يا مدلع يا شنبى

, الخميس، 12 مارس، 2009


نظرت الى شنبى مستغربا"

فوجدت فيه شعرة" بيضاء

فقلت فى نفسى

آهى علامات الرجوله

ام علامات الشقاء

فدققت النظر فوجدت اكثر من شعرة بيضاء

قلت يا محاسن الصدف

انه الاقتراب من الفناء

هههههههههههههه

فضحكت نفسى وقالت

لالالالالالالالالالالالالالالالا

مش معقوله يا متعتى فى كل ليلاء

لسه ياما فى العمر اياما" وبقاء

اممممممممممممممم

بجد

تهللت اساريرى ووقفت اُغنى فى صفاء

فنادى قلبى

يااااااااااااااااااااه

يا لك من مغفل

انا نور وضعنى فيك الرب الغفور

انتبه فهناك احتمال للبقاء والفناء

ولكن تذكر ان هناك الباقى يقضى وانت عليك القضاء

قولت سبحان الحى القيوم

تخدعنى نفسى وتغرر بى

فاستحلفت لها

فنظر الى العقل مبتسما"

انظر الى باقى شعر شنبك

اصتف فى علياء

وسيشن عليك الهجوم الكاسح

ويتغلل الى اعماق فمك

وتسقط صريعا" فلا نحو ولا صرف ولا ذكاء

اووووووووووووووووه

حواسى تهاجمنى
واو
فوجدت عينى تحتضنى

وتعطينى رموشا" ترفع عنى العناء

وكاءنها تقول لى

نحن حواسك فى خدمتك مادام فى العمر بقاء

فاستخدمنا فى الطاعة قبل الفناء

وها هى يدك

تستطيع العمل وبذل العطاء

ها هى رجلك

تمشى بها وتحصد الطاعات

وها هى اذناك

تسمع كل جميل وتعرض عن البغضاء

وها هو فمك

يتعطر من رائحة الكلم الطيب وبعيد" عن الفحشاء

وهااااااااااااااااااااا هو شنبك

الذى خفت عندما رايت فيه شعرة " بيضاء

يقف منتبها"

فاعتبره جنديا" تستخدمه

حين النظر اليه لتعرف ان الدنيا

ليست دار البقاء


وعجبىىىىىىىى
يا عم ابتسم

56 Response to "يا مدلع يا شنبى"

إيمان Says:

هههههههههه
هههههههههههه
خلق الله الشعر الأبيض
تذكرة للإنسان بأن العمر يمضى
وأن الموت ليس ببعيد
أول من ظهر الشيب فى رأسه على وجه الأرض
هو نبى الله إبراهيم عليه السلام
بجد بوست تحفه
موضوع أتحف
تسلم ايدك
وخللى بالك من الشعر الأبيض

طوبة ذهب وطوبة فضة Says:

ربنا يكرمك موضوع جميل ربنا يجعل عمرك واعمارنا طاعه فى سبيله

mohamed ghalia Says:

ههههههههههههههههههههه
أنا مبتسم أهو مش تقلق خالص
دمت فى سعادة

YARA Says:

هههههههههههههههههههههههههههههههه
يا عيييييييييينى عليك يا ابو على.
متخدش فى بالك يا عم شعر ابيض بقى وكده.
الاعمار بيد الله
ههههههههههههه
بس جمييييييييييل الموضوع والصورة كمان اللى انت حاططها معبرررررررره جدا.
اهم شىءفعلا انك دايما تكون مبتسم.

