انا مكلكعيزم انا اوتيزم

, الثلاثاء، 4 مايو 2010


فى لحظة صفا يأتى الابن العزيز زج زج

بابا

ايه رايك فى حوار ارتقائى بدون انفعال روحانى

ههههههههههههههههه يا عينى يا عينى انفعال و روحانى

اقصدك اننا لا نتكلم بمشاعرنا ونجعل العقل هو المسيطر

فلكل وقت اذان !!!!

اينعم يا بابا هو كده بالضبط

موافق يا زج زج

بس يا بابا الاتفاق اتفاق وبلاش ترجع فى كلامك

شكل الموضوع كده كبير

قول وسمعنا على الاقل احسن من ابوالصابون !!!!!

صابون!!!!!!!!

مين ابو الصابون ده ؟

ده يا ابنى اخو ابوالليف والشيىء لزوم الشيىء

هههههههههههههههههه اه يا بابا يا متابع فن منخفض القطارة

طيب نبدء بدل الفن المنخفض ده يا سى بابا

انت يا بابا مكلكع ولا اوتيزم

هههههههههههههههههههههه

الله الله الله تعالى يا ام العيال شوفى اغفرله يارب اغفرله يارب

يا بابا لو سمحت كن عقلانى ولا تكن روحانى متعالى المشاعر

كن هادى هادى

جاوب بقى على السؤال ؟

حاضر حاضر هادى هادى

بس قول لماما تعمل شوب نعناع نعناع ؟

من عيونى يا بابا

قول بقى !!!

اعتقد يا زج زج انى الكلكعة بتأتى نتيجة تضخيم الافعال وحصر الاجابه فى شيىء واحد وعدم قبول الاخر و مع عمل ارهاب لفكر الاخرين

علشان كده لازم نكون عاملين زاى الارض ممكن نشوفها صلبة ومكلكعة بس هى فيها نوافذ تخرج منها الثمار وتستقبل بذور من الاخرين

علشان كده اعتقد انى مش مكلكع

طيب انت اوتيزم؟

ههههههههههههههه اهو بقى الكلمة دى انا مش عارفها ؟

قولى بقى يعنى ايه

اقولك يا بابا لانك طلعت مش مكلكع وتقبل راى الاخر

يااااااااااااااا ام العيال كمان شوب نعناع

قول

وانا يا بابا بقرء عن الاوتيزم ده عرفت انى معناها التوحد وهو

حالة تصيب بعض الأطفال عند الولادة أوخلال مرحلة الطفولة المبكرة وتجعلهم غير قادرين على تكوين علاقات اجتماعية طبيعية وغير قادرين على تطوير مهارات التواصل ويصبح الطفل نتيجة لذلك منعزل عن محيطه الاجتماعي ويتقوقع في عالم مغلق يتصف بتكرار الحركات والنشاطات

والطفل يلاحظ عليه
-
خلل في علاقات الطفل بمحيطه الاجتماعي
-
فشل الطفل في تطوير قدرات التواصل بشكل طبيعي
-
اهتمامات الطفل ونشاطاته تكون محدودة ومكررة وليست واسعة وإبداعية

حلو الكلام ده جدا

طيب ليه سموه الاوتيزم ؟

الاسم جاى من الكلمة اللاتينة اوتيز يعنى الذات او الذاتية

وايه اللى اوحى ليك بالكلام ده يا عم زجزج

الصفات دى يا بابا اذا قراءتها بعناية حسيت اننا بقينا كده

اما نعقد كل حاجة ونحجر على اراء الغير ولا نتقبلها بشكل عقلانى و نخلطها بالانفعالات والمشاعر والاحاسيس

او نتوحد وننطوى وكل واحد يعيش فى جزيرة لوحدة

وهو اللى فاكر انه هو اللى صح وينفصل عن غيره

ومثل من ضمن امثلة كتيرة علاقات الناس بجيرانها شوف اصبحت ازاى

اوووووووووووووبا ده كلام عال العال

فعلا انا قريت التعريف ده تانى بعناية فعلا حاجات كتيرة ابتدينا علشان سرعة خفقان الحياه بنعملها سواء بوعى او بدون ادراك

طب الحل ايه يا زجزج

نكشف عند مين ونتعالج من الكلكاعيزم والاوتيزم

بص يا بابا

انت وضعك حرج واحتمال تكون ايامك اللى جاية كلها نعناع

لانى البوست اللى جاى عنوانه

طرشى الحياه

وفيه مبادىء العلاج

هيييييييييييييييييييييييييييييييييييييييييييييييييييييييه

تعالووووووووووووووووووا زرونااااااااااااااااا

انا مكلكع انا اوتيزم انا مكلكع انا اوتيزم

29 Response to "انا مكلكعيزم انا اوتيزم"

أنا - الريس Says:

احنا فعلا اصبحنا مكلكعين واوتيزمين وده بسبب التعصب القبلي اللي احنا رجعنا له مره تانية ومحاولة السيطرة علي أراء الغير وتغيرها لتجاري ارائنا في كل المواضيع ..

