زج زج وبج بج ودم الغزال

, الاثنين، 30 مارس 2009


زج زج وبج بج ودم الغزال حدوته كانت امى بتحكيها ليا وانا طفل


وكانت دايما بتقول ليا فى الحدوته انى زج زج وبج بج ودم الغزال
دول ولاد المعزة وتحكى الحدوته وتقول فيها
انى زج زج هو الكبير
وبج وبج هو الوسطانى
و دم الغزال هو الصغير


وتحكى بقى تفاصيل الحدوته و هما عملوا ايه وكانوا بيسمعوا الكلام ولا لأ وهكذا


وانا علشان كنت منخفض الذكاء ايامها يعنى ( ولسه بايان كده )


كنت بقول هو ازاى ولاد المعزة بيتكلموا
واشمعنا دم الغزال اللى هو اصغر واحد فيهم كان هو اللى دايما" على حق

(اه منك يا زمن)


فكنت لما اشوف المعزة اقول ليها
روحى اجرى اجرى ربى ابنك زج زج وشوفيه عمل ايه


مااااااااا علينا من زمان


ندخل على دلوقتى


زج زج وبج بج ودم الغزال اكيد انتو عارفينهم بطريقة او باخرى


ماهو يعنى مش امى بس اللى اخترعت ليا زج زج وبج وبج ودم الغزال


اوعى يكون اخترعتهم بجد ( ياااااااقلبى اتخدعت فيكى يا امى )


ماااااااا علينا مرة تانيه


اللى فتح الموضوع ده


اننا عاوزين نعمل حركة تتدونيه قصصية


كلنا نتحد ونكتب مجموعة قصصية عن زج زج وبج وبج ودم الغزال


وبدل ما كل مرة دم الغزال هو بتاع الخير والناصح اللى فيهم


نحاول نغير شويه فى الحدوته القديمة


و نخلى بج بج مرة يطلع كويس وكمان زج زج يطلع حلو مرة


واليكم مجموعة من الافكار علشان نفتح شوية الفكر القصصى التتدوينى

زج زج وبج بج ودم الغزال


اصدقاء بيحبوا بعض


زج زج وبج ودم الغزال


ليهم حلم واحد


زج زج وبج بج ودم الغزال


عندهم خبرات مختلفه

وغيرها طبعا من الافكار الجاااااااااامده اللى هاتفكروا فيها



يعنى عاااااااااوز تقول ايه وجعت دماغنا ب زج زج وبج بج ودم الغزال بتوعك

حاااااااااااااضر حاضر
مش هو ده الكلام اللى بتقولوه عليا دلوقتى ماشى ماشى ( المسامح كريم)


ليا رب اسمه الكريم

امرى لله


عاوزين نبدء من جديد فى حكاية ونثر قصص هادفه


نربى فيه كل اللى نعرفه واللى حوالينا


على معانى وعبارات وجمل جديده يفهموا فيها الواقع


ويكونوا مؤثرين فى مجتمعهم ويكونوا نور لغيرهم


نربى طفل واعى مؤثر يفهم الصح والغلط ويعرف يدافع عن الحق


ويرفع راياته


علشان نخفف شويه من حالة التخريب العامة اللى سايدة الايام دى
وكمان الاناماليه المنتشرة


وكل واحد يقول وانا مالى


وكمان بنحس انى الناس مكبرة مخها بطريقه سلبيه جدا"



وكثيرين عايشين فى جزيرة منعزلة مع نفسهم
بدون التعاون مع غيرهم


فوصلنا الى حالة من العته المغولى الانبعاجى


ومش بس كده ده فى اشاعة بتقول
انى الكواكب التانية رفعت علينا قضية
وبيقولوا علينا اننا عندنا غباء برجوازى
يعنى قصدهم اننا اغبيا ومخنا تخين


( اوبااااااااااااااااااااااااااا نهارنا مش معدى )


وبيقولوا كده لاءنناااااااااااااا حتى الان لم ندرك قيمة اننا انسااااااااااااان
ليه عنوان ومبادىء ( هو يعنى ايه مبادىء)


يلا بينا شاركوا معايا واكتبوا عن زج زج بج بج ودم الغزال


والثواب عند الله وعمل الخير بينفع


وانا متنازل عن حقوق النشر


لــــــــــ زج زج وبج بج ودم الغزال


بص جوه المعانى
وخلى بالك من الكلام
ده كلام ذو مغزى
مش هرتله والسلام
واقرء مرة مره تانية
والحقيقه تبان
أُومال ليه نافش ريشك
وبتقول عليك فهمان


وعجبىىىىىىىىىىى

29 Response to "زج زج وبج بج ودم الغزال"

Lady E Says:

