ترمس ترمس

, الخميس، 8 يوليو، 2010


الواد بج بج واد فذلكى بيحب الفلسفة , دخل عليا وانا امامى
الطبق الذى اعشقه,
واتغنى به فهو يسلينى ويطربنى حين اراه
الا وهو طبق الترمس
حيث يحدث لى انفعال فمى وتتراقص شفاتاى
حين ترى تلك الترمسة قد اهلت الى داخله وبرزت
المهم
الواد فى رمشة وتنهيدة  قال يابا.
باعتبارك راجل مثقف وليك اراء
 ايه رايك فى الخلافات الزوجية وكثرة حالات الطلاق  وهشاشة  العلاقات ؟
الناس يا بابا بتتكلم كتير عن المشاكل لدرجة انى كرهت المستقبل
فقلت كلامك زين يا ابنى
ماتاخد حبة ترمس ؟
فقال لى فى انفعال ترمسى الشكل
يابا باكلمك  فى خلاقات الزواج  وهشاشة علاقات ,
وانت تقولى ترمس
يا ابنى خد بس واسمع كلام ابوك ضناك حبيبك
فاخذ بجبج ترمسة ووضعها فى فمه بعد ان ازال عنها القشرة
 وقلبى يتقطع  ينفطر على الترمسة والواد بيجز بسنانه عليها 
كأنه  يخفى مشاعر غضب ترمسى
ها يابا
 اكلت الترمسة !!!!!
فقلت له  شعرت ب ايه  ؟
فقال فى ايه ؟
فقلت فى الترمسة
فقال
 يظهر يابابا انك شارب كام ترمسة النهاردة ورا بعض
 وها اكلمك فى وقت تانى
قولت عيب عليك يا فليسوف  بجبجى
بص يا ابنى  
الزوج والزوجة والعلاقات زاى الترمسة  نصفان مكتملان ويغلفهما قشرة واحدة
اذا حدث ان ضاق كل منهما بالاخر سيحدث  شرخ فى القشرة وحينها
سيتلاقفها الفم وبداخل الفم اثنين وثلاثين من الاسنان على اختلاف انوع الاسنان
 وهم يشلكون المجتمع الذى نحيا فيه  وبعض من هذا المجتمع يساعد على الشرخ
وتبدء رحلة النهاية
اذا حافظ الزوج والزوجة  ومن يريد اقامة علاقات اى كان نوعها
على تلك القشرة وعملوا على زيادة سمكها  وانمائها
وذابت التحديات التى تقابلهم بدون تلف تلك القشرة
ستجد حبة ترمس صحيحة المظهر رائعة الجوهر
عرفت ليه باقولك تعالى خد  ترمس  
وعلشان افيدك اكتر
ترمس يعنى علاقات  او فصول بالانجليزى



فى وسط الحارة
قالوا جاى
فرحت
وجريت اسنانى
لقيت الفم امامى
نصب سيرك
وقال اه يانى
الترمس ده بتاعى
واللى هايقرب منه
هايقضى على كيانى
قرب بايع الترمس
مالك يا عم دعبس
خد بس كده وترمس
واشرب من القلة
هاتقول كلام فلة
ان كان  فيه مشاكل
الترمس هايكون واصل
والمعدة تبقى تمام
والقلب يبقى حصان
والعقل يفكر اوووووووم
اوعى فى يوم تكون قلقان
اللى يشوف الترمس
عمره مايكون حيران
نص مع نص اكتمال
حبة واحدة حنان
قشرة كانت رسمة
فيها باسمة فيها حكمة
فيها كلمات ناطقة
فيها
الصلح الخير
ومعلش احنا بنترمس





27 Response to "ترمس ترمس"

MR.PRESIDENT Says:

اللهم ارزقنا بترسمه عند الزواج قشرتها تشبه صدفة السلحفاة إلا انها تكون اكثر صلابة بطاعة الله نستمتع بيها أنا وزوجتي بجمال الحياة ولا يكون الموت والمشاكل منتهاه .
سلم بجبج وأبوووووووووووه
علي ما قدمتوه
في معروف مغلف
ونصح يشرف
فمن أراد فانتصاح
ومن لا فأكيد هيكون إنبطاح
تحياتي الرئاسية
والسلام عليكم مسك الختام

زهــــراء Says:

ٍيدى الفاضل ابوعلى
الوال جايه اقدم اعتذار لانى مش علقت على البوست اللى فات لان عندى صيانه فى شبكة النت والبى سى اول حاجه عملتها بصيت على البلوج عندى وبعدين جرى على هنا
هاقرا البوست اللى فات واعلق عليه وارجع تانى هنا
لولا تبلغك سلامها وهى راجعه فى اسرع وقت ان شاء الله

لـــولا وزهـــراء Says:

سيدى الفاضل ابوعلى

-**-*-*-**---*/*

ممكن طبق ترمس لانى من عشاااااااااااقه

تحيه عطره لبج بج كلها روائح ذكيه ياسمين وفل وورد بلدى ...

