مكاكا كاكا

, الخميس، 13 مايو، 2010



المنظر الاول


قاعدين فى امان الله مع ام العيال وزجزج ودم الغزال

وإذ بنا ببج بج يدخل مكفهر مضطرب فى حالة هياج

هاتوا الساكنين هاتوا الملاعق هاتوا الشوك هاتوا المسدسات

الحقوووووووونى ابنكم اتبهدل واتشردله بين الخلائق

هب الجميع لنجدة الصبى ومسكوا فيه قبل ما يتهور

مالك بس يا بجبج الحقنى يا بابا كرامتى اتبعزقت

ولازم انزل اخد حقى واذلهم


المنظر الثانى


ام العيال استنى لما البس

زجزج هاتصل بأصحابى يا بابا

دم الغزال انا هاحضر الزلط والطوب واكياس الرمل

وارتفعت فى البيت اصوات

الى الكفاح الى الجهاد سنرد كيد المعتدى

الله اكبر الله اكبر على كل معتدى

الجهااااااااااااااااااد


المنظر الثالث


ايه ده ايه ده

اتعلمنا احنا كده قبل كده ؟

روح يا بجبج اغسل وشك واتوضأ واشرب العصير بتاعك

مش هو ده اللى اتفقنا عليه فى ساعة الغضب علشان القرار لا يكون انفعالى

دم الغزال صح يا بابا اسمع كلام بابا يا بجبج

احترام الاب والام فرض ربانى يا ابنى


المنظر الثالث


زجزج

يا بابا كده العيال اللى ضربوا بجبج هايهربوا !!

لما نسمع اولا من اخوك وبعدين نسمع منهم نقدر نحكم

تحرى العدل من طرف واحد ظلم


المنظر الرابع


بجبج بعد الهدوء

انا يا بابا كيانى كله تفكك

لا تقل هذا يا بجبج انت كيانك غالى

بس محتاج تعرف حاجة صغيرة

اننا محتاجين نروض نفسنا ونتحكم فيها وفى دوافعها

لو كان عندنا فرس فى الصحراء يا بجبج

يا ترى بيمشى فى اى اتجاه ؟

فى كل الاتجاهات طبعا يا بابا مادام مافيش حد ركبه

جميل

ده بيحصل لانه مش مروض

تخيل لو اتى فارس واراد ان يركبه هل سينجح

على حسب بقى يا بابا

بس هاياخد وقت شوية وحبة صبر وجهد

فعلا

وبعدين يقدر يركبه ويسير بيه فى الاتجاه اللى يحدده

صح الكلام

فعلا يا بابا صح

النفس دى يا بجبج هى الفرس اللى ماشية فى اى اتجاه

بدون نظام بدون هدف بدون مسؤلية

احنا مطلوب مننا اننا نروض نفسنا علشان نقدر نحدد اتجاهها

ويكون اتجاهها ايجابى

فعلا يابابا


المشهد الخامس


الكل فى انتظار حكاية بجبج وليه منفعل ؟

دم الغزال ام العيال زجزج احكى بقى يا عمنا

بص يا بابا

من كام يوم قلت اصلح بين اتنين متخصمين مكاكا وكاكا

ههههههههههههههههههه مين مين

دول يا بابا اسمهم الحركى

صح يا بجبج جميلة منك انك مش عاوز تقول اسمهم الحقيقى مخلص طول عمرك يا ابنى بس الاسمين اسمين فعلا

المهم يا بابا

جمعتهم مع بعض وعطفت عليهم وكمان احضرت ليهم اكل

يا سلام عليك يا بجبج هو ده فعلا الانسان المصلح

وبعدين

اتناقشت معاهم و اوضحت ليهم

ان الخصام والعداء ليس من شيم الكائنات الراقية والبعد دايما

بيزود حالة الانفصال

شوية يا بابا تركتهم مع بعض شوية يصفوا الخلاف

رجعت لقيتهم هربوا

المنظر الخامس

جريت وارهم على السلم عكعبلونى يا بابا ولما قمت لقيت كل واحد

مجهز قواته فى الطلعية ونزلوووووووا فيا ضرب

وشتيمة وشردوا ليا مع تعالى صيحات التكبير لانهم اصطاوا واحد من بنى الانس وتتعجب يا بابا من كمية الغل الذى انبعث لما عرفوا انى انسان

