حمران ترجاموش
, الاثنين، 3 مايو 2010
يتجول الحكمدار ابوالحسن مع امين التنظيم هز مع كوكبة من اعضاء مجلس الامة بقيادة ابوالشرور
وذلك لتفقد احوال الرعية
وفى اثناء ذلك يقع النظر على حمار يحمل محمول
ويدور الحوار الاتى
يا ترى بتتصل بمين يا حمار؟
والشريحة فؤاده
ولا صوصو ولا ام نبيل
والخط مشحون ولا الحساب على مين
هاتقدر تجاوب ولا انت غير متاح للعين
طيب ممكن تقول رقمك
ولا تحب الرنة منك تكون انين نهيق تحمر منه العين
اوعى تفتكر اننا زعلانين انى معاك محمول
الريس ابوالحسن مشجع لانتشار العلم والعلوم
و ده معناها انى شبكة حياتنا عال العال بتغطى حمير الشعب المصون
هنسألك سؤال ؟
قولنا كده واستخدم علاقاتك الحمورية وهدوئك الجميل
شرزمة من العمال عاملين اعتصام
امام مجلس الامة واقفين
قال ايه عاوزين حقوق وشغل وتأمين
يرضيك كده يا مثال الطائع الامين ؟
هاترد علينا ولا نحول ليك رصيد بالملايين
الريس ابو الحسن عاوز يطمئن على احوال الرعية
وينام مطمئن قرير العين
جاوب على الريس بسرعة
معاك رئيس التنظيم هز هز بتاع الوز المتين
وباحذرك
اوعى تكون عامل المحمول فى وضع السكون سيلنت
او تكون عامل المحمول فى وضع اهتزاز فيبريشن
انا عاوزك تستخدم رنة عالية وتقول رايك ويكون حكمة للسنين
ومعانا رئيس مجلس الامة ابو الشرور هايعمل اللى هاتقوله قانون
وكوكبة الامة امين امين
نطق الحمار وقال
هيه هيه هيه هيه هيه هيه هيه هيهى هيهى هيهى
ايه اللغة دى ؟ الريس ابو الحسن مش فاهم
بسرعة هاتوا حمران ترجاموش
يترجم لينا وحالا هانعرف الراى يا وحوش
اتى حمران ترجاموش وترجم
بيقول ايه يا حمران ترجاموش
بيقول انى اوضاع المحمول اللى مذكورة فى الكتالوج
وضع السكون فى وقت الكلام يكون ليه اوان مطلوب
وضع الهز فى وقت الكل محتاج فعل منصوب
وضع الرنات فى وقت الكل محتاج سكون بجزم النون معروف
وضع الاقفال فى وقت الكل محتاج نوافذ نور تخرج عن المألوف
وضع الغير متاح فى وقت الكل محتاج مشاركة كيان معلوم
ايه الكلام ده يا حمران خليه يوضح شوية
ليغ ليغ ليغ ليغ حو حو حو جا جا ؟
ده ايه ده يا حمران
بترجم السؤال يا سيادة الريس
طب قال ايه ترجم بسرعة
بيقول يا ريس لما استخدمت محمولك يا انسان طلع للاسف معيوب
ووضع الكتالوج كائن كده مقلوب
جاى تكلمنى عن عمال للحق طالبين وللكد والتعب رافعين
اوقف الترجمة اوقف الترجمة
فعلا صدقوا لما قالوا عليك حمار
هييييييييييه جى جى جى حا حا حا حا
قااااال بيقول ايه الحمار ده
قال حمران ترجاموش
بيضحك ويسخر ويقول
هو انت بتعايب عليا علشان انت يا بنى الانس دفع ثنائى على رجلين مرووش
وانا دفع رباعى على اربع رجول ساند
فعلا صدق اللى قال عليك انسان لما تنسى العقل تبقى بقرون
وهنا نادى الريس ابو الحسن يا هز يا ابو الشرور
شعبى عايش فى بغداده وحميره بقى ليهم راى
الشبكة يكون فيها حالا استخدام عادل محدد المعالم يكون
من بعيد اصوات خافتة تحت الطين
تنبت زرع باسم العين مريح
يحمل سبورة مدرسية
يمسك بالطبشور طفل جميل
يكتب بخط نسخ رزين
ان اوان التغير
فكن مستعد واجعل ارضك الخلق الكريم
وانر وجهك بالسجود للرحمن الرحيم
وابذل حبات العرق تنبت لك ثمار الخير القويم
فمهما طال عمر الليل فلابد من بزوغ فجر منير
البوست القادم
الكلكاعيزم والاوتيزم
و نقول اوووووووووووول تعليييييييييييييييييق