روبابيكيا الكلام

, السبت، 17 يوليو، 2010



وزتنى نفسى انى ادخل حديقة الازهر
الله  جو جميل منعش , الزرع والوجوه الحسنة, بس الدنيا حر
استلقيت على النجيلة  وهوى نفسى يتصارع مع نداء المعدة
قوم رطب على نفسك بإززاة كانز لزوم البغششه( الترويح عن النفس)
طاوعت نفسى الامارة بالسوء واشتريت واحدة
وكمان كان فيه شفاطة هدية لزوم الشيىء
وانا بمزمز فى الكانزية وعينى لما تشوف الا النور
نملة معدية ركبت طايرى (بدون دفع اجرة) فوق ازازة الكانز
وقالت
هو البيه معندوهوش نظر
ولا الحنك( الفم) مشغول نازل شفط شفط
مش شايف قصادك غزال معدى
صاروخ سكود  كله انبعاثات نووية
ايه ياض مش تفتح بدل ما انت مهبك( نايم على نفسك) كده
يااااااااااااااااااااه ايه النمل المتربى ده !!!!
ياض وحنك وهمبكة  وكلام مبعثر
اتلمى يا بت يا مفعوصة 
انتى نملة سيس(بدون لزمة) صحيح
نعم نعم يا روح امك بت مين دك بته فى عينك 
اسكت كده وروق بدل ما اعملهم معاك 
وتتغز وتصبح دمائك لون جزمتك من الخوف يا كاحول( غبى)
لا حول الله  نملة سكنس (ناقصه) صحيح
سكنس مين يا ابن البوبى
اوباااااااااااااااا كده  جبتى قرارك بنفسك
وهاتلوا عليكى الصلوات يا موزة
هعععععععععع ده عند كراشنجى(عشماوى)
 يا مقروش فى عمرك
ده انا املحك وابعدتك رنة لكل الشبكات
بخدمة اسفل ناس يا كورك (فاضى)  
يا انص( قصير)
كده كده  طب خدى يا نملة النقطة دى
وعيشى  بقى مع مذاق البحر المالح
ياااااااااااااالهوووووووووووووووووووووى  هايغتصبنى
يااااااااااااااالهوى  اتحرش بيا على الملأ 
وانا الشريفة العفيفة
بنت القلعة والمقطم وشارع الهرم وجامعة الدول
 وقريبا قصر النيل وميدان التحرير ومحطة مصر
يااااااانهارأسفلت يا انماليا  هُزوء نزلت عليها عدالة السماء من بالرمو
طب خدى بقى النقطة الغير محلاه من ماء البحر دى كمان
وتنزل عليها نقطة من عرقى  
 فتكبس على انفاسها وهى تتلوى فتسقط فى ازازة الكانز
وبحركة لا ارادية اقوم بالشفط
فاشعر بقشعريرة منخارية المصدر
 نتيجة  دخول جزء من الكانز الى داخل المنخار
ويضيق اللسان وينزلق التنفس كأنها شرقة نفس
ويتم نقلى بين الحياه والموت
واسكن حاليا فى مستشفى القصور العينى جناح المشرحة  لمعرفة اسباب الشرقة
***********************************
ذلك كان حوار تم فيه التراشق بالكلمات يقولون عن هذا الكلام
انه الكلام الدارج فى لغة بنى الانس حاليا
اثناء حوراهم مع بعض
******************
وفى هذه الاثناء جاء حمران ترجاموش 
المشهور بإن له كشك فى السوق 
يسمى روبابيكيا الكلام
ويطلب الجميع ان يقول  رايه فى ذلك الحوار
فقال فى هدوء
رأيى ستفهمونه بعد ان اعيد بعض اجزاء الحوار
 مستخدمين بعض من  الكلام  الذى تم بيعه
فى  روبابيكيا الكلام
عندما دخلت النملة وقالت ما قالت
كان يمكن الرد عليها بالتالى
ياااااااااااااه ماشاء الله نملة عصرية لغات
تعرفى انكى فكرتينى بأية كلها معجزات
====حتى اذا أتو على واد النمل
 قالت نملة
 يا أيها النمل
 أدخلو مساكنكم
 لايحطمنكم
 سليمان
 وجنوده
 وهم لايشعرون ===
هذه الأية من عجائب القرأن وذلك لأنه ورد فيها
تسعة  معاني في اللغة العربية
يا..  (نداء)   أيها..( تنبية) النمل..( تعين) أدخلو..( امر) 
مساكنكم..( نصح)لايحطمنكم..( تحذير)
 سليمان..( تخصيص) جنوده.. ( تعميم) وهم لايشعرون..( الإعذر)
واثبت العلم الحديث ان كلمة يحطمنكم تكون للشيىء الذى يتم كسره
فتم اكتشاف ان من تكوين النملة جسم زجاجى فعلا يتحطم ويكسر
فسبحان الله
فياترى ماذا سيكون رد النملة
سيكون هناك قولان
ان تقول جميل انك حافظ مش فاهم يا بجم
او تقول قادر على كل شيىء وهو الخلاق العظيم
ان قالت القول  الاول سيكون الرد
انتى اكيد ربنا ارسلك علشان يختبر صبرى واحسانى ؟
وان قالت القول الثانى سيكون الرد
فعلا سعيد  ومبسوط انى شوفتك وليكى زجاجة كانز لوحدك 
تروى ظمأك بها
بس لما تقولى الحمد الله الذى اطعمنا وسقانا وجعلنا من المسلمين
وهنا ايضا سيكون عند النملة قولان
اما  ان تقول
هما امثالكوا عندهم صبر واحسان دا انتو جنسكوا الحالى يستاهل الحرق 
او تقول
ده  لسه  فيه خير فيكوا  بقى
زاى ماقال المصطفى صلى الله عليه وسلم 
(الخير فى وفى امتى الى يوم يبعثون)

