روبابيكيا الطعام

, الثلاثاء، 13 يوليو 2010



تمر بنا الحياه وتموج وتأتى كل حين بالجديد مما يخترعه بنى البشر
ووصل التجديد الى ما نأكل
ذلك الطعام
 الذى به نقتات  لكى ننمو ونستمر
وتعددت مع التطورات الحضارية العصرية اصناف واشكال الطعام
وتنوع ما بين المقبلات التى تساعد على فتح الشهية
وما بين الاطباق الدسمة التى تحمل الوان مختلفة
وهبت رياح من بلاد اروبا والدول المتقدمة تحمل لنا  بشرى الاكل السريع  وتعدده
الفراخ المتبلة  بالخلطة السرية التى احتار الزيت المغلى فى كشف سرها
 ثم  جاء السندويتش العملاق الملقب  بالكومبو
 ومنها انبعثت  البيتزا التى تاتى لك ساخنة وبداخلها الجبنة تشتكى من نيران الفرن

عندما دخلنا سوق بيع الاطعمة وجدنا كشك تجلس فيه سيدة
 فى مقتبل الخمسينات ترتسم على وجهها علامات الاشراق والصحة
 ويتجلى ذلك حين تنظر اليها فهى لا تضع اللهو الخفى الذى يدعى المكياج
وتنطلق منها الحماسة ودموية الدماء
 وتستطيع ان ترى كل علامات الارادة والجد فى قسمات الوجه

تلك السيدة يسميها اهل السوق كُعبره
 لانهم يقولون انها تكعبر المواضيع اى تضخمها وتقولها ليلا ونهارا
السيدة تجلس فى الكشك ويسمى الكشك روبابيكيا الطعام

يا ست كعبره  هل فى الطعام روبابيكيا
فقالت يا انسان عندما تترك ما يقيم بدنك ويجعلك صحيح
 وتبيعه بثمن بخس ثم تعود وتشتكى الامراض
وعضال الداء ووهن العظم والكسل وضعف المناعة
سيكون هذا الكشك عنوانه   روبابيكيا الطعام
انا يا ولدى ابيع الذى ابتعد عنه الناس وذهبوا هناك
  الى  العم كنتاكى والخال ماكدونالد والعمة بيتزا
والفرفور شبسى بطعم الوكسة

يا امى ان المجتمع يتطور ولم يعد هناك وقت ولابد ان نأكل بسرعة
وهل يا ابنى سيكون عندك وقت عندما تقف امام الاطباء تشتكى؟
من تعب المعدة والقولون وسوء الهضم والانيميا وما خفى كان اعظم
لا اقول لك يا ابنى ان  تأكل الطعام  وتجلس امامه ساعات
 ولكن عليك ان تتذوق وتختارما ينفعك
فعندما يكون عندك سيارة تختار لها نوع البنزين الملائم لها
 حتى يعمل الموتور بشكل جيد
فمابالك بك
الا تختار  ما يفيد ؟
كان الرسول صلى الله عليه وسلم
فى الافطار يشرب كوب ماء   به ملعقة من العسل
 فيعطيه الطاقة اللازمة لبذل العرق طوال اليوم
فأن لم يجد فكوب لبن به سبع تمرات
اذا اتى الغداء
اخذ كسرة من خبز الشعير وبعض من زيت الزيتون و خل التفاح
فاءذا حل وقت العشاء
اخذ كسرة اخرى من خبز الشعير مع كوب من اللبن الرائب
وكان صلى الله عليه وسلم يلون اطباقه بالخضروات
فيأكل الجزر والشبت والبقدونس  ويداوم عليها
ومن الفاكهة الرمان والتين
ذلك كان طعام نبى ورسول
و هو ان كنت لا تعرف   من  اولى العزم والصبر ويحتاج الى القوة
انظر الى شاب من شباب اليوم
تجده يتكسح طوال النهار يمسك بالبزازة التى تسمى سى جارة  وهى ليست جارة 
وعلبة كانز وكيس شبسى محمر ومحشى
فأن طلبت منه ان يغنى غنى لك 
وان طلبت ان يتراقص امامك على احدث  الاغانى رقص
ولكن اطلب منه ان يبذل عمل فيه مجهود وصبر وجلد
تجده ضائق الصدر متعب فى ضعف وهزال
يريد ان يكون باشا وبيه  ورئيس
لذا  لجأ هذا الشاب ان يحمل مطواه او سنجه 
ليدافع بها عن نفسه وبدونها يشعر انه  شاب اعور
يا ست كعبره  هؤلاء كانوا انبياء يطعمهم الله ويسقيهم  ونحن ضعفاء نحمل الهم

