الاحتباس الحرارى

, الاثنين، 20 سبتمبر، 2010



الاحتباس الحرارى
 كثيرا ما تتردد تلك الكلمة بين الاسماع
بين الحين والحين
 عندما تمر الكلمة على المسامع مرة اخرى
لابد من التفكير فيها والتأمل
 والا اخذت الكلمة ذلك المدلول القديم الذى نعرفه
فحين كنا صغارا كانت ترتحل معانى كلمة الاحتباس الحرارى
بذلك الجو الذى تتصاعد فيه
نواتج وغازات وعودام صناعات بنى الانسان
وتقوم بتشكيل غلاف
 يمنع انتقال وسريان الهواء بطريقة سليمة
ليجدد هواء تلك الارض مرة ثانية
 فنشعر بالاختناق وارتفاع درجات الحرارة
ويوجد مثال اخر نراه كل يوم فى بيوتنا ومنازلنا
فيحين نغلق نوافذ المنزل المصنوعة من الزجاج
وتنطلق اشعة الشمس نافذة من خلال هذا الزجاج
 الى داخل البيت
هذه الاشعة لا تستطيع ان تخرج مرة اخرى
 فيحدث الاحتباس
ونشعر داخل بيوتنا بالحرارة
ونضطر الى اللجوء الى المرواح والمكيفات
وهنا اتذكر
 النكتة القديمة
 الجامدة التى تصلح لكل الازمان
ان رجل بسيط لا يمتلك فى الصيف مروحة او تكيف
ويريد ان يفعل شيىء يساعد على ترطيب الجو ولو لدرجة مناسبة
فقام هذا الشخص بأستخدام لبوس خافض للحرارة
**************************
عندما قراءت كلمة الاحتباس الحرارى مرة اخرى
وجدت نفسى تلتحف بثوب الفلاسفة وتقول لى
لقد اصاب الكثير من بنى البشر حاليا احتباس حرارى
فاستنكرت ذلك وقولت لها كعادتى
 انا زاى الفل والبشر ايضا
فقالت الاحتباس يا ولدى يخرج الانسان من تلك الحدائق الغناء
 التى ينعم فيها برضا بربه وقضائه واستثمار فكره وعقله
فى حل ما يقابله
الى حدائق الشيطان ومسامعه فيغلق نوافذ الرحمة
 ويفتح منافذ وشبابيك اللوم والعتاب والحزن والابتعاد
فتضيق النفس بما حولها
فيكون هو بمثابة الدب الذى اراد ان يساعد صاحبه فقتله 
كم خسرت من الاصحاب والاقارب والاحباب
 بسبب عدم سؤالك لهم والاستفسار منهم عما اقترفوه
 وتراه انت سبب لحزنك وزعلك
 فربما كنت تظن ظنا وهم بعيدون تمام البعد عن هذا الظن
فعندما
يتضايق انسان من انسان
او صديق مع صديقه او زميل مع زميله
اى كانت المعاملات
سترى عجب العجاب
حين تفتح نافذة النفوس
 ترى ان كل منهما لم يصارح الاخر
 لما هو زعلان او متضايق
بل ترك الشخص الاخر يستنبط
 وربما كان لا يدرك انه سبب الضيق من اساسه
فتتفكك اواصر ترابط
كانت بالامس القريب قائمة
فبدل ان تحدث المصارحة
تراه يصنع جبال من الاحاسيس والتفاعلات
الى ان تتعايش النفس
روح
 من عدم الواقعية فى الاحكام  وتنتابها حالة من التذمر
وانفلات فى الثقة
ويحدث الاحتباس الحرارى النفسى
فتضيق الصدور ونتصارع
وكما يشاع نقول
 خلقه ضيق
قابل للنرفزة من اول حرف

