فى الزريبة

, الجمعة، 22 أكتوبر 2010



اعرف صديق أدخل طفله مدرسة
 يقول عنها
انها من المدارس المعدودة فى القدرة على التعليم
ولها استراتيجية واضحة
معجب بها  ويكاد ان ينبهر بها
فسئلته عن تلك الاستراتيجية العملاقة
فقال
انهم يحولون
 المخ الى عقل
ولاول وهلة جأنى حالة صمم مفاجىء
وتعطلت عندى اجهزة  الاستشعار
وقولت
رسالة عظيمة يا مولاى
وتذكرت الاتى

كان الشيخ محمد متولى الشعراوى له بريق وكيان خاص
حباه الله بالكثير من نورانية القلب وحسن الادراك
كان يقول فى مشهد يحكى عنها  
انه لو كان هناك فلاح يركب حمار
 واقترب ذلك الحمار
من فحت
 (شق فى الارض الزراعية تمر فيه المياه للزرع)
واذا كانت رؤية الحمار
 انه لن يستطيع ان يعبر ذلك الفحت
ليس لعصيان قائده الفلاح
 وانما لامكانياته  التى يعرفها ويتقنها
ونظرا لان الفلاح المتمثل رمزه الى الانسان
 رؤيته مشوشة
ويظن احيانا انه القائد الخارق
 فاءنه يقول للحمار شيى  حا
حتى يحث الحمار على عبور الفحت
ولكن الحمار يأبى ذلك
 حيث ان فطرته وطبيعته الغير ملوثة
اعطته نبع من الخبرات والمعرفة
جعلت عنده فكر الرفض للخطأ
لذا يستمر الفلاح صائحا"
 ويقول شيى  حا شيى حا
فلا يجد الحمار
 الا استعمال تفكيره فى تلك المواقف
وهو ايقاع ذلك القائد
من على ظهره لانه لا يستحق ركوبه

وقد كان الشيخ الشعراوى يدلل على ذلك
بالفطرة السليمه
التى لدى الحمار وبين الانسان الملوث
وقد تذكرت ذلك المشهد
لانبهار صديقى بتلك الاستراتيجية
 ونسيان  الانسان انسانيته فى الزحام
وعدم ارتقائه لفطرة الحيوان
على الرغم من التكريم الذى شهد الملائكة عليه
****************
لذا تبقى الزريبة
 فيها العناوين  التائهة
*********

فى الزريبة بهايم
واسم الدلع مواشى
واحد قايم والتانى نايم
عجل
 هنا بيجرى
بقرة
 عن البرسيم بتحكى
ارنب
 لسرسوب البرسيم ناظر
والمعزة
 على اللحن بتغنى
ماء ماء
 والخروف
 واقف بيضحك
والجاموسة
 درس فى العطاء
والفرخة
هناك بتنقر
 عن القمح  قصة كفاح
والحمار
 عن الصبر بيرسم
والجمل
 فاهم واثق
فى الزريبة
كائنات رايقة
البسمات هادية وساكنة
تكافل وحب وهمة
ديك بالاذان صايح
وكتكوت سعيد بأهله
حمام
 طاير ومعدى
ونملة
  للنعمة بتشكر
ودودة
 بتقول الله اكبر
فى الزريبة
السعادة عنوان واضح
والارادة صبر وتحدى
الكلمة لها معنى
والفعل سر القوة
ان ضاقت بك الدنيا
اوعى تفكر وتبعد
وتزعل وتكون مهموم
وقلبك ييشكى انه مظلوم
تعالى معانا فى الزريبة
هـــــــــــــــــــــــــــــــــ
تعرف
سر 
الحياه
فى
يوم
&&&&&
فى الزريبة


28 Response to "فى الزريبة"

brightlyanny Says:

ازيك ابو على اول تعليق


هههههههههههههه

brightlyanny Says:

انت عندك حق يا ابو على

بس مأنت اهوه شايف التعليم وغيره وعيره عامل ايه ف بلدنا
هو عايز مصلحه طفله حتى لو غلط شويتين

المشاكل بقت متعبه ومش باين ليها حل

جزاك الله اخى كل الخير

Dr/ walaa salah Says:

لا بجد استراتيجيه عجيبه

تحويل المخ الى عقل

سبحان الله


انت قلتها لو عايز تعرف سر الحياه تعالى الى الزريبه


توبيك جميل اوي وبصراحه عجبتني اول صوره اوي


مشكور يا ابو علي

لــــ زهــــــراء ــــولا Says:

ابوعلى

يا مساء الاحتلااااااااااااااال
لوحدى الرمه دى للاسف وربنا يقدرنى واعرف احتل صح ...