ابتسمت ست كعبره وقالت ومن قال لك احمل الهم  من حمل الهم مات كمدا وحزنا

ولكنى سأقول لك حكمة العقلاء
ليس من الحكمة ان تأكل  كل ما تشتهيه
فأن ذهبت الى سوق الطعام يوما
اقترب من المسلوق و زد منه
ومن البروتين كل القليل وتذوق
سمك  لحم دجاج بلدى وابيض
وان اشتد بك الغلاء يوما
البقوليات تناديك تعالى الى احضانى
والعنب والرمان من بعيد يتغزل
والتين والبطيخ والشهد شاهد مُشهد
وعليك ب الفواكهه  وسورة الرحمن
ان كنت  قارىء متأدب
(الارض وضعها للانام فيها فاكهة والنخل ذات الاكمام )
وعليه ان كنت انسان هُمام
التمر سلاحك يعطيك الشحن التمام تمام
وتذكر حين تلقى  بعد بسم الله 
فى الفم
الطعام تلو الطعام
ان المعدة كائن كيان
 كمثرى الشكل مرسوم برهان
الثلث هواء والثلث ماء والثلث طعام
فهى كما قال خير الانام بيت الداء
ولا تنسى بين الحين والحيناء
ان تتصدق ولو بشربة ماء
الصدقة نور لك وضياء
وزكاة لنفسك  وجواز سفر الاتقياء


وها هى الست كعبره تلملم الطعام وتضعه فى الكشك  وتقول اعذرنى يا بنى
فقد حان اذن المغرب وحان وقت الافطار  فقد كان نبى الله دواد يصوم يوما ويفطر يوما
فكتب  الله  له الصحة  والمحبة

وهى تهم بالرحيل قولت لها  الواد ابنى عاوز قلبظ والبت بنتى عاوزه  شاورمه
فقالت عذرا يا ولدى
قد كان منكم مهندس اسمه حسن فتحى مهندس معمارى معروف
صمم فى الواحات قرية باريس
قال يوما" ولم انس مقولته
(ان وضعت لوح زجاج فى بيت او منزل اصممه سيحاسبنى الله يوم قيامته )
لاءن الزجاج يا ولدى يحتجز الحرارة التى تدخل اليه ونحتاج الى مروحة وتكيف
والعقل من امراض الصيف يكون خفيف

فما بالك انت
هل سيحاسبك الله على ما تفعل فى اولادك ام لا ؟ 



على جنب
جاوب السؤال هل اضاف لك البوست جديدا ؟
ان كانت الاجابة نعم ف قرء البوست الذى قبله 
وان كانت لا  فأعلم انه ما ضاع منك وقت
فقد صليت على خير الانام  المصطفى عليه السلام 
وش مبتسم 








23 Response to "روبابيكيا الطعام"

richardCatheart Says:

احتتتتتتتتتتتتتتتتتتتتتتتلال

كلاكيت تانى مره

richardCatheart Says:

ايه الصوره دى جابتلى صرع حرام كفايه

مش عايزن نااااااااااكل هم هم هم


هاقرى وارجع اكمل حتلالالالالالالالالالالالالال

SHAPE YOUR LIFE (ABOALI) Says:

الى قلب قطة

لعلمك الاحتلال يزيد الوزن ويقلل من مستوى الكوليسترول الضار ويرفع مستوى البهجة ويزيد البدن قدرة

لذا الاحتلال مطلوب من الاحباء
لان العين تسعد بمجرد قربهم


الصورة عبرة وعظة لكل من يحتل المدونة
ولا يقول الحمد لله الذى عفانا مما ابتلى به الاخرون

منتظر الرد النهائى

richardCatheart Says:

جميييييييييييييييل والله

ياريت اكبر عدد يشوفه

بس فى مشكله ان الفاكه عندنا مضروبه بالنار

البطيخ بيجيب نزلات والمش والخوخ مدودين

والخضار راخر كله يرقات

والسمك نسبه الرصاص فيه عاليا واللحمه مضروبه ومدوده
والفراخ البلدى غاليه والبيضه كلها هيرموونات
واغلب الفاكه الكويسه مولعه
علشان نص المحصول اتحرق
مانت فيها وعارف

