
سكران
استغربت القول والمعنى
اللى نقلته الافهام
جريت عليه
لقيت البحر ليه سكن
تأمل تأملات
ليه عطشان
حضنته وخدنى بين ايديه فرحان
قالى
مالك مهموم زعلان
قلت الناس يا ابويا
كلامهم  قاسى حمم بركان
ابتسسسسسسسسسسسسسسسسم
قال يا  ابنى
ده حال الثقلان
الانس والجان
لما تكون حزين حيران
تعالى هنا
بحر بحور امان
البس لبس الغوص
انزل هات
لؤلؤ ياقوت مرجان
وصفى فؤادك
وابعد
عن سمك القرش والثعبان
اشحن بيهم كيانك 
وعوووووود
وشك هاينور ضياء مكتوب
ولما تقول القول والكلام
قول الحق
ناصح مفهوم بيان
بس اقولك نصحية لنفسك
غلف كلامك باللين والرفق
وحلو اللفظ خليه كهرمان
يحتار فيك بنى البشر
وبين ايدك السهم ينكسر
والراحة تكون طريق
 مرسوم احساس
والاريج
فل ياسمين ريحان
 اساس
****************
نظرت ليه
وعمقه جوايا
قولت يا ابويا
الرسالة معايا
صوت الحق ان كان عالى
وضوح الشمس  صولجان
خلى معاك
مااااااااااااايوه
للكلام
وان كنت ناصح
 كمان وكمان
 دقق شوية
خليه بكينى ظاهر عيان
الناس هايكونوا حولك
نظرات تأملات
وانت
 ملك  
 بينهم
ساحر الزمان
ايه رايك يا والدى
مش حلو الكلام ؟
ضحك
والبسمة كانت راسمة
قال
هو ده ولدى
ما شاء الله
سبحان سبحان

8 Response to "مايوه الكلام"

غير معرف Says:

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

كلمات من نور Says:

جدتي الله يرحمها كانت تقول : الملافظ سعد

وفعلا الكلمة كالشجرة الطيبة والشجرة الخبيثة ....زربي يجعلنا دوما من أصحاب الكلام الطيب يا أبو علي

RIGHTLYANNY Says:

ازيك ابو على
الله ع النصايح الغاليه
بس المشكله ان كتير مننامتخيل انه بصوته العالى هيغلب ف اى حوار مش بالهدوء...
كمان معلش لازم نظره الناس للشخص المتفاهم لانهم بيظنو انه ضعيف احنا مجتمعنا كده اليومين دول يقولك لازم تاخد حقك بدراعك والذوق مش بينفع ف زمنا ده
ربنا يخليك ياابو على
جزاك الله اخى كل الخير

لـــولا وزهـــراء Says:

ابوعلى

ايه البوستات الجامده اخر حاجه دى
مايوه الحياه هههههههه ده على اساس انك عرفت انى امبارح كنت على البحر بس والله كان بالليل ومافيش اى مايوهات خالص مالص ......

اتعملت من حياتى اللى فاتت واللى بدات من يوم ما قدمت فيا البلاغ اللى بالى بالك ان كلام الناس لا بيقدم ولا بياخر وكمان اتعملت ان اسهل طريقه لكى تسعد الناس هو ان تتركهم فى حالهم ومنذ فتره ليست بقليله تعلمت ان الكلمة نور وبعض الكلمات قبور دخول الجنه فى كلمه ودخول الجنه فى كلمه ..

مالنا احنا ومال الناس اللى كلامهم دبش ربنا يكفينا شرهم ويبعدنا عنهم ويبعدهم عنا
ربنا يجعل الناس اللى كلامها كويس هما بس اللى فى طريقنا وكمان الناس اللى كلامها عسل وسكر وسيبك بقى من الناس التانيه

تحدثك من بيتها وربنا يستر المره الجايه هتتكتب لك من فين ؟؟

زهراء

SHAPE YOUR LIFE (ABOALI) Says:

الى غير معرف

مصر انا وانت يد فى يد نتكلم عن عدد من اثرنا فيهم ويبنون الان الوطن

تقديرى

SHAPE YOUR LIFE (ABOALI) Says:

الى كلمات من نور

فعلا كما قولتى الكلمات حروف تعبر عن ما يحوية الاناء

لك كل التقدير
وربنا يهبنا حسن الادراك وحسن القول

SHAPE YOUR LIFE (ABOALI) Says:

الى RIGHTLYANNY

تشكرات يا فندم على الكلام الجميل
وان شاء الله الناس تتغير لو شافت انى فيه ناس لسه عاقلين وبالمخ ماشين

تقديرى المستمر لشخصك الكريم

SHAPE YOUR LIFE (ABOALI) Says:

الى زهراء

يااااااااااااااااه سلامات سلامات
وكل رايات تساند سعادتكم

ثم اما بعد
عندك حق جدا
الكلام الدبش لو قابله كلام لين وفى رفق
هانوقف ناس كتير عند حدها فلا يحدث تمادى
لان الفجوة التى نحن فيها من الغلظة
اتت من التساهل الذى تم وانجرفانا مع الكثيرين فى نفس لغة حوارهم
فاءن تمسك البعض بالجميل من المعنى
لادرك السفهاء ان الكلام الفج ليس له مكان من الاعراب

المدونة تشكر تواجدك المثمر الذى يضيف اليها بالفعل رونق وروح من التفاعل واستنباط الراقى من الفكر

تقديرى العميق