اعتقد ان دلوقتى هناك العديد من العلاقات الزجيه كل طرف يهم قاعد للطرف الاخر على غلطه نفسه يمسكه يولع فيه او يشده من شعره الموده والرحمه ضاعت فى ظل عالم طغت عليه الماديات
حضرتك عليك تشبيهات احيانا اقف امامها واسرح وافكر واعيد القراءه لمرات ومرات وفى كل مره اقول والله ابو على انسنا بدرجة فنان له حس عالى اوى
ربنا يكرمك وان شاء الله اجد نص الترمسه بتاعى واعدك انى احافظ عليه ياترى بج بج عنده اى مانع اكون نص الترمسه التانى بتاعه هههههههههههههه

دمت فى حفظ الله ورعايته

زهـــــــراء

العيسوى الصغير Says:

هو الترمس حلو بس الجواز ايه بقا؟؟؟

فتاه من الصعيد Says:

انا بحب الترمس بطريقه مرضيه :)

وبالنسبه للزوج والزوجه فهما سكن اكيد لبعض ... وربنا يهدي الجميع

تحياتي

MaNoOoSh Says:

تعبير جميل لعلاقة مطلوب فيها التوافق والاكتمال بين روحين


يااااااااااارب زود قشرتنا سماكة
ومتحطناش تحت ضرس حد ابدا
هههههههههههههه

sony2000 Says:

بجد بجد
لو في حد بيعلم كدا
مكنشي دا بقي حالنا
خليك وراهم وبأذن الله هيطلعهوا حاجه كبيرا
اللهم امين:)

المعتصم Says:

السلام عليكم
ازيك ياابوعلى
يارب تكون بخير
بما انك مزمن ترمس فا انا مش هطلب كتير انا عاوز بجنيه بس كده تصبيره لغاية يوم 29 وانا هااترمس لوحدى ياعم مع الانسه N
ممكن ؟؟؟؟
هههههههههه
تحياتى على كلامك الجميل وارائك العاقله وسلامى لبج بج

yara Says:

هههههههههههههههههههه
عندك حق والله يا ابو على بس تقول لمين بقى الناس بقت عايشه مع المشاكل كانها دى غذائها مثلا او من غيرها يتعبوا وميحسوش بالحياه وجمالها ..يعنى شىء عجيب محتاج اننا نغير ونطور تفكيرنا شويه وننقى قلوبنا شويتين ..وطول ما احنا بنترمس معاك انت وبج بج واخواته اكيد ده هيحصل وهنلاقى حل ان شاء الله

تحياتى الدائمه لتألقك فى عرض افكارك يا ابو على بطريقه اكثر من رائعه

richardCatheart Says:

ههههههههههه جميل
انا بموتتتتتتتتت فى الترمس ولكلمك بكله كتير بقشره ههههههههههههههه

مابحبش اشرخ القشره

تحياتى

كلمات من نور Says:

فكرتني بالترمس يا أبو علي اعتقد بيرفع الضغط طول ما الملح فيه حلو وزيادة ...ترمس حمص فول سبحانك ياربي الزوج والزوجة فعلا نصفين وغلافهم مودة ورحمة وسكن ...ربي يثيبك الجنة ونعيمها

كيــــــــــــارا Says:

المهم ان الاتنين يدرو المفهوم دا عشان الترمسة قشرتها تفضل صلبة قدام اي شئ

الله عليك والله اشتقت لبوستاتك

سكينة Says:

طبعا الفكرة مبدعة
ربط الترمس بالزواج
واللي تستغربله بجد
والدي زواجه دام ستة واربعين سنة
وفعلا هو بيحب الترمس جدااااااا
احتمال يكون استفاد من الترمس في الحفاظ على خصوصية حياتهم
وإكمالا لمؤثرات الترمس هقولك ساعات لو نقعته كثيييييييير هتبوش القشرة من نفسها
والمية هي البيئة الحاضنة للترمس يعن الحموات ممكن تبوشه وتبوظه غصب عنه
لنعلنها حملة ارحموا الترمس وسيبو له قشرة تحضنه وتلمه

غير معرف Says:

very nice ur words
and ur son is sooo cute and intelligent.