والمختلف في فكره أصبح هادم للقيم والمبادي .. كل الأديان أمرت بتقبل الغير ومعاملته علي اساس فكره مع عدم النزول لمستوي هابط في الأسلوب والطريقة أثناء التحاور معه ...

مثال أمر الله سيدنا موسي بالقول اللين لفرعون مع ان فرعون منكر الوحدانية ومسوي بلاوي بس يتاعمل علي اساس فكره ..

غير معرف Says:

هههههههههه

كلنا هذا الرجل مع الاسف

عموما كله بيشوف مصلحته وحاسس ان الكل بيجري وراه عايز يخطف حقه

منتظرين الطرشي...اقصد الحل :) ..

تحياتي

كلمات من نور Says:

العيال بقوا اشطر مننا وبيعلمونا عيوبنا فين ونعالجها ازاي....نعناع نعناع ولو إنه بيوطي الضغط بس الطرشي حيحلها (:

لــــ زهــــــراء ــــولا Says:

سيدى الفاضل ابو على
-*-*-*//-*-*-*-*-***-


اولا اعتذر انى مش علقت على البوست اللى فات بس ان شاء الله لى عوده للتعليق عليه

ما شاء الله بج بج ربنا يحفظه مثقف جدا جدا ربنا يبارك لك فيه

عارف حضرتك اننا مش بنعرف نختلف مع الاخر اصبحنا لا نحترم وجهة نظر الاخر كل ما نفعله او ما يفعله الغالبيه العظمى مننا اننا نهاجم ولا نحترم رأى الاخر ده بقى ممكن يكون من اعراض الاوتيزم او الكلكعيزم ......

سيدى بسبب اننا اصبحنا ابعد ما يكون عن الدين وناخذ منه القشور فقط لذلك لم نتعلم كيفية التعايش مع الاخر والتعامل والاختلاف

كالعاده تلميذه فى مدرسة حضرتك
اتعلم كل مره شئ جديد

زهــــــــــراء

yara Says:

عيب عيب يا زج زج تسال بابا سؤال ذى ده ميصحش كده(انا بهدى النفوس بس )على العموم يا زج زج باشا احنا يمكن ميكونش فينا كتير حد عنده كلكعه مطلقه او اوتيزم مطلق برضه لكن معظمنا او كلنا بنميل لاحدهما ..وده طبعا يا فندم اسبابه كتير وعلاجه برضوا له طرق متعدده ..يعنى ده بيرجع لاسلوب التفكير بتاع الانسان واسلوب التفكير ده بعتمد على عوامل كتيير جدا بدءا من النشاه والتربيه الى التعليم ولافكار اللى تلقاها فى خلال مراحله الدراسيه بجانب طبيعه الشخصيه نفسها وقدرتها على التطور والتغيير والتفاهم الخ..الخ..الخ لكن يا زج زج متقلقش كل شىء وله علاج بس انا بقى هخلينى فى حزب الوالد وهنتظر البوست القادم لمناقشه علاج الكلكاعيزم والاوتيزم .


تحياتى لزجزجيزم ووالده المبدع.

Tarkieb Says:

ههههههههه حلو اووي علاقة زجزج باباه دي ...والله تربية حديثة وانا بقول انا صحتي ضعفانة من ايه اتاريه من قلة الكلكعيزم ...وانبي انت دماغ ههههههه

الازهرى Says:

لالالالالالالالا

الحالة بقت صعبة خالص
طيب كنا بنقول اقلب القدرة على فمها تطلع البنت لامها
الواد بقى نقول له ايه ؟

خليك فى حالك وكل عيش او حتى بلاها عيش

بس سيب الناس فى حالها الكلكعة دى كلها من انعدام الثقافة العامة بانواعها وعلى رأسها الثقافة الدينية يعنى كل فى الكلتش

وسلم لى على الزعيم

جنّي Says:

السلام عليكم

يا ريتها تيجي على الاوتيزم والكلكعيزم .. دا انتشر بين الناس التوهانيزم من شرب البانجو والحماريزم من اكل لحم الحمير ..