يبقى الصوم احسن وابرك
بس على الله الناس تلاقى حاجه تفطرها
ههههههههههههههه

تحياتى على البوست الجميل
على فكره الست كعبره دى فكرتنى بالست مريم نور جبارع يااااااااما عقدتنى

richardCatheart Says:

ربنا يباركلك يارب على ردك الطيب
ويزيدك من نعيمه بقوه العقل الصالح

وربنا يكفيك شر الاحتلالالالالالالالالال يارب
وتعيش حر طليق

الحمد لله الذى عفانا مما ابتلى به الاخرون


تحياتى

لــــ زهــــــراء ــــولا Says:

سيدى الفاضل ابوعلى

-*-*-*-*-*


حضرتك بقى جيت فى ملعبى لانه يقال عنه انى استاذه فى المطبخ العربى والغربى والشرقى والشمالى والجنووووووبى هههههه

عبجنى اوى اسم كعبره ههههههه حسيت فى بالشياكه كده .........

على فكره شباب هذه الايام ومعظم الناس كمان صبح يستسهل الاكل السريع او وجبات التيك اواى كما يطلقون عليه يعنى فراخ بانيه او تشيطن زى ما بيطلقوا عليها وكمان البيتزا بكل اتواعها لو قولت لحد اشرب لبن الصبح يقول لك انا خلاص كبرت واتفطمت لو قولت خد ملعقة عسل نحل على الريق يقولك لك هو انا نحله كله يستسهل الاكل السريع لان ايقاع الحياه الواقع سورى اقصد الايقاع السريع خلى كل حاجه سريعه مريعه بشكل فظيع ...

باعشق كل انواع الفواكه ممكن طبق صغيور ههههههههه

البوست رائع كنت اتحدث مع احدى صديقاتى وحكيت لها عما اقراه هنا وكيف اننى اكتشف فى كثير من الاحيان رغم كل الكورسات التى درستها ورغم قراءتى اننى طفله صغيره وانسانه جاهله لا تعلم اى شئ حينما اقرا لحضرتك اى بوست اشعر اننى انفصلت تماما عن العالم الخارجى واركز فيه بدرجه غير طبيعيه
تحيه لقمك الرائع وفكرك المستنير

ادعو الله لك بالسعاده التوفيق
واتمنى لك مزيد من النجاح فى البوستات القادمه
سلامى الى بج بج ودم الغزال والاسره كلها ...........

زهــــــــراء

لــــ زهــــــراء ــــولا Says:

تعليق صغير الى قلب القطه
يا مارو انا كدع اتعقدت بجد كل الاكل غير صالح للاستهلاك الادمى عاااااااااااااااا
اشد شعرى يا مارو كده بقى نقضيها شاورما وشيبسى او نعمل ايه
اقولك نقضيها كنافه بالمانجو فاكرها ههههههههههههههههه كل لما اعملها افتكرك والله

انتى عارفه الصيف يجى والفاكهه كلها تظهر بمشاكلها بس نعمل ايه ربنا يسترها علينا

معلش يا ابو على انى عملت كومنت كمان بس قلب القطه دى عشرة العمر كله


زهــــــراء

غير معرف Says:

مساء الروبابيكياا

مفيش بعد كدا

أفادك الله

بس الصراحه بالنسبه لى مفيش احلى من اكل التييك واى الوجبات الجاهزه سهله وخفيفه ومتضيعش وقتى فى المطبخ
هههههههههههه

دا على اساس انى مش بقف طول النهار فى المطبخ

جميل اكل الفاكهه ومفيد ..نكتر منه دا


فكرة البوست رائعه

دمت فى حفظ الرحمن

sony2000 Says:

بجد اضاف
متتخيلشي اد ايهه:)

ghorBty Says:

استاذ ابو على
\

ادام الله عليك نعمه

الاكل وما ادراك ما الاكل

مشكله المشاكل

والله يعين الست كعبره :)

ويحمينا من روبابيكيا الطعام :)

كل عامـ وحضرتك بخير ..

