على جنب

, الجمعة، 17 سبتمبر 2010



اثناء توارد الانباء عن محاولة بعض من بنى الغرب حرق المصحف
كنت ابتسم وانا ارى انفعالات البعض ويكاد بعضهم يصدم
حين اقول لهم ان من حرق المصحف اولا هم المسلمون
ولم يتعود البعض على لغة الحوار الهادئه بل تراه يكيل الاتهامات
بأنك غير غيور على دنيك وغيرذلك 
من سوط  الالسنة التى تنال من الاخضر واليابس
وتناسى الجميع ان يسئل لما كان المسلمون اول الحارقين للمصحف ؟ 
وتأتى الاجابة
 لوجود سدادت عميقة السمك على الاذان تريد ان تسمع فقط عبارات معينة 
وهى
حى على الجهاد وهيا ندمر السفارات ونخرج فى المظاهرات
وقلت فى نفسى لا ضير ان نعبر عن الغضب
ولكنه الغضب المسئول الايجابى الذى يجعل يغيرك
يأتى اليك حبوا من طلاوة حديثك وحسن تدبرك 
وردك على من يحاولون تشوية صورتك

ومن هنا
قولت لنفسى لقد حرق المسلمون المصحف
 حين وضعوه كزينة فى البيوت وعلى مساند  السيارات للبركة
 وحين قام اصحاب المحلات بوضعه فى نهاية اليوم كحافظ لهم
و نوع من استحثات الحس الانسانى لدى السارق  حين يقابل كتاب الله فى طريقه
بل ان البعض قد طبع اسم المولود عليه وفى مناسبات السبوع وما شابه يقوم بتوزيعه
ولم
تنحنى اليد لتلتقط ذلك المصحف وتحاول فهم مفرادته والعمل ولو بجزء يسير منه
حتى لا يتحول الى مجرد كتاب للتبرك يوضع فى تلك الصناديق الشيك 
اذن
 اوجه حرق المصحف لدى المسلمون تعددت واصبحوا ينظرون الى كتابهم المقدس كاءنه
  صورة وكلمات وليس معانى قابلة للتطبيق باعتباره يضم نموذج وكتالوج اصلاح النفس

وهنا تذكرت
عباد بن بشر واسيد بن حضير وهما  احد صحابة رسول الله صلى الله عليه وسلم
فقد كان الصحابه يطلقون على عباد بن بشر صاحب القرءان 
من فرط عشقه لذلك الكتاب
واذكر هنا له موقفان
الاول
انه كان يمشى مع صديقه اسيد بن حضير  ويمسك عصاه  فى الظلام
فاءذا بها تضيىء لهما الطريق ويخرج منها نورا  ليكسر حاجز الظلام
وما ان افترقا الصديقان ووصل عباد الى بيته حتى اضاءت عصا  اسيد بن حضير

الموقف الثانى عجيب بالفعل
فقد كان يحرس يوما  مع الصحابى عمار بن ياسر مخيم 
فيه الرسول صلى الله عليه وسلم مع بعض من اصحابه وكان عمار نائم
واخذ عباد يصلى ويقرء القرءان فتسلل احد المشركين
ورماه بسهم فأصابه فأكمل الصلاة وضربه بسهم ثانى فأكمل ايضا وثالث
وما انتهى من الصلاة وفرغ ايقظ عمار بن ياسر وهو يتألم
 فأحدث عماربن ياسر ضجيج فهرب المتسللون وجاء عمار يسئل عباد بن بشر
 لما  لم توقظنى حين اصبت اول مرة
فقال له عباد بن بشر
والله ما كنت ابدا قاطع سورة من القرءان بدءت فى قرءاتها

و تأتى نهايات دلائل الكلام لتقول  انها ليست حصص فى الدين والوعظ وكيف كان الاوائل
ولكن المعنى يقول  
التمسك بشيىء ما  يحث من تمسك به على العمل به والقرب منه   
وهذا هو البديهى

وليس وضعه فى فترينات العرض للقاصى والدانى

ويأتى من بعيد معنى يقول من لم يجعل له الله نور فمن اين يكون له نور

الفكر المستنير وحسن التدبر وطلب العلم وتطبيقه هما الحماية الطبيعة التى يرتعد منها الاعداء
فأستغلالهم لمستوى الجهل والفقر واعوجاج التفكير لدى  غالبية المسلمين يعطيهم الذرائع
للدخول الى بلادنا لسلب خيراتنا واموالنا بحجة الاصلاح الفكرى  والسياسى و ردع الارهاب
فهل يا ترانا نعقل قليلا  ونضيع الفرص على امثال هولاء