عنوان انيق اوى وشيك وجديد كمان ههههههههه وبما اننا ناويين ندخل الزريبه يبقى عاوزه شوية لبن صابح وعليهم شوية قشطه كمان على ما اقرا البوست واكمل احتلال اللبن يكون جاهز ماشى ولا ايييييييه

زهراء

لــــ زهــــــراء ــــولا Says:

ابوعلى

ايه الصوره الاولى دى ده تمثال الحريه وقف على ايد واحده ههههههه اكيد رجليه وجعته شوف واقف من كام سنه وماحدش بيعبره اكيد فكر وقرر انه يغير اتجاهه ونظرته للامور ويقف على ايد واحده يمكن الناس تهتم بحاله شويه لو ان حاله يعنى فهل شمعه منوره وقشطه عليه ههههههههه

الصوره التانيه كميله اوى اوى الفيل عسووووول اموووووووور شكله شطووووووور هههههههههههههه

نقرا بقى شويه جد ونكمل احتلال

زهراء

لــــ زهــــــراء ــــولا Says:

ابوعلى

اللى فهمته ان الحمار ده الطفل لما يروح المدرسه يعنى باختصار كده احنا حفظك الله اقصد انا وامثالى طبعا هههههههههههه
التعليم هنا وفى الوقت الحالى ومن قبل 20 سنه اصبح حاجه يرثى لها
من فتره كده كنت مدعوه على مؤتمر يعنى تقدر تقول حاجه خاصه عن التعلم والتعليم فى مصر مقارنة ببعض الدول الاخرى وبصراحه اندهشت مما سمعت عما آل اليه حال التعليم فى مصر وعن جد والله اصبح حالنا اننا فى زربيه
على فكره الاطفال بيكونوا بجد موهوبين واذكياء الى ان يصلوا الى سن المدرسه وهنا نبدا بقى نشوف العجب العجاب فى التعليم والمدرسه ....
احنا لوثتنا افكار وتعاليم خاطئه بعضان بيفضل ماشى فى نفس طريق الزريبه والبعض الاخر بيحاول انه يتلعم بجد بس طبعا الكلام ده بعد الانتهاء من الدراسه فى الزريبه يوووووه اقصد المدرسه
هو فى فرق بين الزريبه والمدرسه اعتقد هناك اوجه كثيره للشبه !!!!

زهراء

لــــ زهــــــراء ــــولا Says:

ابوعلى

اكشن اخر مره
فين اللبن كل ده انا فى انتظاره وانت حتى مافيش كوباية قرفه باللين ....

يااااااااااااه كل الحاجات دى فى الزريبه سبحان الله عندك نظره ثاقبه فاحصه متفحصه للامور ....

الزريبه فيها انواع شتى من الكائنات ولكن كلهم لهم صفه واحد مشتركه وهى انهم جميعا يسبحون بحمد الله كل واحد على طريقته احنا بقى بنى البشر اللى كرمنا ربنا وخلى الملائكه تسجد لابينا ادم بنعصيه فى كل وقت
شوفت الفرق بين اللى فى الزريبه واللى خارجها !!!!

كفايه رغى النهارده


زهراء

باحث عن حب Says:

فكر جميل
والله
احلى كلام والله
الزريبه
فعلا
لربما
نركب حمار
الحمار افضل من راكبه على الاقل
يذكر
ربه
اكثر من
الانسان

شهد الكلمات Says:

ازيك يا حسن ايش اخبارك

بوست جميل و معنى اجمل بين السطور

بس يعني تعبير صحبك غرييييييييييب جدا من الاساس يعني اية بيخلي المخ عقل !!!