شمس النهار Says:

كل ده عشان شعريتين بيض طلعوا مع تقدم العمر
ده حتي الشعر الابيض رمز الحكمه والوقار
ربنا يديك الصحه والسعاده والستر

YARA Says:

بس صحيح كنت بتغنى تقول اييييييييييييه؟؟؟؟؟؟؟؟؟

ABOALI Says:

الى ايمان
يا راسى انتا يا عاقل
المشيب له تذكرة
والاجمل اننا نقترب
فهل نحن سعداء بالقرب

سوووووووووؤال الى نفسى

اشكرك

ABOALI Says:

الى طوبه من ذهب وطوبه من فضه

ياااااااااااااااه فكرتينى بالجنة
يارب يقربنا منها

واشكرك على مرورك

ABOALI Says:

الى محمد الغاليه

هوووووووووووو ده الكلام
احسن رجاله
ابتسم


تحياتى

ABOALI Says:

الى يارا

ههههههههههه
ماشى يا جميل بتتضحك هو يعنى علشان شعرك
اصفر وعيونك خضرا
ها تتكبرى على عباد الله


ماشى لينا رب اسمه الكريم


منور يا باشا بجد

ABOALI Says:

الى الحاجة شمس النهار

مااااااااااااشى يا حكيم
هو فعلا كده الكلام
اتفق واعترض واندد


بس يا ترى الريس مافيش شعر ابيض فى شنبه ليه


سؤال


تحياتى

ABOALI Says:

الى يارا
كلاكيت تانى مرة

كنت بغنى

يا شنبى يا مسيطتنى
يا شنبى يا رافع راسى
عاوز كده ادلعك
وتكون عنوان فخرى واعتزازى
وهديه منى ليك
غساله كريازى



ايه رايك بقى

YARA Says:

يا باشا يا باشا
وهديه منى ليك غساله كريازى .هى وصلت لكده
طب اشمعنا يعنى الغساله اكيييييييييد فى سبب؟؟؟؟؟؟؟
بس مش هتقل عليك يا ابو على وكفايه اسئله كده
لحسن كده (عيب عليه عيب)
سلالالالالالالالام

Lady E Says:

يا بختك يا ابوعلي في ناس بتروح تبيض شعرها وانتا الشعر الابيض جاي لحد عندك
الحياة والموت مش بالشعر الابيض ياما كتير ناس عايشين بس من جواهم مش عايشين احنا في دنيا مش مفهومة

بجد بوست جميل كالعادة

جنّي Says:

السلام عليكم

ازيك يا عمنا ..

عجبت ايما عجب فقد نسجت من شعرات الشنب كلمات تدور بين الفلسفة والعظة ..

وأنطقت رسائل الشيب لتقول ازف الرحيل والدنيا ليست بدار البقاء بعدما تتحول القوة الى ضعف وشيبة ..

( عيرتني بالشيب وهو وقار ليتها عيرتني بما هو عار ) .. وابتسم علشان الصورة

سلام

EMMY BABY Says:

هههههههههههههههههههههههههه عارف انا قريت الموضوع ضحكت قريت تعليقاتك فطست هههههههههه

بجد انت فظيع علشان تصدقنى يا جدووووووو لما اقلك انك عجوز

ايوة كدة علشان معجبكشى انكل فرقيتك لجدو

وكل لما تعترض هكبرك اكتر

بس بجد والله بوست جميل بما يحمله من تذكرة بين سطوره

ربنا يكرمك يارب ويديم عليك الرضا والتفاؤل

احنا مفروض يابنى نعملك حاجة زى مثلا الاخ الروحى للمدونين

ههههههههههههههههه اخ اخ زى بعضه

تحياتى

ايمى

hasona Says:

السلام عليكم

هي تخدع في بعض الاوقات


سمعت هذا الحديث قدسي ( الشيب نور من نوري فكيف ارحق نوري بناري )

اذا الشعرة البيضاء في الليلة السوداء
لها دلالة
فابتسم

واقترب من الله أكثر وأكثر


موضوعك جميل
تحياتي

dodda Says:

:0)))))

انا لو مكانك احلقه
بدل ما تقعد تبصله ويجيبلك حول!!!!

