روبابيكيا الاهداف

, الاثنين، 19 يوليو 2010


ا
الانسان عجول بالطبع والفطرة يتمنى لو يمتلك الكثير والكثير فى التو واللحظة
وعندما تسئله عن اهدافه فى الحياه يعدد تلك الاهداف بالعشرات والمئات
وكلها يريدها ان تتحقق مرة واحدة
وان سئلته 
  هل تستطيع ان ترتب تلك الاهداف طبقا" للاولوية والاهمية؟
فيقف برهة تلو البرهة مرتبك
ولا يستطيع ان يفصل بين تلك الاهداف وان فصلها
يكون على مضض وغير مستريح البال مذبذب
والهدف هو تحقيق شيء ما فى اوانه
فأن كان قبل اوانه يسمى عجل
وان كان بعد اوانه يسمى اهمال وتقصير
و ان كان فى اوانه يكون ذلك حكمة
وكما نعلم ان الحكمة هى ضالة المؤمن
اذن تحقيق الهدف فى اوانه  حكمة
العقل دائما مع التفكير المستمر يجعل صاحبه احيانا طائرا" فى السماء
يتمنى لو يمتلك هذا العالم بما فيه ولا عيب ان يكون الانسان طموح
ف الطموح هو قاطرة الانسان الى اسعاد نفسه وتذليل ما يقابله من تحديات
اولى درجات تحقيق الاهداف هو امساك الورقة والقلم
وكتابة تلك الكلمة بالانجليزية  Smart
اذن الهدف لابد ان يكون سمارت  تلك الكلمة تصف الهدف
وهى اختصار لى
Specific – Measurable – Attainable – Realistic – Timed
تلك الكلمات يجب ان تكون حاضرة عندما تقول لنفسك انا عندى هدف
الكلمة الاولى Specific   يعنى محدد  يعنى الهدف يجب ان يكون محدد
الكلمة الثانية  Measurable  يعنى مٌقاس يعنى الهدف يمكن معرفة ابعاده وتفاصيله
الكلمة الثالثة  Attainable   يعنى  نستطيع تحقيق هذا الهدف
الكلمة الرابعة Realistic    يعنى الهدف يكون واقعى وليس خيال
الكلمة الخامسة Timed      يعنى ملزم بوقت

وسنعطى مثال
سأشترى شالية   مساحته 160 متر مربع 
فى منطقة عجيبة بمرسى مطروح
خلال ثلاث سنوات تبدء من شهر يناير 2010 الى نهاية شهر يناير 2013

ونسئل انفسنا هل هذا المثال  كان فيه  هدف سمارت؟
نشوف كده
اولا  محدد لانه  حدد ماذا سيشترى
ثانيا  مقاس لانه معروف المساحه  والمكان والمحافظة
ثالثا نستطيع الوصول اليه على حسب الوضع المالى لكل شخص
رابعا  واقعى  فوجود مكان لزوم الترفية فى الصيف واقعى
خامسا  محدد بالوقت فهو من فترة كذا الى كذا

اذن لكى نسمى الهدف هدف يجب ان يكون متصف بتلك الكلمات
ما غير ذلك فهو ليس هدف انما رغبة او اى شيىء اخر

وهنا ايضا يجب الاشاره ان هناك فرق بين الهدف والغاية
الهدف يكون مرتبط دائما بالدنيا  ام الغاية فهى مرتبطة بالاخرة
فمثلا غايتى رؤية الله عز وجل  فى الاخرة  او الشرب من حوض نبيه
***********
وصلنا حاليا اننا عندما نتكلم عن الهدف الذى يجب ان يكون
محدد ويمكن قياسه والوصول اليه ويتسم بالواقعية ومربوط بالوقت

