روبابيكيا التربية والتعليم

, السبت، 24 يوليو، 2010



التربية والتعليم كلمتان غاليتان
مجرد رؤتيهما من بعيد تعنى استضاءة فى العقل  واعادة هيكلة له
وارتقاء بالروح الى غايات سامية مترامية الابعاد والاطراف
عندما تمر على تلك الكلمات حاليا تتعجب
ويكاد الناظر الى الكلمات يقول سبحان الله ويضرب كف مع كف
ويقول ما عاد هناك تربية ولا تعليم
فالاهرامات حاليا مقلوبة 
الطريق اليها محفوف بمئات من الافكار الهدامة
ولغة ضائعة بين المربى المعلم وبين من يريد التربية والتعليم
كانوا فى وقت قريب يقولون ان المدرسة لها دور والاسرة لها دور
فما تعلمه الاسرة وتربيه ترتقى عليه المدرسة  وتبنى
فحدث الاستنتاج الاصعب
ان المدرسة وجدت نفسها ان عليها وضع الاساس التربوى والتعليمى
وان الاتى اليها فاقد كل الاصول التربوية
فلا احد  من الاسرة كان ظاهر فى الصورة
و استطاع  ان يرتب مجارى عقله ويستطيع تبرير
ما سيراه من انهيارات اجتماعية
حتى  ينجح  و لا ينجرف ويأخده تيار شعبة الغوغاء
ولكن حدث ما حدث وتغير اللون الابيض  للنفس
وذهب الكثير يخطون بأقلامهم  فى تلك الصفحات البيضاء
مستهدفين  الربح وتكنيز الاموال لا وضع رسالة تربوية

الجميع يعرف اصول التربية
فهى ليست معضلة ان تعلم ولدك مفاهيم الخلق الحسن
وان تضرب له المثل ليقترب الذهن الى المعنى
فقديما قالوا
ان التربية والتعليم نقطة 
لا يوجد بينهما ابعاد  فلا انفصال بين الاثنين
فشطوط العقل اللاهث وراء العلم   يجب ان تحكمه التربية
متمثلة فى قيم عليا راسخة لا تتغير بمتغيرات العصر
ولكن الفجوة حدثت عندما تغيرت تلك القيم بتغير اله الزمن
ثم وقعت قيمة تلو اخرى من جيل وراء جيل
حتى وصلنا الى جيل عابث هزلى
يأخذ كل علامات النصح بالاستهزاء ولا مبالاة
وانهار السقف على الجميع  ليجدوا ما صعنت ايديهم
ماثل  امامهم مجرد مسخ او مسوخ بشرية
بمجرد ان تضغط على لوحة تشغيلها تنبثق البذاءات

تلك كانت مقدمة عن روبابيكيا التربية والتعليم
*****************
وجاء الكلام متصف بالعمى التربوى وغير متسلح بأى علم
رغبة فى ان نضع اسس من الان
فا لريس طناحه ضاحب كشك روبابيكيا التربية والتعليم
كان هادىء البال مستريح ومستجم حوله اسرته
فى غاية الارتياح
زوجة تحمل كل المعانى الصادقة بدورها فى الحياه
بدون طنطنه وفاصل من اللت والعجن عن دورها فى الحياه
ولم تشكل عبء على زوجها
وتجره الى صراعات لاثبات من الاقوى
والاحق بالزعامة وشغل جميع المناصب
واولاد يعرفون مالهم وماعليهم وكيف يعاملون غيرهم من بنى البشر
لذا كانت الحيرة والسؤال للريس طناحه
كيف استطاع ان يرسم الطريق ويربى ابنائه؟
فقال يا ولدى لقد صنعنا مصائب ومشاكل بدون وجود داعى لها
لقد تورات  التربية عن ابى وابى توراثها عن غيره وهكذا
فقط يا ولدى ما صنعته
هو اعادة تحديث قاموس التربية والتعليم وجددت مصطلحاته
ليعرف ابنى مسبقا" عندما يخرج من عندى
كيف يتعامل مع مخربى العقول المنتشرين بيننا
الذين يريدون اسدال الظلام على الابواب
وتنمية الوجة القبيح للتشاحن وزرع كل بذور الشك واليأس
حتى يستثمروا ذلك  فى وضعنا تحت اقدامهم وتضخم ثرواتهم