ماما أمولة Says:

ابو علي يا مدلع شنبك

الشعر الابيض وقار وهيبة واتزان

عقبال ماتلاقيه في حواجبينك كمان

بجد بوست رائع يعدد نعم الله علينا

وكيفية الانتفاع بها وتسخيرها لطاعة الله مادام في العمر بقية

جزاك الله كل الخير يا ابو علي

دمت بحفظ الله ورعايته

عاشقه وغلبانه Says:

(ابتسامه حلوه ) علشان خاطرك انت بس والله

وبعدين مش عاجبك الشعر الابيض انت مش زمالكاوي ولا ايه..؟؟


الشباب شباب القلب
ههههههههههههههههه

BAsMA Says:

ههههههههههههه

جميل اوى
وماله الشعر الابيض
اهو كله شغال

mahasen saber Says:

واشتعل الرأس شيبا

المشيب بيدى وقار بيقولوا كده

بس الكارثه مع الستات بيدى ايه
حسره على العمر اليى راح وحرقت الاعصاب

ربنا يبارك فى شنب وعمر حضرتكم

blue-wave Says:

هههههههههههههههه
الله عليك يابوشنب
قصدى يابو على:))

ABOALI Says:

الى يارا
كلاكيت ثالث مرة

اكيد فى سبب فى الغساله
خايف على لون شنبى
فبغذيه بالمسحوق لاتوماتيك


بلاش بقى الرابسو اللى بتغسلى بيه شعرك
عيب عليك عيب

وكمان ازى تقولى على الريس انه جحش صغير

عيب عيب عيب

فكرى كده هتلاقيه انه كبر


تحياتى

ABOALI Says:

الى ليدى E

حتى دى فيه حسد ونظر اه اه
هانروح منك فين
كفايه كده يا عين


الناس الوان وشنب برضوا

ابتسمى بس وسيبك

ABOALI Says:

الى جنى

الله عليك يا حبيب والديك
ايه الكلام الكبير ده

ربنا يباااااااااااااااارك
يا جنى

تحياتى لقمك الذكى

ABOALI Says:

الى ايمى يببى

جدوووووووووووووو
يا عينى
بصى يا حفيدتى
انا يسعدنى انى اكون جدك ويشرفنى كمان
يلالالالالالالالالالالالالالالالا يا بت على بتكوا

هههههههههههه

تؤتؤ لاء لاء
انتى زهرة المدونات


ولا ايه

ABOALI Says:

الى حسونه

يا عينى عليك يا عاقل

المشيب علامة للقرب اكيد


تحياتى للفهم المتميز

ABOALI Says:

الى دودا

و اهون عليكى يا دودا
وبعد لما احلقه
اعمله قوصه

يااااااااااااا عينى


تحياتى

ABOALI Says:

الى ماما اموله

ههههههههههه
يا شنبى يا شنبى

الشعر الابيض كمان فى الحواجب
ياااااااااااااه ده يبقى قربنا خالص مالص


تحياتى لشخصك الكريم

ABOALI Says:

الى عاشقه وغلبانة

ياااااااااااا غلبان وعاشق الزمالك
وبتفكرينى بيه كمان

طب قولى زاى اللبن
وبلاش الزمالك اصلى كله مقالب


تحياتى يا عاشقة وغلبانة

ABOALI Says:

الى بسمه

ياااااااااعينى
كله شغال
تيجى انا وانتى نرمى طوبه علشان يوقع

فكرى وقوللى

ههههههههه


تحياتى

ABOALI Says:

الى الاخت محاسن
ربنا يبارك فى شعر سيادتكم
وما ضاع شعر ورائه صبغه تلونه باءى لون


انتى جايه اشتغلى ايه



تحياتى

ABOALI Says:

الى بلو ويف

ماااااااااااشى يعم
شمتان فى شنبى
وبتشتمنى بيه

روح كده وانت شنبك قصير ومعضعض

هههههههههه


تحيتى

سكينة Says:

ضحكت بجد عشان من زمان ما سمعتش راجل واخد باله من شنبه
:)
أنا بحكم وضعي بقول لك ولنفسي أن الشيب وقار وبندفع ثمنه يعني مش ببلاش وباستغرب من الناس اللي مموتة نفسها صبغات تنكر أنها تكتسب خبرات

موناليزا Says:

صياغة موضوع حيوى بأسلوب طريف
والصورة كمان(واجهة الموضوع) معبرة جدا:)
اللهم اجعل طاعتك احب الاعمال الى قلوبنا
بالتوفيق دائما