فعلا تعجبت من ذلك التفسير
 الذى بعد اعادة قراءته
وجدت له المشاهد المتعددة فى الحياه
ومن هذا المنظور
 كل من
 يكره او يحسد او يحقد تراه يعانى من الاحتباس الحرارى
نظرا لانه لم يذهب الى اول بئر نجاه
 يلجأ اليها ويشكو ويفوض امره الى الله
هناك ابار خلقها الله
 لهذا الاحتباس الحرارى لتداويه وتعالجه
هناك بئر الوضوء والصلاة هناك بئر الصالحين والحكماء
 هناك بئر الاطباء والمعالجين
هناك بئر الدعاء
هناك بئر يظهر فى الافاق لا ينتبه اليه الا القليل
وهو بئر المصارحة والمكاشفة والشفافية
 ذلك البئر
الذى يرمم  تلف بعض الافكار وفيضان عواطفها السلبى
 وهو اولى خطوات معالجة الاحتباس الحرارى
*******************
على جنب
الاحتباس الحرارى وضيق النفوس نتج من
ترك التماس الاعذار
التمس لاخيك سبعين عذر فاءن لم تجد
 التمس له او اخترع له عذر
واقتل احاسيس احتباس نفسك فى المهد
وقل يا نفس اصارح غيرى بزعلى وضيقى
 اهون عليا من معاناتى
 مما سوف تفعليه عند مضجعى واتكائى
  فمن كان له رب انطلق الى رحابه
واغمض الجفن مرتاح البالى 
ونسى هفوات بنى الانسانى
*************************
يا ترى عندكوا احتباس حرارى والفولت كام؟



21 Response to "الاحتباس الحرارى"

Doba Says:

أحييك على أختيارك للصورة فعلا معبرة للغاية عن الموضوع

امبارح كنا ف زيارة لمريضة ف المستشفى
وحصلت عدة مواقف ف نهاية اليوم قلت لزوجى ان الناس دلوقتى بقت متبعة منهج ف حياتها ألا وهو النقد الدائم والمستمر لكل شى سواء كان حاجة كويسة وحلوة ولا حاجة مش كويسة وسخيفة

وفعلا بقى من السهل ان الشخص يشيل ف نفسويته وممكن يتقلب عدو لمجرد خلافات بسيطة حصلت


البشر بقوا يستسهلو الصراع النفسى عن السلام النفسى مع ان طريق السلام النفسى سهل قوى ومش محتاج إرهاق أو تعب

فيه عدة مسلمات ف الحياة أنا بؤمن بيها للغاية اسمحلى اكتبها هنا

1- من عمل أحدكم عملاً أن يتقنه
2- من يتقى الله يجعل له مخرجا
3- من صلى الفجر فى جماعة لا يصيبه مكروه
4- حب لأخيك ما تحب لنفسك
5- رب ضارة نافعة
6- عجبت لابن آدم أمره كله خير، فان اصابه شراً صبر فكان خيراً له وان اصابه خيرا شكر فكان خيرا له
مفيش حاجة بتحصل ف حياتنا غير بتدبير من ربنا ولحكمة ما

أشكرك لفلسفاتك
تحياتى لما تسطر

هبة

MR.PRESIDENT Says:

الكناية والاستعارة المكنية لا تغني عن الواقع .

منذ تدخل الإنسان في كل شيء حسي و مادي اختل التوازن ، صحيح أن هناك من يحارب الإختلال ، ولكن ما تأثير النداء علي المصلحة .. فالغالب يؤثر مصلحته عن السلامة .. ويعود كله للقرش .. اللي خلاي الناس مضيعه .. وعامله دماغ وهما أصلا بدون دماغ ..

مش واخد بالك معايا ولا ايه ( بغلس )

تحياتي

لـــولا وزهـــراء Says:

ابو على

-*-*-

الصوره اكتر من رائعه تحفه بجد منظر الخضره والجناين واللون الازرق فى السما كله رائع بجد ...

الاحتباس الحرارى عنوان اشعر معاه كانى فى حصة علوم بيئه رغم انى عمرى فى حياتى ما درست هذه الماده بس اشعر انها تتكلم على البيئه ..