فذلك يا ولدى حوار حى سيقع الان بين احد مخربى العقول وابنى  بج بج
فهيا نشاهده
المخرب : ازيك ياض ماسك كتاب كده وعامل فيها عالم ؟
بج بج :  اكيد لازم اعمل عالم العلم بيعمل اكتر من كده ؟
المخرب : العلم ده كان زمان يا روح ماما دلوقتى الفهلوة والهبمكة ؟
بج بج : طب  ماتيجى نجرب كده ونعمل تجربة ايه رايك؟
ونشوف بالفهلوة هاتحلها ولا بالعلم !!!!!
المخرب : نجرب ورينا المخمخة يا عااااااااااااااالم ؟
بج بج : ده كوب فيه زفت وقطران هانسكبه على هدومك كده
يلا بقى ورينا الفهلوة فى تنظيفه ؟
المخرب : يانهارك اسود ايه اللى انت عملته ده ؟
هاخلى وشك قطران على اللى خلفك ؟
بج بج : طب وليه كده ده انت  اهلك اكيد  ربوك
وقالوا ليك ده غلط  كده انت مش بتسمع كلامهم ؟
المخرب :  انا متربى احسن منك ومن  اهلك ؟
بح بج : عارف انك متربى وواضح عليك التربية اهو  من كلامك
المخرب : والله لاغزك بالمطواه وشرحك ؟
بح بج : انا فعلا عارف انى الحيوانات هى اللى بتعمل كده بتستخدم ايديها دايما
لو كنت حيوان اعمل كده ؟
المخرب : ياض بلاش تنرفزنى  احسن اعملهم معاك ؟
بج بج :  تعرف انى الهدوء بس هو اللى هيخليك تحل مشاكلك ؟
المخرب : هات صابون ورابسو نضف الهباب اللى انت عملته على الهدوم ده ؟
بح بج : هنا بقى العلم يتدخل قائل لك
لن ينفع الصابون
عرفت بقى الفلهوة مش نافعة ازاى ؟
المخرب : مال ايه يا فاكيك ؟
بج بج  : ده  زفت  يبقى  الجاز هو اللى ينضفه ويخليه يدوب زاى كده ؟
المخرب : علشان قريت كلمتين  يا فلسفة ؟
بج بج : ومالوا تعالى نقرء مع بعض علشان تبقى عندك حبة فلسفة انت كمان

على فكرة انا استعملت نفس لغتك علشان تعرف 
انك ممكن تتطشف وتتغسل وتتكوى
بنفس اللغة بتاعتك
المخرب : انت من اللى ربااااااااااااااك ياض

انتهى الحوار
**************
وقال الريس طناحه 
الغوغاء لا يرتعدون ويهربون الا عندما تكلمهم بالطريقة التى تصدمهم
وتغير بوصلة توقعهم لكلامك  وطريقة سير الحديث
تخيل ابنك يبكى علشان تحضر له الشبسى وانت تتجاهله وتتضحك
لذا بدل ان نتقوقع ونترك لهولاء حياتنا  يرتعوا فيها
وننزوى نحن وراء الجدران
وجب ان نتسلح نحن الان لهم لتتطرد العملة الجيدة تلك العملات المزيفة
يا ولدى لقد بعنا فى روبابيكيا التربية والتعليم
روح التحدى فى التغير
متعة اصلاح الاخر
الرغبة فى ابقاء الافضل
الاصرار على التقدم
الحماس المتواصل بأن الخير هو الباقى
الحزم  فى اتخاذ القرار
الحوار الايجابى
اقتحام المشاكل والتلذذ بحلها
تحديث لغة التفاهم مع ادعياء الهمبكة
فقدنا يا ولدى لغة نهر وسجر من لا يقدم خدمة جيدة
واكتفينا بمص الاصابع من بعيد والتندر على ايام الماضى الجميل
والبكاء  على اختفاء القدوة والتزام لغة  الخرس والصمت

تلك الكلمات التى نثرتها فى هذا الموضوع دعوة الى نفسى ولمن يريد
ان نسترد حالة الوعى من جديد  ونرمم عقولنا 
وندافع عن اهم ما يرتقى بأى كائن بشرى
وبه يعلو ويسمو وينضج ويتواضع
التربية والتعليم

17 Response to "روبابيكيا التربية والتعليم"

لـــولا وزهـــراء Says:

اول ايه الحلاوة دي
ايه الجمال ده
لااااااااااااااااااااول مرة
لولا

لـــولا وزهـــراء Says:

بعنا فى روبابيكيا التربية والتعليمروح التحدى فى التغيرمتعة اصلاح الاخرالرغبة فى ابقاء الافضلالاصرار على التقدمالحماس المتواصل بأن الخير هو الباقىالحزم فى اتخاذ القرارالحوار الايجابىاقتحام المشاكل والتلذذ بحلهاتحديث لغة التفاهم مع ادعياء الهمبكةفقدنا يا ولدى لغة نهر وسجر من لا يقدم خدمة جيدة

" اولاَ المقدمة هايلة جدا جدا جدا
احنا المفروض نربي اولادنا الاول وبعدين المدرسة تحكم تربيتهم بالمناهج والقدوة والمعرفة لكن اللي عملناه اننا مبقيناش فاضين غير لجلب النقود اللي بندخلهم بيها المدرسة ونسينا اننا مش الات لضخ العملة احنا علينا رسالة وحاملين على عاتقنا امانة لازم نأديها ..كلام بج بج مع الولد الشقي ده وبقعة الزفت موتتني م الضحك ما شاء الله عليك كاتب ساخر ممتااااااااااااز "
لولا

كلمات من نور Says:

التربية والتعليم

اه يا أبو علي اهي دي فعلا من أهم الوزارات اللي محتاجين نبيعها لبتاع الروبابيكيا ونستبدلها علشان الاجيال اللي طالعه الأيام دي عامله زي يونس شلبي في مدرسة المشاغبين ( ابن الناظر ) صفر عربي صفر حساب صفر علوم الخ الخ

جيل لا حصل لغات ولا حصل عربي والله يرحم مدارسنا العربي ايام زمان كنا متفوقين في جميع العلوم حتى الإنجليزية والفرنسية ( ولو إني صفر فرنسية علشان انا ثانوية من السعودية )ههههههههههه

ربي يقدرنا على تربية وتعليم أولادنا و إصلاحهم فهم أملنا لمستقبل أحلى

sony2000 Says:

طب هتعمل كدا اذاي
وامتي
وبأننهو طريقه
ولو هتعملها هتكون مين اللي يقدر علي كدا
ومين لا
بجد ياريت نعملها
ياريت اننا نغير

لـــولا وزهـــراء Says:

سيدى الفاضل ابو على

شكلنا كده هنعمل احتلال للمدونه اقصد استيطااااااااااان انا ولولا ههههه

اعتقد بخبرتى القليله فى الحياه انه لا يوجد هنا لا تربيه ولا تعليم كنت منذ فتره ليس بالطويله فى مؤتمر يناقش احوال التعليم وفجاه سمعت رأى يقول ان احوال التعليم لن تنصلح قبل حال التربيه فى المنازل استغربت من هذا الرأى ولكننى عندما فكرت فيه اكتشفت اه رأى صواب .....

اعتقد ان هناك جيل لا يعرف معنى كلمة تربيه الا من رحم ربى الدولقتى مافيش ام توجه وتطبطب ووقت الشده تضرب ومافيش اب يقول كده غلط او صح احنا بقينا فى عصر السرعه الاب بيطمن على ودلاه من عن طريق الموبايل او النت اكيد السبب فى ده هو روبابيكيا الزحمه شوفت ان مذاكره من الحصه اللى فاتت هههههههههههههههههه


عبجتنى اوى زوجة الريس طناحه وعجبنى وصفك لها عن جد واضح انها زوجه صح زى ما الكتاب بيقول بس كجرد سؤال صغيرو خالص مالص هو دلوقتى فى زوجه من رغايه او زنانه ده فيرس ولازم له من تطعيم


عجبنى الحوار اوى بس بيدل على اننا ممكن نعامل الاخرين بالحسنى وبالادب فى الوقت اللى هما اصلا ما فيش عندهم تريبه او ادب على فكره شئ صعب بجد انى اتعامل مع حد باسلوب محترم وهو اصلا اسلوبه ......" حط اى كلمه مكان النقاط " هههههههههه

"غوغاء لا يرتعدون ويهربون الا عندما تكلمهم بالطريقة التى تصدمهم"

الجمله اللى قالها الريس طناحه معلش يعنى هى غلط لان الغوغاء بيفضل اسلوبهم كده حتى لو اتعاملت معاهم بالحسنى اهم اتعلموا كده واتربوا على كده ...

