ياااااااااااااااا مطيع

, الثلاثاء، 17 مارس، 2009


الطاعة كلمة البعض يرتجف ويرتعد منها والبعض يتقبلها فى حنو وتعامل سلس
لا يخلو من الاحساس بالمسؤليه
فطاعة الزوج اصبحت تغضب الان الزوجة ورضاء الزوجة يغضب الزوج
وطاعة الابناء للاباء اصبحت منقوصة ومشروطة
وطاعة الانسان لربه اصبحت على حسب الحاجة

لما لا نلملم شتات انفسنا قليلا ونجرب طعم واحساس الطاعة
بمعنى اصح نبدء بانفسنا اولا عن حب و يقين اننا سنعامل بالمثل
تخيلوا ان ابنا" استيقظ من نومه وكان دائم الشجار والخلاف مع ابيه
وعزم على الطاعة فى هذا اليوم
وقال لأبواه
كيف حالك يا ابى ؟
ثم قام بتقبيل يد والده وقال له لكم اشعر بكم المجهود الذى تعانى منه لكى تربينى وتحافظ عليا من تقلبات الزمان واعرف يا ابى انك تريد لى دائما الصلاح فهل تريد منى اى شيىء افعله لك الان وكل يوم ان شاء الله

استنتجوا معى ماذا سيقول الاب ؟( اكيد فى البدايه هايستغرب وهى دى البدايه)
ماذا لو قامت الابنة فى يوم وقالت لإمها انا اشعر يا امى انك دايما بتطبخى وتتطهى اكل طعمه جميل تسلم ايدك
لما لا تعلمينى يا ماما يا غاليه عليا وتقبل ايدها وتساعدها فى المطبخ

استنتجوا معى ماذا لو تكرر ذلك اليوم ولكم الحكم

وايضا لو تكرر ذلك مع الزوج فى يوم يجعل عنوانه الصفاء و تناغم الارواح بدل شجارها
وبعد ذلك نجرب مردود ذلك على حياتنا
من هدوء وسكينة وراحه بال وانخفاض اصواتنا التى اصبحت انكر الاصوات الان

ف لنعطى انفسنا الفرصة للحياه بدل من تحويل الحياه الى منازعات ومرتع للهموم والشكوى




فى زمـــــــــــــــــــــــن
الطاعة فيه اصبحت عيب
ماذا تنتظر يا انسان
هم مع هم
يصير عندك همان
ويوم ورا يوم
تشكو من الهموم وذل الايام
الا ترغب فى واقع جديد
تلمتس فيه الصفاء والعمر المديد
الا ترضى بجمع الرياحين
وتترك عبق الهم والمهمومين
الا ترضى ان تكون انسان فاضل
يبكى عليك الجماد
فى يوم انت فيه راحل
الا تحب رضاء الرب
فى يوم تنعم فيه بالهدوء والقرب
اتراك وهنت
وفى الظلمات والشكوى سكنت
ارفع هاماتك
واكتب عنوان حياتك
وتذوق رحيق يوم
من كانوا حول حبيبك ومصطفاك
على الهامش
ضع امك فى عيناك
وابوك رموشها
وكحل عيونك بالاخلاق
واجعل دموعها لرب الرجاء
تنعم فى حياتك بالصفاء
وعجبىىىىىىىىىى

32 Response to "ياااااااااااااااا مطيع"

موناليزا Says:

بغض النظر عن الصورة(واجهة الموضوع) وبغض النظر برضه على انك مارديتش على تعليقى فى موضوعك السابق

بس الكلمتين اللى على الهامش اللى فى اخر الموضوع جامدين بجد

مدونة حكومتى ملاك Says:

السلام عليكم

الحقيقة انك لمست الجرح

وفعلا لا أدرى ليه الكل بيرفض الطاعة

ليه الكل أصبح يحب انه يبقى ضد

التيار وانه يبقى مخالف للكل

سبحان الله

وفى الآخر بنخضع للقوة

تحياتى ...

عمار صبرى

مـجـنـووون Says:

بجد موضوع مهم جدا
لو كل واحد جرب طعم الطاعه الي بينتظرها من غيره

هيكون المجتمع متكامل وهتقل المشاكل والخلافات

جزاكي الله خير


تقبلي مروري
مجنووون

جنّي Says:

السلام عليكم

دعوتك مشروعة ليتنا وزوجاتنا وابناءنا طبقناها لأغلقت نصف محاكم البلد ..

