هو هو _ هوهو

, الخميس، 16 سبتمبر، 2010



كان ابنى زجرج كثيرا" ما اسئله عن النصيحة
فهو معروف ببعد رؤيته وشفافيته التى تتوقع ما يحدث
وفى احدى تلك النصائح كان يقول لي يا ابى
احترس من كل كائن اقترب من الارض
وكان يسوق لي العديد من مظاهر الكائنات
التى تستحث فينا بودار الخوف حين نلاقها
ويعطى مثال لذلك الزواحف مشتملة فى الثعابين
والفئران والعناكب والصراصير
والكثير
 ومن سيقرء سيأتى اليه مسرعا" قطار افكار ممن تنطبق عليه
النصحية الزجزجية
وكان عم سيد زمزمية جارى العزيز يقول لى
احترس من كل قصير فأحيانا يكون مكير
ولكنى كنت افسر ذلك دائما
بأننا يتولد لدينا شعور مضاد عن الكائنات الاخرى
التى لا تتشابه معانا فى التكوين والبناء الجسمى
****************************** 
ومرت الايام سريعا
وعلى حسب عادتى اليومية
 استيقظ مبكرا" ذاهب  الى العمل
استنشق بعض العبير
 قبل ان تأتى جحافل السيارات بالضجيج ويبدء ماراثون
التناحر وكأننا ذاهبون الى استلام جوائر السلطان
&&&&&&&&&&&&&
توكلنا على الله
وسبحان الذى سخرنا لنا هذا و ما كنا له مقرنين
 وان الى ربنا لمنقلبون
ركبت السيارة هادىء البال منسجم
واذ بى ارى عن بعد  حفظكم الله
كلب وكلبة  و جرو وليد
فى حالة انسجام حالم 
كأنهم خرجوا فى نزهة
 ليشاهد الجرو الدنيا التى ستشهد
هوهوته وصراعه الكلبى
العائلة الكلبية السعيدة غير مدركة انها تعبر طريق عمومى اسفلتى
اينعم مملؤ بالحفر وبعض من قمامة البشر ولكنه فى النهاية طريق
يمر به العديد من المركبات البشرية

وفى غاية الرقة والحنان الصافى المحلى بالحليب الكامل الدسم
كأن تلك الاسرة قد رات ان ذلك الطريق هو الحديقة الغناء
فكانت خطواتها تتهادى فى استمتاع كلبى
ولكن الحياه هى الحياه
والرياح دائما لا تأتى  كما تشتهى الكلاب العاشقة
فقد حدث ما حدث ومررت بسيارتى على ظفر الجرو
وكان المشهد المروع انطلاق صيحات ذلك الوليد
الحقووووووووووووووونى وظفرااااااااااه
*******************
وفى فمتو من الثانية رايت ابواه( الكلب والكلبة )
يقومان بعملية المطارة للسيارة
 فى لقطة كل من رائها ارتعد وخاف على لغاليغه
و فى مراءة السيارة اشاهد ذلك الجرو
 وقد استفاق وبدء يجرى هو الاخر مقلدا والداه
ويأتى اثناء المطاردة طفل صغير يرى الجرو
 فيأخذه  ويقع الجرو بذلك فى براثن السجن  والاعتقال
( واسفااااااااااااااه )
دون ان يدرى الابوان الذان قد ابلغا عن طريق الاقمار الصناعية 
عن طريق ذلك الهاتف المعروف بالبلاك بيرى ذو النظام الهوهوه الكلابى
باقى اخوانهم الكلبيين لينصبوا كمين لى على الطريق الدائرى
مستخدمين كل وسائل التكنولوجيا الحديثة
 من رادار كلبى ذو قدرة هوهوية
تقاس على مقياس ريختر بسحب الرخص

وكل هذا حدث انتقاما" للشهيد الذى توارى فى الخلف ولم يدرى ابواه 
انهما ذهبا للمطاردة دون معرفة مصير الابن الوليد 
*******************************
منك لله يا زجزج
********************************

