روبابيكيااااااااااااااااا

, الأحد، 11 يوليو 2010




على بركة الله نبدء فى تدشين حملة روبابيكيااااااااااااااااا
فى الحملة هتلاقى كلام مريب اول لما تقرئه هيدخل العين هايطلع على العقل  هايكوره
فى الحملة كلام لكل مشتاق  المعنى هايكون مقصود لزوم غسيل الاطباق
فى الحملة مساعدات انسانية ليك وليها وليا بس يلا شدوا حيلكوا قبل عيد الضحية
فى الحملة هانبيع حاجات كتيرة وهانشترى حاجات اكتر
فى الحملة النفوس هاتبقى رايقة مادام بقت واعية
فى الحملة الفساد مش للركب الفساااااااااااااد بقى مينى جيب وساعات كمان بدون
فى الحملة الاونطة موجودة  واللى هايجود بيه علينا العم جودة
فى الحملة هتلاقى سياسة  اه منها اوعوا تقربوا منها
فى الحملة هاتتظبط بس اوعى الميزان يخضك
فى الحملة خليك راسى وبعقلك تمام كده زاى دمك
فى الحملة الكلام ممكن يكعبلك وساعات مش يعجبك بس اكيد هايروقك
فى  الحملة البرنامج  طويل بس انت خليك هادى واصيل
فى الحملة الموضوعات من تاتى الى الاتى بس انت وظوظ معنا وكاكى
موضوعات الحملة

( روبابيكيا السعادة)
( روبابيكيا الجنة)
( روبابيكيا الكلام)
(روبابيكيا التدوين)
(روبابيكيا الطعام)
(روبابكيا النفس)
(روبابيكيا البنات)
(روبابكيا الرجال)
(روبابكيا السياسة)
(روبابكيا الزراعة)
(روبابيكيا التجارة)
(روبابيكيا الضرائب)
(روبابيكيا  البشر)
(روبابيكيا الحيوان)
(روبيكيا التعليم)
(روبابيكيا الحب)
(روبابيكيا العمل)
(روبابيكيا التربية)
(روبابيكيا الفكر)
(روبابيكيا المواصلات)
******************
روبابيكيا ................................
************************
     ابطال الحملة المشاركون بالاداء الدرامى حسب الظهور وبلاش غرور
     زج زج  و بج بج و دم الغزال و ام العيال كعبره و ابو العيال طناحه
     اهداف الحملة
الارتقاء بالوطن والمواطن 
من خلال منظومة عامة تتبلور فيها المشاعر الانسانية
بلورة تساعدة على العمل البناء لنقل منظومته الحركية
من السير محلك سر
الى السير  فى الكون زاهر باسم ناشر رافع  مجتهد  متجه الى اتجاه معروف

السؤال المطروح
ماهى مصادر تمويل الحملة؟؟
الحملة تعتمد على اهل الخير المعضودين ذوى الفكر الراقى المستبين

لذا بعد الاطلاع على القانون ومشتملاته من مواد تنظم حقوق الملكية الفكرية
ستكون حملة روبابيكيا  حصرية على تلك المدونة
ومن سينهى بعض من سنوات فكره العجاف من خلال كلماتها 
سيطالبه  الكاتب بعدد ما  لايقل عن
5 دعوات اثناء صلاته وعلى الريق  طوال شهر رمضان

التقدير الكامل لمن قرء
وانتظرونااااااااااااااااااااااااااااااااااااااااااااااااا فى الروبابكيا




يا زمن فين الخلايق
فين الناس الطيبين
يا زمن فينا الحبيب
فين الاخوة المتحبين
يا زمن فين الخلايق
فين الناس الباحثين
فين الاصل فين الدين
يا زمن فين الخلايق
الكلام والفعل قليل
فكر وارفع راياتك
رافعوها زمان فى حطين
كان ليك  جذر اشجار يقطين
العلماء كانوا عرب
والكفاح كان علم
البيرونى والرازى
الادريسى   وابن سينا
ابن النفيس والهيثم
الدمشقى والخوارزمى
لو مش عارف دوس هنا
اعرف التاريخ والحملة جاية
اوعى  تكون روبابيكيا
تتباع ويكون السعر قليل
وانت الغالى الخليفة ليوم الدين
يلا بقى اعقل شوف
الكلام بقى على المشكوف
الحلم وصل ليك
افتح ليه ذراعيك
نادى عليه احضنه
فى كيانك احرسه
دى كانت كلمات قليلة
حملت معانى كبيرة
افهم وركزى تانى
اغسل وشك وتعالى
ابدء واعرفلك شغلانه
مين مين مين
قااااااااااااااااال
روبابيكيا


14 Response to "روبابيكيااااااااااااااااا"

أنا - الريس Says:

يا هندسة انتا دلوقتي لخبطنا .. هياالحملة التانية خلصت عشان تبتدي حمله جديدة .. يعني اشد في شعري ولا أأرأض في ضوافر اللي مليانه طين .
علي العموم لازم تحية كبيرة لأبطال الحملة .. أما الدعوا فانا اللي عايزها منك .. ويارب يبعد عنك كل شيء وحش كما دعا كل مخلوق علي البسيطة ويجيبلك شيء حلو كما دعا بها كل مخلوق علي البسيطة بالأشياء الحلوة .
يسعد صباحك
وتم الركوب
في قطار الحملة
بس يارب
القطر
يكون
فيه
فراااااااااااااااااااااااااامل

yara Says:

انا متفائله والله بالحمله دى جدا وحسه بجد انها مثمره ومشتاقه لموضوعاتها واللى هيكون ابطالها شخصيات بحبها جداااااا....

