خريطة كف

, السبت، 16 أكتوبر 2010


دخل الخليفة عمر بن العزيز يوما" الى المسجد
ومعه مرافق له فى ظلام الليل
واثناء سير عمر بن العزيز فى المسجد
اصطدمت قدمه بشخص نائم فى المسجد
فقال له الرجل
ااعمى انت ؟
 فرد عمربن العزيز فقال لا و انصرف
واستشاظ مرافقه غضبا
وقال لقد نهرك واغلظ عليك
 فى كلامه هذا الشخص يا امير المؤمنين
ويستحق ان يعقاب
فقال له
يا عبد الله  لقد سئلنى سؤالا
 وقال
 ااعمى انا ؟ فقلت لا

هنا
جاء كسر رفرفة الشيطان
 التى نمت لكى تسيطر وتسلط انبعاثات الغضب
وقد قيل يوما ان سعادة الشيطان الحقيقه

تكون فى الوقت الذى ترتفع فيه
دفعات الدماء الى الادمغة
 وتبدء معه مراحل عدم السيطرة على تصرفاتها
وحين يحدث ذلك يكون الشيطان
 قد وجود العوبة ودمية جاهزة تنطلق مصدرة
كل اشعاعات الهدم وفقدان الاتزان

لما اقول هذا الكلام
مع فارق المثل والمرتبة والقدر))
كنت يوما فى احدى العيادات الطبية فى احد المستشفيات العامة
وكان هناك اب يصطحب ابنه الذى كان فى ريعان الشباب
وماشاء الله اذا نظرت اليه
 وجدت الفتوه والقوة وبياض الجسم اللافت
ولكن الله اختبر هذا الشاب بحالة مرضية فى عقله ونفسويته
فإذ بهذا الشاب يترك مكانه بجانب والده
وكأن احد قد اشار له عليا
وفى سلام نفسى كنت ابتسم
واستعد للسلام عليه لانى كنت اتابعه بنظراتى
وعلى حين غرة
اذ بيد هذا الشاب تضربنى  بكف يده على وجهى
 كأنه اراد ان يرسم خريطة مصر
بكل هضابها وجبالها وابار بترولها
وحين استقلبت ذلك القلم (ليس قلم الكتابة )
 كأنى قد مر عليا كل مراحل حياتى
التى ضربت بها وتذكرتها حينها
فوالدى وامى لم ترتفع ايداهما يوما بذلك الشكل
 او
 حتى السادة المدرسين
وجاءت نفسى وشيطانها
يطلب الثأر واصطفت اسنانى الاثنين والثلاثون
معلنه الحرب قواطع وضروس وانياب
 ويشحذ الهمم ذلك الادرينالين
 المتصاعد الداعى الى استراد الكرامة
واللسان يلقن باقى الاعضاء ويدب فيهم الحماس
 الغوث الغوث
ويرفع الكيان الرايات
 قائلا
اانت
المرتدى لتلك البزة ( البدلة ) و رابطة عنق ويعرفك طبيب العيادة
بل ومدير المستشفى ايضا  يفعل بك هكذا
 وهممت ان ابدء فى  ام المعارك
 مستعين بكيس الشيبسى بطعم الجمبرى الذى كنت اكله فى السيارة  
ولكن اتت الرياح بما تشتهى
تذكرت حينها ومر امامى كشريط اخبارى رد سيدنا عمر بن عبد العزيز
فأسرعت الى طفاية الحريق لتزيل تلك النيران المتأججه داخل الجسد
وامسكت بسن قلمى وغرسته فى قلبى ليوقف تدفق الادرينالين
و فى لحظة جاء والد الشاب مرسل كل العبارات التى
ترقق من اعلان ثورة العزة والكرامة
فقولت له  ابنك سلامه شديد اقووووووووى يا حاج
ابقى خليه المرة الجاية يخفف شوية
انا ااتى هنا الى العيادة كل اسبوع
فضحك وضحكت وضحك الحضور وضحكت خريطة مصر
وانا اردد قائلا
وعليه قوة تهد جبال 
عليه قوة 
اه يا وشى 