البعض يسئل يعنى ايه واقعى؟
اقول له البعض ممكن ان يكون هدفه ان يكون ملك انجلترا  وهو اساسا مصرى
لذا يجب ان نفكر دائما انى الشيىء يجب ان يكون لزوم الشيىء
***************
تلك كانت مقدمة لروبابيكيا الاهداف
**************************
عندما دخلنا الى السوق وجدنا شاب فى مقتبل العمر يسمى زج زج
يقول قرب قرب قرب
الهدف بدعوة والملايكة بتحسب الهدف بدعوة والملايكة بتحسب
فذهبنا اليه
وسئلناه  عن هذا الموضوع؟
فقال هنا يا فندم كشك روبابيكيا الاهداف
حيت نبيع الاهداف التى استغنى الناس وقالوا انها غير صالحة للفترة والزمن الحالى
فقولت له مثل ايه ؟
فقال لى مبتسما"
ان تحافظ على بسمتك وتنميها مهما كانت تحديات الحياه
هدف تركه بنى البشر
ان تحافظ وتبر والديك  وترعاهما  فى حنو
فهما طريقك الى الجنة فى تلك السنوات التى يحيايا فيها
هدف تركه بنى البشر
ان تحافظ على الجار وتسئل عليه وتجعل له جدول معروف ومحدد فى اجندتك
هدف تركه بنى البشر
ان تحب دينك وتكون قدوة له وتحافظ على دراسته ومعرفته المعرفة الجيدة
هدف نساه بنى البشر
ان تكون العالم الطائع المرشد الصبور المكتشف لمكنونات وخبايا الكون
هدف نساه بنى البشر
ان تظل هامتك عالية بسمو اخلاقك مع حسن المعرفة والعلم
هدف نساه بنى البشر
ان ترحم فى وقت القدرة وتنحنى وقت النصر هدف  تم رميه بالرصاص
ان تجاهد تلك النفس وتسيطر على افعالها ابتغاء مرضاة ربك  هدف منسى


فقال لالالالالالالالالالالالالا نحن زاى الفل والياسمين  وانت مكبر الموضوع
فقال زج زج اعلم علم يقينى انه كلما ازداد استخدامك لحروف النفى (لا)
كلما عرفت انك غريق فى اهواء نفسك
فاءن سئلك شخص ما وقال لك هو انت بتكذب فقولت لا
وان سئلك شخص ما وقال لك هو انت مقصر فقولت لا غيرى
وان سئلك شخص ما وقال لك هو انت غنى فقولت لا

ف كثرة اللاءت تعنى ان الهدف يا سيدى مبعثر
تائه حيران نائم جائع فى طيات الارض مدفون

يا سيدى حدد الهدف واجعله سمارت
وارتب اهدافك بكتابتها فى كشكول حياتك
واسئل نفسك
ماذا احتاج لاحقق هدفى ؟
واكتب
ثم ضع الخطة الملائمة واجتهد
ثم قيم ما فعلته و وقم بتعديل ما يلزم
ثم  ابذل حبات العرق من جديد
واستتمتع بتحقيق هدفك ان كنت واثق


وفى تلك الاثناء يمر مجموعة من الشباب فيرون اسم الكشك فيضحكون
ويمشون ونسمع من بعيد  اصواتهم يقولون
انا نفسى ابقى تامر حسنى  والاخر يقول نفسى ابقى شيكابالا
والاخر يقول نفسى ابقى شاكيرا
ويهلل الباقى  هييييييييييييييييييييييييييييييييييييييه
يلا نحط حجرين على الشيشة  شيشه شيشااااا
ونخلى البانجو يعانى من نار الشيشه شيشا اااااااا
ونعمل دماغ ونمخمخ ونفصل سلك الفيشه فيشا اااااااا

و زج زج يبتسم ويقول
قرب قرب قرب قرب  الحق الحق الحق الهدف الهدف  النار اكلت اصحاب الشيشه


ملحوظة
قيم الموضوع  واسئل هل كان له هدف ؟

12 Response to "روبابيكيا الاهداف"

أنا - الريس Says:

بعد السلام والتحية
أنا متابع روبابيكيا فأول ما تخلص ان شاء الله الحمله هبدأ اعلق من جديد مش عارف مكسل ارد في الحملة دي ليه
بالتوفيق يا معلم

نـــــور Says:

نفعك الله بما كتبت ياابو على
السلسلة كلها جميلة جدا وان كان ده وروبابيكيا الحب اجملهم على الاطلاق!