شكلك لسه عندك امل فى موضوع التعليم بصراحه انا فقدت الامل فيه من زمااااااااااااااااااااااااان
اما بقى بالنسبه للتربيه امممممممممم محتاجه اعادة تفكير شويه لان اصلا الاباء والامهات اتربوا غلط يبقى بكل تأكيد مش هيعرفوا يربوا جيل صح الصح

ان رغيت كتيييييييييييييير بس معلش اكيد انت عرفت انى رغااااااااايه

فى انتظار باقى الروبابيكيا


زهــــــــــــراء

لـــولا وزهـــراء Says:
أزال المؤلف هذا التعليق.
richardCatheart Says:

ازيك يا ابوعلى يارب تكون بخير

وحشتنى جدا روببكياتك الجميله

معلش والله انقطعت عن المتابعه غصب عنى

جميل اوى البوست

بس حرام نحكم على جيل كامل انه وحش
طول عمر الاجيال فيها وفيها

والمخرب دا دول عمره موجود
الفرق ان الناس كترت اوى وزى الكويس ماكتر بردو المخربون كترو

معاك فى التربيه والبيت والمدرسه
وكلامك عنها
المشكله ان مش كل البيوت اتنزلت عن التربيه
انما كلللللللللل المدارس اتنزلت عن دورها بكل المستويات ومهما كان مستوى المدرسه
ناس كتير ربت وبتربى ولادها كويس
وبتروح المدارس بتخطلت بغيرها بيحصل لخبطه والمدارس لا حياه لمن تنادى لاتربيه ولا تعليم
وانا مقتنعه ومتاكده ان زى مافى وحش هايفضل ديما فى كويس

تحياتى يا انسان

yara Says:

التغيير محتاج مجهود كبيير مننا يا ابو على ومساهمه من الجميع ..يعنى طبعا الاسره ليها دور تبدا مع اولادها من الصفر فى وضع الاسس والمبادىء والمدرسه ليها دور كبير جدا فى ترسيخ المبادىء دى والارتقاء بالجانب الفكرى والاعلام ليه دور فى نشر التوعيه والبرامج والاعمال المفيده واللى فيها جانب من الترفيه ايضا بدل ابو الليف وغيره اللى العيال بقت حافظه اغانيهم اكتر من اسمهم ..دورنا احنا فى التعامل مع الناس خارج بيوتنا وامام اولادنا له دور كبير جدا لان فى النهايه الحوار مثلا اللى دار بين بج بج وصديقه المخرب مجاش من فراغ اكيد جاى من اسره مربيه وبذلت مجهود علشان تنجب اولاد بالفكر ده ..يعنى هى منظومه كلنا شاركنا فى هدمها وكلنا مسئولين عن اصلاحها وربنا يعيينا بقى يا ابو على واهو رمضان جاى نتمنى يكون نقطه بدايه ولو بالدعاء فيه باخلاص بان يصلح الله الاحوال ويعيينا على الاصلاح داخل انفسنا وفى المجتمع اللهم بلغنا رمضان ..

رائع ومبدع كعادتك يا ابو على ودايما كلماتك لا تحمل الا انوار التفاؤل والامل بانه طالما هناك شباب يفكرون مثلك اذن لابد وان ياتى اليوم الذى تحرك فيه الكلمات النابضه الاجساد المتكاسله وعندها حتما سياتى التغيير ..فاستمر فى كلماتك يا ابو على وكن واثق ان هناك الذين تغيير الكلمات مجرى حياتهم وتكون الدافع الاول للتطبيق والاصلاح ..

وكل سنه وانت طيب وفى احسن حال دايما يا انسان .

فتاه من الصعيد Says:

لا في تربيه ولا تعليم ولا في اولياء امور فاضيه تعمل اللي حضرتك بتقوله

هما بيشجعوا الولاد ع الصم والبعد عن العيال الوحشين بس

اتمنى الناس تسمعك

تحياتي

SHAPE YOUR LIFE (ABOALI) Says:

الى لولا

ياااااااااافندم منورة مقدمة التعليقات
وهكذا يكون حال الملكات

تقديرى

SHAPE YOUR LIFE (ABOALI) Says:

الى لولا

صح والله يا لولا اصبحنا مطبعة لسك العملات
لا ندرك حجم الجرم الذى نفعله الا عندما نكتوى بما جنته ايدينا