اكيد فيه هدف للبوست 
سأعرفه يوما 
وأعود اليكى نفسى
وستضحك اسنانى 
والشفاه حاضنة 
ترضعها بريق ولمسات حنية 
ويتذوق اللسان رسائل شافيه 
فيرسلها اللعاب الى فؤاديا 
تذكر يا انسان
انك طين ولست نار" حامية
سأعوووووووووود

19 Response to "خريطة كف"

موناليزا Says:

مش عارفة اعلق بإيه
الموقف صعب جدا
بس بجد أحييك على حسن تصرفك

لــــ زهــــــراء ــــولا Says:

ابو على

-*-*-*-*

ابتسمت وانا اقرا الحكايه التى حدثت لك وانا متخيله المنظر ولكن كم شخص يفعل هذا ؟؟
كم شخص يستطيع ان يكبح جماح غضبه ؟؟
المثل الذى حدث لك ربما يتكرر مع نماذج مختلفه او ربما تتشابه الامثله ولكن هناك من يتمكن منه الشيطان ويستحوذ على عقله وقلبه وتكفيره ..

من هذا الانسان الذى يتذكر انه خُلق من طين ؟؟

نتقابل معهم فى الحياه انهم يشعرون انهم من طينه غير التى خلقنا منها كلنا ..

تقديرى المستمر لانسان فهم معنى كلمة الرحمه والانسانيه

ملحوظة
-*-*-*
لما شوفت عنوان البوست قولت انا باتكلم فى بوستى الماضى عن قراءة الكف واستاذى فى هذا البوست عن قراءة الكف ولكن ما ان قرأته حتى تفهمت المعنى الذى قصدته من هذه الخريطه ...

زهراء

كلمات من نور Says:

أي أي .......زشوف بقى كل اللي حيقرا البوست لو حط نفسه في نفس الموقف كان حيعمل إيه؟؟؟؟؟؟؟؟ داه سؤال مهم فعلا ياريت كلنا نجاوب عليه ......أساسا أنا لو أخدت كف من دول كان زماني في الاستبليات عندي ارتجاج في الأمخخي وعليه مكنتش حاعمل حاجه الا يغمن عليا .أما لو اللي عملت فيا كده مثلا بنت او ست فكان ممكن يجيلي صدمة واقعد اعيط والناس كلها تقعد تطبطب عليا ..........ربي يقدرنا دايما يا أبو علي على كظم الغيظ والعفو فالله يحب المحسنين

الازهرى Says:

لحظة فارقة بين الانتباه إلى أوامر الشيطان وبين الحلم وضبط النفس
بين أن تصنع مشكلة ربما تصير إلى أبعد مما كنا نتخيل وبين أن يذهب الموقف ولا يبقى منه الكثير

تحياتى دوما

فاتيما Says:

:)

انا كالعادة

اقرى بوستاتك زى مل مرة

و معرفش اعلق

و المرة دى كمان برضو

مش عارفة اقول ايه ؟!!

بس حبيت ابتسملك

ابتسامة كبيييييرة

بوسع قلبك

بس كدا

خالص ودى و احتراماتى

م القلب يا دكتور

Doba Says:

كالعادة

متنحة
مزبهلة
مبسوطة
منشكحة
مستمتعة
متعلمة
مقدرة
متفائلة

وأنت السبب
أبدعت

سلام
هبة

SHAPE YOUR LIFE (ABOALI) Says:

الى موناليزا

لا تقولى شيىء فنحن لا شيىء ونطمع ان نكون شيىء فيااااااااارب هب لنا كل شيىء

تقديرى

SHAPE YOUR LIFE (ABOALI) Says:

الى زهراء

من يعمل من يطبق من ينصح من يتفاهم من يجتهد ؟

الاجابة انتى وانا وهى وهو وكل من قرء
فقط نضيف الى انفسنا جزء يسير نستطيع تطبيقه ونترك باقى البشر يلعبون
وفى بعض الاحيان نشارك معهم وننصحهم ويجتهدوا ويفعلون

