اشعستان

, السبت، 2 أكتوبر 2010



وفى عودة متجددة يعود الينا الاخوة اصحاب النظرات الموضوعية
اصحاب النظرت المحلاه بالمولوخية
ولغلاء اللحوم والارانب كان الطعام بورا
ولكن الصبر جميل ودعوات من المظلوم على الظالم
اميييييييييييييييييييييييين
ها هو
زجزج وبجبج ودم الغزال فى موضوعات ضرب نااااااااااااااااااااااااااار
وكما تسمعون النار تقول اى اى
وتخترق الاذان اصوات الصراخ والعويل
************
ياعينى عليكى يا نار يا عينى جه اخر الزمان والضرب فيكى شغال يا عينى
***********
الموضوع النارى الاول
اشاعات اشاعات
فى جمهورية  اشعستان
***************
ينقلها اليكم الان زجرج وبجبج ويمتنع دم الغزال لحين خروجه من المعتقل
****************
يشاع فى الاوساط الدولية
ان سيادة الريس تم حقنة بالزئبق الاحمر ليدوم عمره قرون من السنين
 وهايجدد لفترات اخرى
عن زجزج
يشاع فى اوساط مجلس الشعب
ان سيادة الريس طلب من النواب
 تشريع  بجعل الرئاسه  مش ايجار جديد ولا مدة بل تمليك
عن بجبج
يشاع فى اسواق الاكسسوار
ان هناك اقبال منقطع النظير على الروج الاحمر من السيدات
وقد فسر الخبراء ذلك على انه نتيجة طلب الازواج تعويضا"
لارتفاع اسعار الطماطم
عن زجزج

يشاع  ان وزير التعليم الجديد مسنود من الصغر
 بالكتاب الخارجى علشان كده فى ايده سلاح
وعاوز يحرم الطلبة

عن بجبج
يشاع ان وزير الصحة  طلب عمل علاج على نفقة الدولة
 ل جمهورية اشعستان  بس طلع عليها ديون فعمل لنفسه
عن زجزج
يشاع ان وزير المالية تم تصويره مع الضريبة العقارية فى شقة خاصة
عن بجبج
يشاع ان وزير الداخلية طلب تشديد الحراسة على نفسه
 خوفا من هجوم ارهابى متوقع من التوكتوك الداخلى
عن زجرج
يشاع انه تم القبض على وزير الثقافة فى اشعستان
 فى حى الباطنية متلبسا بزهرة الخشخاش
 وكان يغنى الاغنية المشهورة خشخشونى ضهرى
عن بجبج
يشاع ان الزعيم القومى مصطفى كمالوا قال مقولة جديدة
اذا الشعب الاشعستانى  اراد الحياه عليه ان يجدها على تردد 11245 افقى
عن زجزج
يشاع فى الوسط الحريمى عن ظهور اول حفلات  الموضة لعام 2011
تحت عنوان اللى يتكسف يقلع
عن بجبج
يشاع عن بدء الموسم الثقافى بحفلة فنية للراقصة المشهورة دناوة تركيز
تستعرض فيه المهارات الخلفية مع الامامية
عن زجزج
يشاع عن وزير التجارة الخارجية لاشعستان  عن قرب استيراد العيش التبن
الذى يحتوى على كافة المغذيات
عن بجبج
عذرا تم قطع الارسال
يااااااااااااااااااااااااااااالهوى

و الان حان دور النكت المنكتة فى بلاد اشعستان


فلاحة اول مرة تروح للكوافير بيسالها سشوار ولا صبغة قالتله لا فلينى
***************************
مذيعة بتسال واحد من ايهم احمد زويل اخد جايزة نوبل فى ايه قالها فى علبة قطيفة حمرا
******************
مرة واحد من ايهم  قابل واحدة اجنبية سالها انت منين قالتله:وااات ?
قالها اجدع ناس الوتاوتة دول
استاذ سأل طالب فى اى فصل يسقط المطر قاله فى الفصل اللى ملهوش سقف
******************
واحد من اشعستان خبطته عربية
اخد تعويض 50000 وقف ادام القطر قاله خش عليا ياابو الملايين
******************
واحد شايل انبوبة غاز قال لمراته ادعيلى قالتله روح ربنا يفتحها فى وشك
**********************
عجوزة سمعت ان الدش حرام قالت الحمدلله انا طول عمرى بستحمى من الجردل
*********************
الشرطة بتتخانق مع مسطول هما يقولوله اركب وهو يقولهم لا انا عايز اسوق
**********************
موجه عربى بيقول للمدرس ليه العيال بينطقو الجيم دال قاله هو ده اللى مدننى
******************
حمار وحشى وحمار عادى بيتسابقو بدأ السباق فالحمار العادى مجريش
سالوه مجرتش   قالهم والنعمة مانا جارى الا لما تجيبو لى ترننج زيه
********************
  واحد من اشعستان البلد  رجع من الشغل لقى مراته مطبختش زعل 
ودخل نام فحبت تصالحه قالتله اعملك مساج
قالها عليا الطلاق لو عملتيه لارميه بحلته فى الشارع
************************
وتبقى  الصورة 
يا مركبى 
ارفعى شراعك واذهبى 
فالنجوم ضيائك والسماء ظلك 
وهذا الكوكب كوكبى 
ان زاغ شراع البعض يوما
سيبقى شراع الحق مذهبى
***************
يا مركبى 
غردى 
وسط الشطئان واعبرى 
ظلام الارواح وانشرى
شروق الفجر
  حتى المغربى 
ف رياح العزة مطلبى 
وجنود الرحمن بلابل 
تزين مطلعى 
واذان بلال
الله اكبر 
دليلك
ومرشدى
***********************