يمكن عشان ده بيمس مجال مهم فى الهيومان ديفيلوبمنت وانا بحب العلم ده جدا؟!
الله المستعان

ان شالله تكون بخير

sony2000 Says:

بجد كلامك غير انو حلو
بيخلي الواحد يفكر تاني فحخياتو
اديلو 100 من 10
سنكس:)

لــــ زهــــــراء ــــولا Says:

سيدى الفاضل ابو على

-*-*-*-*-*-*-*


ربنا سبحانه وتعالى عز من قائل " وخلق الانسان عجولا " بصراحه كل واحد فينا عاوز كل احلامه تتحقق فى يوم وليله " مش المقصود بها اغنية ورده لانى باعشقها ههههههههههه "
كل مرحله فى سن الانسان لها اهداف واحلام يعنى الهدف اللى كان فى مرحلة الثانوى غير اهداف مرحلة الجامعه غير ما بعد التخرج ....

مساحة الشاليه كبيره شويه واضح انك ناوى تعزمنا كلنا ههههههه

فى احلام واهداف حلوه كده زى مثلا واحد ادبى عاوز يدخل كلية الطب بس بينى وبينك هنا ممكن يحصل اى حاجه هنا فى ناس تخلى المراكب تمشى على البلاط طبعا المثل غريب بس يعنى تجربتى الصغيره مع الحياه بتقول ان هنا ممكن اى حاجه تحصل
زج زج حبيب قلبى معنا فى البوست وكلامه عبقرى بجد
"ان تحافظ على بسمتك وتنميها مهما كانت تحديات الحياه "

الله على الجمله دى تحفه بجد اكتر من رائعه

ياترى لسه فى حاجه اسمها بر الوالدين احب اقول لحضرتك ان فى حاجات بقيت موضه قديمه والله العظيم انا مش متشائمه بس كلامى ده بجد حضرتك ممكن تشوف الابناء بيعاملوا الاهالى ازاى حاجه بجد تبين ان يوم القيامه قرب خلاص
جار مين اللى انت بتتكلم عنه دلوقتى فى ناس مش تعرف مين ساكن جنبهم فاكر احاديث الرسول صلى الله عليه وسلم الجار الجنب والجار ذى الجنب ...
مين بقى بيطبق ومين بيعرف ؟؟؟
الموضوع قيم جدا جدا وقد استفدته منه يمكن لانى من الناس اللى عندهم اهداف كتير ويمكن لانى فى احيان كتير باكون مستعجله وفى احيان اخرى امشى واحده واحده
تقييم الموضوع 9 من عشره
تسلم الايادى

زهراء

غير معرف Says:

تحديد الهدف مهم لكن الاهم اننا نكون عارفين قدراتنا علشان ماتتحولش لروبابيكيا

تحياتي

لــــ زهــــــراء ــــولا Says:

موضوووووع مهم جداااااااا وفادني كتير حسيت اني في محاضرة للتنمية البشرية واني اسمع دكتور ابراهيم الفقي ... جميل ان حضرتك ذكرتني اعمل اجندة بها اهدافي هي ممكن تكون صعبة التحقيق بس الانسان لازم يكون طموح كما اشرت سابقاَ