جارة القمر Says:

بوست حلو اوي
طريقتك حلوة اوي في عرض المواضيع
بس اقولك (ربنا يحسن ختامنا)
تحياتي لك

دعاء مواجهات Says:

جميلة هى كلماتك

تحمل المزيد من حكم السنون

تحياتى ومودتى

hager Says:

هههههههههههههههههه
هههههههههههههههههههههه
وماله :D :D

ABOALI Says:

الى سكينه
ايوه كده فين السكينة والهدوء من زمان
المدونه بالاصاله عن كتابها يحتاجون السكينة
واسعدنى مرورك من هنا وتعليق
ولا تتطيلى الغياب

تحياتى

ABOALI Says:

الى جارة القمر
هل تقبلينى جار" مثلك
ام القمر يجمع الاقمار فقط

اشكرك

ABOALI Says:

الى دعاء مواجهات

الاجمل هو مواجهاتك
وانا عارف الصعوبات اللى واجهتيها فى المرور من هناااااااا
ههههههههه

تحياتى

ABOALI Says:

الى هاجر

فى مانع لا سمح الله


تحياتى

رندا Says:

هههههه
ههههههههه
مين الى شيبك يابوعلى جرالك اية مش كنت بتضحك على طول انا اسمع ان المتفائل مش بيبيض شعرة
بس كويس انها واحدة بس فى الزمن دة
انت اجمل قلب والله
بفرح كطفلة بقدومى الى هنا
تحية عطرهـ عطرها يعانق السماء
ومش قادرة ارد على كلماتك الرائعة عندى بجد ربنا يسعدك زى لما بتسعدنى بكلماتك الرقيقة
دمت بقلب طاهر جميل
:)

ايوشة Says:

هههههههههه بوست جميل مفكرتش فى موضوع الشعر الابيض ده لسه بس اكيد لو ابتدا يظهر هزعل جداااااااااا:(

Amimo Says:

موضوع جميل وجزاك الله خيرااااا

عاشقه الرومانسيه Says:

لالالالالالالالالالا
الشعرتين البيض دول عاملين شغل جامد معاك ياابو على
لدرجه انك تكتب عنهم
هههههههههههههه
انت خلاص كده راحت عليك ولا ايه؟
اوعى تكون بتلعب فى الوقت الضايع
هههههههههههههههه

فكرتنى ببيت شعر مش فاكره مين اللى قاله

عيبتنى بالشيب وهو وقار
ياليتها عيرت بما هو عار

dalia Says:

أبو علي

عنوان كله مزيكا ، الموضوع كالعادة فيه تأمل وعبرة عن البقاء والفناء شكرا ليك يارب يجعل آخر أعمالنا خواتيمها ويرزقنا واياك الجنة
تحياتي الراقية

ABOALI Says:

الى رندا زهرة الوادى

ماذا اقوووووووووولوا
لكلمات" فاح عبيرها واستنشقت اريجها



تحياتى

ABOALI Says:

الى ايوشه
ابقى بلغينى لما يظهر
علشان ننظم القوافى ونقيم الليالى


ولا ايه

تحياتى

ABOALI Says:

الى amimo

اشكرك مع تمنياتى بكل الخير لك


تحياتى

ABOALI Says:

الى عاشقه الرومانسية

استرى عليا الله يسترك
الشعر الابيض فى الشنب
دليل انى الهرم وقع

ههههههههه
على راى عادل امام


تحياتى

ABOALI Says:

الى داليا الراقيه

يا باشا دايما تنورنى واشتاق على نسمات حروف كلماتك
يااااااااافاهم انتا


تحياتى

ABOALI Says:

الى موناليزا

اعتذر بشده وعنف
لم اشعر اننى قد فاتنى التعليق على تعليقك بصدق
ارجو ان تتقبلى اعتذارى

مع شكرى لرايك فى الموضوع طبعا


تحياتى

من غير عنـــوان Says:

حلـــــــــــــــوة

ABOALI Says:

الى من غير عنوان
اشكرك
فكلنا حلاوة ولكن لا نراها

تحياتى