كلمات من نور Says:

المعدة شر وعاء يملأ

صديقة لي جائت من بلاد برة يا عين أمها..كاتبه عالفيس بوك : لما جيت مصر تعلمت إني أمضغ الطعام ببطء و بالراحه خالص علشان الزلط والطوب اللي في الرغيف أبو 50 قرش

و قريبة لي جائت من أمريكا وقالت : ايه داه عمالين تقولوا عيش ممتاز وخضار سوبر وفاكهة من الغالية انا من يوم ما جيت مصر وانا عندي إسهال الله يسامح اللي كان السبب


طيب والحل نشم هوا ونشرب مياه كفاية؟

اوعى الا التلوث وصل لحد ماله حدود يا إنسان

Hanan Elshafey Says:

بصراحة استفدت
بس زي ما قلب القطه قالت يعني الاكل كله اضرب
وبعدين في حاجه مهمه جدا
الاكل اللي حضرتك قلت اننا بناكله وتيك اواي وكده
في حاجه مهمه جدا
انا واحده من الناس الاكل ده زي الشاي والنسكافيه كده بالنسبه لي
يعني مكمل ليومي مش اكتر
بالعكس ايام كتير تعدي من غيره:)
انما الهدف ايه بقي
لما بكال بره مثلا مثلا
الاكل يفتح النفس اللي متربسه بسبعين ترباس
ريحته حلوه
شكله حلو
طعمه حلووووووووووو
ماكلوش ليييييييييييه
وعيلي فكره يعني بحب الخضار والفاكهه واللبن والعسل
بس قبل ما يضربوا بالنابالم

اشكرك جدا
وتحياتي

لــــ زهــــــراء ــــولا Says:

يا ست كعبره هل فى الطعام روبابيكيافقالت يا انسان عندما تترك ما يقيم بدنك ويجعلك صحيح وتبيعه بثمن بخس ثم تعود وتشتكى الامراضوعضال الداء ووهن العظم والكسل وضعف المناعةسيكون هذا الكشك عنوانه روبابيكيا الطعامانا يا ولدى ابيع الذى ابتعد عنه الناس وذهبوا هناك الى العم كنتاكى والخال ماكدونالد والعمة بيتزاوالفرفور شبسى بطعم الوكسة


" مصر كلها هتختار طعمها هههههههه ...لخصت معنى روبابيكيا الطعام فأنجزت انا كنت داخلة وعمالة سؤال ف دماغي اشمعنى روبابيكيا دي الروبابيكيا الاشياء اللي استغنى الانسان عنها ففهمت ربنا يعزك يارب مش بقولك ما شاء الله على حضرتك بتحرك اذهانا بفلسفتك الجميلة دي ...احنا دلوقتي اشترينا الكسل والمرض بفلوس كتير وبعنا الصحة بتمن بخس فاصبح هناك مخزن للروبابيكيا الطعام الذي لا يطأه قدم اي انسان سوى الانسان الواعي الفاهم لفطرة الطبيعة والحافظ على عدم افسادها ..."
لــولا

SHAPE YOUR LIFE (ABOALI) Says:

الى قلب قطة
امممممممممممممم
انظمة الطعام التى كان ياءكلها الانبياء ويحرص عليها
لا اظن ان الفساد اقترب منها وان اقترب بالامكان اختيار الحسن
فالعسل متاح
خبز الشعير
الرمان التين
يمكن باجتهاد صغير ان تزرعى خضرواتك فى بيتك او فى البلكونة ان توفرت العزيمة
كانت امى تقوم بزرع النعناع والجرجير
ممكن ان تظل الحياه هكذا سيدتى
ومن الممكن ان نبدء فى الاقتراب من الحسن فيها

اشكرك على البسمات التى تبسمت بها روحى حين رات تعليقك

واتمنى من الله ان يقربنا من الجميل وان نحافظ عليه

التقدير الكامل

SHAPE YOUR LIFE (ABOALI) Says:

الى زهراء

جميل انك يا زهراء تكونى من الناصحين والاجمل ان يراكى غيرك متنضر بكل همسات العبير

حينما يرى من ننصحهم علامات الصحة والحيوية علينا
يقينا سيسئلون عن السر وهنا ستكونى الملكة المتوجه

قليل من ارشاد الغير بالتطيبق سيعطى لنا الكثير من المكانة داخل قلوبهم

وتذكرى قول الرسول صلى الله عليه وسلم
نحن نأسر غيرنا بحسن الخلق

لن تستطيعى ان تنصحى غيرك الا اذا راى علامات ما تقوليه على نفسك
الا اذا صادفتى عقل واعى اخذ منك الجميل مما تقوليه


