عجبت لك يا زمن؟

, الجمعة، 20 مارس، 2009


يحكى ان
كان على سور البلكونة قل وقلة فاشتاق القل للماء واحب ان يروى ظمائه وعطشه فذهب الى الثلاجة وفتحها
وتابعت ذلك المشهد القله من بعيد
وكيف ان القل يمسك ب زجاجة المياه المعدنية وتلامس وتداعب فمه فى مشهد تصببت فيه العرق وهى (القلة يعنى )
و استشاظت غضبا" وكمدا" من هول ما تراه

من خيانه القل لها وكيف له ان يتركها هى وهى بجانبه وبها الماء المثلج تثليجا" طبعيا" وليس اصطناعى مثل تلك
الزجاجة المعدنية المعبأه والتى تعتمد على مظهرها فقط فى اصطياد امثال زوجها القل

فلاحظ القل ان القلة فى حالة غضب وثورة عندما عاد فى جانبها على السور

فقال لها انى ظمأن واردت ان اشرب واروى العطش

وانتى لست مثلها فهى نموذج للماء الصالح للشرب

فهى تراعى ان تكون كل المعادن والفتيامينات فيها الا تريها متزينه دايما

ولها رونق واناقة

جميل منكى ان تحتوى على الماء ولكن انظرى كيف تقدميه انت لى

وتلك الزجاجة كيف تحتوى ذلك الماء

فقالت له القلة

كم انت ناكر للجميل وتبحث عن المظهر ولا يهمك الجوهر

فكم لى من مزايا ولكنك لا تراها بعينك

فهناك قلوب ترى وترتوى قبل ان ترتوى العين

ومن كثرة انفعالها وتوترها وعدم سيطرتها على نفسها

و ارتفاع صوت القل فى الدفاع عن نفسه

تأرجحا واهتزا من فوق سور البلكون فوقعا من فوق السور

وانكسرا

وخرجا الجميع من الثلاجة ليرى ذلك المشهد

ووقفت زجاجة المياه المعدنية تمصمص شفاها على القل الذى انكسر

والقله التى انكسرت كمد" وحزنا"


وتلك كانت نهاية قصة القل والقلة

التعليق لكم

والمعنى فى بطن الزير
وعجبى

38 Response to "عجبت لك يا زمن؟"

رابطه مدونون من اجل فلسطين Says:

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

شمس النهار Says:

بس اللي انا عرفه ان القله زوجها هو الزير مش القل ده
يعني المعني في بطن زوج القله نفسه

جارة القمر Says:

دايما كلامك معناه جميل
بس عارف يمكن يكون السبب في القلة هي اللي مقدرتش تخلي القل يفضل جانبها وبدل متعرف السبب وتحاول تصلح نفسها انكسروا الاتنين والكل واقف يتفرج ويقول ياتري مين بعدها ؟
صح كدة ولا انا مش فاهمة
تحياتي لك

ماما أمولة Says:

ابو على دا طبع الناس متعرفش قيمة اللي في ايديها الا لما يروح منها

وعجبي

EMMY BABY Says:

هههههههههههههههههههههههههههههه القل جديدة دى والله

احلى حاجة انى طول مانا بقرأ عمالة اتخيل فعلا القل بتكلم والزجاجة وهى بتمصمص شفايفها

هو احنا ممكن نتعلم كذا معنى من بطن الزير

اولا ان الانسان فعلا قيمته فى جوهره مش فى مظهره الخارجى

ثانيا ان مش كل الناس بتقدر الجوهر وفى كتير اوى بينخدعوا بالمظاهر الكذابة

ثالثا ان اى قلة لازم تشوف جوزها عايزها ازاى وتحاول تكون زى ماهو عايزاها علشان ميسبهاش ويروح لقلة غيرها او لحتة زجاجة

رابعا ان الانسان لازم يطور من نفسه دايما وميقلشى انا جوهرى حلو وخلاص لازم يتطور من برة وجوة

خامسا ان لازم واحنا بنعترض يكون فى اسلوب فى النقاش مش الهمجية اللى خلاتهم يقعوا يكسروا

ولازم العتاب يكون جميل ويكون سبب فى عودة المية لقللها مش سبب فى زيادة المشاكل وكسر القلل


تحياتى

ايمى

mahasen saber Says:

اليى فهمته ان خلافاتهم ودتهم فى داهيه
ولاا طايلين عيوب بعض دلوقتى ولاا مميزاتهم

بس ايه دخل الزير بينهم دلوقت راعى الاحجام يا ابو على

بس تحفه القصه دى حاسستنى انى هموت واشرب

yara Says:

بس القل ده واضح انانيته قووووووووووووووووووى ومفكرش غير فى نفسه رغم انه عارف جمال وقيمه ما تحتويه القله زوجته حبيبته التى يمتلكها ومع ذلك اسرع الى من وجد عندها المنظر من غير ما يوضح للقله قيمتها عنده ويعرفها اللى ناقصها واللى ممكن تعمله وسابها يا عينى حزينه وزعلانه(منه لله)بجد يستاهل تتكسر القله دى على دماغه.......
معلش
تحيز بقى
اصل بحب الطبيعى اكتر من الصناعى.

mohamed ghalia Says:

هههههههههه
طيب خلاص نروح نشوف المعنى عند الزير
هههههههههه
ربنا يكرمك دايما قصصك رائعة

موناليزا Says:

بغض النظر عن حكاية ذكر القلة ده اللى اول مرة اعرفه

ده اللى خده من الخيانة يلا خلى زجاجة المية المعدنية تبقى تقرا على روحه الفاتحة:)

أبو العريف Says:

بص يا ريس
بصراحه اسلوبك جميل جداااااا
وحلوه قوي المعني اللي في بطن الزير دا
المعني وصل يا ريس
وبشكل جميل ولذيذ
وربنا يخلي كل قل لقلته

إيمان Says:

هههههههههههههه
هههههههههههههه
ههههههههههههههه
قل قله بجد بتهزر تحفه والله العظيم تحفه
والمعنى اللى فى بطن الزير جامد جدا
القل والقله إتصرفوا غلط
أولا القله قاعده مكعبره جمب القل
طبعا لزمن يبص للزجاجه
مهو بنى أدم برضو لحم ودم
اسفه قصدى طمى وميه
ثانيا الست قله لما شافت القل بتاعها
ريل لما شاف الزجاجه مش تعقل كده وتستهدى بالله لحد ما القل اعجابه بالزجاجه يقل شويه وبعدين تعاتبه لأ
وثالثا القل اللى بيستهبل عامل نفسه مظلوم
تصدق يستهلوا

hasona Says:

السلام عليكم

الطبيعة البشرية ما بين أيدينا نزهده ونجري وراء وهم يغلف بحلم

ويمكن يكون الصراع بين الحداثة والحضارة
وبين المثل والقيم
عندنا حاجات جميلة كثيرة نملكها وتكون طبيعية وعندما تطل علينا التكنولوجيا تستغني عن القديم
فنتوه ونمرض

والي أن نصل الي بطن الزير

ونرتوي من المعني
ونحن نري أن الزير لا يجف
ويملئ من بير (بئر ) عميق

تحياتي

dalia Says:

يا خسارة كان نفسى القل فقط هو اللى يقع!!!! ديه النهاية الطبيعية
تحياتي الراقية

غير معرف Says:

اكيد القل ده اللى ليه ايدين وتخين شويه مش كده كنت دنيا وانا صغيره لما اشوف قلل اتخيل كده

ومتفقه تماما مع راى امى ببى قالت اللى كنت هقوله
تحياتى للزير

منى
مدونه احاسيس

اصحى يا مصر : اسلام ديو Says:

مثال جميل اوى اوى ينفع فى حياتنا

اشكرك على هذا البوست الجميل والمميز

كويس انك توصل احساسك بالطريقة دى
وكمان المدونة هايلة جداً

تقبل مرورى وتحياتى

ABOALI Says:

الى رابطة مدونون من اجل فلسطين

معكم قلبا وقالبا
ولكن من اجل رفع كلمة الدين افضل

اشكركم على الدعوة

ABOALI Says:

الى الحاجة شمس
اخلتفت القلل والمعنى واحد
بس اكيد هنلاقى المعنى

تحياتى الراقيه

ABOALI Says:

الى جارة القمر

يااااااااا سلام عليكى
فعلا تستحقى ان تكونى جارة القمر
احييكى على الادراك الجميل


تحياتى

ABOALI Says:

الى ماما امولة الراقيه

فعلا عندما نفقد ما بايدينا وبسهولة كمان
ياريت ناخذ ممن سبقونا العبرة


اشكرك لتشريفى

ABOALI Says:

الى ايمى بيبى

الله الله عليكى ماشاء الله

انتى كده بقيتى جدو بجد
راى صائب وفى محله
وحمل اكثر من رسالة ومضمون
يظهر كده
انك كنتى صاحبة القل والقلة اللى فوق السور
و زجاجة الميا حكت ليكى الحكاية