ايييييييييييييه لالالالالالالالالالا معقولة

بنى انس هما اساسا مين ؟ مش بنى انس برضوا


المنظر الدموى


يا بابا مكاكا و كاكا

دول الصرصار والنملة

وهما دول اللى كعبلونى على السلم

مكاكا وضع شنبه فى الطريق والنمله وضعت رجلها اليمين

والقوات بتاعتهم من عالم النمل والصراصير والقوات الحليفه

شردت ليا وضربونى

تخيل يا بابا مليار نمله فى ثانية هبوا لنجدة كاكا

و ومليار وربع لنجدة مكاكا

خد حقى يا بابا

المنظر الاخير

دم الغزال يفصل الكهرباء

ام العيال تغطى فمها بالكمامة وتحمل انبوبة البوتاجاز

زجزج يقرر يكشر عن اسنانه

ابو العيال يختفى ثم يعود مدعوما" بالقوات يقودها

مكاكا وكاكا

ويبدء الهجوم الكاسح على بجبج

تحت عنوان من تدخل فيما لا يعنيه سمع وشاهد ما لا يرضه



البوست القادم

قوقع متقوقع

20 Response to "مكاكا كاكا"

موناليزا Says:

بغض النظر عن النهاية اللى كان المفروض استنتجها من الصور
بس الرسايل جوه الموضوع عجبتنى جدا
فقد استطعت باسلوب بسيط جدا وفى غاية السلاسة توصيل كذا مفهوم فى غاية الاهمية

أحييك جدا عليه
تمنياتى بمزيد من الابداع

كلمات من نور Says:

النفس دى يا بجبج هى الفرس اللى ماشية فى اى اتجاه
بدون نظام بدون هدف بدون مسؤلية
احنا مطلوب مننا اننا نروض نفسنا علشان نقدر نحدد اتجاهها
ويكون اتجاهها ايجابى
-----------------

كلامك زين يا أبو علي يا زين ...إلا قلي ياخويا جبت أسامي العيال دي منين؟ وانا قال ايه مستغربة بج بج مسمي صرصار ونملة مكاكا وكاكا ....ههههههههههه

brightlyanny Says:

ازيك ابو على
جميل اوى تشبيهك للنفس بالفرس .
والله ياريت نبقى زى مكاكاوكاكا ف الاتحاد .
فعلا لو نظرنا بعمق لعالم الكائنات هنكتشف ونتعلم منهم حاجات المفروض انها ف بنى الانسان انما الحاجات دى اصبحت نادره ف عالم الانسان.
كل الشكر ليك ع المجهود اللى بتبذله بفكره بسيطه بتعلى فينا حاجات غايبه عنا.
جزاك الله اخى كل الخير.

لـــولا وزهراء Says:

سيدى الفاضل ابوعلى

فى البدايه لا اجهد نفسى فى كتابة اى تعليق ولكن بكل بساطه حضرتك اسلوبك اكتر من رائع وراقى جدا جدا فلابد ان نحاول ان نرد بكلمات بسيطه

ندخل فى البوست ...
اللى حصل بين مكاكا وكاكا بيحصل بين بنى البشر واكتر بفضل من الله تعرضت لما تعرض له صديقى الصغير بج بج لكن للاسف كان من بنى الانسان ..
ولان مافيش حد عاوز يسمع غير من طرف واحد وخلاص يبقى الحكم بيكون من ناحيه واحده

"تحرى العدل من طرف واحد ظلم "

جمله اكتر من رائعه

عارف حضرتك افكارك بسيطه لكنها تحتوى على الكثير من المعانى العميقه

ياترى فى من بنى البشر اللى ممكن يعمل زى مكاكا وكاكا علشان ينصروا بعض ياريت كان فى على الاقل كانت كل مشاكل العالم الاسلامى انتهيت ولكن احنا بقينا نساعد بعض فى التفاهه والخراب والدمار ونساعد على كسر النفس البشريه واذلال الاخرين والتريقه على خلق الله وتصيد الاخطاء ...