على فكره النكته فيها نوع من الانانيه يعنى هو بيخفض حرارته هو وبس وباقى الناس اللى معاه تولع واعتقد انها مش نكته لانها حال معظم البشر كله بيقول يلا نفسى وكمان احل مشكلتى ومش مهم باقى الناس اعتقد كان الغرض من النكته انى اضحك بس معلش بقى ...

ياااااااااااه بئر المصارحه على فكره الشخص الصريح بيكون وجوده غير مرغوب من معظم الناس باقول معظم مش كل احسن حد يضربنى او يزعق فيا وانا مش باحب الصوت العالى الناس كلها بجد عاوزه اللى يطبطب ويسال ويطمن
دلوقتى اما اسال انا عن كل اصحابى ومعارفى واقاربى وهما اعتدوا على هذا وفجاه اقرر مش ينفع كده يا جماعه وقفه شويه بقى مع النفس واتفضلوا اسالوا انتم وقتها تقدر تعمل لهم فلتره وتشوف مين اللى يكمل معاك وتسال عنه ومين تعمل له ديليت من حياتك كلها بصراحه انا باعمل كده كل فتره ...

انت بقى قدر انا عندى احتباس حرارى او لا؟؟!!!!

البوست تحفه بجد يحمل معانى كثيره ربما بكلماتك الاكتر من رائعه لمست بداخلى اشياء تاهت وسط الزحمه وسوف احاول جاهده ان اتخلص من اى احتباس حرارى كفايه الحر اللى احنا فيه هى الحكايه ناقصه

زهراء

فتاه من الصعيد Says:

لا الفولت عالي بصراحه عندي :(

وبشيل كتير ومابعرفش ابعبر خالص

بس فعلا الصلاه بتهدي النفوس

تحياتي

كلمات من نور Says:

ربنا يسلم يا أبو علي ........الدنيا كلها ماشيه تزيد من الحرارة وتقلل من الاكسجين و تزود في ثاني أكسيد الكربون لدرجة الواحد بقى مبيعرفش يشم هواء نقي لما يفتح الشباك ساعة الفجريه ..تشم ثاني أكسد الكربون وتتسائل في نفسك فين راحت العصافير اللي كانت بتصحى مع الفجر تزقزق وتطير من عالشجر تسعى لرزقها ..الموازين اختلت بس نستاهل علشان هذا ما جنته أيدينا .زالغلابه في الموضوع داه أطفال كتير منهم مصابين بالأزمات الربوية و السرطان ووووووووووو.زربي يعافينا من كل سوء

====================

ابني امبارح رجع من النادي يقولي ايه؟ أقولك نكته يا ماما؟ واحد بلدياتنا حب يطور الطائرة المروحية شال المروحه وركب لها كونديشن

(: (:

تحياتي

لـــولا وزهـــراء Says:

*******************
على جنب
الاحتباس الحرارى وضيق النفوس نتج من
ترك التماس الاعذار
التمس لاخيك سبعين عذر فاءن لم تجد
التمس له او اخترع له عذر
واقتل احاسيس احتباس نفسك فى المهد
وقل يا نفس اصارح غيرى بزعلى وضيقى
اهون عليا من معاناتى
مما سوف تفعليه عند مضجعى واتكائى
فمن كان له رب انطلق الى رحابه
واغمض الجفن مرتاح البالى
ونسى هفوات بنى الانسانى
*************************
" ياسلاااااااااام يا فيلسوف تسلم الايادي
انا عندي احتباس حراري لان بنت خالتي عندها احتباس حراري منها وانا عندي لاني مش متعودة ان حد يشيل مني كدا بسوء ظن فجاتلي حرارة مرتفعة قوي والفولت عالي ..صعب عليك حد غالي عندك يفهمك غلط ويفسر اختفاءك باهمال ليه من غير ما يعرف ظروفه ايه

لولا

mohamed ghalia Says:

أنا قولت اجى اسلم على الناس الى مش بتسأل

علاء المصرى كل يوم Says:

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

غير معرف Says:

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

SHAPE YOUR LIFE (ABOALI) Says:

الى دوبا
كان من الجميل السعيد ان يكون تعليقك هو التعليق الاول يا دوبا
فقد اضاف الكثير الى معنى الاحتباس الحرارى
وكيفية التغلب عليه فى حنو

كم كنت سعيد وانا اقرء ذلك التعليق بشكل يومى
حتى اتذكر انا واكون اول العاملين به

لك كل التقدير لما وهبك الله من الادراك
وادعوا الله ان تكونى من المطمئنين وقت العرض عليه
ويهبك السعادة والامان

تقديرى

SHAPE YOUR LIFE (ABOALI) Says:

الى الريس

هههههههههههههههههه
غلس يا عم براحتك

ولكن ان كانت السعادة فى القرش
فاءطمئن هناك قروش فى البحر تنتظر الجميع

تقديرى

SHAPE YOUR LIFE (ABOALI) Says:

الى زهراء
كم اسعد يا زهراء بتحليلك الذكى لكل جوانب البوست
ومقدار الاحساس الذى تعيشين به حين تقرئين

ويسعدنى ايضا اعادة ترتيب اوراق الفكر
والرغبة فى الاستفادة بما تقرئين

ادعوا الله انى تكونى من السعداء الملتحفين دائما بثوب العلم والفهم والادراك
تقديرى لحضورك الراقى المميز

SHAPE YOUR LIFE (ABOALI) Says:

الى فتاه من الصعيد

من الاساس الصعيد بيعانى من احتباس حرارى طبيعى
فما بالك بقى بالنفوس

ربنا يقويييييييييييييييكى


تقديرى

SHAPE YOUR LIFE (ABOALI) Says:

الى كلمات من نور

افاضتى فى الاحتباس الحرارى بمعناه سيدتى
وما اردته الاسقاط على احتباس النفوس الحرارى ايضا

ولكنى اعتقد ان ما كتبته هو مكمل لما نعانى من اشكال الاحتتباسات

ربنااااااااااااااا يقينا
ونقدر نركب تكييف للعقل بدل الطايرة

اسئلى كده ابنك يمكن ينفع

هههههههههه

ولا ايه


تقديرى

SHAPE YOUR LIFE (ABOALI) Says:

الى لولا

سلامتك من كل اشكال الاحتباس يا فندم
ولا عاش ولا كان

ادينى بس العنوان واحنا نرسل رسل للتهوية وتنقية الجو العام

طرحتى بين سطورك معنى يتكرر كل يوم

فيكون من نتاجه الملامة والزعل

ربنا يهدى ياااااااالولا

وربنا يهبك كل ما يكيف حياتك فترتقى وتعلو فوق اى احتباس

تقديرى

SHAPE YOUR LIFE (ABOALI) Says:

الى محمد الغالى

سلم يا باشا وبعبر

اللى ليه السلام الاول خد حسنات اكتر
ياااااااااا بختك


تقديرى

SHAPE YOUR LIFE (ABOALI) Says:

الى علاء المصرى

مشكوووووووووور على زيارتك يا انسان

تقديرى

SHAPE YOUR LIFE (ABOALI) Says:

الى غير معرف

بلدنا التى لا يعرفها احد

ممكن تكون عنوان للموضوع الراقى ده

ربنا بالفعل يصلح

تقديرى

غير معرف Says:

pealers flowers camp hill pa watch frozen flower online
houses for sale in flower mound wedding cakes with blue flowers how to make edible flowers building a raised flower bed
flower shop big city game

غير معرف Says:

bernstein bear music es 175 center city music
music peoms by famous poets implosion music rachael lampa blessed sheet music free music from artist
fromm music foundation

غير معرف Says:

crooner karaoke music south shore music circus cohasett
music lyrics bob seger orgina music genre krock music therapist cost australia austism guantanomo cuba music
super trooper music