انا قريت حمران ترجاموش .. وكويس اني ما لحقتش اعلق عليها كان زمانك جايبلي عيش وحلاوة ..

سلام يا عمو

أحمد الصعيدي Says:

أن يولد طفل عنده أوتيزم خير له من مجتمع سرياليزم ويفضل قزم في مجتمع ناهض خير له من أن يحدد هيكليزم

كتاباتك تروقني كثيرا يا دكتور

السلام عليكم

أمل حمدي Says:

"انا مكلكعيزم انا اوتيزم"

ربنا يكفينا شر الكلكعة يارب

فيلسوفنا الجميل ابو على وأولاده

ربنا يبارك فيك في عقلك المستنير

دمت ودام قلمك الراقي

sony2000 Says:

هههههههههههههه
بجد بستمتع جدا بالمناقشات دي
ربنا يخليكم لبعض
اللهم امين:)

Doba Says:

انا سعيدة جدا جدا بشكل لا تتخيله بمدونتك
وده عادة مبيحصلشى كتير

ان الواحد يلاقى شخص له فكر وكينونة ونهج حياة ده قليل ف البلادى

عموما

اسجل إعجابى وتقديرى

تحياتى لما تسطر
هبة

SHAPE YOUR LIFE (ABOALI) Says:

الى الرئيس

مرحب بالفكر الجميل فى المقدمة

فعلا معك حق
ولكن االذى ساعد على كده حالة الرضا لدى البعض بالهمبكة وعدم وضوح الرؤية

ولكن بمزيد من الجهد قادرين اننا نحسن ان شاء الله

تقديرى لوجودك الراقى

SHAPE YOUR LIFE (ABOALI) Says:

الى فتااااااه من الصعيد

يااااااااااااه طامعة عاوزه الطرشى
وعاوزه تاكليه لوحدك

ده بعدك
وهاخلى البوست ليا لوحدى علشان الطرشى بيفتح النفس

ههههههههههههههههه

تقديرى لوجودك يا انسانة

SHAPE YOUR LIFE (ABOALI) Says:

الى كلمات من النور

يا فندم كلمات حضرتك ونورك
ان شاء الله يايظبط كل شيىء

ولالالالالالالالالالالالالالاايه

بس زودى انتى الطرشى شووووووووووووية

مشرفانى يا انسانة

SHAPE YOUR LIFE (ABOALI) Says:

الى زهراء
فعلا يا زهراء اخذ القشور من الدين يجعلنا

نتهاوى فى حالة من التوهان وتظهر النماذج المكلكعة وتحدث الفجوات

لذا معكى كل الحق

يروقنى تحليلك وفهمك العالى وحسن تفكيرك يا زهراء

ولا احبذ
مدحى


فاءنا انسان مثلك خلقت من الطين
ونحن نتعلم من بعضنا عن جد

خالص تقديرى

SHAPE YOUR LIFE (ABOALI) Says:

الى يارا

جميل التحليل ده يا يارا
فعلا اسس بناء الفكر تاءتى من الاساس
فنحن هرم القاعدة هى التعليم والتربية منذ الصغر
ولكن حاليا الهرم مقلوب على جنبه

باعتبارك جيولوجية مافيش شاكوش كده
ولا فكر جيولوجى عن كيفية استعدال الهرم

فكرى كده
ومنتظر الاجابة


وخالص تقدير زج زج

ستيتة Says:

ممكن نقلب عنوان البوست؟
مجتمع مكلكعيزم
بشر أوتيزم

تفتكر ثقافة الزحام عملت فينا كده ولا ثقافة كل عيش وخليك في حالك ولا ثقافة حب رمي الأخطاء على أي عامل خارجي عدا انفسنا؟

تسلم بوستاتك ويسلم نفوخك

SHAPE YOUR LIFE (ABOALI) Says:

الى تركيب

ياااااااه تانى مرة ظهور فى المدونة
وهبتدى اتعود على كده

ولا ايه
والطمع فى التركيب هايكون كبيييييييير


مشرفنى يا انسان

SHAPE YOUR LIFE (ABOALI) Says:

الى الازهرى

فعلا هى انعدام ثقافة بس مش دننية فقط

دى تحلل من حتى الفواصل بين الكلمات

كلنااااااااااا فدا الوطن المتطنطن يا ازهرى

ارفع راسك يا اخى
القبلة الى اليمين قليلا

ولالالالالالالالالالالاايه

تقديرى العميق

SHAPE YOUR LIFE (ABOALI) Says:

الى جنى

من الكلكاعيز الى الاوتيزم الى حمران ترجاموش

هتلاحق على ايه ولا ايه

هو صحيح يا جنى باعتبارك معفرت
هو معتقل المغول لسه موجود

ابحث كده وقولى

وخالص التقدير للكل بنى الجن

SHAPE YOUR LIFE (ABOALI) Says:

الى احمد الصعيدى

ولا ايه بلاش يتولد احسن يا انسان

ده حتى كده هنزود العقد

اقولك بلاش تتجوز واعمل قصيدة بعنوان

الخطر المدقع الزواج الاقرع

ويكون اول بيت فيها

من على مشارف الثلاث شهور اولى زواج
اقول لكم نداء
ان الزواج انتقام لا بناء


كمل بقى انت يا شاعرنا المحترم الجميل

خالص التقدير

SHAPE YOUR LIFE (ABOALI) Says:

الى ماما امولة الانسانة

صحيح كيلو الفلسفة فى المنطقة الحرة بكام
علشان ناوى اصدر واستورد وابقى بقى
ايه

رجل اعمال كبير كده ابيع فسفسه واستورد نمنمة


واعمل شركة فسفس متفلسف

الله الله

والله منورانى يا انسانة
ربنا يبارك فيكى وفى اسرتك الكريمة

SHAPE YOUR LIFE (ABOALI) Says:

الى سونى

وانا مبسوط انك بتستمتعى
وربنا يجعله عااااااامر دايما بالسرور والنقاء

تقديرى

SHAPE YOUR LIFE (ABOALI) Says:

الى دوبا

يا فندم كلنا انسان يجتهد

والقلوب النقية هى التى ترى بالعين الصفاء

تقديرى فى اول زيارة واتمنى ان استمتع برؤيتك هنا مرة ثانية


خالص المودة

SHAPE YOUR LIFE (ABOALI) Says:

الى دكتورة ستيته المفكرة

هو تقريبا النظرية دى سليمة لحد كبير

بس سؤال ايه اللى عمل فينا كده
ده سؤال ليه معالم واضحة فى الاجابة

لوم النفس ده صح
وجزء مجتمعى برضوا صح

بس ضرر ده كله ان كان واقع علينا
ونحن لا نبدء خطوات الحل
هو ده بقى قمة الغلط

علشان كده
عرض المشكلة ان تلامس فى واقعية مع الحياه

يبقى عالطول نمسك القلم ومعاه ورقة
ونكتب ونفكر

كيف نعالج وكيف نتعالج وكيف نحصل على العلاج المناسب واين مكان الدواء؟


طرح الاسئلة حتى لو لم نجد اجابة
سيبقى التفكير هو المكسب
وثقى ان التفكير سيؤدى الى حل يقينا


لا يطرح تلك الاسئلة الا انسان حريص على ان يعيش على الاقل حياة كريمة
وانتى نموذج يا انسانة
وهبك الله الصلاح دائما

تقديرى

غير معرف Says:

البوستات بتاعه حضرتك بتحمل معانى غريبه
او مختلفه بس فى الاخر تحمل فكر ورأى
تحياتى

شهد الكلمات Says:

ده انتا جتلي يابو على انا بتاعة المخلل و مستنية البرطمان اللي جاي اقصد البوست اللي جاي عشان اعرف العلاج ;)

في مثل شعبي عجبني اوي لما سمعته بيقولك ربنا لما وزع الارزاق كل واحد ماعجبوش رزقه و لما وزع العقول كل واحد عاجبه عقله .... كل واحد فاكر انه صح و ماحدش غيره صح
كل واحد عايز الناس تتحرك و تفكر بفكره و دماغه لانه هو اللي هايصلح الكون
هو اللي اختره ربنا للعالم المسكين اللي حواليه عشان ينشلهم من الضياع

تسلم ايدك على الموضوع الجميل يابو زجزج

تحياتي

فاطمه Says:

انا الاول كنت مكلكععيزم ومن فتره صرت اوتيزم وهلأ صرت اوبن زياده عن اللزوم بقبل تصرفات غيري وتقلبها واقول كل واحد له وجهة نظري واقول وان ليوجهة نظري وبعدين اكتشفت ان اراء الاخرين تناقدات كتيره عقلي واقف عندها ومش قادر يستوعبها فرجعت تاني دلوقتي اوتيزم ،وبقيت حاله مستعصيه ، موضوع رائع بجد ودا المعتاد من مبدع زي حضرتك.