SHAPE YOUR LIFE: تمهيد قوقعى

تمهيد قوقعى

, السبت، 15 مايو 2010

عارفين انى كنت هاكتب زاى ماقولت فى البوست السابق

انى هاكتب عن قوقع متقوقع بس اللى حصل

قبل القواقع لقيت كلام بيسلم عليا

قولت اكتبه يمكن يحنن قلوب الناس

يفكرهم انى الحياه شهيق

راسم للاوكسجين طريق

قلب نابض عنوان رحيق

رئه تبادل ثانى اكسيد كربون مطرود زفير

همس لقى استحسان ترحيب

فتحت للكلام القلب القى السلام

دخل طب طب

قال

ممرش عليك احساس

حسيت انه ماس

ممرش عليك كلمة

حسيت انها الماظ

ممرش عليك حكمة

حسيت انها دهب اساس

ممرش عليك حرف

حسيت انه لؤلؤ فى كاس

ممرش عليك معنى

حسيت انه ياقوت مش نحاس

ممرش عليك وقت

حسيت انه ثوانى اخلاص

ممرش عليك طريق

حسيت انه دليل ببلاش

ممرش عليك يوم

حسيت انى السعادة ايمان رب الناس

ممرش عليك شهر

حسيت انه حسنات اكياس

ممرش عليك سنة

حسيت انى الحياه مش انا

ممرش عليك طيف

حسيت بضى ياسمين بينادى شوف

ممرش عليك انسان

حسيت ضمة سكن امان

ممرش عليك صديق

حسيت الصدق معنى اكيد

ممرش عليك بسمة

حسيت للوجه راسمة

ممرش عليك فرحة

حسيت دعاء الفة

ممرش عليك قمر

حسيت جمال جنات نهر

ممرش عليك شمس

حسيت شتا ربيع خريف صيف

ممرش عليك ام

حسيت قلب سندس حرير فل

ممرش عليك اب

حسيت نور ضياء عمود قرب

ممرش عليك ضحكة

حسيت بحب ورغبة

ممرش عليك حبيب

ان الاوان تقوله

فى همس لمس اكتمال أُنس

بحبك

16 Response to "تمهيد قوقعى"

ستيتة Says:: السلام عليكم يا سيد الكلام اللي له معنى
ايه الكلام الجميل ده؟
ايه ده؟
ده لمس كل جزء والله في مشاعري
اه لو نعرف كلنا نعيشها صح
ممرش عليك مدون
حسيت انه فاهم الدنيا صح
انا مر علي وهذا من فضل ربي

تحياتي
ولك عندي واجب على هيئة رجاء
فهل من مجيب؟
ولو كان الواجب ده ضد اهدافك الشخصية من فتح مدونة فأنا اعذرك واتفهمك ومفيش مشكلة ان شاء الله; 15 مايو 2010 في 11:51 ص
غير معرف Says:: مرت عليا ناس حسسنونى ان قلبى انداس
مرت عليا ايام كلها اوهام
استنيت بسمه تبقى لوشى راسمه لكن كله سراب ياابو على
تسلم على كلامك الحلو ده تصدق ساعات كده بحس كلامك بيعملى حاله او عمليه تقويم داخلى
دومت مبدع
تحياتى; 15 مايو 2010 في 2:08 م
لــــ زهــــــراء ــــولا Says:: سيدى الفاضل ابوعلى

-*-*-*-*-*-*-*

صعب اوى انى ابحث عن كلمات تعبر بها عن مدى سعادتى من الكومنت اللى فات اللى حضرتك قولته لى عن جد عاجز لسانى عن الشكر .....

كل واحد فينا اكيد وباكرر اكيد انه يكون مر عليه فى حياته بعض او كل هذه الاشياء ....
مين فينا فى وقت الضيق وجد فجاه صديق جاى يمسح ويطبطب ويكون هو الرفيق ...

كتير شوفنا احساس هو اغلى من الماس وشوفنا مشاعر من ناس اغلى واقيم من الماس ....

وبيمر الشهر اللى كله حسنات وساعات بيضيع مننا ونقول ممكن نعوضه فى العام التالى ....

بصراحه فى انتظار الحبيب اللى اول ما احس انى عاوزه اقوله الكلمه هاخطفه واجيبه هنا واقول له تعالى اتعلم وشوف انا عاوزه اقولك ايه ..

تسلم الايادى والافكار والكلمات
ربى يحفظك ويهنيك

الف كلمة شكر مش ممكن تكفى لحضرتك

زهـــراء; 15 مايو 2010 في 2:39 م
كلمات من نور Says:: ممرش عليك أبو علي قالك كلمتين طبطبوا على قلبك بكل حنين؟؟؟؟؟؟؟؟؟؟؟؟

بجد كلام خلاني اقول بعد كل سطر مر والف حمد ليك يارب .....الله عليك يا أبو علي وعلى كلامك الحلو ....ربي يهدي بيك الناس يارب; 15 مايو 2010 في 4:42 م
كلمات من نور Says:: عندكم تاج مهم يا جماعة الخير
ادخلوا هنا :

http://mamanooor.blogspot.com/2010/05/blog-post_15.html; 15 مايو 2010 في 4:51 م
جنّي Says:: السلام عليكم

ازيك يا ابو على باشا ..