يااااااااامركبى




10 Response to "اشعستان"

موناليزا Says:

"مذيعة بتسال واحد من ايهم احمد زويل اخد جايزة نوبل فى ايه قالها فى علبة قطيفة حمرا"
:) ضحكتنى

والصورة الاخيرة عجبتنى

بالتوفيق دائما

لــــ زهــــــراء ــــولا Says:

ابو على

-*-*-*-*

اول صوره تحفه بجد وكان نفسى اشارك مصيلحى بس حد ابن حلال قال طعمه وحش ...

حبايب قلبى دم الغزال وبج بج وكمان القمر زج زج ايه الجمال ده كله
انا اتصدمت دم الغزال فى المعتقل مش كان المفروض حد يقولى عشان ابعت له حاجه ساقعه وكنافه بالمانجو وشوية حاجات تانيه ....

قول لزجزج ان الرئاسه فعلا تمليك يعنى مش محتاجه اى كلام او قانون من الساده النواااااااااااب
عجبنى اوى اعلان حفلات الموضه فعلا الحفله هتكون تحفه ياريت لو تعرف حد يجيب لى دعوه او اتنين او تلاته ...

واااااااااااااوووووووووو على الصوره الاخيره دى محتاجه فعلا تحليل قمه فى الهدووووووء

" سيبقى شراع الحق مذهبى "

كلنا نتمنى ان يكون الحق مذهبنا جميعا ولكن اممممممممممممم

البوست رغم ما يحمله من حاجات كده وكده لكن حلو اوى والنتكت جديده ولذيذه وخفيفه
الواحد مش عارف يضحك على حالنا او حال البلد يوووووووه اقصد اشعستان

تسلم الايادى

دمت متالقا مبدعا

زهراء

MTMA89 Says:

اول مرة ادخل مدونتك
و عجبتني جدا
و عجبني الشعر اللي مع الصورة الاخيرة

تحياتي

محمد طاهر

كلمات من نور Says:

استاذ سأل طالب فى اى فصل يسقط المطر قاله فى الفصل اللى ملهوش سقف
=========================

أضحك الله سنك يا أبو علي

ايوه كده ضحكنا يمكن الغمة تنكشف بعد اللي الواحد شايفه وبيقراه هنا وهناك


الله عالصورة بتاع المركب دي جميلة واقتبستها (:

الازهرى Says:

لا تعليق

انت عايزنى احصل دم الغزال ؟

تحياتى دوما

SHAPE YOUR LIFE (ABOALI) Says:

الى موناليزا

الله الله
هى كانت فعلا علبة حمرا تكتسى بالاحمرا

اضحك الله سنك دائما
تقديرى

SHAPE YOUR LIFE (ABOALI) Says:

الى زهراء
صديقة مدونتى المتواضعة

جميل تعمقك يا زهراء جدااااااااااا
شكلك كده الامل العام هايعرف طريقك
وانا من هنا باناشد وزير الداخليه

المذكورة ليها مدونة اسمها الحب اتجعمنا

والسلام عليكم ورحمة الله

معلش بقى يا زهرة
العمر مش بعزقة

قااااااااااااااال فى مصر قال

SHAPE YOUR LIFE (ABOALI) Says:

الى ماتما

اسعدنى وجودك ها هنا واتمنى ان يتكرر كثيرا كثيرا

تقديرى المستمر

SHAPE YOUR LIFE (ABOALI) Says:

الى كلمات من نور

اضحك وابتسم يا انسان

سيغير الله الحال من حال الى حال


مبسووووووووط جدا انك ابتسمتى
وادم الله عليكى الفرح

تقديرى

SHAPE YOUR LIFE (ABOALI) Says:

الى الازهرى

ههههههههههههههههههههههههههههه

ياااااااااااااااااااااااااااااااه
السجن للردالة يا ازهرى

واناشد امن الدولة واقول وانبه
ان الازهرى له مدونة اسمها زكريات

وكفاية كده