على جنب
وبعد ان حدث معى هذا الموقف قولت لنفسى
 الى متى نركز على فرعيات الامور  ونترك الاسس ينحر فيها السوس
ونفقد العزيز والغالى  ولما نتشابك مع بعضنا ونترك ما يجب علينا عمله
وياترى انت فين يا جرررررررررررررروى  



17 Response to "هو هو _ هوهو"

MR.PRESIDENT Says:

رغم خوفي من الكلاب إلا أنني من الواجب ابدي تأثري الانسان لمجتمع الكلاب عموماً ، الحياة تبدو غير عادله احيانا لكن يجب علينا أن نأخذ بالأسباب لأنه كله خير . حتي يطلع من الأذي الخير .

بس احنا للأسف مشفناش ايه اللي هيحصل للكلب بعد كدا ، يمكن يعيش عشيه رغدة وممكن يموت ، واحيانا تكون السيارات ظالمة وأحيانا تكون منصفة لكن علي ان اتفق مع زجزج في الإحتراس من كل من اقترب من الأرض .

حتي أكون أمينا
اشعر انك فيلسوف ولكن بعض المواضيع ربما لا أفهم مدلولاتها فارجو ان تسماحني وتضع ذلك في الإعتبار . تحياتي

فشكووول Says:

السلام عليكم
عيد سعيد وعمر مديد
كل عام وانت بخير
يا ترى تقصد الجرو والكلاب ولا تقصد حاجه تانيه
احنا فعلا بنسيب الموضوع الاصلى ونتخانق على مواضيع فرعيه ونتفرع من الفرع الى فرع اخر حتى تضيع القضيه الاساسيه فى النهايه واسأل الفلسطينين وحماس والسلطه .. بنضيع انفسنا فتضيع منا كل شيئ
تحياتى

richardCatheart Says:

سؤاللك يا ابوعلى اجابته هى

هانفضل كده لغايه مانفكر ونشغل دماغنا

ونبتدى نحلل الامور بزوايا تانيه ورؤيه شامله على الاقل نحاول تبقى شمله

الاول بس نفكر ودمغنا تشتغل وبعدين نحاول يبقى فيه رؤيه يمكن ساعتها تتحل امور كتيره

سلمت وسلم قلمك وتفكيرك

شمس النهار Says:

القصه لها مغزي عميق

وعجبوني جدا الكلمتين اللي علي جنب دول
كلمتين صح

الي متي الي يشاء الله

تحياتي

لـــولا وزهـــراء Says:

السلام عليكم ورحمة الله وبركاته
كل سنة وانت بخير وسعادة

على فكرة انا بخاف من كل شئ فيه روح مبالك بالزواحف بقى مبطقهااااااااااااش
واخويا كان غاوي تربية سلاحف وصقور وسمك ووووو.... ههههههههههه كانوا بيطفشوني هههههه

وتوتا كمان عندها سلحفاة اسمها فلة
السلحفة تصحى معايا وتطلب من فاطمة الفطار في عز ما بنتكلم ع الياهو وكأنها بتزاحمني زي ما السلحفاة طردت القطط دلوقتي ف الفيديو .


* انا بستغرب بجد من اللي بيمسك في الشئ الفرعي ويسيب الاساس !!!
يجي في الهايفة ويتصدر زي ما بيقولوا والنتيجة ان الشئ الثمين القيم بيضيع من بين ايديهم.

لولا

لـــولا وزهـــراء Says:

سيدى الفاضل ابو على

-*-*-*-*-*-*-*

لما شوفت عنوان البوست تخيلت ان هو ده ضمير المذكر اللى هو اسمه تقريبا ضمير الغائب ...

لما شوفت الصوره فهمت المغزى طبعا

اول صوره تحقه بجد تحس ان الكلاب شكلهم شيك يعنى كلاب ولاد ناس مش ولاد اى حاجه تانيه هههههههههه
الفيديو تحفه واكتر من رائع على فكره انا عندى سلحفاه من اكتر من 20 سنه وما شاء الله عليها شقيه اوى زى اللى فى الفيديو ويمكن اشقى كمان ...
نبدا فى قراءة البوست
اكيد زجزج ينطبق عليه هذا الشبل من ذاك الاسد ربنا يبارك فيه موضوع احترس من كل ما اقترب من الارض سمعتها كتير اوى وفعلا باحاول اكون حذره لكن يلا بقى كله نصيييييب فى الاخر ...