واحيانا نسمع من بعض المتكلفين : لو قلتلي ارمي نفسك تحت المترو ( زمان كان القطر ) ها ارمي ..
فالطاعة يجب اتن تكون في المعروف ولا طاعة في معصية :

عن علي رضي الله عنه أن النبي صلى الله عليه وسلم بعث جيشا وأمر عليهم رجلا فأوقد نارا وقال ادخلوها فأرادوا أن يدخلوها وقال آخرون إنما فررنا منها فذكروا للنبي صلى الله عليه وسلم فقال للذين أرادوا أن يدخلوها لو دخلوها لم يزالوا فيها إلى يوم القيامة وقال للآخرين لا طاعة في معصية إنما الطاعة في المعروف .. صحيح ابخاري

تحيتي

رندا Says:

الصورة تحفى بجد انا كنت حطاها من قبل فى منتدى ووضعت اسم تحتهم زمان والان
ههههههههه
اما موضوعكـ عندما تتكلم بابتسامة تعلوا صوت الباسمات عندنا
وعندما تعطى نصيحة تدخل كل حواجز القلب وتبهرنا
صديقى مااجمل الطاعة فى كل شئ فليكفينا قولا ان طاعة الوالدين ودعاهم ندخل بهم الجنة من اوسع الابواب
وطاعة الزواج من رضى الرب عليا
ويوجد كثيرين جداً يفعلون هذا بنفس راضية لوجة الله تعالى
صديقى
مااجمل قلبكـ عندما تشاركـ الجميع بقلب راضى فى نصائح غالية الثمن
جزالكـ الله كل الخير وجعلكـ طائع لله
ومن احبة ربة احبب فية خلقة وانت محبوب من الجميع سيدى
باركـ الله فيكـ وجعلكـ فى طريقنا كى تعطينى مايفتح قلبنا الى الطاعة والخير

تقديرى وامتنانى ومودتى

شمس النهار Says:

انا بحلم اكيد
طاعه انا سمعت الكلمه دي فين واخر مره سمعتها امتي
انت عارف المستحيلات انضاف لهم كمان موضوع الطاعه
تصدق ان في بنت قالت لبنتي في المدرسه انت بتسمعي كلام مامتك كده ليه يابنتي كل حاجه تقولي لها حاضر
ده الموضه دلوقتي
ربنا يهدي

mohamed ghalia Says:

هايل والله
بوست روعة
احنا افتقدنا الطاعة فعلا
حلوين قوى ابيات الشعر الى فى أخر البوست
سلمت يمينك
دمت بكل الود

مفكر Says:

السلام عليكم::

يا رب بجد نعيش في ود وحياة زي النغمة العذبة

بس يعني إذا اردت أن تطاع فأمر بما يستطاع

أحياناً الأب والأم مابيعرفوش يتعاملوا كويس مع أبنائهم وهم نفسيهم إللي بيدفعوهم لعصيانهم،،،

مش معنى كدة إن دة مبرر،،،أنا أقصد إن لو الأب والأم حرصيين إن ابنهم يكون بار لازم يساعدوه على كدة لأن البر مش من فراغ،،،،

لازم يفهموا نفسية الأبناء خاصة ففي فترة المراهقة ويعرفوا إزاي يتعاملوا معاهم،،،

البر مهم جداً،،،ربنا يعينا على بر آبائنا،،،

اقصوصه Says:

فعلا جميل جدا ان نلتزم بالطريق الصحيح

نطيع ربنا ونطيع والدينا

ونحسن التعامل والتصرف مع الجميع

تدوينه جدا مفيده

جزاك الله خير عليها :)

إيمان Says:

الزوجه المطيعه ..
الزوج المحب
الأبن المطيع
الأهل المحبون
كم نفتقد هؤلاء البشر فى حياتنا
إحنا إتربينا على إن الزوجه لآزم تحافظ على كرامتها وده إزاى بقه بإنها تحترم جوزها وتطيعه حتى لو فى بعض الأحيان مكنتش مقتنعه .. ولما كبرنا لقينا إننا ورثنا كنز كبير جدا خلى الحياه سهله وجميله الزوجه تحب وتحترم الزوج والزوج أكيد فى المقابل هيطلع أحسن ما عنده علشان يكافئ زوجته ويقابل عطائها بعطاء..الإبن يطيع يحترم أهله
الأهل أكيد فى المقابل مش هيهون عليهم يزعلو الإبن
معانى جميله ورائعه
يا رب تعمر بيوت المسلمين بالحب والسعاده
شكرا يا أو على دايما كده كلامك فى المفيد

ABOALI Says:

الى موناليزا

هى جت فيكى
لالالالالالالالالالالالالالالالالا
انا كده زعلان
معلش بقى يا موناليزا كنت ساعتها باغير النضارة
ههههههههههه

اعتذر وبشده وبكل الالوان


تحياتى

ABOALI Says:

الى مدونة حكومتى ملاك

يا ملاك انت يا ملاك

مش بالقوه يعنى
اقصدك بالضرب
مع ان فى الطاعة الحقيقة مافيش ضرب ولا شتيمة


اسعدنى تواجدك

تحياتى

ABOALI Says:

الى مجنون

مرحبا بك فى بيتك
على فكرة انا ادم مش حواء
بس للتوضيح المبدئى
انت عارف برضوا جمعيات المراءة بتحاول تستقتب الجنسين

على العموم معك كل الحق

اسعدنى مرورك من هنا

ABOALI Says:

الى جنى
نعم نعم يا جنى فى ايدينا تيسير حياتنا
واحنا اللى بنعقد فيها

دايما تمتعنى بفكرك المحترم الفاهم

تحياتى

ABOALI Says:

الى رندا زهرة الوادى

ياااااااااااااه
يا عينى
يا قلبى
يا يا يا

ايه الكلمات البديعة دى
هو فيه لغة ضاد تانية خاصة بيكى ولا ايه

تسلمى يا رائعة المعانى ي رافع من روحى المعدنية والببسى كمان


تحياتى

ABOALI Says:

الى الحاجة شمس النهار
معاكى حق يا فندم
البنات بيشجعوا بعض بدون تفكير
وكمان فكرين انى دى شطارة وشخصية

ربنا يهدى


اشكرك على رايك الواثق الفاهم

تحياتى

ABOALI Says:

الى محمد الغاليه

شوفت يا محمد مش حرمك من حاجة اهو
طيع والديك بقى وذاكر
علشان اجيب ليك شبسى
ههههههههههههه


تحياتى

ABOALI Says:

الى مفكر

هوووووووووو ده اقصدى من البوست
عكس الكلام اللى انت قولته
اننا نكون المبادرين بالطاعة
وهما ليهم عذرهم
لما يشوفوا فيك الابن المطيع البار
وانت اساسا مش خسران حاجة
اكيد الدنيا هاتتغير
ويحسوا فى ابنهم وضع مختلف
لكن بالمنظر ده
ابقى استنا مليون سنة هانفضل فى شد وجذب
واثبات للحقوق لكلا الطرفين


احييك على تفكيرك يا مفكر

ABOALI Says:

الى اقصوصة

معاكى حق يا اقصوصة على كلامك ده
هاتبقى قصة هايلة
فى حال جمع القصاقيص

تحياتى الراقيه لك

ABOALI Says:

الى ايمان
حلو الكلمتين دول يا ايمان

فعلا ميراث من الادب والاخلاق وفهم مكنون الحياه
تلاقى كده اننا نقدر نستوعب بعض بسهولة ويسر بدون غضاضه

احييك على تفاعلك الانسانى والمعنوى

تحياتى

yara Says:

ايه الصوره دى بقى ان شاء الله؟؟؟؟؟؟؟
ده ظلم واضطهاد على فكرة.
يلا هعديهالك ندخل فى الموضوع
هو انا حسه ان الاساس الحب طالما هناك محبه وانسانيه فهناك دائما زغبه فى ارضاء من تحب .
يعنى اكيد الطاعه ناتجه عن المحبه والاحترام واللى لازم تكون جزء اساسى فى حياتنا وفى تعاملاتنا.
والله الواحد عايز يكتب كلام كتير بس واضح انهم خلالالالالالاص هيقفلوا مكتبه الكليه وهننطرد باين علينا.
علشان كده يا ابو على
سلالالالالالالالالالالالالالالالالام
وكل سنه وانت طيب بمناسبه عيد الام