فعلا اختيار ذكى وموفق لعنوان روبابيكيا فى زمن اصبح فيه كل شىء له معنى وقيمه نادر الوجود ......احنا معاك يا ابو على وربنا يستر علينا بقى وهشوف ايه الموقع اللى انت كاتبه ده حالا علشان ابقى اتابع الحمله بوعى علشان بس منضمش لروبابكيا الحمله .....والسلام ختام

لــــ زهــــــراء ــــولا Says:

سيدى الفاضل ابو على

-------*******---------

حلو اوى اسم الحمله شيك كده ورومانسى اوى اوى ....

حلوه اوى الاهداف والمضمون والمعنى
ياريت كل واحد فينا يبيع الافكار الهدامه التى لا تسمن ولا تغنى من جوع
لو كل شخص بحث فى حياته شويه هيلاقى حاجات كتييييييييره عباره عن بيكيا

ان شاء الله معاك فى الحمله وفى انتظار كل الجديد والمزيد والمفيد من حضرتك
ربنا يوفقك وسلامى لكل اعضاء الحمله

زهراء

-_- Says:

انا حاسس ان الناس نفسها و اخلاقها هما اول حاجة لازم تتباع في الروبابيكيا !

sony2000 Says:

شكرا علي موضوع العلماء دا
موش كل حاجه بردو هتبقي روبابيكا مهمن حاولوا:)

brightlyanny Says:

ezyk aboali???

ana wyak fi elhamela fi proplem fi ghazy haha dauman ana keda

esm gameel lelhamla

bye

كلمات من نور Says:

الواحد فعلا محتاج بتاع روبابيكيا يرمي له كل الأفات والأخطاء والبلاوي اللي فيه بس يا ترى حتعمل بيهم ايه يا أبو علي وحتدي الناس إيه في المقابل؟؟؟؟؟؟؟ظ

SHAPE YOUR LIFE (ABOALI) Says:

الى الريس
يا ريس مشكرين على دعواتك الغالية الراقية

تعدد الحملات يثير فى النفس التساؤلات وتبدء فى عمل حملتها الخاصة
فمن تذوق معانى حملة يلا نخربها
عرف الهدف المراد
ومن عرف خفايا المصدع المصرى
اجتنب اسباب التصديع

وعلى العموم ماااااااااشين بنعض فى خطوينا ولم يخلص العض نفرمل

تقديرى لتوجداك المستمر

SHAPE YOUR LIFE (ABOALI) Says:

الى يارا

هههههههههههههههههه
احنا معاك يا ريس
هههههههههههههه

ربنا يجعلنا كلنا متفائلين وشدى انتى حيلك كده
وشوفى هاتبيعى ايه فى الروبابيكيا
علشان اجهز الكشك

تقديرى

SHAPE YOUR LIFE (ABOALI) Says:

الى زهراء

مش هانبيع الافكار الهدامة احنا نزود الافكار البنائه قووووووووم بقى ايه

الهدامة تجرى تجرى تجرى

سعيد انك هاتبعى الحملة
بس عليكى نشرها بقى
علشان الروبابيكيا كتير اليومين دول


تقديرى لشخصك الكريم

SHAPE YOUR LIFE (ABOALI) Says:

الى شارم

ممكن بالفعل نبيع الاخلاق
بس منين هانشترى ؟
لو عارف مكان قول

احنا ممكن نهذب الاخلاق ونطبقها على نفسنا
وغيرنا هيشوفها هايستغرب
فياءتى ليسئل فتبيع له اخلاقك ورزقك على الله

تقديرى لك المستمر

SHAPE YOUR LIFE (ABOALI) Says:

الى سونى

فعلا مش كل حاجة هاتبقى روبابيكيا
بس كل حاجة ممكن نوصلها انها تبقى كده

فهمتى حاجة
ان كانت الاجابة بنعم
يبقى قولى الحمد لله
ان كانت الاجابة لاء
قولى الحمد لله

يبقى كده خدتى عشرين حسنة

والله الموفق

تقديرى

SHAPE YOUR LIFE (ABOALI) Says:

الى برتلى

دى شتيمة دى يا برتلى ولا انجليزى بس صعيدى شوية

ابعتى الترجمة علشان افهم


تقديرى المستمر

SHAPE YOUR LIFE (ABOALI) Says:

الى كلمات من نور

اول مرة ارى من خلف الكلمات جزء من فتور

سنعطى الناس الكثير
يكفى انهم سيقولون كان بينا من ينصحون

وعملوا ما يستطعون

يارب هب لنا الصلاح والهدى من عندك وقونا على الطاعة

تقديرى الدائم