يا لئيمة


ماشى يا ايمى

روحى ربنا يسهل لكى كل الصعب

اشكرك يا جده

ABOALI Says:

الى ام بيرو

يااااااااا عينى
على التعليق المفعم بالاحاسيس
صديقينى مافيش احلى من شرب القلة
بس هانعمل ايه بقى
لزجاجة الميا المعدنية مبهدله الدينا

مافيش اقتراح كده فى قانون الاسرة يهدى الامور دى


مشرفانى دايما بعبيرك

ABOALI Says:

الى يارا

بس كده انتى اخذتى جانب واحد بس من الموضوع يا ست الكل
وهو جانب القلة
خلى عندك عدل كما تعودت منك
(وش بيغمز) وابقى حيادية

ولالالالالالالالالالالا ايه

ABOALI Says:

الى محمد الغاليه

ابقى قولى على العنوان يا محمد
انا برضوا اخوك المؤمن


تحياتى

ABOALI Says:

الى موناليزا

يا شيخة ليه كده
القسوة دى
حتى القل الميا بتاعة ساقعة وحلوووووه

ولا ايه

ABOALI Says:

الى ابو العريف

يااااااااااااا باشا يا باشا

طب قولى هو فين مكان الزير


اسعدنى تعليقك

ABOALI Says:

الى ايمان
ههههههههههههههه
يا مفتريه

بتفرحى فى المصايب شكلك
بس بجد بجد
فهم راقى للموضوع
ربنا ينور عقلك زاى ما نورتينى يا اختى


تحياتى

ABOALI Says:

الى حسونه

تعليق مميز بالفعل احييك على هذا الادراك والاستنباط

فهناك الكثير من المعانى ان ادركنها
استطعناان ننجح بسهوله فى طريق الحياه


تحياتى لك

ABOALI Says:

الى داليا

يااااااااه على القسوة

هو ده التحيز


تحياتى

ABOALI Says:

الى اصحى يا مصر
اسم مميز جدا اصحى يا مصر

تقديرى لفهمك المعنى
مع دعواتى بالرقى دائما"

ABOALI Says:

الى منى مدونة احاسيس

القله زاى الصورة اللى موجوده فى البوست

اللى انتى وصفتيه تقريبا الابريق

بس كله ماشى

اهم حاجة المعنى


لك التحية دايما

حاجــ عيال ــات Says:

وانا وصلت لبطن الزير

وعجبي

جنّي Says:

السلام عليكم

كيف حالك يا ابو علي ..

ميت قل واربعتاشر قصدي فل ..

حلوة قوي بجد ..

وممكن اقولك من فات قديمه تاه ..

دا مش تاه وبس دا مات كمان ..

ولا عزاء للقلل ..

شموسة Says:

ابو علي ...
العيب في القل مش في القله وبعدين مايشوف نفسه الاول ...
هو مش بردة من نفس الجنس ولا هي قله وهو حاجة تانية ...

تحياتي لك ولموضوعك الشيق
وحشتنى كتباتك جدا
شموسه

ABOALI Says:

الى حاجات عيال

ياااااااا شديد انت
لوحدك
يا بختك يا عم



تحياتى

ABOALI Says:

الى جنى

يااااااااااه معقولة
مش معقول
حتى الجن عاجبهم القلل
ياااااااااااا عينى

يا باشا اسعدتنى



تحياتى الراقيه

ABOALI Says:

الى شموسه
من ارى ومن اسمع ومن اشاهد

كيف حالك يا شموسة
اول رأى بعد الغيبة
رأى متحيز كده
وهان عليكى القل
بالسهولة كده

روحى منك لله


نورتينى وفينك

شموسة Says:

بخير انا الحمدلله
المهم انت ؟
رأئي مش متحيز ولا حاجة
بس دى الحقيقة
ليه كتير من القلل مش عايز يشوفها؟
زى ماهو بيبص لزجاجة المياة المعدنية ، هي كمان عايزة تشوف منظر حلو وشياكة وتعبئة ميه متميزة..
ولا ايه يا ايو علي؟

فكر فيها وخلي كل واحد منهم يكون مكان التاني ؟ وقولى ايه ا لنتيجة

أوكي؟؟؟؟

تحياتي ليك

المهاجر Says:

أكيد حضرتك تقصد القلة الكبيرة إللى كلنا عايشين فيها وكده يبقى مش المعنى إلى فى بطن الزير إنما القلة كلها فى بطن الزير .وأحب أبدى إعجابى الشديد بمدونة حضرتك بصراحه جميلة جدا.