انها الحياه
لن نطلق يوما" سهام ملامةالاخرين وتقصيرهم فى حق انفسهم وحقنا

ولكن سنحمل وعاء اللبن وهى انفسنا
بكل رحابة وود نطبق ما نقرئه حتى لو قليل منه
ونرشد الغير الينا
وثقى ان الناس تسعى للياسمين

ولالالالالالالالالالالالالالالالاايه

اشكرك على حروفك وتعبيراتك الراقية
التى لازالت ارها كبيرة فى حقى

ولكن لك كل الشكر والتقدير دوما
يا زهراء المدونة

SHAPE YOUR LIFE (ABOALI) Says:

الى سونى
بصراحة بصراحك باشكرك لوجودك الدائم وصبرك عليا

تقديرى

Baskouta Says:

حضرتك اللى لازم تقول لنفسك
ان قوتك تهد جبال
ان تتحكم في غضبك
وتكبح جماح الكرامة الثائرة
محولا العاصفة الى نسمات ضاحكة
تلك هي منتهى القوة.

* ليس القوي بالصرعة إنما القوي من يملك نفسه عند الغضب *
صدق رسول الله صلى الله عليه وسلم.

احييك على الموقف وعلى البوست عميق المغزى.

بوست جميل

:)

SHAPE YOUR LIFE (ABOALI) Says:

الى كلمات من نور

الف مليار سلامة عليك يا باشا

واد مين اللى يمد ايده ده حتى حتى حتى
كنا كنا كنا عملنا عملنا عملنا
وقولنا وقولنا وقولنا وقولنا

الله يسااااااااااااااامحك

ربنا يهبك كل الخير

ولالالالالالالالالالالالالالاايه

SHAPE YOUR LIFE (ABOALI) Says:

الى الازهرى

نعم نعم هى لحظات فارقة
ربنا ينعم علينا كلنا بالهدى والسكينة

ولا تنسى خمسة كيلو لبن من عندك يا ازهرى

اخوك عااااااااااااوزة يبر نفسه بعد اللى حصل

تقديرى

SHAPE YOUR LIFE (ABOALI) Says:

الى فاتيما

المدونة ازدانت والله باصحاب القلوب الدهب

والعيار غالى وغلاوتك دايما فى العلالى
وان عديت على الطريق قول ليه مر عليك انسان غالى

بجد مبسوط لوجودك ورقى كلماتك
وربنا يبارك ليكى فى قلبك الابيض ويهبك ما تستحقين من الخير

تقديرى القدير

SHAPE YOUR LIFE (ABOALI) Says:

الى دوبا

طب ايه رايك بقى
انى انا اللى ابتسمت وضحكت وفرحت وانبسطت وسعدت وارتقى قلبى
لوجودك سموك هاهنا

ربنا يهبك الخير فى صباحك ومساكى وكل اوقاتك

تقديرى

SHAPE YOUR LIFE (ABOALI) Says:

الى بسكوته

ربنا يخليكى يا انسانة ده من رقى اخلاقك السامية
كلنا هانعمل كده كل ما فيه الشبسى اللى بالجمبرى
كان مسيطر شوية و بافكر اضرب واحد تانى


هههههههههههههه

ربنا يهبك كل الخير

تقديرى

شمس النهار Says:

مش لاقيه تعليق

بصراحه

ربنا يكرمك

انت اعتيطت درس عملي لكل الحضور
ولكل من يقرا هذا البوست

:)

SHAPE YOUR LIFE (ABOALI) Says:

الى الفاضلة شمس النهار

لا يوجد فعلا ما يستحق التعليق
كلنا نفس الانسان
يقوى احيانا
واحيانا يخر الكيان
ولكن العاقل
من فهم وكان
ان العفو
شيمة وقرب من الرحمن


تقديرى ولك كل الشكر على تواجدك هاهنا

Dr/ walaa salah Says:

سبحان الله قليل اوي اللي بيمشوا على مبدأ التسامح وعلى قول والكاظمين الغيظ

الناس دلوقتي زي ما بيقولوا شايطه مش طايقه نفسها

بس كويس انك قدرت تمسك نفسك لما الولد ده عمل كده


بوست ظريف ومواضيعك لها طعم مفيد اوي مشكور عليها