ولكن لازال هناك امل مادام فيه شباب وشابات مثلك سيكونوا يقينا نواه لارض جديدة تنبت اللؤلؤ والياقوت والمرجان

اسعدنى تشريفك واسعدنى رايك

تقديرى

SHAPE YOUR LIFE (ABOALI) Says:

الى كلمات من نور

يا مرحب يا مرحب
عودة حميدة بعد اجازة من المدونة
مطلوبة برضوا
ولالالالالالالالالالالالالالالالالاايه

صفر فرنسى يااااااااااااااه
دول يطلعوا كام درجة دول
ههههههههههههههه

ان شاء الله القادم افضل باءذن الله
ما دام فينا امثالك سيدتى

تقديرى

SHAPE YOUR LIFE (ABOALI) Says:

الى قلب قطة

فعلا
مادام فيه وحش هايكون فيه الافضل
واثق فى هذا

بس ده يحصل لما نفكر بوعى ولا نتهاون فى تعليم اولادنا ومتابعتهم
اهم شيىء يخرج طفل او انسان فاهم
هو متابعته والصبر عليه

اما عند المدراس
عدم ظهور اولياء الامور فى واجهة المدرسة ومتابعة اولادهم
جعل الاطفال فريسة لعبث بعض العابثين وفرصة للاهمال مادام لا احد يسئل او يتابع

اسعد دائما بوجودك ورايك الذى يثرى الحوار ويضيف للمعنى معانى

تقديرى الكامل يا انسان قدير

SHAPE YOUR LIFE (ABOALI) Says:

الى يارا
فعلا يا يارا اتفق
رمضان فرصة لجمع الشمل واعادة التذكير
بقيم عليا هى التى بوجودها نستسعر رمضان وغيره
فرمضان فرصة لتربية النفس وصفاء العقل للتعلم والمعرفة

كلنا نجتهد يا يارا وما يوفقنى الله له هو رحمة منه لى
فلا داعى للشكر
ونفعنا مالك الملك بما نقرء ونكتب

وكل سنة وانتة فى اطيب حال

تقديرى

SHAPE YOUR LIFE (ABOALI) Says:

الى سونى

اجابات الاسئلة عندنا يا سونى
نطبق احنا ونكون نواه
وخلى ثقتك ويقينك فى القمة
ان ما اجتهد انسان الا كان السرور نهايته

واذا طبق شخص واحد وراه غيره فطبق وغيره وغيره

ستتغير الصورة بالتاءكيد

تقديرى لرغبتك فى التغير والاصلاح

SHAPE YOUR LIFE (ABOALI) Says:

الى زهراء
هههههههههههههههههه
احتلى يا ستى كما تشائى
اهم حاجة بعد القراءة كل واحد يضع فى الصندوق حتة بعشرة جندى

علشان الحياه صعبة واالتربية ضاعت فى الشوربة والتعليم الصرصور ضربه وجرى

ولالالالالالالاايه

التعليم سهل والتربية
لو خلصت النوايا وكان فيه نية فعلا للاصلاح
الناس لو كل يوم فكرت انها تعمل حاجة كويسه فى اليوم ده
وتانى يوم جاجتين وهكذا
هانتغير
على الاقل نتكلم بهدوء حين النقاش

الارتقاء ليس صعب لو تسلحنا بقين ورغبة فى التغير
ولو انتى ولولا ويارا وكلمات من نور وسونى
ومعكم ابوعلى
عملنا حاجة كويسه وغيرنا قلدنا
هايبقى موجود عشرة
وعشرة وعشرة هانكون عدد

دائما عندنا ارى تعليقك
افرح
لانه لازال احد يقرء ويرغب فى ان يعرف
ولكن
طرح الحلول مطلوب حتى يكون التفكير دائما ايجابى
ياااااااااا انسان يا ايجابى

اكرر دائما التقدير
واطلب منك ان تكررى قول
اللهم اجعلنا من السعداء فى الدنيا والاخرة

SHAPE YOUR LIFE (ABOALI) Says:

الى فتاه من الصعيد

بصى احنا نتفق
انتى تسمعى الصعيد
وانا اسمع الهرم
واللى يطلع ليه ابو اللهول يبقى هو الفايز

ولاايييييييييييييييييييييييه

ههههههههههههههههههه

تقديرى