نحن نتعلم من بعض صدقا يا انسانة
وكل ما تقرئيه هو اجتهاد لنفسى ولنفسى
ان وجدتى فيه بعض الخير فذلك توفيق من الخالق
وان وجدتى فيه ما لايفيد
فقولى احتسب ياربى هذا الوقت فى رحلة البحث عن ما يفيد


اشكرك الشكر الجميل المنمق بكل الرياحين

SHAPE YOUR LIFE (ABOALI) Says:

الى زهراء

طبعا التعليق على قلب قطة يطول واعرف هذا

فمن كان يبحث عن الجميل سيجد الجميل يوما ولكن عليه بالبحث المستمر
فكم من ارض نبتت فسادا شاء الله ان يكون الثمر غذاءا

ويا ترى انا معزوم على الكنافة بالمانجو

ولا دى تهيئات بصرية


تقديرى

SHAPE YOUR LIFE (ABOALI) Says:

الى الحب الجميل
ههههههههههههههههههههههه

يا ستى حتى لو خرجتى واكلتى بره ابحثى عن ما يفيد
وجعلك الله ممن تنساب من بين يده كل ما هو صالح للاكل وصالح لبنى الانس


وابقى اشترى لاخوكى الغلبان حبة فاكهة

بلاش بخل بقى

تقديرى

SHAPE YOUR LIFE (ABOALI) Says:

الى سونى

اينعم اينعم اينعم

اد ايه بقى ؟

مصمم اعرف

هههههههههههه

اشكرك

SHAPE YOUR LIFE (ABOALI) Says:

الى الاستاذة غربتى

اممممممممممم
عودة حميدة يا غربة
مش عارف اقولك ايه بس مشتاقين لك بالفعل

اتمنى ان تكونى فى ارق حياه واسعدها ان شاء الله

الطعام اسهل مايكون لمن اردك وهذا قول صدق

ولكن اتباع شهوات البطن وعدم القدرة على السيطرة عليها هو ده اس المشاكل


تقديرى لما نثرتى وابقى طمنينى عليكى دايما

SHAPE YOUR LIFE (ABOALI) Says:

الى ام خلود

ربنا يهدينى يا ام خلود

تقديرى للاهتمام

SHAPE YOUR LIFE (ABOALI) Says:

الى حنان شافعى

مش عارف يا حنان اقولك ايه بعد كل ما قيل

ولكن الذهاب الى اطعمة الشارع ده هوى نفس فقط واقتناع بكده

لو دخلتى الى منزلك جائعة صدقا لو كان امامك ملح فقط مع عيش لقولتى انه افضل طعام على مستوى العالم

توحش هوى النفس هو اللى بيوصل لكده
وزاى ما انتى قولتى طعمها مش الاستفادة منها

وكمان فيه فواتح شهية طبعية عندنا كتير ممكن تفتح يا ستى النفس المستعصية

عندك مثلا مسلسل نور ومهند

ولالالالالالالالالالالالالالالالاايه

تقديرى لوجودك ها هنا واتمنى ان لا يكون الاخير وتكون الزيارة عابرة

المدونة تحب من كان ذو حنان

SHAPE YOUR LIFE (ABOALI) Says:

الى لولا

هههههههههههههههه
حرمت يا بوجى حرمت
حرمت ترم رم حرمت

هههههههههه

اولا عودة حميدة من البلاد البعيدة
جميل انك فهمتى اساس الحملة من الاساس يا لولا

واكيد هاعتمد عليكى انك تفهميها لغيرك
علشان نكون جماعة

ولالالالالالالالالالالالالا ايه

تقديرى لما كتبتى ونثرتى وادام الله عليكى حسن الفكر وحسن العقل و حسن المنطق وحسن القول وحسن التدبر فى المعانى والكلمات وحسن النظر الى الطاعات

وخلى بالك انى اسمى حسن
علشان يبقى تحيز بقى

هههههههههههههه

SHAPE YOUR LIFE (ABOALI) Says:

الى كلمات من نور

معلش نسيت تعليقك سيادتكم

المعدة بيت الداء نعم

لسه فيه حاجات نقدر ناءكلها لازلت تحتفظ ببعض البهاء

واذا اكلنا سمينا الله
فالله هو الحارس من فساد من يسكنون الاكوان


تقديرى العميق كل النور الذى تزينى به المدونة