وهنا سيكون الرد على القول الاول
نتعلم منك يا اعظم مخلوق خلقه الله للتعليم بالرؤية والفعل وبدون كلام
والرد على القول الثانى
لسه فيه خير ما دمنا احنا بنحافظ على الخير وننمى فيه ولا نتخاذل عن فعله

وسكت الجميع حين سمعوا من حمران ترجاموش هذا الكلام 
ويقول احد الحضور
الراجل ده عاوز
يبقى عندنا
ذوق وادب  واحترام وانتقاء فى اختيار الالفاظ فى الكلام
وده لا يأكل عيش اليومين دول

قوم يا حاج حمران تراجاموش قوم وخد ليك نافسين بره
فيبتسم  حمران ترجاموش ويذهب
ثم يقول
ان الكلمة هى 
اباجورة السماء 
ثم يتلو 


أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً
كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء
تُؤْتِي أُكُلَهَا كُلَّ حِينٍ بِإِذْنِ رَبِّهَا  
وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ

************************

يا بائع روبابيكيا الكلام
انتظر
ف والله انت صاحب السمو الرفيع
انتظر
مهما علت لغة الشارع ستبقى
لغة الضاد فى الصدور محفوظةٍ
قراءن يتلى اناء الليل واطراف النهار
فانتظر
لا تتركنا  واقرء ان شئت
(فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ)
انتظر

اعطى الموضوع درجة من عشرة بعد القراءة  
ان قراءت يعنى !!!!!!!!!!!!!!!!!!!

16 Response to "روبابيكيا الكلام"

الحب الجميل Says:

ايه دا مفيش حد هنا ولا ايه

السلام عليكم

جيت احيك على البوست الجميل دا

وأستفدت منه والله

عشره على عشره

تحياتى

كلمات من نور Says:

ربي يجعلنا من اهل القرآن الذين هم أهله وخاصته .....جزاك الله خيرا يا بوعلي

9-10

علشان مقدرش اديلك 10-10 وزير التربيه والتعليم مفتح عيونه جامد هههههه

بس متقلقش دي درجة تدخل بيها الجنة إن شاء الله

لـــولا وزهـــراء Says:

علمنا حبيبي صلى الله عليه وسلم ادب الكلام عند التفوه به وعند التعبير عنه من ملامح الوجه وعند السلام
قال صلى الله عليه وسلم
" الكلمة الطيبة صدقة"
" ابتسامتك في وجه اخيك صدقة "
صدق رسول الله صلى الله عليه وسلم ربى فينا حبيبنا الادب في اخراج الكلمة من الفم قبل النطق بها فالكلمة قد تكب صاحبها ف النار وقد تكون صدقة تدخله الجنة .

حتى الوجه من الادب الجم ان تبتسم في وجه من يحدثك فهي صدقة .

حتى الكلام الصامت ( بالاشارة )عند السلام باليد فتصافح يد المسلم مع اخيه المسلم ينتج عنه تساقط الذنوب كما تتساقط الاوراق من الاشجار المهتزة
كان يحثنا على الادب فكان خلقه القرأن صلى الله عليه وسلم ... كم تعلمنا منه وكم رفعت اخلاقنا من نصائحه في احاديثه .....