على اساس ان المخ في حتة و العقل بيجيبه من حتة تانية من تيوان مثلا !!!

همسة في اذن ابو على
مش بالضرورة كل بوست تنزل خاطرة لان ممكن الخاطرة تقلل من معني البوست او تكون اضافة البوست مش في حاجة ليها
ساعات بنحاول نعمل الحاجة في ابهى صورة و من كتر ما بنحرص على كدة ممكن نفسدها عكس ما نسيب الموضوع يمشي كدة بانسيابية اه ممكن يكون بسيط بس هايكون مميز

الكلام ده انا مش بقوله لاي حد بس انا عارفة ان ابو على مش هايزعل مني :)))

تسلم ايدك على الفكرة الجميلة جدااااااا

و صورة التمثال رائعة بيعجبني فيك ان الصور اللي بتحطها لها معنى مش محطوطة تبروز البوست و خلاص

خالص تحياتي

أنا - الريس Says:

أهو فخر صاحبك ده إن أمنيتي أن احول المخ للعقل .. والفرق بين الإنسان والحيوان العقل مع إن الإثنين عندهم مخ .

واحب اتفزلك واقول مثل صيني أو ياباني

" إذا أردت أن تزرع لسنة فازرع قمحا ، وإذا أردت أن تزرع لعشر سنوات فارزع شجرة ، وإذا أردت أن تزرع لمائة سنة فإرزع إنساناً "

sony2000 Says:

بجد كلمات روعه
ويوم فالذريبه
ياريت
علي الاقل الناس هتتعلم تاني
ذي ماقايبل وهابيل عملوا

كلمات من نور Says:

كل الإحترام للحيوانات والله يا أبو علي

اما التعليم بقى في بلادنا فهو أصبح : كيف تربي طفلا صفرا .....تحياتي

سهل وسهيلة Says:

http://shlandsohila.blogspot.com/2010/10/blog-post.html

أتمنى تشريفكم وإثراء المدونة بفكركم

إيمان Says:

أمممممممم

مش عارفه بس انا حاسه انه بيتكلم صح

فرق كبيييييييير بين المخ اللى السنتر

بكل نشاطات الجسم العصبية وبين العقل اللى ربنا ميز الانسان بيه
يعنى هم يقصدوا ان المدرسه بتساعد الاولاد انهم يفكروا ويعقلوا الامور
المشكله مش في صاحبك المشكله فى اسلوب التعليم في مصر واسلوبنا احنا شخصيا فى كأولياء أمور ومدرسين في تعليم ولادنا

سهل وسهيلة Says:

ونسيان الانسان انسانيته فى الزحام
هنا مربط الفرس
نسى الإنسان فطرته التي فطرها الله عليها
نسى أن له عقل ليفكر به لغاه من حياته

لماذا نسى الإنسان إنسانيته ؟
سؤال يحتاج لكثير من الآراء والتأمل والتفكير الصحيح لعودة الإنسان إلى نفسه
أو النفس له .

كل التقدير

SHAPE YOUR LIFE (ABOALI) Says:

الى برتلى
يا هلا بالناس الطيبين وحشانا الكلام الذكى الطيب
وان شاء الله تكون فى خير سلام وصحة

الغلط ساحب لغلط اكبر
والتعليم يحتاج لمن يتعلم ويدرك لا لمن يضع عناوين براقة تعبر عن الجهل بما نحن عليه وكرمنا من اجله

تقديرى لك البالغ

SHAPE YOUR LIFE (ABOALI) Says:

الى ولاء

بداية اشكرك على المتابعة مع وجود تقصير منى
وهذا ان نم عن شيىء ينم عن انسان صافى ونقى

اشكرك لانك اتفقتى معايا فى تلك النقطة
وربنا يبارك فيكى دايما
ومشرفانى بجد

SHAPE YOUR LIFE (ABOALI) Says:

الى زهراء فى اللقطة الاولى

ياااااااا هلا

اللبن على النار والشيشة على القهوة يا منعمى
اى خدعة

SHAPE YOUR LIFE (ABOALI) Says:

الى زهراء
فعلا قرر انه يغير مكانه وجد انى الحرية عنوان براق بس فقد المضمون
والفيل طلع على غصن الشجرة
وهو لسه حجر