"ان تحافظ على بسمتك وتنميها مهما كانت تحديات الحياه هدف تركه بنى البشران تحافظ وتبر والديك وترعاهما فى حنوفهما طريقك الى الجنة فى تلك السنوات التى يحيايا فيهاهدف تركه بنى البشران تحافظ على الجار وتسئل عليه وتجعل له جدول معروف ومحدد فى اجندتكهدف تركه بنى البشران تحب دينك وتكون قدوة له وتحافظ على دراسته ومعرفته المعرفة الجيدةهدف نساه بنى البشران تكون العالم الطائع المرشد الصبور المكتشف لمكنونات وخبايا الكونهدف نساه بنى البشران تظل هامتك عالية بسمو اخلاقك مع حسن المعرفة والعلمهدف نساه بنى البشران ترحم فى وقت القدرة وتنحنى وقت النصر هدف تم رميه بالرصاصان تجاهد تلك النفس وتسيطر على افعالها ابتغاء مرضاة "


جمية تلك الاهداف واضيف اليها

ربنا يعزك يارب ويبارك في عمرك ويجعل كل الخير عندك
لـــولا

SHAPE YOUR LIFE (ABOALI) Says:

الى الريس

يا فندم مشرفنا بس الحملة مواضيعها كتيرة ومتنوعة

والله اعلم بالاجال يا ريسنا

مشرفنى دايما

SHAPE YOUR LIFE (ABOALI) Says:

الى نور

مش عارف يا نور حرمانى من الكلام الحلو بتاعك ده ليه

رايك دايما ليه حكمته وباعتز بيه
ولا فيه اضافة احب اسمعها منك
المدونة لها كيانات تعتز بيها وانت كيان لها

تقديرى واتمنى ان يهبك الله السعادة

SHAPE YOUR LIFE (ABOALI) Says:

الى سونى

نفكر فى المخيلة ونطبق كمان يا سونى
علشان ربنا يهب لينا الخير ويقربنا منه


تقديرى لوجودك ورايك المحترم

SHAPE YOUR LIFE (ABOALI) Says:

الى زهراء
جميل جدا اننا نعرف لما نقرء ونتعلم
الجميل اننا ما دام عرفنا نطبق
المشاكل والاهداف التى تم بيعها فى سوق الروبابيكيا هانتغير
انا واثق لو الاشخاص السته اللى علقوا على البوست ده

بالاضافة لى
بدءوا فى عمل تقيم وتحديد للاهداف وكلم غيره بشكل منظم عن التنظيم وبدء هو يطبق حب الجار وبر الوالدين
ظهر
اكيد اكيد
هايكون لينا شاءن اخر

اسهابك فى فرز ما نعانيه يا زهراء
احساس راقى منك انك حزينه مثلى على كل ده

بس على العكس ده معناه اننا لو اعادنا البوصلة وطبقنا هانكون افضل ان شاء الله

ف الخير فى وفى امتى الى يوم يبعثون

كما قال المصطفى صلى الله عليه وسلم


اسعدتنى الدرجة الجميلة دى
وممكن تقولى ليا الدرجة دى ناقصة ليه

مستنى

ولالالالالالالالالالالالالالالالالاايه

تقديرى البالغ

SHAPE YOUR LIFE (ABOALI) Says:

الى فتاه من الصعيد

اكيد كلامك صح لما نحدد الهدف الاول
نشوف القدرة على تحقيقه

كلام رائع من شخص اروع

تقديرى

SHAPE YOUR LIFE (ABOALI) Says:

الى لولا

بنا يعزك يارب ويبارك في عمرك ويجعل كل الخير عندك
لـــولا

تحبى ارد اقول ايه طيب يا لولا

ربنا يهبك الفرودس الاعلى ويقر عينك فى دنياكى ويسعد كيانك برؤية المصطفى صلى الله عليه وسلم
وتسجدى لله شكرا تحت عرشه ويتعطر وجهك برؤيته

ويكون وجهك بالسرور معبرا وللخير راشدا
ويهبك الله لك عملا" يدعو الناس لك به دعاء" صالحا
سواء اكنتى حيا" او ميتا


تقديرى الكامل