موضوع القصير المكير ده فى كلام كثير بس كده فى ناس هتعزل من الكلام ده خد بالك
;) ;) ;)

حلوه اوى حكاية العائله الكلابيه تحفه بجد وتوضح جانب من شخصيتك لاداعى لذكره بس باين وواضح اوى ...

احنا عادة نجرى ورا توافه الامور لاننا مش بيهمنا المهم وكل انسان وله طريقة تفكيره الغريبه العجيبه

البوست يحمل فلسفه عميقه واسئله كثيره تجعلنا نفكر فى احوالنا التى فى كثير من الاحيان تتشابه مع احوال الكلاب والحيواتات والكثير من المخلوقات الاخرى

بارك الله فى قلمك وفى عمرك


زهراء

كلمات من نور Says:

سبحان الله بيتهيألي الكلاب المرة دي قلدت بعضهم ( كلام في سرك )

من كام يوم كنت أنا وزوجي واولادي الصغار في النادي وكانوا بيتعشوا وفجأة هجمت علينا قطيطات صغيرات ومعاهم أمهم وقعدوا ي نو نو نو نو و بدأ الأولاد ياكلوهم و الأم قاعده تتفرج بمنتهى الهدوء و سايبه الاكل و كإنها أكلت لما هم أكلوا ..وشويه وبدأت القطيطات تهجم على قطيطة منهن وتاخد منها الأكل وتضربها فزوجي قام يدافع عن المسكينة الهزيلة راح وهو واقف داس على ذيلها بكعب حذاؤه والمسكينة تصرخ وهو مش واخد باله ولقيت القطة الأم كشرت عن أنيابها وعملت الصوت قلت يا لهوي : رحت بسرعه نطيت فطيت من عالكرسي و شديته بعيد عن ذيل القطيطة المسكينة اللي اتفرم من وزن زوجي و عدى الموضوع على خير ...

يا ترى الكلاب جالها عدوى المتواكلين؟؟؟؟؟؟؟؟؟

تحياتي يا أبو علي



أبو علي أبو علي

جالي تعليق على قصة من القصص بتاعتي منك و بسم الله الرحمن الرحيم مش لاقياه في ولا قصة .يا ترى كانت أي قصة؟ ياريت معلش تبقى تقولي في مدونتي القصصية .......وشكرا

شهد الكلمات Says:

وادي جزاه اللي مايسمعش كلمة زجزج يقولها

دمه خفيف البوست ده اوي و صاحبة كمان ;)

اختي شقتها اخر مدينة نصر و قصادها صحرا كبيرة و احنا مروحين بالعربية خرجت علينا يجي ست كلاب في تشريفة بتجري ورا العربية و انا فاتحة الشباك و كلب منهم كان وشه في وشي كدة
لا و كلاب جبلي بقي مش بلدي كان يوم

بس برده انا بحب الكلاب عن القطط

اما بقي للمعني اللي بين السطور فده حال اغلب الناس بيضربوا الديل و بيسيبوا الراس

كل سنة و انتا طيب يا سي حسن

تحياتي

SHAPE YOUR LIFE (ABOALI) Says:

الى الرئيس

مرحبا بك فى التعليق الاول
الاحتراس بالفعل واجب له اصل على ما اعتقد طبقا لشواهد الاحداث

الفسلفة هى لغة حياتنا فنحن ناءخذ الشهادات ودرجات الدكتوراه فى فلسفة العلوم

ليس هناك اى مدلولات خفية من وراء الموضوعات ولكن احيانا كنت اقرء الموضوع مرة او مرتان او ثلاثة
فاجد فيه مكنونات استشعرها بنفسى