يااااااااه انا اول تعليق دي حاجة جميلة جدا
يا بختك بمامتك ربنا يخليهالك يارب كانت بتحكيلك حواديت انا كنت عايزة اعرف احداث القصة لكن واضح ان زج زج وبج بج كانو شوريرين ودم الغزال هو الوحيد اللي كان طيب فيهم
البوست جميل ومغزاه ولا اروع
تسلم ايدك بجد

dalia Says:

زج زج ايه ومعزه ايه يا عم انا مش فاهمه حاجة انا رايي تعمل بوست من أول وجديد وتحكي الحكاية بالتفصيل لاني بشتاق لقصص الصغار واحكي كل شيئ لاني على وقتي لما كنت صغيرة كانت القصص اللى بحب اقرأها كانت من المكتبة الخضراء موردش علي معزات وحاجات الغريبة اللى بتحكي عنها احكي يا ابو على براحة من أول وجديد D:
تحياتي

شمس النهار Says:

هو ايه الموضوع انا مش فهمانه حاجه مين الاخوه زجزج وبجبج دول واشمعنا يعني دم الغزال

blue-wave Says:

ايه ياعم
مين البشمهندسين اللى بتحكى عنهم دول؟؟؟
وزرا يعنى؟:))

SHAPE YOUR LIFE (ABOALI) Says:

الى ليدى e
كيف حالك مرحبا بك بعد غياب
شرفتى بوست زج زج وبج بج ودم الغزال

والحقيقه انى الحدوته وضحت انى دم الغزال هو الطيب والباقى شررين
مش عارف ليه كده

بس تسلمى على تشريفك وتعليقك
ومنتظر انك تقولى حدوته تحت عنوان
زج زج وبج بج ودم الغزال

SHAPE YOUR LIFE (ABOALI) Says:

الى داليا
يااااااااااااااه يا داليا كله ده وانتى بتخدعينى
وتقولى ليا انك عارفه الحواديت كلها

ماشى ماشى

على العموم
مش مهم اصل الحدوته
المهم
انك تؤلفى حدوته عنهم بفكرك انتى
وانا منتظر


تحياتى

SHAPE YOUR LIFE (ABOALI) Says:

الى الحاجة شمس النهار

معقوله مش عارفه زج زج وبج بج ودم الغزال

عجبت لك يا زمن

المهم انا عدلت فى البوست علشان كان شكله معقد شويه
وكان زج زج عاوز يبوظه

بس انا حاولت اقرب المعانى لبعض

اقرئى تانى واحكمى

ومستنى قصة منك تحت عنوان البوست

تحياتى

SHAPE YOUR LIFE (ABOALI) Says:

الى بلو ووووووووووووووويف

يا منور يا باشا

انا عدلت فى البوست علشان بعض الطلالسم تتعرف

بس معرفتش

بس منتظر منك شعر تحت عنوان
زج زج وبج بج ودم الغزال


تحياتى

hager Says:

الفكره حلوه
بس للاسف معنديش ميول قصصيه :))
بس لو عملتوها هحاول اتابعكم :)
بالتوفيق

mahasen saber Says:

زج زج وبج بج ابو على يعيش ذكريات الطفوله هههههههههههههه

mahasen saber Says:

زج زج وبج بج ابو على يعيش ذكريات الطفوله هههههههههههههه

mahasen saber Says:

بس فكره حلوه قوى

يعنى عايزنا نساهم فىتشكيل وبناء شخصية الجيل الناشئ يعنى شخصية مجتمع بحاله

والله فكره ايجابيه جدا جدا بس ليك حقوق ملكية الفكره

يله نبتدى ونكتب قصص للركب هتلاقى الكل معاك اكيد وانا منهم طبعا بس ده لو انا بعرف اكتب قصص اصلا

mahasen saber Says:

بس فكره حلوه قوى

يعنى عايزنا نساهم فىتشكيل وبناء شخصية الجيل الناشئ يعنى شخصية مجتمع بحاله

والله فكره ايجابيه جدا جدا بس ليك حقوق ملكية الفكره

يله نبتدى ونكتب قصص للركب هتلاقى الكل معاك اكيد وانا منهم طبعا بس ده لو انا بعرف اكتب قصص اصلا

موناليزا Says:

انا تقريبا كده سبقتك وعملت يوميات جوجو وزمردة استناها البوست القادم

إيمان Says:

ابو على ..تسلم تلافيف مخك العبقريه اللوزعيه
أنا معاك ياباشا
بس يعنى ممكن أخلى الناس دول جمال بدل معيز
يعن لزوم الوجاهه
ربنا يجازيك خير على الأفكار النيره