ونتابع معاك يا فندم

SHAPE YOUR LIFE (ABOALI) Says:

الى زهراء

امممممممممممممم
تؤتؤ
هو المشهد لا يعبر عن طفل فى صورة حمار والعكس
هو يمكن القشطة كانت زيادة فى اللبن يا منعمى وانت متعود انى اللبن منزوع الدسم

نحاول المرة الجاية
منهم لله بيغشوا اللبن وحجر الشيشه

SHAPE YOUR LIFE (ABOALI) Says:

الى زهراء
ايووووووووووون كده يا باشا
اللبن عمل مفعوله

هناك فارق شاسع حاليا بين التكافل الموجود بين عناصر الزريبة وبين بنى الانس
ونظرة قليلة من التاءمل
سيرتاح القلب ويعود الى فطرته السليمة

نبقى نعمل بقى لقاء تدوينى فى مزرعة قريب
وندعى فيه الشعب كله

ايييييييييييه رايك
وبالمرة اللبن يبقى للركب

هههههههههههههه

منوارنى عن جد يا انسانه

SHAPE YOUR LIFE (ABOALI) Says:

الى الباحث عن الحب
فعلا اتفق ربما يسبح ويذكر اكتر
ولكن الله خلقه لنتاءمل نحن ونعتبر

مبسوط انه الزريبة عبرت عن بعض الدلائل التى نحتاج بالفعل ان ناخذها

تقديرى
ومشرفنى فى اول زيارة يا انسان

SHAPE YOUR LIFE (ABOALI) Says:

الى شهد

ياااااااااااااااهلا ومنورة والله
مبسوط انى الكلام عجبك

اما الخاطرة فليها ارتباط وثيق بالمقارنة بين كائنات عايشة فطرتها وتكافلها وبين انسان فقد مميزاته فكانت عناوينه براقة مجرد اتروهات

اجزاء البوست تكمل بعضها

وفيه ما بين السطور كما قولتى فى الجزئين استشفاف عن شيىء ما

مثلا
العجل ياءكل البرسيم وده حال الغنى
والارنب ياكل بقايا العود وده حال الفقير
بس فيه رضا
وهكذا يا سيدتى

لكنى فى النهاية ابجل واقدر رايى اختى
التى ترسم البسمات على وجهى دائما

تقديرى الكامل ليكى يا شهد
وبجد باحتاج راى حد فاهم زيك

SHAPE YOUR LIFE (ABOALI) Says:

الى الريس
ايوووووووووه كده يا ريس

جميلة تلك العبارة ورائعة ياريت نضعها عناوين ودليل تطبيق لنا

اشكرك على تلك الاضافة الرائعة القيمة

تقديرى

SHAPE YOUR LIFE (ABOALI) Says:

الى سونى

صح يا سونى والله

تقديرى لمتابعتك ليا على الرغم من تقصيرى
معلش سمحى اخوكى وانا جاى ان شاء الله

SHAPE YOUR LIFE (ABOALI) Says:

الى كلمات من نور

ان شاء الله الشمس هاتشرق يوما سيدتى

مادام فيها ناس نور زيك واطفال من نور

ولالالالالالالالالالالالالالالالالاايه

SHAPE YOUR LIFE (ABOALI) Says:

الى سهل وسهيلة

فعلا ما استشفيته من البوست يعبر فعلا
عن اننا فقدنا فطرة وعقل نتميز به

سعيد بالزيارة الاولى وان شاء الله
ربنا يجعل حياتنا سهل وسهيلة

تقديرى

SHAPE YOUR LIFE (ABOALI) Says:

الى ايمان
اكيد فيه جزء صح من كلامك اتفق معاكى فيه

ولكن الوصول لتلك الدرجة معنها انى احنا وصلنا لمرحلة الجمود العقلى ونبحث عن اطروحات غيرنا فى التفكير
لازم حبة تعقل شوية وادراك مننا
وربنا يهبنا الخير والفهم

يااااااااااا ست الكل
ومبسوووووووووووط بعودتك يا احدى نسائم تنسمت بها مدونتى سابقا