لك عندي تعليق وعتاب .. اما التعليق فقد عملت معروف انك نشرتها حتى نستمتع بكلماتك العزبة الرقراقة التي تشبه اشعة الشمس في الصباح الباكر ..

واما العتاب :
فينك يا عم الحاج .. شكلك زهقت مني ومش عايزني احضر هنا فتلاقيك قلت مش رايح عنده علشان اطفش وما اجيش هنا لغاية ما تستريح من وشي .. بس هو مين قاعد على قلبك لطالون( يعني ايه طالون مش عارف بجد ولو تعرف قولي ) حتى ولو ما زرتنيش

سلام موقت; 15 مايو 2010 في 6:20 م
أحمد الصعيدي Says:: ده كله كلام جميل

واحساس رائع

زمان وأنا صغير
قبل الدنيا ما تتغير

ربنا يسعدك; 15 مايو 2010 في 11:40 م
SHAPE YOUR LIFE (ABOALI) Says:: الى الفاضلة دكتورة ستيته

الاجمل من نطق بالحسن من الكلام
وتزينت له العقول والافهام

خالص تقديرى
ونرجع ندرس ونحل الواجب ان شاء الله; 16 مايو 2010 في 1:57 م
SHAPE YOUR LIFE (ABOALI) Says:: الى الشوكة الناعمة

ان شاء الله يمر عليكى من يقرون عينك وتفرحى الفرحة تلو الفرحة وتغمر حياتك ابواب السعادة

اللهم امين

خالص تقديرى لانسان صافى نقى; 16 مايو 2010 في 1:58 م
SHAPE YOUR LIFE (ABOALI) Says:: الى زهراء

سهيبك الله الحبيب يوما
وستقولين له بنفسك جميل المعنى وصدق الكلام
وتعطريه باروع عطور بساتين الازهار
وتقولى عطرى من بلاد الهند والسجاد الذى امشى عليه يدوى من بلاد تسمى اصفهان
فيتعجب لجمال ما سمع
فتكشفين له عن وجهك
فيقول تبارك الله احسن الخالقين
اانت انس ام حور من الجنان

ولالالالالالالالالالالالالالالاايه

جاوبى بقى على الواد؟
ههههههههههههه
تقديرى لتحليك المميز يا زهراء ومتفق معك; 16 مايو 2010 في 2:02 م
SHAPE YOUR LIFE (ABOALI) Says:: الى كلمات من نور

طالما ظل النور ساطع
ستبقى كلمات من نور دليل وبرهان لمن ضل الطريق ولم يشم رائحة الجنان

جزاكى الله خيرا; 16 مايو 2010 في 2:04 م
SHAPE YOUR LIFE (ABOALI) Says:: الى جنى

هههههههههههههههههه

ماشى يا انسان الكلام وصل وحاولت اقرء ما بين السطور فى جهد وانتباه كمان

يسعدنى تشريفك يا انسان; 16 مايو 2010 في 2:05 م
SHAPE YOUR LIFE (ABOALI) Says:: الى احمد الصعيدى

زمان كل زمان
وان الاوان نكون زمان لانه نفس المكان

ماتيجى نحاول

تقديرى العميق; 16 مايو 2010 في 2:06 م
كلمات من نور Says:: ايه داه يا أبو علي ؟؟؟هو انت اصغرنن من مواليد 67؟؟؟؟هههههههههههه معلش أصل أنا منهم وعالحظ اني اتولدت في سبتمبر 67 وكان ابن عمتي مولود في ابريل فلما كانوا يقولوا علينا مواليد النكسه كنت اغيظه واقولهم هو جه قبلها بشر بيها واتنكسنا انا جيت اوعدكم بنصر 73 ...

من نكسة لنصر وحاليا بقينا في انتكاسة وغمة ........ربي يكشف عنا الغمة ويعيدنا لدينه القويم ....; 16 مايو 2010 في 3:25 م
لــــ زهــــــراء ــــولا Says:: السلام عليكم ورحمة الله وبركاته

ربنا يجازي اباك كل خير
ويمنع عن جسدك نار جهنم وحرها وزمهريرها ..ربنا يعوض على ابيك خيراَ كما عوض على ام سلمة خيراَ ويسعد قلبه بكل خير ويبعد عنكم كل شر ..تحياتي الك ولقلمك الجميل يافندم

لـــولا; 17 مايو 2010 في 5:03 م
richardCatheart Says:: لازم اعلق هنا قبل ماعلق على الجديد
مابحبش هنا تفتنى هنا

ايه الجمال دا
ممرش عليك مر لقيت طعمه عدى ومر
بصراحه جميل ولميت الفيل فى منديل; 18 مايو 2010 في 2:48 م