والله والله  هناك رب اقسم ان يحفظ كتابه فلتطمئن القلوب وتهدأ
ولكن لتبدأ دوافع العمل و الجهد لرفع رايات ذلك الكتاب ونكون له مطبقين
لصالحنا اولا وردع غيرنا وسجره



ايها الطائر البعيد
قالوا يوما
ان احد البلاهاء
 سيحرق المصحف فى كل الانحاء
فهل تذكر له بعض الايات

ايها الانسان السائل
اقسم الله 
انه هو الحافظ ذو القوة المتين 
ما كان  المصحف يوما
 كلام فى الصفحات يتلى
ولكنه كان غذاء الارواح ولا ابهى
فى القلوب ساكن
والكيان به نابض
ان نسيتم يا بنى الانس يوما
العمل به
ونشره بين  الخلائق
فإنا بنى الطير على العهد محافظين
نقلنا لسليمان يوما
ركوع سبأ لغير الله 
للشمس كانوا ساجدين
فأن  استقيظنا يوما
ووجدنا سفية
وكان لكتاب الله حارقا
تناقلت فى  لحظات قلوبنا
تحمل هنا وهناك اياته
فترى هناك
 الطفل الصغير
يردد ويقرء والعنوان ترتيل 
اسمع يا منى يا كبير
ويخرج الزاهدون والكبار خاشعين
اان الاوان
لحرق من تسول له نفسه
التطاول
على كتاب العالمين
ويموج فى الكون جنود ا"
والله لو رايتهم لسكنت فى بيتك
وكنت من المطمئنين
يرفعون رايات خضرا
مكتوب عليها
ايها البلاهاء المساكين
القرءان ليس لبنى الانس كان مخصصا
ولكنه هدية الله للأرضين
ف يا ساكنى  الكهوف و عبدة الشياطين
انظروا هناك تجدوا فى المدينة
احمدا
صلى عليه رب العالمين
كتابه لا يحرق ابدا
الا تعلموا يا غاااااااااااافلين
لقد كان قاب قوسين او ادنى
فهل الحرق جزاء المحبين
اخسئوا وموتوا بغيظكم
فالاعمى لا يرى النور
حتى لو كان امام العين
انوار الدينا ومصابيح المجانين

22 Response to "على جنب"

richardCatheart Says:

تحيه وتقدير رؤيه صحيحه رائعه

اشاركك الرائى يا ابو على

علينا رفعه بالقلوب وليس بالايدى فمكانه الطبيعى ليس امكان الزينه انما العقول والقلوب

richardCatheart Says:

الله احتلالالالالالالالالالالالالالالالالالالالال التانى

richardCatheart Says:

شوف بقى ولل احتلال اصوله

احتلالالالالالالالالالالالالالالال بطم الرؤيه الجميله


بس هانزود جبنه

هججججججججججججججججججججججججوم

SHAPE YOUR LIFE (ABOALI) Says:

هههههههههههههههههههههههه
كده كده

قلب القطة بقى قلب اسد

غدا لناظره بوست قريب ان شاء الله

لــــ زهــــــراء ــــولا Says:

سيدى الفاضل ابوعلى


بسم الله ما شاء الله بوستين فى يوم واحد
ده مش حسد بالعكس باكون مبسوطه لما باشوف لك بوست جديد بجد ...

بيعجبنى اوى كلامك اللى بيكون تحت عنوان على جنب باشعر انه الخلاصه بجد ...

الصوره حلوه اوى اوى تدريجات اللون الازرق مع المياه تحفه بجد ...

عارف غلطتنا اننا اهنا الى الدين الاسلامى بايدينا قبل اى شخص اخر لكن للاسف لما تقول كده تلاقى نظرات عباره عن سهام تم توجيهها اليك كانك والعياذ بالله كافر ...