ولكن ايضا كلنا معذورون

وتحيتى لرقيك فى الرد والتعليق

SHAPE YOUR LIFE (ABOALI) Says:

الى الفاضل استاذ فشكول

نقصد اشياء كثيرة يا استاذنا
وما خفى وكان بين السطور عظيم

اشكرك لوجودك واحساسك العالى والفهم المتميز يا انسان

SHAPE YOUR LIFE (ABOALI) Says:

الى قلب قطة

صح يا انسانه نشغل العقل والفكر نلاقى كل شيىء جميل
مافيش عندك وصفة او طبخة لزوم الموضوع ده
جربى كده يا اختى وينوبك ثووووووواب كبير


الله معاك ومعاك قلوبنا

وخالص تقديرى لانسان قدير

SHAPE YOUR LIFE (ABOALI) Says:

الى الفاضلة شموسة

عاوز مرة الكلام مايكونش على جنب
يكون مباشر

ربنا قادر فعلا

فعلا الهدف عميق من القصة والقارىء اعمق واوعى بكثير

تقديرى لوجودك وفكرك الراقى

SHAPE YOUR LIFE (ABOALI) Says:

الى لولا

يا مراحب يا مراحب بعد غياب منور والله


فعلا الزواجف عامل من عوامل الرعب لبنى الانسان
ماليقيش عندك ثعبان صغنن كده الواد يلعب بيه

ههههههههههههههههه

وربنا يخلى اخوكى لمصر
وتوتا اول مرة اعرف الحكاية دى

مش تقولى
هاطلب منها تجيب ليا واحدة
لعل وعسى ناخد العمر المديد

ومعاكى حق الفرعيات شغلت البشر

بس يمكن النظر قصير شوية

ربنا يفرج الامور وعلى الاقل اللى قرء البوست يبدء يبص للاسس

SHAPE YOUR LIFE (ABOALI) Says:

الى زهراء

تؤتؤ ده مش ضمير المذكر ده ضمير هوهو اللى بيعض هم هم

الصورة اكيد معبرة عن الحال وما ال اليه

طبعا اخوانا القصار لهم كل التقدير
وبلاش نخبط فى الناس الحلوين الكعب العالى موجود

ولالالالالالالالالالالالاايه


فعلا هروب الناس للتوافه احيانا يدل على فراغ الفكر وقلة الحيلة
ونظام خدوهم بالصوت

بس الخسارة بتكون كبيرة جدا

ربنا يبارك لنا فيكى وفى حضورك وتفاعلك الدائم وتشجيعك ليا

لعل القلم يوما يكتب حروف ثم كلمات ثم معانى
ولكن سيكون مقصرا ان يقول شكرا لكل صاحب معروف يستحق بدل حروف الهجاء تصفيق يملىء كل الصفوف

تقديرى

SHAPE YOUR LIFE (ABOALI) Says:

الى كلمات من نور

ربنا يبعد عنا المتواكلين التافهين
ويرزقنا بمصاحبة الصالحين

كل قصصك اجد تحتاج الى مليارات التعليقات لانها تنبه الحال وما وصلنا وسنصل اليه

وساءحاول ان اجد ما قصدتى ان شاء الله


تقديرى المستمر لانسان رائع

SHAPE YOUR LIFE (ABOALI) Says:

الى شهد

والله يا شهد كنتى على بالى النهاردة وباقول فين فين
وقولت لما ارجع من صلاة الجمعة ادخل مدونتك اطمئن

سبحان الله سبقيتنى

الكلاب البلدى بلدى بردوا

كلاب مدربة وقوية وينقصها الحنية

اما بقى الجبلى دى نوع مختلف ربنا يحرسنا فى المعتقلات موجودة

ما بين السطور
هو علامة على الخلل يا شهودة

ومعجب بتعليقك الذى اسعدنى ولا يزال

وطمنينى عليكى

شهد الكلمات Says:

احسن الحمد لله اه لسة في تعب شوية بس احنا كنا فين و بقينا فين احمد ربنا على النعمة اللي بقيت فيها

شكرا على سؤالك و اهتمامك يا حسن