غروب Says:

ابو على الجميل

ازيك الاول

بص انا لسه مش قريت البوست

بس شوفت ردك على ردى السابق

قولت ان الوان المدونه عندى فيها مشكله

اذا كان قصدك على لونها الاسود فمش تخاف انا مش حطاه حزن ولا شئ انا بس اللون ده وبحس انه هيناسب اىىى صوره واى لون خط فاهمنى مش اكتر

تانى حاجه بوست الرحله اللى انا قفلت تعليقاته وشيلته مكنش تاثير من حدا ابدا والله محدش اساسا ليه الحق ولا المساحه اللى يقولى حطى ايه وشيلي ايه

لكن انا مش بحب اكون تقيله على الناس او انها تكون مضطره ترد علشان بس تجاملنى وبما انها ذكرى تخصنى لوحدى فمش حبيت اتقللا عليكوا بقه وقولت اسيبها لنفسي بس كده

هقرا بقه

Sometimes Says:

بنعرف قيمة الطاعة بعد ما يفوت الاوان
الحمد لله رب العالمين على كل حال

دايما موضوعاتك تمام يا ابو على
اتمنى تكون بخير

من غير عنـــوان Says:

من لا يطيع... لا يطاع


أكيد

أمنياتي

سندس وأمل Says:

هيحصل انقلاب.....

ده رد على سؤال حضرتك الى هوا (تخيلوا

معاى لو....؟؟؟؟؟)


:)...على العموم والله بالنسبه لى

الكلام الى حضرتك بتقوله ده العادى بتاعى:)

مش اوى يعنى..تقريبا مش اوى خالص

المهم يعنى ربنا يعيننا على فعل الخير

سندس....ومعزره على التاخير

ABOALI Says:

الى يارا
هههههههه
الصورة عاملة شغل مش كده
حوووووووووواء اليومين دول شايفة نفسها فرعون
ربنا يهديها

قووووووووولى امين
ده اولا

الطاعة المنبعثة على اساس الحب
طبعا هى يقين الطاعة
هناك طاعة مفروضة
يجب الا نفكر فيها
مثل طاعة الوالد والام وهكذا

على العموم الكلام كتير
بس عاوز اشرب شاى بالياسمين
وكل سنة وانتى طيبة يا امى


تحياتى

ABOALI Says:

الى غروب

انتظرت رجوعك كثيرا
ولكنى ادركت ان وقت الغروب حان
ومدونتك اشرقت بك

(وش بيغمز)

دايما تمتعينى بغروبك وشروقك

تحياتى

ABOALI Says:

الى ساعات ساعات

اولا عودا حميدا
ثانيا
لما يفوت الاوان
الجميع يكتب لكى ننتبه الان

ومن يقرء يحاول التنفيذ

تحياتى مع تمنياتى بالخير دائما

ABOALI Says:

الى من غير عنوان

الطاعة عنوان
فمن فقد العنوان
اصبح من غير عنوان


تحياتى

ABOALI Says:

الى سندس وامل


هو الكلام مش كده خالص
ولا كده مالص مالص
هو الكلام عن ايه


منورانى دايما

mahasen saber Says:

الله ينور عليك يا ابو على

اتكلمت عن الطاعه بشكل يحببنا فيها

وفعلا عشان الانسان يتقبل طاعته لابوه او زوجته او زوجها لازم يبقى فيه حب

اما طاعتنا للمولى عز وجل فواجبه وده حسب النفس ودرجة هدايتها

دايما اسلوبك فى الكتابه منتهى الرقى

على فكره الصوره ظريفه قوى وخلتنى ابتسم

ABOALI Says:

الى ام عبده الرحمن الشهيرة ب الاخت محاسن

جميل ان نرى ونبتسم
فنحن نحتاج تلك التركيبه فينا لنتصالح مع انفسنا

لك التحية المتجددة
فمن كان له رونق لا يفقد بريقه


تحياتى الراقيه