على فكره فى عماره مشهوره اوى هناك فى الاسكندريه فى منطقة رشدى فى شارع ابو قير فى منطقه شيك جدا جدا جدا والعماره فيها مشكله وقيل ان صحاب العقار قد قام بدفن مصحف تحت العماره واثناء تشييد الاساس بتاعها شوفت المصحف بقى بيتعمل به ايه وتلاقى لما حد يموت يوزعوا مصاحف صغيرة الحجم طيب يا جماعه نعمل به ايه ده مش ينفع اقرا فيه غير بتلسكوب يبقى المصحف ده مصيره ايه غير زينه فى المكتبه او فى سياره ....

وياترى الناس اللى تمسك المصحف فى رمضان وبس مش ينفع اقول انها بيحرقوا باقى السنه واللى بيصلو فى رمضان وبس اقول عليهم ايه ؟؟

الشعر اللى فى الاخر تحفه بجد
لاول مره اكون مش عارفه اعلق على اى كلمه من كلام البوست لانه تحفه بجد

تسلم الايادى

ربنا يحفظك ويكرمك ياااااااااااارب


زهراء

شمس النهار Says:

طبعا معاك في كل كلمة كتبتها
بس ليه وجهة نظر في موضوع حرق المصحف

الموضوع هنا تهديد صارخ للمسلمين
المسلمين تعروا من كل شئ لم يبقا غير المصحف

ايوه المصحف ربنا يحفظه
بس لازم المسلمين يعملوا منظر يحفظوا بيه ماء وجههم

الغرب بيعرفوا يمسكونوا صح من ايدنا اللي بتوجعنا بس هلي هي بتوجع كل المسلمين

تحياتي

كلمات من نور Says:

كلامك زين يا أبو علي بس مع الأسف الكل زي قلت بيقولك اتق الله وووووو

إحنا السبب بسبب هواننا على الناس ضيعنا الدين من أيدينا وتمسكنا بدنيا زائلة ............خالص تقديري

غير معرف Says:

نحن قوم اعزنا الله بالإسلام... فإن طلبنا العزه في غيره اذلنا الله

موناليزا Says:

الله عليك
أهو ده الكلام

Doba Says:

إللهى يبارك فيك

***************
تحياتى
هبة

Doba Says:

ملحوظة

عجبتنى الصورة بتاعت الموجة
حسيت فيها برغبة ف قلب الحقائق


سلمت يداك
==================

أنت من القليلون الذين يتسببون ف لوحة عقلى للإتجاه الصحيح بلمحات بسيطة موزونة من مخطوطات يدك

==============



عجبتنى جدا الكلمتين دول

يجعل غيرك يأتى إليك حبواً من طلاوة حديثك وحسن تدبرك

================
مش عارفة بالظبط انت ممكن تعمل ايه لكن انت عندك موبة ممتازة ماشاء الله وان كان ينفع ان اكبر عدد ممكن يستفيد بيها يبقى شىء ممتاز اتمنى ان تناضل لكى تصل كلماتك لبعض الناس البسطاء

اشكرك لما تمتع به عقلى
فى لحظات بسيطة

هبة

Kiara Says:

والله عندك كل الحق وموافقاك

ولما عرفت الموضوع

اول حاجه جت في بالي هي

احنا اللي عملنا كدا في نفسنا

معلش مع الفارق في التشبيه الشاسع طبعا

محلات الفلافل اللي علي القد

بيجيبو ورق الجرايد وورق متصور عليه

وبيحطو عليه البطاطس المتحمره

او بيلفو بيه السندوتشات

لو عارفين جوا الورق مكتوب ايه مش كانو عملو كدا

نفس الحكايه هما

لو عارفين جوا المصحف ايه مش كانو اقدمو علي حاجه زي كدا

دورنا اللي دايما فاكرين ان الدين لقب في البطاقة


ازاي يبقي في البشاشه والسماحه بتاعت الاسلام

وتكون دي اول نظرة لهيئتي الشخص يرتاح للكلام

وبعدها ابدا انشر ديني بدون كلام عن الدين لمجرد ان الخلق حسن وطريقه الكلام زي ما الاسلام قال

وهكذا مش نكون عبوسين وكل اما حد يقول كلمه

نقول قال الله وقال الرسول

هو مش معترف بديني اصلا

لازم يحسه قبل اما يعرفه

لازم قلبه يطلبه قبل عقله

دا دور الاسلام

مش اني اعمل صفحه علي الفيس واقول

مقاطعه مسيحي تساوي انقاذ مسلم

انا شاكه اصلا في صاحب الصفحه لكن

لنا الله

غير معرف Says:

ازيك ابو على
بوست جميل جدا ربنا يباركلنا فيك
المفروض كل واحد مننا يسنتر شويه ع نفسه وتصرفاته علشان نكون الواجهه المشرفه لالاسلام والمسلمين ...
السؤال دى انا برده سألته السنه اللى عدت بعد رمضاااااان يا ترى ايه اللى باقى فينا من شهر رمضااان هنكمل ع نفس حياتنا اللى كانت ف رمضان ولا انتهت بنهايه الشهر ونستنى بقى السنه اللى جايه ورمضان اللى جاى..
ربنا يهدينا ويثبتنا ..
جزاك الله اخى كل الخير
تحياتى

SHAPE YOUR LIFE (ABOALI) Says:

الى قلب قطة

وانا اتفق معكى يا انسانه ان حرق المصحف هو حرق داخلى داخل النفس قبل ان يحرقه الاخروون

على جنب

سنقاوم الاحتلال بكل دماءنا وعندما نصل الى قلب القطة سنفتح الحدود فليس كل يوم تهدى الينا هدايا تسعدنا ونفرح بها وعندما نرى حروفها نبتسم
يااااااااااااااهلا يا محتل
تقديرى

SHAPE YOUR LIFE (ABOALI) Says:

الى زهراء

منورة بيتك ومكانك يا فندم
كلنا ننقل ما يدور فى خلد بعض
وعندى اقتناع ان هذا هو ماكنتى انتى ستقولاينه ولكنى سبقتك فعذرا سيدتى

جعل الله ايامك نور ووهبك الضياء والحكمةو كل القبول

تقديرى

SHAPE YOUR LIFE (ABOALI) Says:

الى كلمات من نور

ان شاء الله سيكون الخير فى ايدينا ونحافظ عليه

الكلمات تذكرة لنا
وربما قارىء يعمل ويستفيد فتنفتح انعم الله علينا

خالص تقديرى الدائم

SHAPE YOUR LIFE (ABOALI) Says:

الى شمس النهار

وانا اتفق معك فى الراءى ولكن ما اعبر عنه هو بدايات الموضوع
دائما نتوه عن اصول المشاكل ونتعمق فى التناطح حولها

تقديرى لكل ما كتبتى من رؤية ثاقبة

SHAPE YOUR LIFE (ABOALI) Says:

الى فتاه من الصعيد

صح الكلام يا بنت العم

خالص تقديرى

SHAPE YOUR LIFE (ABOALI) Says:

الى موناليزا

هو ده الكلام ربنا يسهل على الافعال
اللهم قربنا منها

تقديرى لوجودك المستمر

SHAPE YOUR LIFE (ABOALI) Says:

الى دوبا

رائعة الدعوات دى
ايوه كده ادعى اخوكى محتاج الدعوات دى اووووووووووووووووووووووى

ربنا يبارك فيكى ويسترك فوق الارض وتحتها

الجميع يجتهد واحسب انى اجتهد مثلهم

عجبنى تفسيرك ورؤيتك للصورة

ويكفى ان كلمات تناقلها قلمى قد اثرت فى انسان واحد

وساءحاول ان شاء الله

بجد ممتن لرايك وشاكر لك

SHAPE YOUR LIFE (ABOALI) Says:

االى كيارا

يااااااااااااه يا كيارا
من زماااااااااااااااان لم اجد لك تفاعل كبير مثلما قراءت لك الان

ربنا يبارك ليكى
انت من الناس اللى الواحد بيستمتع بفطرته وكلامه وصدق مشاعره
ربنا يديم عليكى حسن البصيرة ويهبك الحياه الصالحة اينما تكون

ويااااااااااااااااسلام عليكى
وجووووووووووووووووووون

تقديرى

SHAPE YOUR LIFE (ABOALI) Says:

الى غير معرف

اتفق معك قلبا وقالبا وان شاء الله

نتذكر ونستثمر كل تلك الاوقات فى يقين وحب وتعارف فى اصلاح حياتنا

ونجد ما نرمم به انفسنا فلا نضيع ونتوه

تقديرى لما كتبت