على فكرة بقى النملة دي مش مؤدبة وبتقول كلام مش فهمته الا بالشبه من سياق الكلام اللهم الا من بعض الكلمات التي انزلت لها معامل انيس عبيد ترجمة فأصبح الامر سهل ويسر :d... النملة دي ان صادفتها في يوم هزعل منها وهعاتبها ازاي تكلم حضرتك بالشكل ده ده يصح ده ومش هخلص ساعتها من لسانها ههههه
لـــولا

لـــولا وزهـــراء Says:

نسيت ادي الموضوع رقم 15/10 :d

اخر ايه انا كل ما اسمعها ببقى عايزة افهم معناها ومش لاقية حد اساله يعني ايه " اما الذهب فيذهب جفاء واما ما ينفع الناس فيمكث في الارض"

انا اعرف المعنى العام مافيش شئ بينفع بس التفصيل مش فهماه جزاك الله خيراض
لولا

SHAPE YOUR LIFE (ABOALI) Says:

الى الحب الجميل
متشكرين يا فندم على الدرجة يا ترى تتدخلنى السودان ولا اثيوبيا

مبسوط بوجودك تانى هنا يا فندم بجد وعن جد

تقديرى

SHAPE YOUR LIFE (ABOALI) Says:

الى كلمات من نور
يا مراحب يا مراحب بالناس الجميلة

يا فندم مش عارفين نشكرك على تصحيح الدرجات ازاى
ونحيط سيادتكم علما
باءن تلك الدرجات نتيجة تعب ومجهود علشان ضميرك يكون عال عال

وندعو لكم بكل الدعوات والدرجات العلى
والفردوس الاعلى
بس انت قول امين

SHAPE YOUR LIFE (ABOALI) Says:

الى لولا

جميل ما اضفتى يا انسانة فعلا كلام صادق ومعبر
وكما قولتى الكلمة الطيبة صدقة

انا كنت كتبت موضوع روبابيكيا الكلام ده
ووضعت فيه كلام كتير
بس لما روحت حديقة الازهر فعلا
اتى الالهام وقولت اكتبه بالطريقة دى ولما تاءتى فرصة اخرى ابقى انزلة بالطريقة الاولى

على العموم اسعدنى وجودك
وعلى الفكرة النمل ده انسانى
موجود بينا وبكثرة اليومين دول

خلى بالك على نفسك منه

تقديرى الكامل

SHAPE YOUR LIFE (ABOALI) Says:

الى لولا
فى الظهور الثانى

ايه الدرجات دى يا باشا
ههههههههههههههههه
دى كده طب ولازراعة
بصى يا ستى
الزبد هو غثاء البحر يعنى الرغاوى اللى بتكون ظاهرة لما ينزل مثلا الماء من شلالات
او لما يكون فيه موج عالى للبحر
وليه اسم تانى الريم

والاية تفسر
على ان هناك اعمال تكون بلا فائدة مثل الرغاوى بتاعة البحر لا تفيد

واللى يفيد بس هو اللى بيفضل فى الاخر

هذا والله اعلم

ان لم يصل الكلام الى عقلك
ابقى قولى ليا وانا ممكن اقوله بشكل تانى

تقديرى الكامل

لـــولا وزهـــراء Says:

لـــولا وزهـــراء يقول...
سيدى الفاضل ابوعلى

ومع نوع جديد من انواع الروبابيكيا اقرا واتعلم ...

اول حاجه عجبتنى الترجمه المصاحبه لعبض الالفاظ والكلمات علشان القارئ يفهم طبعا ....
اول مره كنت اعرف ان معنى كلمة سيس يعنى بدون لزمه بصراحه جديده عليا دى وكمان عشماوى انه بساوى لفظ كراشنجى
برضه جديده مش باقولك مردسه وباتعلم فيها ..........
اليومين دول ظهر لغه غريبه عجيبه ما انزل الله بها من سلطان وتلاقى الشباب بيقولوا فى كلام مش عارف اصله من فصله والفاظ غريبه الواحد مش عارف كلام محترم او انعدم احترامه
فى بعض الاحيان اللى نتعامل معاه بيكون الفاظه مصطلحاته غريبه او فيها نوع من التلاعب بالالفاظ بس احنا برضه بنجارى الحوار ونحاول اننا نسقط فى بئر من المصطلحات الغريبه وكأنها معركه بي الالفاظ والكلمات التى قد تكون بذيئه لكن لو فعلا اتكلمنا باسلوب متحضر ممكن اننا نجبر اللى نتعامل معاه على ان يحترمنا ويتعامل معنا بلغه محترمه ....

تذكرت جمله من رواية الحسين شهيدا لعبد الرحمن الشرقاوى "الكلمة نور وبعض الكلمات قبور دخول النار فى كلمه ودخول الجنه فى كلمه "..

للاسف نحن اصبحنا فى زمن اختلط فيه الحابل بالنابل واصبحت الالفاظ الخادشه لحياء تملأ اسماعنا حتى فى وسائل الاعلام وفى كل مكان ...