" من تدخل فيما لا يعنيه سمع وشاهد ما لا يرضه "


تذكرت تلك المقوله التى تقول اسهل طريقه لكى تسعد الناس هو ان تتركهم فى حالهم ولكن من يفعل ذلك ومن يفهم ومن يقدر

اجمل تحيه عطره لاسلوب حضرتك
ربنا يحفظك

زهـــراء

جنّي Says:

السلام عليكم

لا وتربوي كمان بتربي بجد وجد ما شاء الله عليك ..

اما ابنك بتاع النملة والصرصار دا اللي يمشي وراه يستاهل ال..... اللي يجراله مش حاجة تانية ..

نملة وصرصار دي مش عيال يا عم الحاج .. ربنا يسترها علينا ..

سلام

Tarkieb Says:

تخيل لو اتى فارس واراد ان يركبه هل سينجح

على حسب بقى يا بابا

بس هاياخد وقت شوية وحبة صبر وجهد



الفارس بتاعنا بقاله ربع قرن ولسه بيحاول الظاهر العيب م الفرسة

richardCatheart Says:

ههههههههههههههههههههههههههههههه
بوست شرباااااااااات

والله بجبج كان قصده خير هو يمكن بس اختلاف الثقافات خلاهم يفهمو غلط

بس بصراحه بعد الدخله اللى دخلها عليكم دى لو كنت معاكم كنت شاركت فى الهجوم الكاسح عليه هههههههههههه

لو اخدنها بمنطق تانى هانلاقى بجبج حب يكون همزه وصل واصلاح مابين ثقافتين مختلفتين
ودا فى حد ذاته غرض نبيل كون انه فشل
لاختلاف الثقافات التلاته فادا مش وحش
لانه هايتعلم يضع الامور فى مكانها الصح

انما خطئه الحقيقى هو التهويل
كان لازم يعرف لا تهوين ولا تهويل
واكيد دا اتعلمه من موقفه اللى يا عينى اتقلب عليه من مكاكا وكاكا ومنكم بعد كده هههههههههه


عجبنى كلامك عن طرويد النفس لانى من العصبين فاعرفه قمته جدا واد ايه هو صعب فعلا

والله جميل البوست تسلم

الشـوكة الــنـاعـمـة Says:

احترمت اوى الرسائل الموجهه فى البوست اوى
عجبتنى اوى حكايه ترويض النفس
وانت اتكلمت عن تصارع الثقافات بشكل بسيط ومنسق
بس لازم الهدوء والكياسه فى حل المشاكل
انا عجبنى اوى باباهم
تحياتى
دومت مبدع

saragebaly Says:

بوست عميق
ورسائل غاية في الاهمية
بأسلوب سلسل وراقي جدا
وحوار عائلي يجمعه تضامن
ونصائح من الأب وتنمية الخـُلق
وهذا ما نفتقده الآن


تحياتي لفكرك الراشد

دمت بكل خير

د. ياسر عمر عبد الفتاح Says:

ههههههههههههه
عليك شوية أسامي ..
أوعى تروح الماركتينج أحسن تعملنا أدوية بأسامي صينية


والله واحشني يا دكترة

SHAPE YOUR LIFE (ABOALI) Says:

الى موناليزا

يا قهلا يا قهلا
موناليزا فى العرض الاول فى مقدمة التعليقات
شيىء مريح جدا
ازيك يا موناليزا عامله ايه واخبار برامجك الهادفة فى راديو المطلقات ان شاء الله تكونوا كلكوا بخير وصحة

رايك اسعدنى ومكاكا وكاكا مبسوطين منك

تقديرى البالغ

SHAPE YOUR LIFE (ABOALI) Says:

الى كلمات من نور

يا فندم الاسامى بتيجى لوحدها كده عاملة زاى الطيف
فجاءة تلقيها مرسومة تتكلم عن نفسها

تخيلى كده
حياتنا من غير زجزج وبجبج ودم الغزال
وحمران ترجاموش وكابتوش ومكاكا كاكا

دى تبقى حياه ياى ياى كئيبة اوووووووى

هههههههههههههه

اسعدنى وجودك هاهنا سيدتى

SHAPE YOUR LIFE (ABOALI) Says:

الى برتلى
يا مراحب بالناس الجميلة المميزة

اسعدنى فهمك وقربك من البوست واستنباط هايل من البوست
بالفعل ليتنا نكون مثلهم

مبسوط بتواجدك من جديد واتمنى عودتك المستمرة

تقديرى البالغ

SHAPE YOUR LIFE (ABOALI) Says:

الى زهراء

كيفك يا انسانة عساكى تكونى فى خير بستان ويزينك الاريج وتتساقط منك العطور التى يتطيب بها القاصى والدانى فتقولين
انا زهراء من اقترب منى عرف العبير وتبسم وارتسمت باقات الفرحة على وجههِ واستنار بكل ماهو جميل ذو رونق
فتعالى الى بستانى وابدء طريق قربك من الرحمانى


خالص تقديرى لما كتبتى

SHAPE YOUR LIFE (ABOALI) Says:

الى جنى

ايون ايون العيال دى محتاجة سلطانية كبيرة يا معلمى علشان نظبطهم صح
يلا بقى همتك معانا بدل ما مكاكا وكاكا
يشوفوا شغلهم

سامع يا صاحبى ولا
عوووووووووووو

تقديرى يا انسان

SHAPE YOUR LIFE (ABOALI) Says:

الى تركيب

ههههههههههههههه
فارس مين يا عم الحاج هو انت بتحلم ولا الالقاب بتتاخد كده وخلاص

ده يروح يروض ارنب او فرخة بتكاكى

قال فرسة قال
ده انا لو منها هرجمه

تقديرى يا تركيب

SHAPE YOUR LIFE (ABOALI) Says:

الى richardCatheart

هههههههههههه
والله انتى سكر يا بنتى وتحليك ديناميكى متفاعل مع الاحداث الجارية منبسط يجمع الحقيقة فى منسوب متوازى مع الارادة البجبجية شارك معه كافة قوى الشعب لمحاولة انقاذ البلاد من حفرة عميقة قام بحفرها مكاكا وكاكا

لو فاهمة حاجة ابقى قوووووووووووولى

تقديرى بجد للتعليق

SHAPE YOUR LIFE (ABOALI) Says:

الى الشوكة الناعمة

وانا فى بالغ التقدير لما استنتجتى من البوست واتمنى الاستفادة بما كتبتى

ودعواتك بكل الخير الناعم المنزوج الشوك

تقديرى لوجودك هاهنا

SHAPE YOUR LIFE (ABOALI) Says:

الى سارة

ومن الذى تتحدثين عنه بهذا الطريقة

ان كان شخصى فلك الشكر واتمنى ان اكون
وان غيرى فله العذر فقلوب مملؤه بالسرور قالت هذا


تقديرى العميق

SHAPE YOUR LIFE (ABOALI) Says:

الى يااااااااسر

هههههههههههههه

اه منها الدنيا يا ياسر ملاهى فعلا

واحشنى جدا والله

وراك وراك بالصينى والتايوانى

اوووووووووووومال احنا عندنا كام ياسر


تقديرى يا انسان