SHAPE YOUR LIFE (ABOALI) Says:

الى هاجر
ليه الهروب ده يا باشا
اعملى قصه على قدك

ويمكن تكتشفى فيكى حاجة جميلة اكتر

تحياتى

SHAPE YOUR LIFE (ABOALI) Says:

الى ام بيرو

معقوله ام بيرو تقول كده

مال بيرو هايعمل ايه مستقبلا
وبكرة يحكى ويقول ماما كانت بتحكى حواديت وحكايات

البدايه دايما صعبه
بس اوعدينى انك تعملى بوست فيها قصة او نموذج فى المحكمة فيه 3 شخصيات اسمهم الاعتبارى زج زج و بج بج وهكذا

وانا واثق ان من معين تجربتك هناك الكثير والكثير

ولك كل التحية
وافتكرى كده كام حدوته اللى كانت ماما بتقولهم
واحكيهم لينا

ولالالالالالالالالالالا ايه

SHAPE YOUR LIFE (ABOALI) Says:

الى موناليزا

ومالوا يا باشا
ضمى ليهم اخوهم دم الغزال

واعملى قصة عن تعاون زج زج مع زمردة و جوجو

وان عارف انك تقدرى تعملى حاجات جميلة ومبتكرة

SHAPE YOUR LIFE (ABOALI) Says:

الى ايمان
هووووووووو ده الكلام
جمال وشباب وعيال واطفال يا باشا

المهم عاوزين حدوته فى الجووووووووون
زاى كل بوستاتك

يا منوره دايما بوجودك هنا

تحياتى الراقيه يا راقيه

mohamed ghalia Says:

بص جوه المعانى
وخلى بالك من الكلام
ده كلام ذو مغزى
مش هرتله والسلام
واقرء مرة مره تانية
والحقيقه تبان
أُومال ليه نافش ريشك
وبتقول عليك فهمان

بجد تسلم إيدك ودماغك
ايه ياعم انت بتجيب الحكم دى منين
أنا قاعد على الكتب طول عمرى
بس هنا بحس إنى مقرأتش حاجة خالص
أدينا بنتعلم

aidy Says:

فكرة حلوة اوى

انا بكتب قصص عامة بس ملهاش علاقة بقصص الاطفال

بس ان شاء الله ممكن اقدر اشارككم بجزء لو الفكرة هتتنفذ فعلا

تحياتى ليك ,,

SHAPE YOUR LIFE (ABOALI) Says:

الى محمد الغاليه

يا غالى يا غالى
كله من مستودعك موهبتك يا كبير

ولالالالالالالالالالالا ايه

استخرج كل طاقاتك
وانت تتدرك ما لا يدرك

SHAPE YOUR LIFE (ABOALI) Says:

الى adiy
اللى يكتب للكبير يكتب للصغير
شكلك كده عاوز تهربى من الحركة القصصية
لزج زج وبج بج ودم الغزال

اكتبى كده بوست فى مدونتك حتى ولو للكبار

بس عنوانه زج زج و بج بج ودم الغزال

لك كل التحية

غير معرف Says:

ههههههههههههههه
زج زج هو اللي علي حق مش دم الغزال :P
بجد انت زي العسل والتدوينه دي مرحه اوي وهادفه في نفس الوقت ..

اول زياره ومش هتكون الاخيره ..

تحياتي

Unknown Says:

حلوة الفكرة دى بس مش اى حد يعرف يكتب للاطفال

على فكرة طول عمرى رخمة اوى ومبحبش اسمع القصص كنت بحب اقراها

رخمة رخمة يعنى

سمكه واحده Says:

زجزج ايه وبجبج ايه
انا كانت علي ايامي
المعزه حاز وماز وبتضرب بالعكاز

بس احنا نساهم في بناء جيل جديد
انت ظلمت الجيل الجديد كده
انا بكلم عن نفسي اه لحد يقول كاني ولا ماني
مش اما اتنيل اتعلم انا الاول
تحياتي
وافكارك كلها هادفه

SHAPE YOUR LIFE (ABOALI) Says:

الى هاجر

والله انتى سكر
ههههههههههههههه

SHAPE YOUR LIFE (ABOALI) Says:

الى انجى

يااااااااااااااه وهو ده المطلوب
واحد رخم يكتب عن دم الغزال الرخم

مستنى الابداع والرخامه


تحياتى

SHAPE YOUR LIFE (ABOALI) Says:

الى سموكه

ايه يا باشا الياءس المحورى ده

نتعلم ومعاهم نربى نفسنا ونعلمهم


عاوزين نغير

هو البحر ماله صحيح كله قروش ليه كده


تحياتى