الموضوع ياخد 9 ونص من عشره
فى انتظار باقى الروبابيكيا


زهــــراء

richardCatheart Says:

صباح الفل

اولا بقولك يا اخى مشمن باب انك كاتب اسلامى بقولها بالعميه زى ماتكون بتتكلم مع صاحبك ويقولك ياخى ويقوم خبطك على كتفك هههههههههههه

اماعن البوست جممممممممممميل

ولالونى من مستخدمى الكثثثثثثثثثثثير من الكلمات المشنخره الا ان دا مايدينيش الحق فى تعممها
طبعاااااااا لغتنا العبيه اجمل وادق
بس مش هاينفع نستخدمها على طول
فى كلمات بتبقى للمواره لو عايز تقول كلمه وم عايز الكل يفهمها وفى كلمات بتبقى للهزار والفنتزيا
بس دا مايمنعش حبى الشديد للغه العربيه الفصحه

هاديك 10 على 10 فى الاسلوب
والاختيار

وهادى النمله لوحدها عشره على عشره

تحياتى يا اخى
ههههههههههه

طوبه فضه وطوبه دهب Says:

ياسلام على الكلام المفيد الرائع ههههههه بجد المدونه دى ليها وحشه تسلم ايدك

لـــولا وزهـــراء Says:

السلام عليكم ورحمة الله وبركاته

على العموم اسعدنى وجودك
وعلى الفكرة النمل ده انسانى
موجود بينا وبكثرة اليومين دول

" ربنا يعزك اكيد فهمت ولسان النمل الانساني بيلدغ ويترك اثر داخلي مؤلم اكتر من لدغ النمل العادي..بحاول اخد حذري ربي معي سيحميني منهم ان شاء الله "


ايه الدرجات دى يا باشا
ههههههههههههههههه
دى كده طب ولازراعة

" هه اعلام ان شاء الله ..دي بعد حساب درجات مادة المستوى الرفيع :d ..."

ان لم يصل الكلام الى عقلك
ابقى قولى ليا وانا ممكن اقوله بشكل تانى

تقديرى الكامل
" فهمت جزاكم الله كل خير ورفع شأنكم وكتر من خيركم وجعله في ميزان حسناتكم "

لـــولا

SHAPE YOUR LIFE (ABOALI) Says:

الى زهراء

يا عينى على الابداع التعليقى
ده لوحده ياءخد تسعة وتلت تربع زيادة

مبسوط فعلا انى لازال الوعى موجود باءهمية استعادة لغة حوار مناسبة ملائمة

لاننا وان كنا اليوم لازلنا نستخدم بعض الكلام المتحضر
فسياءتى اناس من بعدنا ستكون لغتهم الاساسيه هى اللغة التى استحداثوها
لذا المواظبه على استحسان استخدام الالفاظ الراقية المرتفعة
هى الطريق الى ترتيب حالة الذوق واللباقة ونقل اللغة جميلة الى الغير

ولا زالنا يا زهراء نتعلم كلنا فى مدرسة كبيرة اراد الله ان يجعلنا فيها لحكمة يعلمها

فى اتم السعادة باستمرار وجودك فى متابعة تلك الحملة
التى دائما ما تتزين بقراءتك لها


تقديرى المستمر

SHAPE YOUR LIFE (ABOALI) Says:

الى قلب قطة

ههههههههههههههههههه
بص بقى يا زومل وصلى على رسول الله
قوووووووووول يا زميلى وصلى وبلاش تبقى كاباكا كده يعنى ساكت وعامل مش فاهم

مبسوط جدا انك على الاقل عارفة الفرق الحوارى بين الطريقتين
وممكن على فكرة نوارب اى كلمة ممكن نقولها
وبرضوا بطريقة سليمه
ولعلمك انا باحب الناس الجدعة الجميلة زاى حضرتك
بنحس كده انى القلب زبادى مكهرب بالدسم
اووووووومال
ماهو الغالى لازم نرفع ليه الجمجمة ونقول اجمل شعااااااار

وجودك اسعدنى يا انسانه

SHAPE YOUR LIFE (ABOALI) Says:

الى طوبة من ذهب واخرى من لؤلؤ

فينك من بدرى يا انسان
المدونة ازانت باصحابها وماليكيها من ذوى الاصول التدوينيه


تقدير الكامل

SHAPE YOUR LIFE (ABOALI) Says:

الى لولا

يسعدنى التواصل مع اخت لى فى اى وقت
ونحن عند الطلب
بس بلاش موتى
هههههههههههههههههه

التقدير المعطر لكم يا فندم