SHAPE YOUR LIFE (ABOALI) Says:

الى الريس
وهبك الله ما تريد ووفقك الى غطائك الثمين وحافظت عليه وكنت من المتقين

تقديرى الكامل

SHAPE YOUR LIFE (ABOALI) Says:

الى زهراء

ماشاء الله عليكى يا زهراء من المعدودين الذين دخلوا المدونة وقلبها بسرعة البرق
لك طلة جميلة وتعبيرات مميزة
وفهم راقى ماشاء الله
نعم الاحظ انك لستى فى الفورمة احيانا
ولكن هذا هو حال البشر

ربنا يهب لك السعادة وتجدى الترمسة المناسبة لك
فاءنتى تستحقين ذلك الانسان المقدر ان معه فيحاء تفوح له بالخير كل يوم

ومعذرة ف بج بج فى الوقت الحالى لا يستحق
ولكنه وعدنى انه فى حالة اجتهاد مستمر لا ينقطع
حتى يحافظ على ترمسته جيدا

اسعد بوجودك هنا

SHAPE YOUR LIFE (ABOALI) Says:

العيسوى الصغير

الترمس حلو
بس الجواز نعمة من عند الخالق لمن قدرها


تقديرى المستمر

SHAPE YOUR LIFE (ABOALI) Says:

الى فتاه من الصعيد

فعلا والله الموفق
ونحن على ذلك من الشاهدين
ههههههههههههههههه

ماشى يا فتاه
كل اللى يجى من عندك حلو

تقديرى

SHAPE YOUR LIFE (ABOALI) Says:

الى منووووووووووووووش

روح وكيان المدونات

كيفك يا منوش
والله والله ليكى وحشة كبيييييييييييييييرة جدا

ربنا يهبك الخير ان شاء الله
بس بلاش غل على الترمسة كده
احسن القشرة تودع بدرى بدرى

ولالالالالالالالالالالالالالالاايه

تقديرى

SHAPE YOUR LIFE (ABOALI) Says:

الى سونى


ان شاء الله يا سونى وراهم لغاية لما يبقوا

انسان
اووووووووووومال

تقديرى

SHAPE YOUR LIFE (ABOALI) Says:

الى المعتصم

فينك يا راجل يا طيب
مختفى كده ولا بتبص
كل ده علشان الانسان ان ان
انا اعرف فين انى ان ان فى الصعيد هى حامل اللواء
بس مش كده برضوا يا صاحبى

بص على زملااتك شوية


منورانى يا انسان جداااااااااا

SHAPE YOUR LIFE (ABOALI) Says:

الى يارا

فعلا يا يارا
فيه حالة من استئناس الهم والبحث عنه
فى كل سلة

بس على مين وحياتك هانفضل ورائهم لغاية لما نكسر مجاديفهم

واللى مش عجبه هايتعدل برضوا

بس ماشاء الله عليكى فهم وادراك

هو انتى اشتريتى ترمس من قريب ولا ايه


تقديرى

SHAPE YOUR LIFE (ABOALI) Says:

الى قلب قطة

ههههههههههههههههههههههههه

تاكلى الترمسة بحالها
وتهون عليكى تاكليها بضنانها كده
روحى يا شيخة ربنا يزود ترمسك
قادر يا قريب


تقديرى يا فندم انت يا مترمس

SHAPE YOUR LIFE (ABOALI) Says:

الى كلمات من نور

هو لا يرفع الضغط هو بيخسس
خمسة ترمسات يوميا ستجدى نتيجة رائعة
هكذا تقول جدتى

علشان كده تبقى خفيفة فى الجنة طائرة منعمة

قووووووووووووووولى امين

SHAPE YOUR LIFE (ABOALI) Says:

الى كيارا

بعد الغياااااااااااااب والضنا
تعوووووووووود كيارا

عودة حميدة يا مولان

وان شاء الله القشرة يدرك اصحابها انهم نسوا انها تحتاج لمن يحافظ عليها

اشتريتى ترمس النهاردة ولا ؟

SHAPE YOUR LIFE (ABOALI) Says:

الى سكينه

يااااااااااااااه سكينة عندنا

وانا اقول الطمئنانية امتلاءت بها المدونة ليه

وحشااااااانا يا فندم

معذرة سقطت مدونتك سهوا والله

بس نرجع من تانى لناس احبهم من بداية بدء التدوين

ماشاء الله جبتى المفيد يا بنتى

شكلك بتحبى الترمس

ادعى بقى لاخوكى رمضان قرب

تقديرى

SHAPE YOUR LIFE (ABOALI) Says:

الى غير معرف

THANK 4 U HOPING THAT I SEE U HERE AGAIN TO FOLLOW BIG BIB AND HIS STORIES

MANY APPRECIATION FOR U